Ethiopian Press Agency/Tigrigna, Ethiopian, Addis Ababa (2026)

05/08/2026

ካብ ቀዳማይ ሚኒስትር ኣብይ ኣሕመድ(ዶ/ር) ንመናእሰይ ዝተመሓላለፈ መልእኽቲ

“ኽቡራት ኢትዮጵያውያን መናእሰይ፤ እዚ ኽረምቲ ብኸንቱ ክሓልፍ ክፈቀደሉ ዘይግባእ ዓብዪ ዕድል ሕዚ መፂኡ ኣሎ። ኮርስታት 5 ሚሊዮን ኮደርስ ብነፃ ዝርከቡ እንትኸውን፤ ዝወሃብ ወረቐት ምስክር 'ውን ዓለም ለኻዊ ኣፍልጦ ዘለዎ 'ዩ።

5 ሚሊዮን ኢትዮጵያውያን ቐዲሞም ወሲኖም 'ዮም፤ ሕዚ ድማ ናትኩም ተራ 'ዩ!”

🔗ሕዚ ተመዝገቡ፡ ethiocoders.et

መናእሰይ ኣብዚ መርሃግብሪ ስልጠና ንምስታፍ ኣብ ethiocoders.et ምምዝጋብ ይኽእሉ 'ዮም።

05/08/2026

“ሃገራዊ ኸይዲ ምኽክር ናብቲ ዋና ጉባኤ ንምስግጋር ኣብ ናይ መወዳእታ ምዕራፍ ይርከብ”
- ፕሮፌሰር መስፍን ኣርኣያ

+++++++++++++++++

| ኸይዲ ሃገራዊ ምኽክር ናብቲ ዋና ናይ 500 ጉባኤ ንምስግጋር ኣብ ናይ መወዳእታ ምዕራፍ ምብፅሑ ዋና ኮሚሽነር ኮሚሽን ሃገራዊ ምኽክር ፕሮፌሰር መስፍን ኣርኣያ ገሊፆም።

እቶም ኮሚሽነር ኸይዲ እቲ ምኽክር ዝበፅሐሉ ደረጃ ብዝምልከት ኣብ ዝሃብዎ ጋዜጣዊ መግለፂ፤ ኣብ ሃገራዊ ኸይዲ ምኽክር ብ16 ንኡሳት ጉጅለታት ዝተኻየዱ ምኽክራትን ውሳነ ሓሳባትን መጠቓለሊ ስራሕቲ ተዛዚሙ ናብቲ ናይ 500 ዋና ጉባኤ ንምስግጋር ኣብ ናይ መወዳእታ ናይ ፌርማን ፅሑፍን ምፅዳቕ ኸይዲ ምብፅሑ ኣፍሊጦም።

ሕድሕድ 250 ኣባላት ዘለዉዎ ጉጅለን ዝተወከሉ 16 ንኡሳት ጉጅለታት ብዝተመደቡሎም መተሓባበርቲ ኣቢሎም ብሓባር ዝተስማዕምዑሎም መመያየጢ ኣጀንዳታትን ውሳነ ሓሳባትን ኣብ ምዝዛም ከምዝርከቡ ሓቢሮም።

እዚ ኸይዲ ምስተዛዘመ 'ውን ዝተኣከቡ ሓሳባት ናብቲ ዓብዪ ናይ 500 ጉባኤ ብምስግጋር ኣብ ሕድሕድ ኣጀንዳ ዝርዝር ምይይጣት ከምዝግበሩ ኣብሪሆም።

ኣብ ኸይድታት ስልጠናን ምኽክርን ውሽጢ ተሳትፎ ተሳተፍቲ ኣዎንታውን ናብ ምርድዳእ ዘምርሕን ምዃኑ ዘመላኸቱ እቶም ዋና ኮሚሽነር፤ ሓደ ሓደ ኣብ ሓሳባቶም ተወሳኺ መብርህን ፅርየትን ዝደልዩ ብምዃኖም እቲ ኸይዲ ብእኹል ጥንቃቐን ፃዕርን ንኽሓልፍ እናተገበረ ምዃኑ ተዛሪቦም።

++++++++++++

05/08/2026

ሓምለዋይ ዓሻራ ንኹሉ ዜጋ ዘተኣሳስር ኻልእ ዓወትና...
++++++++++++++++

| ኣብ ኢትዮጵያ ብእሴት 'መደመር' ዝተመዝገቡ ዓበይቲ ዓወታት ኹሎም ሓደ ሓባራዊ መሰረት ኣለዎም። ዓወት ዓድዋ፣ ግድብ ህዳሰ፣ ሓምለዋይ ዓሻራ፣ ሌማት ትሩፋትን ልምዓት ስርናይ መስኖ ሓጋይን ኣብ ዝተፈላለዩ እዋናት ዝተኻየዱ እንተኾኑ 'ውን ሓደ ዓብዪ ሓቂ የረጋግፁ።

ኢትዮጵያውያን ብኣተሓሳስባ 'መደመር' ብምትሕብባርን ሓቢርካ ደው ብምባልን እንትውስኑ፣ እንትተሓባበሩ እንታይ ክገብሩ ከምዝኽእሉ ንኣፍሪካን ንዓለምን ከርእዩ ኽኢሎም 'ዮም። ሎሚ 'ውን ኢትዮጵያ ትዛረቦ ትፍፅም ሃገር ምዃና 'ውን ኣመስኪራ 'ያ።

#ሓምለዋይዓሻራ ካብ ተኸላ ፈልሲ ብዝዘለለ ተስፋ፣ ሓድነት፣ ፍቕሪ ሃገርን ንቐፃሊ ወለዶ ዘላቒ ሃፍቲ ናይ ምግዳፍ እሴት ዘጠናኽር ሃገራዊ ጎስጓስ 'ዩ። ዓወት ሓምለዋይ ዓሻራ ኢትዮጵያውያን ምዝራብ ጥራሕ ዘይኾነስ ብ'መደመር' ዝተለምናዮ ምትግባር ከምዝኽእሉ ኣርእዮም 'ዮም።

ቕድሚ ዓመታት ኣብ ዓድዋ ዝተረኸበ ታሪኻዊ ዓወት ብልዕልነት ኣፅዋር ጥራሕ ዝተመዝገበ ኣይነበረን። ሓድነት ህዝቢ፣ ጥበብ መራሕትን ፍቕሪ ሃገርን ዘርከቦ ዓወት 'ምበር። እዚ ዓወት ኢትዮጵያ ነፃነት ካብ ምሕላው ብተወሳኺ ንመላእ ኣፍሪካ ተስፋ ነፃነት ዘብርሀ 'ዩ ነይሩ።

ሎሚ 'ውን እዚ ተግባር ኣብ ዝተፈላለዩ ዓውድታት ልምዓት እናቐፀለ ይርከብ። ኣቦታትና ኣብ ዝተፈላለዩ ዓውድታት ዓወት ብምምዝጋብ ሃገርና ናብ ሎሚ ኣብፂሖምዋ 'ዮም፤ ንሕና 'ውን ካብዚ ዝሓሸ ተስፋ ንዝህልው ወለዶ ንምውራስ ፈልሲ እናተኸልና ንርከብ።

ኣብ 2011 ዓ.ም ዝተጀመረ ብተሳትፎ መላእ ህዝቢ ብቢልዮናት ዝቑፀሩ ፈልስታት ብምትካል ሽፋን ደኒ ንምዕባይ፣ ለውጢ ነባሪ ኣየር ንምፅዋር፣ ዝዓረቑ መሬታት ንምልማዕን ንቐፃሊ ወለዶ ሓምለዋይ ሓድጊ ንምርካብን ዘኽኣለ ተግባር 'ዩ።

++++++++++++++++++++
#የኢትዮጵያ #ዓድዋ #ግድብህዳሰ #ሓምለዋይዓሻራ #ኢትዮጵያ

05/08/2026

ኣብ ክልል ኣምሓራ መሰረተ ልምዓት፣ ዲጂታል ቴክኖሎጅን ዕብየት ኢንዱስትሪን ብተግባር ዘረጋገፁ ዓበይቲ ውፅኢታት ልምዓት ብዝምልከት ቀዳማይ ሚኒስትር ኣብይ ኣሕመድ(ዶ/ር) ምስ ኣሚኮ ኣብ ዝነበሮም ፃንሒት ካብ ዘካፈልዎ......

📌 ምሉእ ኸይዲ ንምርዳእ ነቶም ምስልታት ተመልከቱ!

05/08/2026

ምምቓል ዕጡቓት ህወሓት - ምልክት ምፍራስ «ፅምዶ»
++++++++++++

| ሓበሬታታት ከም ዘመልክትዎ ካብ ድሌትን ዕላማን ህዝቢ ትግራይ ወፃኢ ተመስሪቱ ዝነበረ «ፅምዶ» ዝተበሃለ ጉጅለ እናፈረሰ ምዃኑን ናይ ህወሓት ወታደራዊ ክንፊ’ውን ኣብ ክልተ ምምቃሉን መፃኢ ፖለቲካዊ ኣንፈት እቲ ክልል ናይ ናብ ሓድሽ ምዕራፍ ንክምርሕ ከምዝገብሮ ይግለፅ ኣሎ፡፡

ጉጅለ ህወሓት ሐዚ ‘ውን ብሓይልን ብግፍዕን ስልጣን ካብ ምሓዝ ሓሊፉ ኣብ ዝተፈላለዩ መድረኻት ጎስጓስ ኲናት የካይድ ኣሎ፤ እቲ ዝተለመደ ደርፊ ኲናት እናኸፈተ ውሑዳት ናይ ብልቦም ይኹን ናይ ቃልዓለም ክስዕስዑ ክብሉ ይርኣዩ ኣለው።

ኣቐዲሙ ብሓደ ሽም ይንቀሳቐስ ዝነበረ ዕጡቕ ህወሓት ካብዚ ቐረባ እዋን ጀሚሩ ኣብ ክልተ ምምቃሉ ናይ ትግራይ ወታደራዊ ምስሊ ምሉእ ብምሉእ ካብ ምቕያሩ ሓሊፉ ናይቲ ጉጅለ ምፍራሱ ውድቀቱ ፖለቲካ እቲ ክልል ከም ዘመላኽት መንእሰያትን አንቃሕቲ ማሕበራዊ ሚዲያ ይዛረቡ።

ማሕበራዊ ኣንቃሒ መንእሰይ ፀጋልኡል በርሀ (ኣሀዱ ሾው) «ፅምዶ» ብዝብል ስም ዝፍለጥ ዝነበረን ብውሑዳት ፅንፈኛታት ዝተዋደደን ጉጅለ እናፈረሰ ከምዝርከብ የረድእ፡፡ መራሕቲ ህወሓት ንህዝብን ንመንእሰይን ናብ ሓድሽ ኲናት ንምድጓን ዝሸባሸብ ዘሎ ጉጅለ ፖለቲካዊ ኣንፈቱ እናተሸረሸረ ይመፅእ ኣሎ። እቲ ሐዚ ዝገብርዎ ዘለዉ ዓቕሊ ፅበት ዝመልኦ ግፋን በዝሒ ኣኼባታትን ምልክት ‘ዩ ክብል ይዛረብ፡፡

መራሕቲ ኣብዚ ቐረባ እዋን ንህዝቢ ኣብ ዝተፈላለዩ ቦታታት ኣኪቦም ኣብ ዝገበርዎ ሰፋሕቲ ጉባኤታት ብሓደ ወገን ንኲናት ምድላዎም ፤ብኻልእ ወገን ድማ «ፀረ-ድሮን የብልናን» ብምባል ንህዝብን ንመንእሰይን ከም ሽፋን ንምጥቃም ዝኸይድዎ ዘለዉ መገዲ ናይ መወዳእታ ብርኪ ስእነት ተስፋ ዘመላኽት ‘ዩ ይብል፡፡

ኲናት ንመንእሰይ ትግራይ ኾነ ንመላእ ህዝቢ ኢትዮጵያ ጠቓሚ ነገር ከም ዘየምፅእ ዝተረድኡ መንእሰያት እቲ ክልል ሐዚ ዘሎ ኩነታት «ናብ መወዳእታኡ እናቐረበ ‘ዩ» ዝብል እምነት ኣለዎም ይብል።

«ሓይሊ ሰላም ትግራይ» ብዝብል ስም ዝፍለጥን ኣካል «ካብ ሐዚ ንደሓር ጥይት ኣይንተኩስን፤ መስዋእቲ ህዝቢ ትግራይ ይኣክል» ብምባል ዝወሰዶ ውሳነ፤ ኣብ ህዝቢ ትግራይን መንእሰያትን ዘሎ ኲናት ናይ ምፅላእን ድልየት ሰላምን ዘርኢ ‘ዩ ክብል ይዛረብ፡፡

ብኣንፃሩ ሐዚ ‘ውን ኣብ ትግራይ ምንቅስቓስ ዝገብር ዘሎ ናይቲ ጉጅለ ሓይሊ፤ ብድልየት ህዝቢ ዘይኮነስ ብውሑዳት መራሕቲ እቲ ጉጅለ ረብሓን ስምዒትን ብብሔረተኝነት ከም ዝምራሕ እቲ መንእሰይ ይገልፅ፡፡

መንእሰይ ማሕበረሰባዊ ኣንቃሒ ሃይለኪሮስ ረዳኢ ብወገኑ፤ ኣብ ክልል ትግራይ ካብ 2013 ዓ.ም ጀሚሩ ዝተወልዐ ኲናት ኣብ ህዝቢ ከቢድ መከራ፣ ስቅያትን ብዙሕ ናይ ህይወትን ንብረትን ኪሳራ ከም ዝሰዕበ ብምዝኽኻር፤ ሰራዊት ምክልኻል ሃገር ካብቲ ክልል ምስ ወፀ ድሕሪኡ’ውን እቲ ኲናት ናብ ጎረባብቲ ክልላት ኣምሓራን ዓፋርን ምስፍሕፋሑ ናይቲ ህዝቢ ስቓይ ከም ዘጋደዶ ይዛረብ።

መንግስቲ ጉዳይ ዶብ ኤርትራ ብስምምዕ ንምፍታሕን ትግራይ ናብታ ዝነበረታን ዝሐሸ ኩነታት ንምምላስ እንተንቀሳቐሰ ‘ኳ፤ ኣብዚ ሐዚ እዋን እቲ ጉጅለ ኣብ ክልተን ሰለስተን ተመቒሉ ነንርእሱ እናተናቖተ እቲ ክልል ናብ ዝገደደ ወጥሪ እናእተዎ ይርከብ ክብል ይሕብር።

ህዝቢ ትግራይ ኰነ መላእ ህዝቢ ኢትዮጵያ ክግንዘቦ ዘለዎ መሰረታዊ ሓቂ እቲ ጉጅለ ስልጣንን ዓቕምን ኣብ ዝነበሮ እዋን ‘ኳ ኣብ ልዕሊ ህዝቢ ካብ ምሽራሕ ሓሊፉ ንህዝቢ ጠቓሚ ኣብ ዝኾኑ ስርሕቲ ልምዓት ኣይተሳተፈን ዝብል መንእሰይ ሃይለኪሮስ፤ ኣብ ክልል ትግራይ ብትምህርቲ፣ ብጥዕና፣ ብሕርሻን ብፀጥታን ዝተሰርሑ ቀንዲ ስርሕቲ ልምዓት ብፌደራል መንግስቲ ዝተፈፀሙ ‘ምበር ብውድብ ብኣመራርሓ ህወሓት ዝተመዝገቡ ኣይኮኑን ክብል ይዛረብ።

ኣብቲ ክልል ዝንቀሳቐስ ዕጡቕ ሕጋዊ መሰረት የብሉን ዝበለ እቲ መንእሰይ፤ ትግራይ ሓንቲ ኣካል ኢትዮጵያ እናሃለወት «ሰራዊት ምክልኻል ትግራይ» ዝብል ዘይሕጋዊ ሽም ብምሃብ ንመንእሰይ ኣዕጢቑ ናብ ሓዊ ካብ ምእታው ሓሊፉ ኣብ ዓዲ ግራት፣ ኣብ ገረዓርታን ኣብ ካልኦት ከባቢታትን ንህዝቢ ናይ ምፍርራሕ ስርሕ ክሰርሕ ፀኒሑ ‘ዩ ክብል ይዛረብ።

መራሕቲ እቲ ጉጅለ ቀደም ኣትሒዞም ዝነበሮም መደብ ምስ ሱዳን፣ ምስ ጂቡትን ምስ ኤርትራ ጎንፂ ምፍጣርን ዞባዊ ፅዕንቶ ናይ ምግባር እከይ መደብ ከም ዝነበሮም ዝዛረብ እቲ መንእሰይ፤ ዕድመ ህዝብን ንብረትን ከም ዝጠፍአ እናፈለጡ ንህዝቢ ብሰለስተ መገድታት ንምጥፍእ ይንቀሳቐሱ አለዉ ይብል።

ቀዳማይ ናይ ርሑቕ ፀላኢ ብምፍጣር ህዝቢ ብተዘዋዋሪ መገዲ ክጠፍእ ምግባር፣ ካልኣይ ብቐጥታ ብኢዶም ህዝቢ ንጥፍኣት ምቅላዕ፣ ከምኡውን ተስፋ ዝቖረፀ ወለዶ ክበራኸት እሞ መሬትን ህዝብን ትግራይ ንናይ ባዕሎም ፖለቲካዊ ቁማር መሸጣ ምግባር ምዃኑ እቲ መንእሰይ የረድእ።

እቲ ጉጅለ ነዚ ኣሰራርሓ እዚ ዝቃወም ኣተሓሳሰባ ዘለዎም ተወለድቲ ትግራይ፣ ጋዜጠኛታትን ኣክቲቪስታትን ናይ ምእሳርን ምንግልታዕን ስጉምቲ ይወስድ ኣሎ፤ ቀንዲ ዕላማ ህወሓትን ደገፍቶምን ኣብ ትግራይ እንደገና ኲናት ብምውላዕ፣ እቲ ኲናት ዞባዊ መልክዕ ክህልዎ ምግባርን ካብ ዘላምበሳ ክሳብ ተምቤን፣ ሽራሮን ዓድዋን ተዋፊሮም ብሓይሊ ንምፅናሕ ‘ዩ ክብል ይዛረብ።

ዕላማ እቲ ጉጅለ ህዝቢ ትግራይ መቃለሲ ብምግባር መንግስቲ ኢትዮጵያ ስጉምቲ ንኽወስድ ሰበብ ምፍጣር፣ በዚ ኣቢሉ ድማ ብብርኪ ሃገር ዓብይ ፖለቲካዊ ክሳራ ከም ዝበፅሕ ምግባር፣ ማሕበረሰብ ዓለምን ኤምባስታትን ኣብ ልዕሊ ኢትዮጵያ ፀቕጢ ንኽፈጥሩ ምግባር፤ ደገፍቲ ዲፕሎማሲን ልምዓትን ኢዶም ካብ ልምዓት ኢትዮጵያ ንኽልዕሉ ምግባር፤ ከምኡ’ውን ኢትዮጵያን ከባቢ ዕግርግርን ቁርቁስን ኮይና ክትተርፍ ምግባር ምዃኑ ይገልፅ።

እዚ እከይ ኣሰራርሓ እዚ ጉጅለ ህወሓት ጥራይ ዘይኰነስ ሕቡእ ድሌት ታሪካዊ ፀላእቲ ኢትዮጵያ ኣፈፃሚ ምዃኑ ተረዲኡ ሐዚ ግቡእ ጥንቃቐን ሓበሬታን ብምርካብ ነቲ መሰረት ኣልቦ ‹‹ፅምዶ›› ኣብ ምፍራስ ዝርከብሉ እዋን ከም ዘሎ ሎምቅነ መራሕቲ እቲ ጉጅለ ምስ መንግስቲ ኤርትራ ኣብ ዝነበሮም ውሽጣዊ ዘተ ዝወፀ ሓበሬታ ከም ዘመላኽት መንእሰይ ሃይለኪሮስ ይዛረብ፡፡

ሄርሞን ፍቃዱ
+++++++++++++
#ትግራይ #ፅምዶ #ዘላቒሰላም

05/08/2026

ሃገራዊ ምኽክር - ፖለቲካዊ ዘይምርድዳኣት ብሰላማዊ መገዲ ናይ ምፍታሕ ታሪኻዊ ዕድል
++++++++++++

| ኣብ ኢትዮጵያ ንዘመናት እናተንከባለሉ ንዝመፅኡ ትርኽታዊ፣ ፖለቲካውን ማሕበራውን ዘይምርድዳኣት ብመድረኽ ምኽክር ንምፍታሕ ዝተጀመረ ኸይዲ ሃገራዊ ምኽክር ተስፋ ፖለቲካዊ ተወዳደርቲ እናለምለመ ይርከብ።

ኣብቲ ኸይዲ ዝተሳተፉ ኣመራርሓታት ፖለቲካዊ ፖርቲ፣ እቲ ምኽክር ዕጫ ሃገርና ካብ ጎንፅን ዕንወትን ናብ ዘላቒ ሰላምን ልምዓትን ንምቕያር ዘኽእል ታሪኻዊ ዕድለ ምዃኑ ገሊፆም።

ኣብቲ ኸይዲ ምኽክር ዝተሳተፉ ዋና ፀሓፊ ዴሞክራ ፓርቲ ትግራይ(ትዴፓ) ኣይተ ሙሉብርሃን ሃይሌ ንጋዜጣ ፕላስ ከምዝገለፅዎ፤ ንሃገርና ንነዊሕ እዋን እናተፈታተኑ ዝፀንሑ ፀገማት ጎንፅታት ሕድሕድን ዘይምድምማፅን ዝፍትሑ ብጉልበት ዘይኾነስ ብሰላማዊ ዝርርብን ድርድርን 'ዩ።

ኸይዲ ሃገራዊ ምኽክር ካብ ዝነበርናዮ ዕንክሊል ወፂእና ዝተረጋግአ ዴሞክራሲያዊ ስርዓት ካብ ምህናፅ ብዝዘለለ፤ ንቐርኒ ኣፍሪካን ዞባ ምብራቕ ኣፍሪካን ዘላቒ ሰላም ዓብዪ ኣዎንታዊ ብኣበርክቶ ይህልዎ ኢሎም።

“ብኹሉ ነገር ዋላ እንተዘይተስማዕማዕና ኣብ ቐንዲ ቐንዲ ጉዳያት ክንስማዕማዕ ንኽእል ኢና፤ ስለዚ ኣብቲ ምይይጥ ዘይተሳተፉን ኣብ ወፃኢ ዝርከቡን ፖለቲካውን ዕጡቓት ሓይልታትን ነቲ ዝቐረበ ፃውዒት ሰላም ብምቕባል ናብቲ መድረኽ ምይይጥ ኽመፁ ይግባእ” ክብሉ ፀዊዖም።

ምክትል ፕሬዝዳንት ፓርቲ ብሄራዊ ሓድነት ኢትዮጵያ(ኢብኣፓ) ፓስተር በየነ ደሳለኝ ብወገኖም፤ እቲ ኸይዲ ምኽክር ልዕሊ ዝተፀበይዎ ብፅቡቕ ኩነታትን ኣቀራርባን እናተኻየደ ምዃኑ ገሊፆም።

ድሕሪ እቲ ምኽክር ሰላማ ዝተሓለወን ዝበረኸትን ሓዳሽ ኢትዮጵያ ናይ ምርኣይ ፅኑዕ ተስፋ ከምዘለዎም ገሊፆም። ፖለቲካዊ ፓርትታት ካብ ምንፅፃል ብሓድነት ተኣኪቦም ኣብ ዕብየት ሃገርን ሓባራዊ ጉዳያትን ብምምኽኻር ንሃገርና ናብ ቐፃሊ ከሳግሩዋ ከምዘለዎም ተዛሪቦም።

ሃገርና ንኲናትን ጎንፅን ተውፅኦ ልዑል ሃፍትን ወፃእን ክተርፍ ብምግባር፣ ሃፍቲ ተፈጥሮኣን ማዕድናን ብምጥቃም ናብ ልምዓት፣ ኢንዱስትሪን መነባብሮ ዜጋታት ናብ ምምሕያሽን ክትዞር ከምዝግብኣ ኣተሓሳሲቦም።

+++++++++++++++++
#ኢትዮጵያ #ዘላቒሰላም #ፖለቲካዊውድድር

05/08/2026

ከመይ ሓዲርኩም?
- https://press.et/e-paper

04/08/2026

ብስእነት ሰላምን ግፋን ዝተመዛበሉ መናእሰይ ትግራይ ደገፍ ከምዘድልዮም ተገሊፁ
++++++++++++
|ጉጅለ ነበር ህወሓት ኣብ ትግራይ ብሰንኪ ዝፍፅሞ ዘሎ ግፋ መናእሰይን ስእነት ሰላምን ናብ ማዕኸል ዓዲ ዝተመዛበሉ መናእሰይ ንኢኮኖሚያዊ ፀገም ይቃልዑ ብምህላዎም ብዝተፈላለየ መንገዲ ደገፍ ከምዘድልዮም ምኽትል ፕሬዝደንት ውድብ ባይቶናን ሓላፊ ቤት ፅሕፈት ቤት ምኽሪ ሰላምን ለውጥን ኣይተ ዮሴፍ በርሀ ገሊፆም።

ኣይተ ዮሴፍ ምስ ጋዜጣ ወጋሕታ ኣብ ዝነበሮም ፃንሒት ከምዝገለፅዎ፤ ብሰንኪ ኣብ ትግራይ ብዘሎ ግፋ ናብ ማእኸል ዓዲ ብፍላይ ናብ ኣዲስ ኣበባ በቢመዓልቱ ብእግሩ 'ውን ከይተረፈ ካብቲ ክልል ዝመፅእ ዘሎ መንእሰይ ኣሎ።

ከም ገለፃ ኣይተ ዮሴፍ፤ መንእሰይ ትግራይ ናብ ሱዳን ወይ ናብ ኤርትራ ዘይኮነ ዝሃደም ዘሎ ናብ ማእኸል ዓዲ ናብ ኣዲስ ኣበባ 'ዩ። ነዚ ዝመረፀሉ ድማ ናይ ባዕሉ ምኽንያት ኣለዎ። ኢትዮጵያ ሃገረይ 'ያ። መንግስቲ ኣሎ 'ዩ። ዝሓሸ ህይወት ክረክብ ይኽእል 'የ ብዝብል 'ዩ። ይኹን ‘ምበር ክሳብ ሐዚ ማንም ቁሊሕ ኢሉ ዝረኣዮ የለን።

እቲ መናእሰይ ካብ ትግራይ ናብ ኣዲስ ኣበባ ክምፅእ ከሎ ምንም ከይሓዘ ሃዲሙ 'ዩ ዝበሉ ኣይተ ዮሴፍ፤ ብኸምዚ ናብ ማእኸል ዓዲ ዝበፅሕ ዘሎ መንእሰይ ግን ምንም ዝተገበረሉ ነገር ከምዘየሎ ገሊፆም።

እቲ ኣብ ከቢድ ፀገም ዘሎ መንእሰይ ብፍሉይ መንገዲ ወዲብካ ናብ ስራሕቲ ክዋፈር ምግባር ኣድላይ ከምዝኾነ 'ውን ኣይተ ዮሴፍ ወሲኾም ኣብሪሆም።ኣብ ትግራይ ዘሎ ሕማቕ ኩነታት ክሳብ ዝሰተኻኸል መንግስቲ ኢትዮጵያ ይኹን ማሕበረሰብ ዓለም ነቲ መንእሰይ ትኹረት ክገብረሉን ክደግፎን 'ውን ፀዊዖም።

ኣብርሃ ሓጎስ
+++++++++++++++
#ነበርጉጅለህወሓት

04/08/2026

ኣብ ስዑዲ ዓረብያ ኣብ ኣፀጋሚ ኩነታት ውሽጢ ዝነበሩ 1 ሽሕን 672 ኢትዮጵያውያን ናብ ሃገሮም ተመሊሶም
++++++++++++
‎
| ኣብዚ ሰሙን ውሽጢ ብዝተገበረ 8 ዙር በረራ ኣብ ስዑዲ ዓረብያ ኣብ ኣፀጋሚ ኩነታት ዝነበሩ ሓደ ሽሕን 672 ኢትዮጵያውያን ናብ ሃገሮም ተመሊሶም።

ሚኒስቴር ደቂ ኣንስትዮን ማሕበራዊ ጉዳይን ከምዘፍለጦ፤ ሓደ ሽሕን 670 ኣወዳትን ሓንቲ ጓል ኣነስተይትን ኸምኡ 'ውን ሓደ ህፃን እንትኸውን ካብ መንጎ እቶም ተመለስቲ ዕድመኦም ትሕቲ 18 ዓመት ዝኾኑ 34 ሰገናት ይርከቡዎም።

5 መስከረም 2018 ዓ.ም ብዝተጀመረ ዜጋታት ናብ ሃገሮም ናይ ምምላስ ስራሕ ዛጊድ ንልዕሊ 90 ሽሕ ኢትዮጵያውያን ናብ ሃገር ምምላስ ተኻኢሉ።
‎
ኣብ ዙርያ ኣስካሕካሓይነት ዘይሕጋዊ ዝውውር ሰባት ኣብ ሕብረተሰብ ግንዛበ ንምፍጣር፣ ስሩዕ ዘይኾነስ ፍልሰት ንምክልኻልን ድሕንነቱ ዝተሓለወ ፍልሰት ንምትብባዕን ዘኽእሉ ስራሕቲ እናሰርሐ ይርከብ።
‎
ኣብ ዝተፈላለዩ ግዜታት 'ውን ምስ ዝምልከቶም ኣካላትን መዳርግቲ ኣካላት ብምውዳድ ንተመለስቲ ዜጋታት ኣብ መዕርፎ ኣየርን መፅንሒ ማእኸላትን ግቡእ ድጋፍን ክንክንን ናይ ምግባርን ምስ ስድራቤት ናይ ምሕዋስን ስራሕቲ ተጠናኺሩ ከምዝቕፅል 'ውን ካብቲ ቤት ዕዮ እቲ ሚኒስቴር ዝተረኸበ መረዳእታ ይሕብር።
‎
++++++++++++
#ስዑዲዓረብያ #ስደት #ኢትዮጵያ

04/08/2026

ህዝቢ ኣምሓራ ብርግፅ ካብ ስምምዕነት ፕሪቶሪያ ተገሊሉ ድዩ⁉️

ብዛዕባ ሓቛፋይነት ስምምዕነት ፕሪቶሪያ ዝለዓሉ ሓሳባት ብዝምልከት ቀዳማይ ሚኒስትር ኣብይ ኣሕመድ(ዶ/ር) ንዝሃብዎ መልሲ ኣጠቓሊልና ኣቕሪብና ኣለና።

📌 ምሉእ ኸይዲ ንምርዳእ ነቶም ምስልታት ተመልከቱ!

Ethiopian Press Agency/Tigrigna

05/08/2026

05/08/2026

05/08/2026

05/08/2026

05/08/2026

05/08/2026

05/08/2026

04/08/2026

04/08/2026

04/08/2026

Address

Website

Alerts

Contact The Business

Shortcuts

Share

Category

Listing takedown request