DireTube

DireTube DireTube.com is the #1 Ethiopian Video Sharing Site. DireTube is an Ethiopian media and entertainment website founded on October 26, 2008.

በፍሳሽ መውረጃ ቱቦ ወደ መኖሪያ ቤት በመዝለቅ የስርቆት ወንጀል የፈፀመው ግለሰብ በፅኑ እስራት እንዲቀጣ ተወሰነበትተከሳሽ አዲሱ እንደግ የስርቆት ወንጀሉን የፈፀመው ጳጉሜ 5 ቀን 2018 ዓ...
17/09/2026

በፍሳሽ መውረጃ ቱቦ ወደ መኖሪያ ቤት በመዝለቅ የስርቆት ወንጀል የፈፀመው ግለሰብ በፅኑ እስራት እንዲቀጣ ተወሰነበት

ተከሳሽ አዲሱ እንደግ የስርቆት ወንጀሉን የፈፀመው ጳጉሜ 5 ቀን 2018 ዓ.ም በኮልፌ ቀራንዮ ክፍለ ከተማ ወረዳ 2 ካራ ቆሬ አካባቢ ነው።

ተከሳሹ በፍሳሽ መውረጃ ቱቦ ውስጥ የመኖሪያ ቤት ግቢ ከገባ በኃላ የግል ተበዳይ ቤታቸውን ክፍት አድርገው መኝታ ቤት በነበሩት ሰዓት ሳሎን አስቀምጠውት የነበረውን የዋጋ ግምቱ 40 ሺህ የሚያወጣ ሳምሰንግ ታብሌት ስልክ እና 2500 ብር የሚገመት ጃኬት በአጠቃላይ 42,500 ብር የሚገመት ንብረት ሰርቆ ሊሰወር ሲሞክር የግል ተበዳይ ባሰሙት የድረሱልኝ ጥሪ በፖሊስ አባላትና በህብረተሰቡ ትብብር እጅ ከፈንጅ መያዙን በኮልፌ ቀራንዮ ክ/ከተማ ፖሊስ ዋና መምሪያ የካራ ቆሬ አካባቢ ፖሊስ መምሪያ አስታውቋል።

ግለሰቡ በቁጥጥር ስር ከዋለ በኋላ አስፈላጊውን ምርመራ በማጣራት አቃቤ ህግ ክስ እንደመሰረተበትም ፖሊስ ገልጿል።

ተከሳሹ ከዚህ ቀደምም በውንብድና ወንጀል ተከሶ በ2 አመት ፅኑ እስራት እንዲቀጣ ውሳኔ ተላልፎበት በማረሚያ ቤት ፍርዱን ጨርሶ እንደወጣና ደጋጋሚ ወንጀል ፈፃሚ መሆኑንም የፖሊስ ምርመራ መዝገብ ያመለክታል።

የተከሳሽ አዲሱ እንደግ ጉዳይን የተመለከተው የፌዴራል የመጀመሪያ ደረጃ ፍርድ ቤት ኮልፌ ቀራንዮ ምድብ ፈጣን ወንጀል ችሎት ጥፋተኝነቱን በሰው ማስረጃዎች ካረጋገጠ በኋላ ተከሳሹን ያስተምራል ሌሎች ወንጀል ፈፃሚዎችን ያስጠነቅቃል ሲል በፈፀመው የስርቆት ወንጀል መስከረም 6 ቀን 2019 ዓ.ም በዋለው ችሎት በ4 አመት ከ7 ወር ፅኑ እስራት እንዲቀጣ ውሳኔ አስተላልፎበታል።

የአዲስ አበባ ፖሊስ

ደረጃቸውን ያልጠበቁ የማር ምርቶችን ከገበያ ሊወጡ ነው በማር ምርት ላይ የሚታየውን የጥራት መጓደል፣ ከሌላ ምርት ጋር ቀላቅሎ ለገበያ የማቅረብ ችግር እና ያለ ህጋዊ ፈቃድ የሚከናወን ግብይት...
17/09/2026

ደረጃቸውን ያልጠበቁ የማር ምርቶችን ከገበያ ሊወጡ ነው

በማር ምርት ላይ የሚታየውን የጥራት መጓደል፣ ከሌላ ምርት ጋር ቀላቅሎ ለገበያ የማቅረብ ችግር እና ያለ ህጋዊ ፈቃድ የሚከናወን ግብይትን ማስቀረት የሚያስችል ረቂቅ መመሪያ ተዘጋጅቶ ለግብርና ሚኒስቴር ከፍተኛ አመራር መቅረቡን ተቋሙ አስታውቋል፡፡

ረቂቅ መመሪያው ባለፉት ጥቂት ወራት ውስጥ በዝግጅት ላይ የቆየ ሲሆን፤ በግብርና ሚኒስቴር የማኔጅመንት አባላት ጸድቆ ወደ ስራ ሲገባ በዘርፉ ሰፊ የህግ ማዕቀፍና የቁጥጥር ስልጣን የሚፈጥር እንደሆነ እና ህጋዊ አሰራርን ከተከተሉ አምራቾችና አቅራቢዎች ውጭ ያሉትን ያልተገቡ ተወዳዳሪዎች ከገበያ የሚያስወጣ መሆኑን በሚኒስቴሩ የንብና የሀር ሀብት ልማት ዴስክ ኃላፊ አቶ አዚዝ አያሌው ተናግረዋል፡፡

ከህግ ማዕቀፉ ጎን ለጎን የኢትዮጵያ ደረጃዎች ኢንስቲትዩት ከቁጥጥር ባለስልጣኑ ጋር በመተባበር ዘመናዊ የቴክኖሎጂ አሰራር መዘርጋቱን በመጥቀስ፤ በዚህም ማንኛውም ማር አቅራቢ ምርቱን ወደ ገበያ ከማስገባቱ በፊት ህጋዊ የንግድ ፈቃድ እንዲኖረው ይጠበቃል ብለዋል፡፡

ምርቱም በላቦራቶሪ ተፈትሾ የጥራትና የደረጃ ማረጋገጫ እንደሚሰጠው እና መስፈርቱን አሟልተው ጥራታቸው ለተረጋገጠ ምርቶች ልዩ የQR ኮድ መዘጋጀቱንም ገልጸዋል፡፡

ለገበያ የቀረበው ማር የተቀየጠ እና የጥራት ችግር ያለበት ከሆነ መተግበሪያው ወዲያውኑ ውድቅ እንደሚያደርገው በመግለጽ፤ አጠራጣሪው ምርት የሚገኝበትን ቦታ በጂፒኤስ መረጃ በመታገዝ ለተቆጣጣሪው ባለስልጣንም ሆነ ለደረጃዎች ኢንስቲትዩት በቀጥታ ጥቆማ የሚቀርብበት አሰራር መዘርጋቱን ተናግረዋል፡፡

አሁን ላይ በሙከራ ደረጃ የሚገኘው አሰራር በጥቂት አቅራቢዎች ላይ ተሞክሮ ውጤታማነቱ ከተረጋገጠ በኋላ በሙሉ አቅም ወደ ስራ እንደሚገባ አመላክተዋል፡፡

አዲሱ አሰራር ለውጭ ገበያ የሚቀርበውን የማር ምርት መጠን በማሳደግ የውጭ ምንዛሬ ግኝትን በከፍተኛ ደረጃ ያሳድጋል ተብሎ እንደሚጠበቅ ሚኒስቴሩ ገልጿል።
(መናኸሪያ )

17/09/2026

"የአባቶች ምርቃት፦ ከልብ የመነጨ የደስታ እንባ እና ምስጋና! 🙏"

ዓመት አልፏል።
ወጥተናል… ወርደናል…
ነግደናል… አትርፈናል…
ተምረናል… ሰርተናል…
ብዙ ነገር አድርገናል።
ግን… ለነፍሳችንስ?
እኛ አዲሱን ዓመት በተስፋ ልንቀበል ስንዘጋጅ…
መነኮሳትና መነኮሳያትስ የገጠር አብያተክርስትያናትስ
ምናልባት…
የእርስዎን ትንሽ ልግስና ብቻ።
አንድ …
ጧፍ…እጣን ዘቢብ…ዕሱም ከበዛ መርፌና ክርም ቢሆን
ለእነሱ ትልቅ ተስፋ ቢሆንስ።
ማኅበረ ጽዮን ለ53 ዓመታት በታማኝነት ያገለገለውን ተልዕኮ በመቀጠል፣
የጳጉሜን ወራትንና የመስቀል በዓልን አስመልክቶ
ልዩ የዲጂታል ገቢ ማሰባሰቢያ ዘመቻ ጀምሯል።
እግዚያብሄር ቢፈቅድ ዘንድሮም
በገዳማትና በረሃማ አካባቢዎች የሚገኙ
አባቶችን፣ መነኮሳትን፣ መነኮሳያትን
እና የእመቤታችን እንግዶችን ይደግፋል።

አዲሱን ዓመት በአዲስ ልብ እንቀበል። ❤️
በሉ የመልካም ስራ በኋላ የለውም ።
💛 ለመለገስ
🏦 አቢሲኒያ ባንክ: 2121 / 1365417
🏦 ሕብረት ባንክ: 1481111630915017
🏦 አሐዱ ባንክ: 0008364120301 የባንክ ቁጥሮችን ይጠቀሙ

#ማኅበረጽዮን #የበጎአድራጎትጥሪ #ምርቃት #በጎሥራ

በሃንጋሪ የሚገኙ ፓርኮች ወንበሮች ላይ ለቤት አልባ ሰዎች የሚሆን ብርድ ልብስ ይቀመጣልበሃንጋሪ የሚገኙ ፓርኮች ወንበሮቻቸው ስር በብርድ ወቅት ከቤት ውጭ ለሚያድሩ ሰዎች፣ በተለይም ቤት ለሌ...
17/09/2026

በሃንጋሪ የሚገኙ ፓርኮች ወንበሮች ላይ ለቤት አልባ ሰዎች የሚሆን ብርድ ልብስ ይቀመጣል

በሃንጋሪ የሚገኙ ፓርኮች ወንበሮቻቸው ስር በብርድ ወቅት ከቤት ውጭ ለሚያድሩ ሰዎች፣ በተለይም ቤት ለሌላቸው ወይም ጊዜያዊ ሙቀት ለሚፈልጉ አረጋውያን፣ በሚፈልጉበት ቦታ ብርድ ልብስ በቀላሉ እንዲያገኙ የሚያስችል ማስቀመጫ አላቸው::

በወንበሩ ስር የሚገኝ ባዶ ቦታ የተከለለ የማከማቻ ክፍል ሆኖ ብርድ ልብሶችንና ሌሎች የሙቀት መስጫ እቃዎችን ለማስቀመጥ የሚያገለግል ነው።

ይህም በብርድ ወቅት ከቤት ውጭ ለሚያድሩ ሰዎች፣ በተለይም ቤት ለሌላቸው ወይም ጊዜያዊ ሙቀት ለሚፈልጉ አረጋውያን፣ በሚፈልጉበት ቦታ ብርድ ልብስ በቀላሉ እንዲያገኙ ያስችላል።

በጎ ፈቃደኞችም የማስቀመጫ ቦታዎቹን በመከታተል፣ የተወሰዱ ብርድ ልብሶችን በመተካት እና እቃዎቹ ንፁህና ደረቅ መሆናቸውን በማረጋገጥ ያግዛሉ።

ይህ ሀሳብ ቤት አልባነትን ወይም የክረምት ችግርን ሙሉ በሙሉ የሚፈታ መፍትሔ ባይሆንም በቀዝቃዛ ሌሊት ትንሽ ሙቀት መስጠት እንኳን ትልቅ ሰብዓዊነት እንደሆነ ማሳያ መሆኑ መነጋገሪያ ሆኗል።

🔥 የኢትዮጵያ ስም በዓለም አቀፍ የፋሽን መድረክ ላይ እንዲጠራ ታሪክ እንሥራ! 🏆🇪🇹ኢትዮጵያዊቷ ዓለም አቀፍ ዲዛይነር ሃይማኖት በፍቃዱ በታላቁ NCFW AWARDS 2026 ላይ የዓመቱ ምርጥ ...
17/09/2026

🔥 የኢትዮጵያ ስም በዓለም አቀፍ የፋሽን መድረክ ላይ እንዲጠራ ታሪክ እንሥራ! 🏆🇪🇹

ኢትዮጵያዊቷ ዓለም አቀፍ ዲዛይነር ሃይማኖት በፍቃዱ በታላቁ NCFW AWARDS 2026 ላይ የዓመቱ ምርጥ ዓለም አቀፍ የፋሽን ዲዛይነር (Best Fashion Designer - International) በመባል በዕጩነት ተመርጣለች! 🏆✨

ይህን ሽልማት ወደ ሀገራችን ለማምጣትና የኢትዮጵያን ባህል እንዲሁም ፈጠራ ውበት ለዓለም ለማሳየት በአንድነት እንነሳ! 🇪🇹✨

📲 እንዴት ድምፅ መስጠት ይቻላል?
👇🏽👇🏽👇🏽
በWhatsApp መተግበሪያ 302601 የሚለውን ኮድ ወደ +27 79 854 8861 “302601 – Haimanot Befkadu⁠ “ ብለው ፅፈው ይላኩ።
(የላኩበትን ስክሪንሸት ኮመንት ላይ ያስቀምጡልን!)

እያንዳንዱ ድምፅ ዋጋ አለው! ፅሁፉን ሼር ያድርጉ፣ ጓደኞችዎን ታግ ያድርጉ፤ ለሃይማኖት ያለንን ሙሉ ድጋፍ እናሳይ! 💚💛❤️
(ሼር ሳታደርጉ አትለፉ!)

ማስታወሻ፦ በዕጩነት መመረጥ ትልቅ ክብር ሲሆን፣ አሸናፊው የሚለየው ግን በNCFW Awards ይፋዊ የዳኝነትና የግምገማ ሂደት መሠረት ነው።

አጋዝእተ ዓለም ሥላሴ ከክፉ ነገር ሁሉ ይከልሉን፤ የልባችንን መልካም መሻትም ይሙሉልን🙏የሥላሴን አኗኗር በስጋዊ ስሌት የማንመረምረውም መንፈሳዊ በመሆኑ ነው፡፡ የምሥጢረ ሥላሴን ትምህርት ስን...
17/09/2026

አጋዝእተ ዓለም ሥላሴ ከክፉ ነገር ሁሉ ይከልሉን፤ የልባችንን መልካም መሻትም ይሙሉልን🙏

የሥላሴን አኗኗር በስጋዊ ስሌት የማንመረምረውም መንፈሳዊ በመሆኑ ነው፡፡ የምሥጢረ ሥላሴን ትምህርት ስንማር ከሂሳብ ቀመር ሕግ አስተሳሰብ ነጻ መሆን ያሻል። ምክንያቱም መንፈሳዊዉ ጥበብ ሥጋዊዉን ጥበብ ወይም ፍልስፍና ይመረምረዋል እንጅ መንፈሳዊ ጥበብና ምሥጢር በዓለማዊ ዕውቀትና ምርምር ሊደረስበት አይቻልምና የሃይማኖት ነገር ቁሳዊ ሳይሆን መንፈሳዊና በሃይማኖት ሆኖ በመንፈሳዊነት የሚታወቅና የሚታመን ነው። ሥላሴ፣ ሠለሰ ሶስት አደረገ፤ ካለው የግዕዝ ግሥ የተገኘ ሲሆን፤ ሥላሴ ማለት ሶስትነት ማለት ነው። በአንድነት በሦስትነት የሚመሰገን፣ ዓለምን ፈጥሮ የሚገዛ አምላክ ቅድስት ሥላሴ፡፡ ቅድስት ሥላሴ ስማቸው ከአካላቸው፣ አካላቸው ከስማቸው ሳይቀድም ከዓለም በፊት የነበረ ነው እንጂ ኋላ የተገኘ አይደለም፡፡

ቅድምናቸው ዘመኑን ቢወስነው እንጂ ዘመኑ ቅድምናቸውን አይወስነውምና፡፡ የሥላሴ አንድነት በባህርይ፣ በህልውና፣ በፈቃድ፣ በሥልጣን፣ በመፍጠር በመሳሰሉት ነው፡፡ ሥላሴ የሚለው ስም የአንድነትና የሦስትነት ስም ነውና በስም፣ በግብርና በአካል ሦስት እንላለን፡፡ የሰው ነፍስ የቅድስት ሥላሴ ምሳሌ ናት፡፡ ይኸውም አብ በልብ፣ ወልድ በቃል፣ መንፈስ ቅዱስ በእስትፋስ ይመሰላሉ፡፡ በእግዚአብሔርነቱ፤ ልብ፣ ቃልና ሕይወት አለ። ነፍስ ሶስት ባህርያት ቢኖሯትም አንድ እንደምትባል እግዚአብሔርም ሶስት ስም፤ ሶስት ግብር፤ ሶስት አካል፤ ቢኖረውም አንድ አምላክ እንጅ ሶስት አማልክት አይባልም፡፡

ለአብ፣ ለወልድ፣ ለመንፈሰ ቅዱስ ለየራሳቸው ፍፁም ገጽ፣ ፍፁም መልክ፣ ፍፁም አካል፣ አላቸው። የፍጡራን አካል የሚታይ፣ የሚዳሰስ፣ የሚመጠን፤ የሚወሰን፣ ሲሆን የሥላሴ አካል ግን፤ የማይታይ፣ በእጅ የማይዳሰስ፣ በቦታ የማይወሰን፣ በሁሉም ምሉዕ ነው። የቅድስት ሥላሴ ምሕረትና ቸርነት አይለየን፡፡ ገዳማውያኑ ዓለምን ትተው ሲመንኑ ይህን ምሕረትና ቸርነት ተስፋ አድርገው ስጋዊውን ክብር ንቀው ነው፡፡ ገዳማቸውን ስንደግፍ በዓታቸውን ስናጸና የበረከታቸው ተሳታፊ እንሆናለን፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

ሚስ ጄኔሲስ ኢትዮጵያ የተሰኘ የዲያስፖራ የቆንጅና ውድድር በኢትዮጵያ ሊካሄድ ነው ጄኔሲስ ኢንተርናሽናል ኦርጋናይዜሽን ሚስ ጄኔሲስ ኢትዮጵያ የተሰኘ የዲያስፖራ የቆንጅና ውድድር በኢትዮጵያ ...
16/09/2026

ሚስ ጄኔሲስ ኢትዮጵያ የተሰኘ የዲያስፖራ የቆንጅና ውድድር በኢትዮጵያ ሊካሄድ ነው

ጄኔሲስ ኢንተርናሽናል ኦርጋናይዜሽን ሚስ ጄኔሲስ ኢትዮጵያ የተሰኘ የዲያስፖራ የቆንጅና ውድድር በኢትዮጵያ ለማካሄድ በዛሬው እለት ከውጭ ጉዳይ ሚኒስቴር የኢትዮጵያ ዲያስፖራ አገልግሎት ጋር የጋራ ስምምነት ፊርማ አካሄዷል::

ሚስ ጄኔሲስ ኢትዮጵያ ከኢፌዴሪ የውጭ ጉዳይ ሚኒስቴር የኢትዮጵያ ዲያስፖራ አገልግሎት ፣ ከቱሪዝም ሚኒስቴር እና ከአዲስ አበባ ቱሪዝም ኮሚሽን ጋር በትብብር እንደሚካሄድ ተገልጿል::

ይህ የውድድር መድረክ ሴቶችን ለአመራርና ለአገልግሎት ማብቃት፣ የኢትዮጵያን ባህልና ቱሪዝም ማስተዋወቅ፣ ዲያስፖራውን በጥልቅ ዓላማ ከሀገሩ ጋር ማገናኘት እና ኢትዮጵያን ለዓለም ማስተዋወቅ የሚያስችሉ የትብብር ሥራዎችን ለማጠናከር ያለመ እንደሆነ የኢትዮጵያ ዲያስፖራ አገልግሎት ዋና ዳይሬከተር አምባሳደር ፍፁም አረጋ ገልጸዋል::

የጄኔሲስ ኢንተርናሽናል ኦርጋናይዜሽን መስራች ፋሲካ ካሳ ታደሰ በበኩላቸው ከመድረኩ የረጅም ጊዜ ዓላማዎች መካከል የዲያስፖራ ተሳትፎንና ግንኙነትን ማጠናከር፣ የኢትዮጵያን ባህልና ቱሪዝም በዓለም ደረጃ ማስተዋወቅ እና አዲስ አበባን እንደ ባህላዊ፣ የቱሪዝምና ዓለም አቀፍ ዝግጅቶች መዳረሻ ማስተዋወቅ መሆናቸውን ጠቅሰዋል።

በአጋርነት ስምምነቱ መሰረት የኢፌዴሪ የውጭ ጉዳይ ሚኒስቴ ር የኢትዮጵያ ዲያስፖራ አገልግሎት ዲያስፖራውን ከሀገር ጋር በትርጉም ያለው ተሳትፎና ግንኙነት ለማጠናከር ፣ የቱሪዝም ሚኒስቴር የኢትዮጵያን ባህል ፣ ቱሪዝም እና ዓለም አቀፍ መዳረሻነት ለማጠናከር ሲሆን የአዲስ አበባ ቱሪዝም ኮሚሽ ን ፦ አዲስ አበባን እንደ ባህላዊ ፣ የቱሪዝም እና ዓለም አቀፍ ዝግጅት መዳረሻ ለማስተዋወቅ በትብብር እንደሚሰሩ ተጠቁሟል::

ኢቢኤስ የውድድሩ የሚዲያ አጋር መሆኑ ተነግሯል ::

ጄኔሲስ ኢንተርናሽናል ኦርጋናይዜሽን የተመሰረተው በኢትዮጵያ ፣ በዓለም ዙሪያ በሚኖሩ የኢትዮጵያ ትውልዶች እና በዓለም አቀፍ ማህበረሰብ መካከል ዘላቂ ድልድይ ለመግንባት ነው ተብሏል።
#ድሬቲዩብ

የ2018 ዓ.ም የ12ኛ ክፍል ብሔራዊ ፈተና የዩኒቨርሲቲ ምደባ ይፋ ሆነ የ2018 ዓ.ም የ12ኛ ክፍል ብሔራዊ ፈተና የዩኒቨርሲቲ ምደባ ይፋ ተደርጓል፡፡ትምህርት ሚኒስቴር እንደገለጸው፤ ተማ...
16/09/2026

የ2018 ዓ.ም የ12ኛ ክፍል ብሔራዊ ፈተና የዩኒቨርሲቲ ምደባ ይፋ ሆነ

የ2018 ዓ.ም የ12ኛ ክፍል ብሔራዊ ፈተና የዩኒቨርሲቲ ምደባ ይፋ ተደርጓል፡፡

ትምህርት ሚኒስቴር እንደገለጸው፤ ተማሪዎች የተመደቡበትን ዩኒቨርስቲ ለዚሁ ተግባር በተዘጋጀው የኦንላይን ሥርዓት በመጠቀም ማየት እንደሚችሉም ጠቁሟል፡፡

የተመደቡበትን ዩኒቨርስቲ ለማየት ይህንን ማስፈንጠሪያ፦ https://student.ethernet.edu.et/view-placement መጠቀም እንደሚችሉም ጠቁሟል፡፡

በምደባው ቅሬታ ያላቸው ተማሪዎች ቅሬታቸውን ለዚሁ ሲባል በተዘጋጀው የኦንላይን ሥርዓት ብቻ ይህ ምደባ ይፋ ከሆነበት ቀን ጀምሮ በ5 ቀናት ውስጥ አስፈላጊውን መረጃና ማስረጃ በማያያዝ እንዲያቀርቡም አሳስቧል፡፡

የቅሬታ ማቅረቢያ ማስፈንጠሪያ፦ https://student.ethernet.edu.et/complaints
በዚህም በአካል ወደ ትምህርት ሚኒስቴር በመምጣት የሚቀርብ የምደባ ቅሬታ የማይስተናገድ መሆኑን፤ በተጨማሪም የተሳሳተ ማስረጃ ወይም የተጭበረበረ ሰነድ ማቅረብ በፍጹም የተከለከለ መሆኑን ተማሪዎችና ወላጆች እንዲገነዘቡ ከሚኒስቴር መስሪያ ቤቱ የተገኘው መረጃ ያመላክታል፡፡
(ኤፍ ኤም ሲ)

ከ46.4 ሚሊዮን ብር በላይ የማታለል ወንጀል ፈጽሞ ከሀገር ተሰውሯል የተባለ ተጠርጣሪ በኢንተርፖል ትብብር በቁጥጥር ሥር ዋለ***ከ46 ነጥብ 4 ሚሊዮን ብር በላይ ግምት ያላቸውን 12 የ«B...
16/09/2026

ከ46.4 ሚሊዮን ብር በላይ የማታለል ወንጀል ፈጽሞ ከሀገር ተሰውሯል የተባለ ተጠርጣሪ በኢንተርፖል ትብብር በቁጥጥር ሥር ዋለ
***

ከ46 ነጥብ 4 ሚሊዮን ብር በላይ ግምት ያላቸውን 12 የ«BYD Seagull» ኤሌክትሪክ ተሽከርካሪዎች በውክልና ለመሸጥ ከተረከበ በኋላ ገንዘቡን ለተበዳይ ሳያስረክብ ከባድ የማታለል ወንጀል ፈጽሞ ከሀገር ተሰውሯል የተባለ ተጠርጣሪ በቁጥጥር ሥር ማዋሉን የኢትዮጵያ ፌደራል ፖሊስ አስታወቀ።

ተጠርጣሪው ከግል ተበዳይ አቶ ዮናስ ገብረመስቀል ጋር በነበረው የውክልና ስምምነት ተሽከርካሪዎቹን ከተረከበ በኋላ፣ የተገኘውን ገንዘብ ይዞ ከሀገር በመውጣት በታይላንድ፣ በሲንጋፖር፣ በፊሊፒንስ እና በኢንዶኔዥያ ሀገራት ከሕግ ተጠያቂነት ለማምለጥ ሲዘዋወር ቆይቷል።

የኢትዮጵያ ፌደራል ፖሊስ ከዓለም አቀፉ የፖሊስ ኅብረት ድርጅት (ኢንተርፖል) ጋር ባደረገው የቅርብ ትብብር በግለሰቡ ላይ ዓለም አቀፍ የቀይ ማስታወቂያ (Red Notice) እንዲወጣበት አድርጓል። በዚህም መሠረት ተጠርጣሪው መስከረም 3 ቀን 2019 ዓ.ም በኢንዶኔዥያ ኢንተርፖል በቁጥጥር ሥር የዋለ ሲሆን፣ መስከረም 5 ቀን 2019 ዓ.ም ለኢትዮጵያ ፌደራል ፖሊስ ተላልፎ መሰጠቱ ተጠቅሷል።

ፖሊስ በተጠርጣሪው ላይ የምርመራ መዝገብ አደራጅቶ ያጠናቀቀ ሲሆን፣ ከዚህ በተጨማሪም በሌሎች ሁለት ከባድ የማታለል ወንጀሎች ተጠርጥሮ ተጨማሪ ምርመራ እየተጣራበት እንደሚገኝ አስታውቋል።

የኢትዮጵያ ፌደራል ፖሊስ በተለያዩ የሽብርና ድንበር ተሻጋሪ ወንጀሎች የሚፈለጉ አካላትን በቁጥጥር ሥር አውሎ ለሕግ ለማቅረብ ከሀገራት የፖሊስ ተቋማትና ከኢንተርፖል ጋር የሚያደርገውን ትብብር አጠናክሮ እንደሚቀጥል በመግለጽ፣ ለኦፕሬሽኑ መሳካት ከፍተኛ አስተዋጽኦ ላበረከቱት ለአዲስ አበባ ፖሊስ፣ ለኢንዶኔዥያ ፖሊስ እና ለኢንተርፖል ምስጋናውን አቅርቧል።
(ፌ.ፖ)

ጊፋታ የዓለም ቅርስ።ወደ ወላይታ ሁሌም ሂዱ፤ የጊፋታ ግን ፈፅሞ አትቅሩ።***(ተጓዡ ጋዜጠኛ ሄኖክ ስዩም - ለድሬቲዩብ)ወደ ወላይታ ሂዱ።የተጣላ ታርቆ ዘመን የመቀየር ውበትን ለማየት ሂዱ። ...
16/09/2026

ጊፋታ የዓለም ቅርስ።
ወደ ወላይታ ሁሌም ሂዱ፤ የጊፋታ ግን ፈፅሞ አትቅሩ።
***
(ተጓዡ ጋዜጠኛ ሄኖክ ስዩም - ለድሬቲዩብ)

ወደ ወላይታ ሂዱ።
የተጣላ ታርቆ ዘመን የመቀየር ውበትን ለማየት ሂዱ።
የተቸገረ በመተጋገዝ ደስታውን መልሶ ጎጆውን በማፍካት ዘመንን ሲሞሽር ለመመልከት ሂዱ።

መስክ አጊጦ ሰው አምሮበት አዲስ ዘመን ሲሆን አዲስ ተስፋ ለመሰነቅ ሂዱ።
ዓመቱን ሙሉ ወደ ወላይታ ሂዱ። ያ ደስ የሚል ምድር ነው። በዚያ ተፈጥሮ አለ፣ ቱባ ባህል ታያላችሁ፣ ዘመን ያስቆጠረ ታሪክ የምታደምጡት ቦታ ነው። ግን ደግሞ የጊፋታ ፈፅሞ እንዳትቀሩ።

ምድሩ እየጣራችሁ ነው። ሃሹ ላይታፔ ላይታ ሰሯን ጋቲስ በሉት። እንኳን አደረሰን ብሎ ይቀበላችኋል። ሶዶ ትደምቃለች። በባህል የምታጌጥበት ልዩ ወቅት ነው።
ጊፋታ አሁን የወላይታም የኢትዮጵያም አይደለም፤ የሰው ልጅ ሁሉ ሆኗል። ሰው ሁሉ ሊመለከተው የሚገባ ወካይ እሴት ነው። ለዚህ ነው ፈፅሞ እንዳትቀሩ ስል የጀመርኩት።
የወላይታ ዘመን መለወጫ የዓለም ቅርስ ሆኗል። ወላይታ ኢትዮጵያን አልብሶ ዓለም ፊት እንድትቆም ያለበሳት የእሴት ካባ ነው።

የወላይታ ባህል የጨረቃን ዑደት ያሰላል። በዚያ ከክረምት ወደ በጋ፣ ደጋው ምድሩ ላይ ተኝቶ ከሰነበተው ጭጋግ ወደ ብራ መልክ የሚቀየርበትን ዑደት ይቀምራል። ከአሮጌው ዓመት ወደ አዲስ ዓመት የሚሸጋገርበትን ያሰላል። በዚያ እሴት ታላቁ ቀን ጊፋታ ነው። ደግሞም ትልቅ ማለት ነው። በእርግጥስ በትልቁ ደምቆ እንደ ጊፋታ የሚከበር ምን አለ?

ቂም ወድቆ፣ መስክ አጊጦ፣ ፍቅር ገዝፎ፣ ዕርቅ ፀንቶ የሚከበር ሙሉ በዓል ነው። ደስታ እንጂ ሀዘን የሌለበት፣ አንዴ በዚያ ከተገኛችሁ ዘመናችሁን ሁሉ "ኻያያ ለኬ..." እያላችሁ በትዝታ ዜማ ዳሞታ ተራራ ስር ስትንበረከኩ ትኖራላችሁ። ጊፋታ ያንን የማድረግ አቅም አለው።

ኢትዮጵያ የወላይታን የጭፈራ ባህል ለዓለም ብታሳየው ብዙ ታተርፍበታለች። አንድ ቀን በሙዚቃ ኢንዱስትሪው በወጪ ንግድ የምታተርፍበት ሆኖ እንደምትታወቅበት ተስፋ አደርጋለሁ።

የጊፋታ ባይራነት ዓለም ፊት አቁሞናል። ቀን ብቻ አይደለም። እሴት ነው። አብሮ የመሆን፣ የመነፋፈቅ፣ ለቀደሙት ክብር ሰጥቶ አንጋፎችን የማላቅ ትውፊት የሚታይበት።
ደግሞስ ኃይልም ነው። ወደ ቀጣዩ ዓመት የመሻገር። ያ ኃይል ከምርቃት ይመጣል፤ ከመልካም ምኞት ይመጣል፣ ከተስፋ ይመጣል። ወላይታ የመረዳዳት ባህሉን፣ አብሮ የመደሰት ወጉን የሚያድስበት የዓመት ጌጥ።

ጊፋታ መሄድ ብዙ ቦታ ያደርሳል። ዳሞታን ትወጣላችሁ፤ በከፍታ ሆናችሁ ከፍ ብሎ በሚከበረው በዓል ሰሞን ብዙ ትመለከታላችሁ። ወደ አጆራ ተጉዛችሁ የፏፏቴ ዜማ ታደምጣላችሁ። ደግሞ ቱባው የወላይታ ጭፈራ እንደልብ የሚታይበት ወቅት ነው።

አቅዱ አሁን ቦቦዳ ነው። ቦቦዳ ማለት በወላይታ የመስከረም የመጀመሪያ ሳምንት ማለት ነው። ጷግሜን ሀሬ ሀይቆ ይሏታል። ቀጣዩ ሳምንት ጎሻ ይባላል። እሱ የጊፋታ ሰሞን ነው። እናም ወደ ወላይታ ሂዱ።

Address

Addis Ababa

Website

Alerts

Be the first to know and let us send you an email when DireTube posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DireTube:

Shortcuts

Share

Category