የአዲስ አበባ ሀገረ ስብከት ሚዲያ አገልግሎት/Addis Ababa Diocese Media Service

03/11/2025

የሚዲያችን TikTok ይወዳጁት

http://tiktok.com/
🔵የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

🎚🎚🎚🎚🎚🎚🎚🎚🎚🎚🎚🎚 https://www.facebook.com/AddisAbabaDiocese?mibextid=2JQ9oc

ከዚህ በተጨማሪ በሌሎች የበይነ መረብ አማራጮች ለመከታታል
በቴሌግራም: https://t.me/AddisAbabaDiocese

በዩቱዩብ: http://www.youtube.com/

በቲውተር: https://twitter.com/AADioceseMedia/media
በቲክቶክ:http://tiktok.com/
መጠቀም ይችላሉ።

Check out የአ/አ/ሀ/ስብከት ሚዲያ’s video.

03/11/2025

03/11/2025

የአዲስ አበባ ሀገረ ስብከት የሰንበት ትቤቶች አንድነት ጥቅምት 30/2018ዓ.ም በሚሊኒየም አዳራሽ የሚያካሂደውን የምርቃት እና የጉባኤ መርሐግብር ዝግጅት ማጠናቀቁን የአንድነቱ የመረሐ ግብር አዘጋጅ ዐብይ ኮሚቴ አስታወቀ።

💠ኢኦተቤ -አዲስ አበባ ሀገረ ስብከት ሚዲያ ጥቅምት ፳፬/፳፻፲፰ ዓ/ም

በዕለቱ ከ164 ገዳማት እና አድባራት የተውጣጡ የሀገረ ስብከቱን ምዘና ወስደው ወደ ቀጣይ ክፍል የተዘዋወሩ ከ11,800 በላይ የሰንበት ት/ቤት ተማሪዎች በብፁዕ ወቅዱስ ፓትርያርክ አቡነ ማትያስ ርእሰ ሊቃነ ጳጳሳት ዘኢትዮጵያ ቡራኬ ብፁዓን አባቶች በተገኙበት እንደሚመረቁ ኮሚቴው አሳውቋል።

መርሐግብሩ በሁለት ክፍል የተከፈለ ሲሆን የመጀመርያው ክፍል ጉባኤ ሲሆን ከቀኑ 6:00እስከ9:00 በዝማሬ፣በኪነጥበብ እና በቃለእግዚአብሔር የሚከናወን ሲሆን ፣
ሁለተኛው ክፍል የምርቃት መርሐግብር ሲሆን በመርሐ ግብሩም ተመራቂዎች ከብፁዓን አባቶች ቡራኬ ይቀበላሉ በውጤታቸው ከፍተኛ ነጥብ ያመጡ ተማሪዎች እና ሰንበት ት/ቤቶች ከአባቶች እጅ ሽልማት ይቀበላሉ በሁለተኛውም ምእራፍ በተመራቂዎች ዝማሬ እና በብጹአን አባቶች ትምህርት እና ቃለ ምእዳን እንደሚሰጥ የተገለጸ ሲሆን በእለቱ ሁሉም ሰንበት ት/ቤቶች ተመራቂ ተማሪዎች ነጭ ልብሳቸውን ለብሰው ከጠዋቱ 5:00 ሚሊኒየም አዳራሽ እንዲደርሱ ያሳሰበ ሲሆን ካለው የቦታ ጥበት አኳያ ተማሪዎች አመቺ ቦታ ለማግኘት በቅድሚያ ተገኝተው ቦታቸውን እንዲይዙ አሳስቧል ፣ ወላጆች ምእመናን የገዳማት እና አድባራት አስተዳዳሪዎች የሰበካ ጉባኤ ምክትል ሊቃነመናብርት፣ የሰንበት ት/ቤት አመራሮች መዘምራን ጥሪ የተደረገላቸው እንግዶች ከ5:30ጀምሮ ወደ አዳራሹ መግባት እንደሚችሉ እና ጉባኤው ከቀኑ6:00 በጸሎተ ወንጌል እንደሚጀመር ኮሚቴው አብራርቷል።
በመጨረሻም በዚህ ጉባኤ ምእመናን በነጻ መሳተፍ እንደሚችሉ ያሳወቀ ሲሆን ለጉባኤው የሚያስፈልጉ ቅድመዝግጅት መጠናቀቁን እና መርሐግብሩን ለማከናወን እለቱን በጉጉት እየጠበቅን ነው ሲል ዐብይ ኮሚቴው በመግለጫው አብራርቷል።

የአዲስ አበባ ሀገረ ስብከት የሰንበት ት/ቤቶች አንድነት የምርቃት ዐብይ ኮሚቴ።

🔵የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

🎚🎚🎚🎚🎚🎚🎚🎚🎚🎚🎚🎚 https://www.facebook.com/AddisAbabaDiocese?mibextid=2JQ9oc

ከዚህ በተጨማሪ በሌሎች የበይነ መረብ አማራጮች ለመከታታል
በቴሌግራም: https://t.me/AddisAbabaDiocese

በዩቱዩብ: http://www.youtube.com/

በቲውተር: https://twitter.com/AADioceseMedia/media
በቲክቶክ:http://tiktok.com/
መጠቀም ይችላሉ።

03/11/2025

ከዓመታት በፊት በቴክኒክ ችግር ምክንያት ወድቆ ጉዳት ያደረሰው የወርቁ ሠፈር ቅድስት ማርያም ሕንጻ ቤተ ክርስቲያን ጉልላት እንደገና ተሠርቶ በብፁዕ አቡነ እንጦንስ ቡራኬ የጉልላት መስቀሉ በክብር ተቀመጠ!

💠ኢኦተቤ -አዲስ አበባ ሀገረ ስብከት ሚዲያ ጥቅምት ፳፬/፳፻፲፰ ዓ/ም

ከዓመታት በፊት በቴክኒክ ችግር ምክንያት ወድቆ ጉዳት ያደረሰው የወርቁ ሠፈር የሐመረ ወርቅ ቅድስት ማርያም ሕንጻ ቤተ ክርስቲያን ጉልላት በዛሬው ዕለት በድጋሜ ተሠርቶ በብፁዕ አቡነ እንጦንስ የምዕራብ ሐረርጌ ሀገረ ስብከት ሊቀ ጳጳስ ቡራኬ የጉልላቱ መስቀል በክብር ተቀመጠ።

በትናንትናው ጥቅምት ፳፫/፳፻፲፰ ዓ/ም ዕለተ ሰንበት በነበረው የጉልላት መስቀል የማኖር መርሐ ግብር ላይ መልአከ ምሕረት ቆሞስ አባ ገብረ መድኅን ንጉሤ የአዲስ አበባ ሀገረ ስብከት ዋና ሥራ አስኪያጅ ፣ መጋቤ ስብሐት ዐቢይ ዘለቀ የብፁዕ የሀገረ ስብከት ሊቀ ጳጳስ ልዩ ጸሐፊ መልአከ ገነት ልሳነ ወርቅ የአቃቂ ቃሊቲ ክፍለ ከተማ ቤተ ክህነት ዋና ሥራ አስኪያጅ፣ መልአከ ምሕረት ጥሩነት ዓምደ ብርሃን የደብሩ አስተዳዳሪ፣ የደብሩ ሰበካ ጉባኤና ሕንጻ አሠሪ ኮሚቴ አባላት፣ የተለያዩ እንግዶች፣ ሊቃውንተ ቤተ ክርስቲያን፣ የደብሩ ሰንበት ትምህርት ቤት መዘምራንና አባላት በርካታ ምእመናንና ምእመናት ተገኝተዋል።

በደብሩ አስተዳዳሪ መልአከ ምሕረት ጥሩነህ ዓምደ ብርሃን ሪፖርት የቀረበ ሲሆን ከሦስት ዓመታት በፊት የሕንጻው ጉልላት በቴክኒክ ችግርና ክትትል ማነስ ምክንያት ተሠርቶ ካለቀ በኋላ እንደወቀ ለብዙ ገንዘብእና ሞራላዊ ኪሳራም እንደዳረጋቸው አስታውሰዋል።

ይሁንንና በማኅበረ ካህናቱና በምእመናኑ በተለይም በአካባቢው ወጣቶች አስተባባሪነት የተሰበረ ልብ ተጠግኖ የወደቀውም ጉልላት እንደገና ተሠርቶ ለዛሬ ደርሰናል ብለዋል።

አስተዳዳሪው አክለው በዚህ መልካም ሥራ ድርሻቸውን ለተወጡ ጊዜያቸውን፣ ጉልበታቸውን፣ ገንዘባቸውንና ሙያቸውን ሳይሰስቱ ለሰጡ ሁሉ በእግዚአብሔር ስም ምስጋና አቅርበዋል።

ከፍተኛ የታዛዥነት ልብ እንዳላቸውና ለግንባታው እዚህ መድረስ ጉልህ ሚናቸው የተነገረላቸው የሕንጻ አሠሪ ኮሚቴ ሰብሳቢ ወጣት ሲሳይ ንጉሤ "ሁሌም ከስምዖን መታበይ ይልቅ የዘማዊቷን መተናነስ ክርስቶስ አብልጦ እንደወደደ እያሰብን ፤አይችሉም፤ አይሆንልላቸውም፤ለቤተ ክርስቲያን ሥራ አይገቡ ስንባል ቸርነቱ በዝቶልን ትንሽ ስንታዘዝ እያበዛ ለልመና ከሰው ፊት ስንቆም ሞገስ እየሆነን እሱ አስችሎን ቤተ መቅደሱን እየሠራን እዚህ ለመድረስ ችለናል ብለዋል።

አክለውም የወደቀ ጉልላት ተሠርቷል ተስፋ የቆረጠ ልብ ተደላድሏል በዚህም በሁለንተናዊ መልኩ የተራዱትንና ያጋዙትን ሁሉ በሕንጻ አሠሪ ኮሚቴ ስም እናመሰግናለን ብለዋል።

በመቀጠልም በሕንጻ ቤተ ክርስቲያኑ ግንባታ እዚህ መድረስ ከፍተኛ አስተዋጽዖ ላደረጉ በጎ ሰዎች የዕውቅና ምስጋና ሽልማት ከደብሩ አስተዳዳርና ከሕንጻ አሠሪ ኮሚቴ የተበረከተላቸው ሲሆን ሽልማታቸውን ከብፁዕ አቡነ እንጦንስ እጅ ተቀብለዋል።

የክፍለ ክተማ ቤተ ክህነት ዋና ሥራ አስኪያጅ መልአከ ገነተ ልሳነ ወርቅ ተስፋየ በደብሩን ችግሩ ከተከሰተ ጀምሮ የቅርብ ክትትል እንደሚያደርጉ አስተውሰው በእጅጉ የሚበረታታና የሚያስመሰግን የሥራ አፈጻጸም እንዳለው ገልጸዋል።

ትምህርተ ወንጌል የተሰጡት መልአከ ምሕረት ቆሞስ አባ ገብረ መድኅን ንጉሤ የአዲስ አበባ ሀገረ ስብከት ዋና ሥራ አስኪያጅ የዕለቱን የወንጌል ቃል “ይዘውም ከወይኑ አትክልት አወጡና ገደሉት።” (ማቴ. ፳፩ ፥፴፱)
በሚል ቃል መነሻ አድርገው አስተምረዋል።

ክቡር ዋና ሥራ አስኪያጁ በትምህርታቸው የወይኑ ባለቤት፣ የውይኑን ቦታ፣ ወራሹ ልጅ፣ ጠባቂ ገበሬዎች እንዲሁም ከወደ ውጭ አውጥተው የመግደላቸው ምሳሌያዊ ትምህርት መነሻነት ነገረ ክርስቶስን አመስጥረው በሚገባ አስተምረዋል።

አክለውም ፍሪያቸው በአናታቸው በጎናቸውና በሥራቸው የሚያፈሩ አትክልቶች መኖራቸውን በማስታወስ እንዲህ ተግባራቸው የሚታይላቸው በአደባባይ የሚመሰገኑ በአናታቸው ላይ ፍሬ እንደሚያፈሩ አትክልት ናቸው ብለዋል በዚህ እንኳን ለዚህ አበቃችሁ በማለት ደስታቸውን ገልጸዋል።

ኑሮ ትክሻን ባዛለበት የእርስ በርስ መደጋገፍ ናፍቆት በሆነበትና ችግር በሙሉ አቅሙ በተሰለፈበት በዚህ ዘመን ይህን የመሰለ ድንቅ ቤተ ክርስቲያን መሥራትና ማሠራት ለእግዚአብሔር ያለችሁን ታማኝነት ለወላዲተ አምላክ ድንግል ማርያም ያላችሁን ፍቅር የሚያሳይ በተግባር የተገለጠ ሕያው ታሪክ በመሆኑ በእጅጉ እናደንቃለን ብለዋል።

በመጨረሻም ብፁዕ አቡነ እንጦንስ የምዕራብ ሐረርጌ ሀገረ ስብከት ሊቀ ጳጳስ ቃለ ምዕዳንና ቡራኬ የሰጡ ሲሆን አያይዘውም መስቀሉን ባርከው በዝማሬና በእልልታ የገልላት መስቀሉ በክብር ተቀምጧል።

ፎቶ በረከት ኃይለ ሚካኤል
ብሩክ ፊልም ፕሮዳክሽን

🔵የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

🎚🎚🎚🎚🎚🎚🎚🎚🎚🎚🎚🎚 https://www.facebook.com/AddisAbabaDiocese?mibextid=2JQ9oc

ከዚህ በተጨማሪ በሌሎች የበይነ መረብ አማራጮች ለመከታታል
በቴሌግራም: https://t.me/AddisAbabaDiocese

በዩቱዩብ: http://www.youtube.com/

በቲውተር: https://twitter.com/AADioceseMedia/media
በቲክቶክ:http://tiktok.com/
መጠቀም ይችላሉ።

02/11/2025

/የጉልላት መስቀል የማስቀመጥ መርሐ ግብር በሳሪስ ወርቁ ሠፈር ሐመረ ወርቅ ቅድስት ማርያም ሕንጻ ቤተ ክርስቲያን ብፁዕ አቡነ እንጦንስ የምዕራብ ሐረርጌ ሀገረ ስብከት ሊቀ ጳጳስ በተገኙበት እየተከናወነ ይገኛል።

💠ኢኦተቤ -አዲስ አበባ ሀገረ ስብከት ሚዲያ
ጥቅምት ፳፫/፳፻፲፰ ዓ/ም

02/11/2025

/የጉልላት መስቀል የማስቀመጥ መርሐ ግብር በሳሪስ ወርቁ ሠፈር ሐመረ ወርቅ ቅድስት ማርያም ሕንጻ ቤተ ክርስቲያን

https://youtube.com/live/RYZhPGUpJt0?si=f-BbEIRfKJgyxz-X

02/11/2025

/የጉልልላት መስቀል የማስቀመጥ መርሐ ግብር በሳሪስ ወርቁ ሠፈር ሐመረ ወርቅ ቅድስት ማርያም ሕንጻ ቤተ ክርስቲያን ብፁዕ አቡነ እንጦንስ የምዕራብ ሐረርጌ ሀገረ ስብከት ሊቀ ጳጳስ በተገኙበት እየተከናወነ ይገኛል።

💠ኢኦተቤ -አዲስ አበባ ሀገረ ስብከት ሚዲያ
ጥቅምት ፳፫/፳፻፲፰ ዓ/ም

01/11/2025

የየካ ኮተቤ ደብረ ምሕረት ቅድስት ኪዳነ ምሕረት ቤተ ክርስቲያን የጣራ ዕድሳት ለማድረግ ታቦታቱ ወደ ቀድሞ መቋኞ ቤተ ክርስቲያን በብፁዓን አባቶች ቡራኬ ገብተዋል።

💠ኢኦተቤ-አዲስ አበባ ሀገረ ስብከት ሚዲያ ጥቅምት ፳፪/፳፻፲፰ ዓ/ም

በአዲስ በአበባ ሀገረ ስብከት የየካ ኮተቤ ደብረ ምሕረት ቅድስት ኪዳነ ምሕረት ቤተ ክርስቲያን የጣራ ዕድሳት ለማድረግ ታቦታቱ ወደ ቀድሞ መቋኞ ቤተ ክርስቲያን በብፁዓን አባቶች ቡራኬ ገብተዋል።

በሥርዐተ ቡራኬ ቤተ ክርስቲያኑ መርሐ ግብር ላይ ብፁዕ አቡነ ሕርያቆስ የአዲስ አበባና የሀዲያ ስልጤ አህጉረ ስብከት ሊቀ ጳጳስ እና ብፁዕ አቡነ ፋኑኤል በሰሜን አሜሪካ የዋሽንግተን ዲሲ ሜሪላንድ እና አካባቢው ሀገረ ስብከት ሊቀ ጳጳስ፣ መጋቤ ስብሐት ዐቢይ ዘለቀ የብፁዕ የሀገረ ስብከቱ ሊቀ ጳጳስ ልዩ ጸሐፊና ፕሮቶኮል፣ መልአከ ምሕረት ዘካርያስ አዲስ የየካ ክፍለ ከተማ ቤተ ክህነት ዋና ሥራ አስኪያጅ፣ መልአከ ምሕረት ተክለ ወልድ የደብረ አስተዳዳሪ፣ የገዳማትና አድባራት አስተዳዳሪዎች የደብሩ ሊቃውንተ ቤተ ክርስቲያን ሰንበት ትምህርት ቤት መዘምራንና የአካባቢው ምእመናንና ምእመናት ተገኝተዋል።

የየካ ኮተቤ ደብረ ምሕረት ቅድስት ኪዳነ ምሕረት ቤተ ክርስቲያን በ1994 ዓ/ም ተመሬቁ ቅዳሴ ቤቱ ተከበረ ሲሆን ላለፉት በርካታ ዓመታት አገልግሎት ሲሰግ ቆይታል።

ይሁንንና በአሁኑ ሰዓት ጣራው እድሳት በመፈለጉ ምክንያት እንዲታደስ ታቦታቱን ወደ ቀድሞው መቃኞ ቤተ ክርስቲያን የማስገባት ሥርዐተ ቡራኬ ቤተ ክርስቲያኑ በብፁዓን አባቶች መሪነት ተከናውኗል።

ጉዳዩን አስመመልክተው የደብሩን መጠነኛ ሪፖርት ያቀረቡት የደብሩ አስተዳዳሪ መልአከ ምሕረት ተክለ ወልድ እድሳቱ የጣራ ቅያሬ ብቻ ሳይሆን የጣራውን ከጽታ የመጨመርና ዐውደ ምሕረቱንም ለሁለንተናዊ አገልግሎት ምቹ የማድረግ ሥራን የሚያጠቃልል መሆኑን ገሌጸዋል።

አክለውም ዕድሳቱ በሦስት ዓመታት ውስጥ ለማጠናቀቅ ዕቅድ እንደተያዘና በአሁናዊ ዋጋ ከ70 ሚሊዮን ብር በላይ እንደሚፈጅ አስታውሰዋል።

አስተዳዳሪው በግንባታውን በእንደትናንቱ በማኅበረ ካህናቱና በምእመናኑ ድጋፍና የኔባይነት እንደሚፈጸም ተስፋቸውን ገልጸው ሁሉም እንዲተባበሩ አሳስበዋል።

የመልአከ ምሕረት ዘካርያስ አዲስ የየካ ክፍለ ከተማ ቤተ ክህነት ዋና ሥራ አክኪያጅ በበኩላቸው የደብሩ አስተዳዳሪ መልአከ ምሕረት ተክለ ወልድ ከዚህ በፊት በአስተዳዳሪነት ዘመናቸው ከአምስት ያላነሱ አብያተ ክርስቲያናትን ያሳነጹ ሲሆን እንደማሳያ የዚሁ ደብር አካል የሆነው ደብረ ቀራንዮ መድኃኔዓለም ቤተ ክርስቲያን መልክአ ምድሩ እጅግ አስቸጋሪ ቢሆንም በሁለት ዓመት ውስጥ ማኅበረ ካህናቱንና ምእመናኑን በማስተባበር ማሠራታቸውን መስክረዋል።

ደብሩ በሰላምና በመግባት አገልግሎቱን የሚያከናውን መሆኑን ተናግረዋል።

አባታዊ መልእክት ያስተላለፉት ብፁዕ አቡነ ሕርያቆስ የአዲስ አበባና የሀዲያ ስልጤ አህጉረ ስብከት ሊቀ ጳጳስ አስተዳዳር የሚመራበት ጥበብ በዋናነነት በእግዚአብሔርና በሰው መካከል ነውር የሌለው ሕሊናን ገንዘብ በማድረግ ራስን በመጠበቅና በታማኝነት መሆኑን ተናግረዋል።

ምክንያቱም ይላሉ ብፁዕነታቸው ራሱን በልክ የማያከብር ጥንቁቅነት የጎደለውና ከቸርነቱ የራቀ የራስ መተማኑ የደከመበት መሪ አይደለም ለሰው ለእግዚአብሔርም ምቹ አይደለም ብለዋል።

ስለሆነም የተቋም ክብር የቤተ ክርስቲያን አስተዳዳራዊ መወደድና መፈራት የሚመጣው በቅድሚያ እኛ ለራሳችን ከሰጠነው ቦታና ልክነት እንዲሁም ክብር በመሆኑ ለተሰጠን አደራና ሐላፊነት በሙሉ ልብና በታማኝነት ልንገለጥ ይገባል ብለዋል።

የደብሩ አስተዳዳሪ በዚህ መንገድ የሚጓዙ መሆናቸውን ያስታወሱት ብፁዕነታቸው ብርቱ ትግልና ትጋት ይጠይቅ የነበረውን የደብረ ቀራንዮ መድኃኔዓለም ሕንጻ ቤተ ክርስቲያን በሁለት ዓመታት አስተባብረው እንዳሠሩ ሁሉ ይሕንንም እድሳት በአንድ ዓመት ውስጥ አጠናቀው ለቡራኬ እንደምንመለስ ተስፋ አለን ብለዋል።

በመጨረሻም በብፁዕ አቡነ ፋኑኤል የዋሽንግተን ዲሲ ሜሪላንድና አካባቢው ሀገረ ስብከት ሊቀ ጳጳስ ጸሎትና ቃለ ምዕዳን የሥርዐተ ቡራኬ ቤተ ክርስቲያኑ ፍጻሜ ሆኗል።
🔵የአዲስ አበባ ሀገረ ስብከት ሚዲያ
ስለ አንዲት ኦርቶዶክሳዊት ቤተ ክርስቲያን

🎚🎚🎚🎚🎚🎚🎚🎚🎚🎚🎚🎚 https://www.facebook.com/AddisAbabaDiocese?mibextid=2JQ9oc

ከዚህ በተጨማሪ በሌሎች የበይነ መረብ አማራጮች ለመከታታል
በቴሌግራም: https://t.me/AddisAbabaDiocese

በዩቱዩብ: http://www.youtube.com/

በቲውተር: https://twitter.com/AADioceseMedia/media
በቲክቶክ:http://tiktok.com/
መጠቀም ይችላሉ።

01/11/2025

... ( ያም አውሬው በሴቲቱ ላይ ተቆጥቶ በባሕር አሸዋ ቆመ " ራዕ 13:17

በመልአከ ምሕረት አባ ገብረ መድኅን ንጉሤ (ቆሞስ)
የዐዲስ አበባ ሀገረ ስብከት ዋና ሥራ አስኪያጅ
--------------------------------------------------
በዘመነ ጽጌ 4ኛ ሰንበት ላይ ከሚነበበው ምንባብ ክፍል የተወሰደ ርእስ ነው። ትምህርቱ የቅዱሳንን ስደት መንስኤ በተመለከት ሲሆን በተለይም ከወቅቱ አንጻር ካየነው ደግሞ የእመቤታችን ስደት በሊቃውንት አባቶቻችን በምን መልኩ እንደተነገረ፤ የደረሰባት መከራ ሲነገር እንኳን ለሚያዳምጠው ሰው ይቅርና ድንጋዮች ቢሰሙ እንደሚያስለቅስ { ዘበጽሑኪ ምንዳቤያተ ሶበ ይሰምእ በእዝን፣ ሰብእ አኮ እምበከየ ዕብን" እንዲል የምንመለከትበትም ትምህርት ነው።

ሊቁ ርቱዓ ሃይማኖት የክርስቶስን ስደትና የሔሮድስን ሐሳብ አለመሳካት አስመልክቶ "የዲያብሎስ ማኅደር የሆነው ሔሮድስ በአላዋቂነት ነፋስን አስሮ ለማስቀረት ቀንን ለመመለስ ሞከረ" ይላል።

ራዕ 12:7 ላይ በተገለጸው ቃል መሠረት በቅዱሳን መላእክት ድል አድራጊነት ውርደቱን የተከናነበው ዲያብሎስ ከሰማይ ወደምድር እንደተጣለ ባየ ጊዜ ወንድ ልጅ የወለደችውን ሴት አሳደዳት ይለናል።

ወሶበ ርእየ ዝንቱ አርዌ ከመ ወድቀ ውስተ ምድር ዴገና ለእንታክቲ ብእሲት እንተ ወለደት ሕፃነ ተባዕተ {ወደዚህ ዓለም እንደ ወረደ ባየ ጊዜ አንድም ድል እንደ ተነሣ ወይም ድል እንደተደረገ ባየጊዜ ወንድ ልጅ የወለደች ያችን ሴት ተከተላት።

ምሥጢሩ ግን በሐሣዌ መሢሕ (ሐሰተኛ ክርስቶስ) አድሮ ምእመናንን በትምህርት የወለዱ መምህራንን አሳደዳቸው።

አንድም፦ ምግባር ሃይማኖትን ገንዘብ ያደረጉ ምእመናንን ተከትሎ አሳደዳቸው። በመከራ አሳቃያቸው።

አንድም፦ በሄሮድስ አድሮ ኃያል ወልድን የወለደች እመቤታችንን ወደግብፅ በምትሰደድበት ጊዜ ተከተላት። ከኋላዋ በሠራዊተ ሔሮድስ እያደረ መከተሉን፣ በምዕመናን ልቡና አድሮ የሚዘከራት አጥታ በራብና ጥም እንድትሰቃይ፣ እንባዋ እንዲፈስስ፣ ብዙ ጸዋትወ መከራ እንድትቀበል፣ የልጇ ጫማ እንዲሠረቅና እንድታለቅስ፣ ደስተኛይቱ ሆይ ደስ ይበልሽ የተባለች እመቤታችን እንድታዝን፣ "አይቴኑ መልአክ ዘአብሠረኒ፣ ብካይየ ይርዓይ ወይርድአኒ" እስከምትል መሰቃየቷን፣ ሰይጣን በኮቲባና ትዕማን ልቡና አድሮ ልብ በሚሠብር ቃል መሰደቧን መናገር ነው።

ሰዎች በሃይማኖታቸው ምክንያት ስደት ቢያገኛቸውም በመጨረሻ የሚያስደስተው ነገር እግዚአብሔር የስደተኞች መጠጊያ በመሆኑ ነውና "ኢየሱስ ስዱድ ተስፋሆሙ ለስዱዳን፣ ኢየሱስ ግፉዕ ምስካዮሙ ለግፉአን" እንዲል ከዘንዶው የሞት ወጥመድ እየበረረች የምታመልጥበት ሁለት ክንፍ ለሴቲቱ እንደተሰጣት ሲያጠይቅ ቁ 14 ላይ "ወተውህባ ለይእቲ ብእሲት ክልኤ ክንፍ ከመ ዘዐቢይ ንስር (ለዚያች ሴት እንደ ታላቅ ንስር ያለ ሁለት ክንፍ ተሰጣት) እንዲል።

በሃይማኖት ምክንያት የሚሰደዱ ሰዎች የሚያመልጡበትን ሁለት ክንፍ እግዚአብሔር ያዘጋጅላቸዋል።

ሁለት ክንፍ የተባለው ምግባርና ሃይማኖት ናቸው።

ይኸውም ለመምህራን ለምእመናን እንደ አብርሃም ያለ ምግባርና ሃይማኖት ተሰጣቸው ማለቱ ነው።

እንደሚታወቀው አበ ብዙኃን አብርሃም በሃይማኖት የጸና በምግባሩ የቀና ( ሃይማኖትንና ምግባርን አስተባብሮ የያዘ) ነውና ቅድስት ሥላሴን በቤቱ ያስተናገደ ባለ ሁለት ክንፍ አባታችን ነው። ሃይማኖት ምግባር ከሌለበት ብቻውን ምዉት ነውና:: ያዕ 2

#አንድም:- ለመቤታችን ሁለት ክንፍ ተሰጣት ሲል የመንፈስ ቅዱስ ማደሪያው ናትና እንደ ታላቅ ንስር ያለ ንጽሐ ሥጋ ንጽሐ ነፍስ ተሰጣት፡፡ ንጽሐ ሥጋንና ንጽሐ ነፍስን ገንዘብ ያደረጉ ሰዎች ከዲያብሎስ የሚመጣባቸውን መከራና ፈተና ሳይሰቀቁ እንደሙሉ ደስታ እየቆጠሩ በነፍሳቸው ይከብራሉና ነው።

ከመ ትሥርር ውስተ ገዳም ወውስተ መካን ከመ ትትዐቀብ በኵሉ መዋዕል ዘመነ ወአዝማነ ወመንፈቀ ዘመን (ወደ ገዳም ሸሽታ ትሄድ ዘንድ ) ይላል።

መምህራነ ወንጌል እንዲሁም ምእመናን ከዓለም፣ ከመከራ፣ ከክህደት ሸሽተው መከራ ወደሚቀበሉበት በረሃ ይሄዱ ዘንድ #አንድም እመቤታችን ወደ ግብፅ ሂዳ ለ3 ዓመት ከ6 ወር ጊዜ ተጠብቃ ትኖር ዘንድ ነው።

ዘመነ ሲል አንዱን ዘመን፣ ወአዝማነሲል ሁለቱን ዘመን ወመንፈቀ ዘመን ሲል የዓመቱን ግማሽ ወይም ስድስቱን ወራት ማለቱ ነው። እመቤታችን በስደት የቆየችው ለ3 ዓመታት ከ6 ወራት ነውና ነው።

አንድም፦ ዘመነ ወዘመነ ዘመን ወመንፈቀ ዘመን ይላል። አንድም፡ ዘመነ ወዘመነ ወዘመነ ወመንፈቀ ዘመን። ቢል ትርጓሜው ግን ኣንድ ነው::

በሁት ክንፍ እየበረሩ ማምለጥ የሚያስፈልገው ከአውሬው ፊት ነውና "እምቅድመ፡ ገጹ ለውእቱ አርዌ እንዲል ከሐሳዌ መሢሕ ፊት መሆኑን ተገልጿል። "በልዑሉም ላይ ቃልን ይናገራል፥ የልዑልንም ቅዱሳን ይሰባብራል፥ ዘመናትንና ሕግን ይለውጥ ዘንድ ያስባል፤ እስከ ዘመንና እስከ ዘመናት እስከ እኵሌታ ዘመንም በእጁ ይሰጣሉ" ዳን 7:25 እንዲል።

በሁለት ክንፎቿ በርራ ስታመልጠው፤ መምህራንና ምዕመናንም በሃይማኖትና ምግባር ሲያመልጡት ተስፋ ቆርጦ እነሱን የሚያስቀርበትን የቻለውን ሁሉ በአማራጭ ሊጠቀም ይችላል።

ዛሬም አውሬው ተስፋ ቆርጦ ሃይማኖታቸውን የጠበቁ ምዕመናንና መምህራን ላይ የቻለውን ሁሉ መከራ እያደረሰ መሆኑን ልብ ይሏል።

እርሱም በቻለው ፍጥነት እየበረረ ተከተላት። "ወሠረረ ወዴገና ውእቱ አርዌ" እንዲል

በሐሣዌ መሢሕ አድሮ መምህራንን ምእመናንን ይከተላቸዋልና ነው።

በሄሮድስና በሠራዊቱ እያደረ አድሮ እመቤታችነን ተከተላት ማለቱ ነው።

በዚህ ጊዜ ግን "ወእውፅእ እምነ አፉሁ ውእቱ ኣርዌ ማየ ብዙኀ እንተ ድኅሬሃ ለይእቲ ብእሲት ከመ ፈለግ ዐቢይ ከመ ይንሥኣ ውሒዙ" እንዲል ፈሳሹ ይዞ ያስቀራት ዘንድ እንደ ወንዝ ያለ ብዙ ውኃ ከአፉ አውጥቶ በዚያች ሴት ኋላ አፈሰሰ።

ወረድአታ ምድር ለይእቲ ብእሲት ወአርኀወት አፉሃ ምድር ወሰረበቶ ለውእቱ ውሒዝ ዘእውሐዘ ውእቱ አርዌ እምነ አፉሁ እንዲል ምድር አገዘቻት አፍዋን ከፍታ ካፉም አውጥቶ ያፈሰሰውን ውኃ ጠጣችው ማለት ነው።

ይኽንንም፦ በሐሣዌ መሢሕ አድሮ በቃሉ ጦር አዝዞ ሰደደ።
አንድም በሄሮድስ አድሮ ጦሩ ምእመናንን መምህራንን እመቤታችነን ያስቀራቸው ዘንድ ቢያዝዝም ምድር ግን ረዳቻት ማለት ርኅቀተ ሀገር (የሀገር ርቀት) ርኅቀተ ፍኖት (የመንገድ ርቀት) ሞተ ሰማዕታት (የሰማዕታት ሞት) ን አስቀረላቸው ማለቱ ነው።

ይኸውም ርጎቀተ ፍኖት ሂዶ ሂዶ መመለስ ነውና ከሦስት ዓመት ከስድስት ወር በኋላ መመለሳቸውን ያጠይቃል።

ርኅቀተ ሀገር ጥንቱንም ሳያስቡ መቅረት ነው።

ሞተ ሰማዕታትን አስቀረላቸው ላለው "እምአመአእተቶ ኤፍሬም እምይሁዳ ለንጉሠ ፋርስ ይእተ አሚረ ይመጽእ መዋዕለ ሣህል" እንዲል። አንድም፦ ለእመቤታችን መላእክት ጽዋዕ ሲያፈሱ ማሰሬ ሲመቱ ታይተዋልና ነው።

"ወኢያእመረ ከመ ተውህበ ላቲ ክንፍ" ነገር ግን መከራንና ስደትን የሚያመጣው ለመምህራንና ለምእመናን ሁለት ክንፍ የተባለው ምግባርና ሃይማኖት እንደ ተሰጣቸው፤ ለእመቤታችን ንጽሐ ሥጋና ንጽሐ ነፍስ እንደ ተሰጣት አላወቀምና ይቆጣል።
ወተምዐ ውእቱ አርዌ ላዕለ ይእቲ ብእሲት፦ በዚያች ሴት ተቆጣ እንድም በመምህራን በምእመናን በእመቤታችን ተቆጣ ማለቱ ነው።

የተቆጣው አውሬ ምን አደረገ ?

✍️ ወሖረ ይፅብኦሙ ለእለ ተርፉ ውሉዳ ማለትም ከሞት የቀሩ ልጆችዋን ይጣላቸው ዘንድ #አንድም በሐሣዌ መሢሕ አድሮ ሕፃናትን ይጣላቸው ዘንድ

✍️ ወለእለ የዐቅቡ ትእዛዘ እግዚእብሔር የእግዚአብሔርን ትእዛዝ የሚጠብቁትን አንድም እነኋት እናትህ የሚለውን ቃል ተቀብለው እመቤታችንን በእናትነት የተቀበሉትን፣ አማላጅነቷን የሚያምኑትን፣ በስሟ ለድኃ የሚመጸውቱትን፣ ማኅሌት የሚቆሙትን፣ መታሰቢያዋን የሚያደርጉትን እና በክርስቶስ ቸርነት ያሉትን ሊዋጋ ተቆጠ። ወይሄልዉ በጽድቁ ለኢየሱስ ክርስቶስ እንዲል።

ወቆመ ውእቱ አርዌ ላዕለ ኆጻ ባሕር እንዲል

ውእቱ አርዌ (ያም አውሬ) የተባለው ዲያብሎስ ነው።

ዲያብሎስን በባሕር አሸዋ ላይ ቁሞ አየሁ ይላል።

ትርጓሜ የባሕር አሸዋ ውኃ ሲመላ ከዳር ጥቂት ዘልቆ ይታያል። ዲ*ያ*ብ ሎስ በፍጻሜ ዘመን በጥቂት ሰዎች ነግሦ ሰልጥኖ አየሁ ማለቱ ነው።

#አንድም፦ ውኃ ሲጎል ከዳር ብዙ አሸዋ ይታያል። ዲ*ያ*ብ ሎስ በፍጻሜ ዘመን በብዙ ሰዎች ነግሦ ሰልጥኖ አየሁ ማለቱ ነው።

#አንድም ውኃ ሲጎል በቀኝ በግራ ተከፍሎ ይወርዳል በመካከል ብዙ አሸዋ ይታያል። ዲ*ያ*ብ ሎስም በፍጻሜ ዘመን በብዙ ሰዎች ነግሦ ሰልጥኖ እየሁ ሲል ነው።

አውሬው የቆመበት የባህር አሸዋ የተባለው የከ*ሃ*ድያን ልብ ስለመሆኑ የቅዱሳት መጽሐፍትን ምስክርነት እንመልከት።

የባሕር አሸዋ ጽሉምነት፣ ቆሪርነት ይስማማዋል። ከሃ*ድ*ያ*ንም በራድ ወይ ትኩስ ያይደሉ ለብ ያሉ፣ ጽሉም ሀገር ባሕረ ሲዖል የተጠበቀላቸው ናቸውና ነው።

ይኽንንም የባህር አሸዋ በአበ ብዙሃን አብርሃም አንጻር ዘርህን እንደ ሰማይ ከዋክብት እንደ ምድር አሸዋ አበዛዋለሁ ሲለው ትንሣኤ ሙታን አለ ብለው የሚያምኑት በብሩሃን ከዋክብት ሲመሰሉ ትንሣኤ ሙታን የለም የሚሉቱ ደግሞ በጽሉም አሸዋ ተመስለዋል።

1ኛ መቃብያን 36፥39-42 እንደ ሰማይ ከዋክብትና እንደ ባሕር አሸዋ ልጆቻቸውን ያበዛ ዘንድ ወደው ሕጉን የጠበቁ ሰዎችንም ወደዳቸው። እንደ ባሕር አሸዋ ያላቸው ግን ሙታን በተነሡ ጊዜ ከእስራኤል ልጆች ተለይተው ወደ ገሃነም የሚገቡ የኃጢአተኞች ሰዎች ነፍሳት ናቸው:; እግዚአብሔር አብሃምን ሌሊት ወደ ሰማይ እይ መቁጠርም ትችል እንደ ሆነ የሰማይን ከዋክብት ቁጠራቸው ብሎታልና እንደዚሁ ልጆችህ ጻድቃንም እንደ ሰማይ ከዋክብት በመንግሥተ ሰማይ ያበራሉ ብሎታልና በሰማይ ላይ እንደሚያበሩ ከዋክብት ናቸው ያላቸው ግን ከአስራኤል የተወለዱ የደጋጎች ሰዎች ነፍሳት ናቸው ። ዳግመኛም ወደ ወንዙ ዳግቻ ወደ ባሕሩ አስተውል ባሸዋው መካከል ያለውንም እይ መቁጠር ትችል እንደ ሆነ ቁጠር ሙታን በተነሡ ጊዜ ወደ ገሃነም የሚወርዱ ኃጢአተኞች ልጆችህም እንደዚሁ ናቸው :: ብሎታልና የኃጢአተኞች ሰዎች ነፍሳት ናቸው። እንዲል

እነዚህ ወገኖቻችንን ሰ"ይ"ጣ"ን ሰውነታቸውን ድንኳን አድርጎ የሚኖርባቸው፣ ልባቸውን ዙፋን አድርጎ የሚቀመጥባቸው፣ አንደበታቸውን ልሳን አድርጎ የሚናገርባቸው ናቸውና ልበ ደንጊያ ይባላሉ። አሸዋ የተባለ ጽሉም መከራ ስለሚያገኛለው "ወዘእንበለ ትንብልናሃሰ አልቦ ዘይድህን ። እንዲል ተአምረ ማርያም ምዕ117 አታማልደንም እያሉ ከሃይማኖታዊ ልብ ጓዳቸው የሚያሳድዷት ልበ ድንጋዮችና በቤቱ እየኖሩ በልብ የተሰደዱ አላስተዋዮች ተሰደው እንዳይቀሩ መመለስ እንደሚገባና እርሷ ወደ እስራኤል ሀገር ስትመለስ እነርሱ ወደግብፅ ዓለም ገብተው እንዳይቀሩ ልንጸልይላቸውም ይገባናል።

የምንጸልየው ጸሎት ሁሉ የሚያርገው በእመቤታችን ምልጃ አማካይነት እንደሆነ ራዕ 8:2 በተገለጸው መሠረት ቅዱሳን መላእክት ጸሎት የሚያሳርጉት በእርሷ በተመሰለው ማዕጠንተ ወርቅ እንደሆነ ቅዱስ ያሬድ "ናስተማስለኪ ኦ እግዝእትየ በማዕጠንት ዘወርቅ... ከማሁ በስዕለተ ስምኪ ያዕርጉ ጸሎተ ኩሉ ደቂቀ ፍጡራን" እንዲል ጸሎታችንን ሁሉ አምላከ አበው ይቀበልና ከስደት መልሶ ለክብር ያበቃን ዘንድ ቅዱስ ፈቃዱ ይሁን ። አሜን !!!!

#ቅድስት ሀገሬ ኢትዮጵያ!!!

#የወለድሻቸው ልጆችሽ ይውለዱሽ!!!

#ልጆችሽ ይሟገቱልሽ እንጂ አይሞግቱሽ!!!

#በስደት ያሉ ልጆችሽ በበረከት ይመለሱልሽ!!!

#ድንበርሽን እሳት መሀልሽን ገነት አድርጐ የዓለም ማረፍያ ያድርግሽ #አሜን

01/11/2025

ከየካ ኮተቤ ደብረ ምሕረት ቅድስት ኪዳነ ምሕረት ቤተ ክርስቲያን