Abyssinia Gebeyehu

15/09/2026

ሀገራችን ጥረቷ ተስምቶ ከኃያላን ሀገራት ድጋፍ ማግኘት ጀመረች!

👇👇👇

14/09/2026

ዐቢይና ፑቲን በአንድ መኪና ወደ ስብሰባ መጓዛቸው የስልታዊ አጋርነት እና የዲፕሎማሲያዊ ትብብር ማሳያ ነው።

በኒው ዴልሂ የተካሄደው የBRICS ስብሰባ የዓለም ኃያላንና የታዳጊ ኢኮኖሚዎች መሪዎችን በአንድ መድረክ አሰባስቧል። በዚህ ዓለም አቀፍ መድረክ ላይ ጠቅላይ ሚኒስትር ዐቢይ አሕመድና ፕሬዚዳንት ቭላድሚር ፑቲን አብረው በአንድ መኪና ወደ ስብሰባው ሲያመሩ የታየው ምስል ከጉዞ በላይ የዲፕሎማሲ ምልክት ነው።

አብሮ መጓዝ የሁለቱን አገራት የተጠናከረ ግንኙነት፣ የሚጋሩትን የስትራቴጂክ ፍላጎት እና በBRICS ውስጥ የሚኖራቸውን ትብብር በምስል የሚያሳይ አስደናቂ ትዕይንት ነው።

ኢትዮጵያና ሩሲያ በደህንነት፣ በንግድና ኢንቨስትመንት፣ በትምህርት፣ በቴክኖሎጂ፣ በልማትና በሌሎች ዘርፎች ትብብራቸውን ለማስፋት በመወያየታቸው ይህ ጉዞ የሚቀጥለውን የግንኙነት ምዕራፍ የሚያመላክት ምስል ነው።

12/09/2026

10/09/2026

ጳጉሜን 5 "የነገ ቀን"

10/09/2026

ነገን የምንገነባው ዛሬ ነው!

ጠቅላይ ሚኒስትር ዐቢይ አሕመድ (ዶ/ር) በተገኙበት፣ በዓመት እስከ 1 ሚሊዮን ባለ 20 ጫማ ኮንቴነሮችን የማስተናገድ አቅም ያለው የሞጆ ዘመናዊ የሎጂስቲክስ ማዕከል ማስፋፊያ የመጀመሪያ ምዕራፍ ተመርቋል።

ይህ ማዕከል የዛሬ ፕሮጀክት ብቻ አይደለም፤ የነገዋን ኢትዮጵያ የሚያገናኝ የንግድ፣ የሎጂስቲክስና የምርት አቅም መሠረት ነው።

ኢትዮጵያ ወደ ዓለም ገበያ የምትወጣበት፣ ምርቷ በፍጥነት የሚደርስበት፣ ንግዷ የሚሳለጥበትና የአፍሪካ የንግድ ማዕከልነቷ የሚጠናከርበት ነገ እየተገነባ ነው።

ነገ የሚመጣ ቀን ብቻ አይደለም፤ ዛሬ በምንገነባው መሠረት የምንፈጥረው ዕድል ነው።

ዛሬ መሠረት፣ ነገ ብልጽግና!
ኢትዮጵያ ነገዋን ዛሬ እየገነባች ነው!

10/09/2026

የነገው ቀን ለኢትዮጵያ ብሩህ ነው!

ሀገራዊ የቴክኖሎጂ ሽግግር
ከወረቀት ወደ ዲጂታል፤ ከተጠቃሚነት ወደ ፈጣሪነት!

ዲጂታል ሽግግሩ ንግድና አገልግሎትን እያቀላጠፈ፣ መረጃን ተደራሽ እያደረገና ዘርፎችን እያዘመነ ነው። የ5 ሚሊዮን ኢትዮጵያ ኮደሮች ንቅናቄም ወጣቶችን የቴክኖሎጂና የሰው ሰራሽ አስተውሎት ፈጣሪዎች በማድረግ ወደ 7 ሚሊዮን ግባችን እየመራ ነው።

በሀገር በቀል አቅም እየበለጸገ የመጣው የሳይበር ሉዓላዊነታችንም ኢትዮጵያ በዲጂታል ኢኮኖሚ በራሷ አቅም የምትቆም ሀገር መሆኗን ያረጋግጣል።

የነገው ቀን በዛሬው ፈጠራ፣ ትጋትና ቁርጠኝነት ይገነባል።

# የነገው ቀን ለኢትዮጵያ ብሩህ ነው!

09/09/2026

“ህብር”
ህብር ማለት ብዙ ቀለሞች ተቀናጅተው አንድ ውብ ምስል እንደሚፈጥሩ ሁሉ፣ ልዩ ማንነቶችን ሳንጋፋና ሳንንቅ በአንድነት መኖር ነው። ይህን መሠረታዊ መርህ ማስታወስና መተግበር የጋራ ሰላማችንን፣ አንድነታችንን እና የሀገራችንን የወደፊት የብልጽግና ጉዞ ለማጠናከር በእጅጉ ያግዛል።

08/09/2026

የኢትዮጵያውያን አለመበገር እና የጽናት ጉዞ

ጳጉሜ 3 «የጽናት ቀን»ን ስናከብር፣ የሀገራችን ታሪክ በእሳት ተፈትኖ የወጣ የጽናት ማሳያ መሆኑን በኩራት እያሰብን ነው። ኢትዮጵያ በታሪኳ ያጋጠሟትን በርካታ ፈተናዎች እና ውጣ ውረዶች አልፋ እዚህ ለመድረስ ያበቃት ዋነኛ ምስጢር የህዝቦቿ የማይበገር ወኔ እና ተስፋ ያለመቁረጥ ባህል ነው። ከአድዋ የነጻነት ተጋድሎ እስከ አሁናዊው የኢኮኖሚና የምግብ ሉዓላዊነት ዘመቻ ድረስ፣ የኢትዮጵያውያን ጽናት ትውልድን እየተካ የተሻገረ ሕያው እሴታችን ነው።

በዓድዋ ተራሮች ላይ አባቶቻችን የውጭ ወራሪን ድል አድርገው ነጻነታችንን ያስከበሩበት ታሪካዊ ጽናት፣ ዛሬ ደግሞ ሀገራችንን ከድህነት እና ከተረጂነት ለማላቀቅ በሚደረገው ተጋድሎ ውስጥ በአዲስ መልክ እየተደገመ ይገኛል። የታላቁ ህዳሴ ግድብ ግንባታ ማጠቃለል፣ የመስኖ ስንዴ ልማት ውጤቶች እና አገር በቀል የአምራችነት ንቅናቄዎች ሀገራችን ድህነትን ታሪክ በማድረግ ረገድ እያሳየች ያለችው የዘመናችን የጽናት ማሳያዎች ናቸው።

የጽናት ቀን ትርጉሙ ያለፈውን መስዋዕትነት ማሰብ ብቻ ሳይሆን፣ ወደፊት የሚጠብቁንን የልማትና የመልካም አስተዳደር ፈተናዎች በጋራ ለማለፍ ቁርጠኝነታችንን ማደስ ነው። አባቶቻችን በደማቸው ነጻነቷን ያስከበሩላትን ኢትዮጵያ፣ እኛ ደግሞ በዕውቀታችን፣ በሥራችን እና በኅብረታችን ከተረጂነት ተላቃ የኢኮኖሚ ሉዓላዊነቷን ያረጋገጠች የበለጸገች ሀገር አድርገን ለቀጣዩ ትውልድ የማስረከብ ታሪካዊ ኃላፊነታችን ነዉ።

08/09/2026

«በ**“መደመር” እሳቤ** ውስጥ ጽናት ማለት ችግሮችን ተቋቁሞ ወደ ግብ መጓዝን፣ ከእንቅፋቶች ተምሮ መራመድን እና በጋራ ጥረት የላቀ ውጤት ማምጣትን ያመለክታል።

በተለይም የመደመር እሳቤ ከግለሰብ ጽናት ወደ የጋራ ጽናት የሚሸጋገርበትን መንገድ ያሳያል። አንድ ግለሰብ ብቻውን የሚጋፈጠው ፈተና፣ በጋራ እውቀት፣ ጉልበት እና ሀሳብ ሲደገፍ ይበልጥ በቀላሉ ሊሸነፍ ይችላል።

08/09/2026

የፀና ክንድ፤ የሀገራችን ጠንካራ ጋሻ

አድዋ የኢትዮጵያዊያን ፀንቶ የመቆም፣ ሀገርን የመጠበቅና ነፃነትን በደምና በአንድነት የማስከበር ታላቅ ትምህርት ነው። የአድዋ አርበኞች በፀና ክንዳቸው ሀገራቸውን በመጠበቅ ለትውልድ የነፃነት ውርስ አስተላልፈዋል።

ዛሬም ይህ የፀና ክንድ መንፈስ የሀገራችን ጠንካራ ጋሻ ነው። ሀገርን መጠበቅ የአንድ ትውልድ ብቻ ኃላፊነት ሳይሆን፣ ከአባቶቻችን የተረከብነውን ነፃነት፣ ሉዓላዊነትና ሀገራዊ ክብር ለቀጣዩ ትውልድ በክብር የማስረከብ ቃል ኪዳን ነው።

አድዋ ያስተማረን አንድነት ጉልበት፣ ቁርጠኝነት ጋሻ፣ ሀገርን መውደድ ደግሞ የድል መሠረት መሆኑን ነው። ይህን ውርስ በማስቀጠል፣ ኢትዮጵያን በፀና ክንድ እንጠብቃለን፤ በጠንካራ ሀገራዊ መንፈስም እናሻግራታለን።