10/08/2026
"Qaab-socodka shir-waynaha wadatashiga qaran wuxuu gaadhay heer rajo wanaagsan leh", Prof. Mesfin Araya.
*******************
Komishineerka guud ee komishinka wadatashiga qaran, Prof. Mesfin Araya ayaa sheegay in qaab-socodka shir-waynaha wadatashiga qaran ee socda uu si wanaagsan u sii xoogaysanayo, isla markaana uu gaadhay heer dhiirrigelin iyo rajo leh.
Prof. Mesfin ayaa sheegay in kooxaha 250-ka ah ee wadatashiga ay hadda dib-u-eegis iyo isku-dubarid ku samaynayaan ajandayaashii ay soo diyaariyeen, si loogu gudbiyo loona diyaariyo kooxaha kakooban 500. Inta badan kooxaha 250-ka ah waxay soo gabo'gabeeyeen diyaargarowgooda waxaana la filayaa in shaqada guud ee isku-dubaridka fikradaha kooxahan ay caawa si buuxda u soo dhammaato.
Marxaladda xigta ee kooxaha 500 ee xubnood ka kooban ayaa fikradaha la soo uruuriyey si qoto dheer u horumarin doona, iyagoo u diyaarinaya talooyinka iyo natiijooyinka loo gudbin doono shirweynaha madasha guud ee wadatashiga.
Prof. Mesfin wuxuu xusay in habkan isku-dubaridka fikradaha iyo wadatashigu aanu ahayn hawl fudud, isla markaana fikraduhu ay soo mareen dood iyo kala shaandhayn badan, laga soo bilaabo 10 kooxood ilaa heerarka hadda la joogo gaar ahaan marxaladihii h**e, qaar ka mid ah ka qaybgalayaashu waxay doonayeen in fikradahooda sida ay u soo bandhigeen loo qaato, taasina waxay sababtay doodo kulul iyo isqabqabsi.
Hase yeeshee, Komishinku wuxuu si dhow ula socday doodaha, isagoo hubinayey in dooddu aysan ku salaysnaan qof ama shaqsi, balse ay fikradaha iyo arrimaha la isku hayo ku koobnaato.
Prof. Mesfin wuxuu sheegay in dadaalkaas kadib doodihii ay hadda degeen, isla markaana wadatashigu uu bilaabay inuu qaado wadadii saxda ahayd ee isafgaradka iyo isku-raaca.
