12/10/2025
🇺🇸 ግራንድ አፍሪካ ረን ተካሄደ
| በአሜሪካን ሀገር በየአመቱ የሚካሄደው የግራንድ አፍሪካ ረን ለሰባተኛ ጊዜ በዋሽንግተን ዛሬ ተካሂዷል።
በኖቫ ኮኔክሽን በየአመቱ የሚካሄደው እና ዘመናዊ መኪና የሚያሸልመው የግራንድ አፍሪካን ረን በህጻናት የ አንድ ኪሎ ሜትር እንዲሁም በአዋቂዎች የአምስት ኪሎ ሜትር ውድድር ለማድረግ በሺዎች የሚቆጠሩ የዲያስፖራው ማህበረሰብ አባላት ተሳትፈዋል።
ዛሬ ኦክተበር 11 ሩጫው በደማቅ ዝግቶች ተከናውኗል።በወንዶች የ5 ኪሎ ሜትር አሸናፊ ግርማ በዳዳ ፣ ዋሌ ዮሀንስ 2ኛ ፣ ነጋ አበበ በቀዳሚነት አጠናቀዋል። የ 250 ዶላር አሸናፊ ሆኗል።
ቴሌብር ለእድለኞች ወደ ሀገር ቤት የሚላክ 100ሺ ፣15ዐሺ ብር ሽልማት ለእድለኞ ሰጥተዋል።
ነገ፣ ኦክተበር 12 ቀን 2025 ለታዋቂ ግለሰቦች እውቅና የሚሰጥበት የሽልማት መርሐግብር በሀገረ አሜሪካ ዋሽንግተን ዲሲ ከተማ ይካሄዳል።
የኖቫ ኮኔክሽን ማኔጂንግ ዳይሬክተር ፕሮፌሰር ጋሻው አብዛ (ዶ/ር) በሰጡት ጋዜጣዊ መግለጫ ላይ ተቋማቸው በነዚህ ሁለት ፕሮግራሞች የዲያስፖራ ማህበረሰቡን ማገልገል በመቻሉ ትልቅ ክብር እንደተሰማቸው ገልፀዋል።
ዶክተር ጋሻው አያይዘው እንደገለጹት የውድድሩ ዓላማ የዲያስፖራውን ማህበረሰብ በአካል ብቃት እንቅስቃሴ፣ በባህል ልውውጥ እና በልዩ ስኬቶች እውቅና በመስጠት ማስተሳሰር መሆኑን አብራርተዋል።
ሀገር በቀሉ ትጥቅ አምራች ጎፈሬ የዘንድሮ የመሮጫ ቲሸርት ማድመቂያ ነበር።
የዘንድሮውን የሩጫ እና የሽልማት ፕሮግራም አሌክሳንድሪያ ቶዮታ፣ ዳሸን ባንክ፣ ኢትዮ ቴሌኮም፣ የኢትዮጵያ የኮንስትራክሽን ስራዎች ኮርፖሬሽን፣ ሮሚንግ ሩስተር፣ ጎፈሬ ስፖርትስ፣ አሪፍ ፔይ፣ ፋስት ፔይ እና ጊፍት ሪል እስቴት ስፖንሰር አድራጊ ድርጅቶች መሆናቸው ታውቋል።
ሁለቱ ፕሮግራሞች ባለፉት አመታት እንደ አትሌት ቀነኒሳ በቀለ፣ ደራርቱ ቱሉ፣ ጥሩነሽ ዲባባ፣ ስለሺ ስህን፣ ገንዘቤ ዲባባ ላሉ ብርቅ የኢትዮጵያ አትሌቶች እውቅና ሰጥቷል።
ከዚህም በተጨማሪ እንደ ዝነኛው አርቲስት ኤኮን፣ ጋዜጠኛ መአዛ ብሩ፣ አርቲስት ቴዎድሮስ ካሳሁን (ቴዲ አፍሮ)፣ አቶ ግርማ ዋቄ፣ አርቲስት ሙላቱ አስታጥቄ እና አርቲስት አስቴር አወቀ ላሉ ታዋቂ ግለሰቦች እውቅና ሰጥቷል።
ኦክቶበር 11 በሚካሄደው ዝግጅት ላይ ከተካፈሉ ተሳታፊዎች መካከል እድለኛ የሆነው ባለዕጣ በአሌክሳንድሪያ ቶዮታ የቀረበውን የ2025 ቶዮታ ኮሮላ መኪና በዝግጅቱ ማጠናቀቂያ ላይ የዕጣ ማውጣት ስነስርዓት ተከናውኖ ተሸልማለች።
በዚህ ዝግጅት ታላላቅ አትሌቶች እና የኪነጥበብ ባለሞያዎች በክብር እንግድነት መካከል ረዳት ኮምሽነር ደራርቱ ቱሉ፣ የኢትዮጵያ አትሌቲክስ ፌደሬሽን ዋና ሥራ አስፈጻሚ አትሌት ስለሺ ስህን፣ የኢትዮጵያ አትሌቲክስ ፌደሬሽን ምክትል ሥራ አስፈጻሚ መሠረት ደፋር፣ የጊፍት ሪል እስቴት መሥራችና CEO አቶ ገብረየሱስ ኢጋታ፣ የጊፍት ሪል እስቴት ብራንድ አምባሳደር አርቲስት አብርሃም ወልዴ ተሳትፈዋል።
ፕሮፌሰር ጋሻው አብዛ ( ዶ/ር ) እንዳስታወቁት ግራንድ አፍሪካ ረን በሺዎች የሚቆጠሩ የዲያስፖራ አባላት በየዓመቱ የሚሳተፉበት የአምስት ኪሎ ሜትር ሩጫ ሲሆን፣ ተሳታፊዎችን በአንድነት የሚያሰባስብ እና ጤናማ የአኗኗር ዘይቤን የሚያበረታታ መሆኑን ገልጸው በሌላ በኩል፣ አፍሪካ ኢምፓክት አዋርድ በሙያቸው እና በማህበረሰብ አገልግሎታቸው ላቅ ያለ አስተዋፅኦ ላደረጉ ኢትዮጵያውያን እና ሌሎች አፍሪካውያን እውቅና የሚሰጥ መድረክ ነው ብለዋል።
በአሜሪካ ዋሽንግተን ዲሲ የተመሰረተውና ለትርፍ ያልተቋቋመው ኖቫ ኮኔክሽን የሚያዘጋጀው የ2025 አፍሪካ ኢምፓክት አዋርድ የዘንድሮ የክብር ተሸላሚዎች ታውቀዋል።
ይህ አመታዊ የእውቅና ሽልማት ስነ ስርአት በአሜሪካና በአፍሪካ በሙያቸው ታላቅ ሥራ የሰሩ ግለሰቦችን ለማክበር የሚሰናዳ ነው። በየአመቱ ከስፖርት፣ ከስነ ጥበብና ከስራ ፈጠራ ዘርፎች ለማሀበረሰቦቻቸው ላበረከቱት አስተዋፅኦና ለለውጥ ላደረጉት የላቀ ተሳትፎ ከየዘርፉ ተመርጠው የሚሸለሙበት መድረክ ነው
ዘንድሮም በተለያዩ ዘርፎች አምስት ተፅዕኖ ፈጣሪ ኢትዮጵያዊያንን ለማክበርና እውቅና ለመስጠት ዝግጅቱ ተጠናቋል፤ በስፖርቱ ዘርፍ የኦሎምፒክ እና የአለም ሻምፕዮን ሜዳሊያዎች ባለቤት አትሌት መሰረት ደፋር፣ በቢዝነስ ዘርፍ የኢትዮጵያ አየር መንገድ ስራ አስፈፃሚ አቶ መስፍን ጣሰው፣ ባለሃብቱ ጆ ማሞ፣ በስነ ጥበብ ዘርፍ አንጋፋው ድምፃዊ መሃሙድ አህመድ፣ እና ታዋቂው የመገናኛ ብዙሃን ባለሞያ ሰይፉ ፋንታሁን ተሸላሚዎች ይሆናሉ።
ዝግጅቱ በጊፍት ሪል ስቴት የአቅራቢ ስፖንሰርነት የሚታገዝ ሲሆን፤ በእለቱ የዲሲ፣ ሜሪላንድና ሸርጂኒያ ከፍተኛ ባለስልጣናት፣ ሴናተሮች፣ ከንቲባዎችና ሌሎች ጥሪ የተደረጋላቸው በርካታ እንግዶች ይገኛሉ፤ ተሸላሚዎቹ ከግዛቶቹና ከተማዎቹ ተወካዮች የእውቅና ሰርተፍኬት ይበረከትላቸዋል።
በተጨማሪ የሙዚቃ ዝግጅት የሚቀርብ ይሆናል።
ዝግጅቱ በሜሪላንድ ስቴት ሲልቨር ስፕሪንግ በሚገኘው ሲቪክ ህንፃ ኦክቶበር 12 ምሽት በርካታ ታዋቂ ግለሰቦች፣ ተጋባዥ እንግዶች እና በርካታ የመገናኛ ብዙሃን ባለሞያዎች በሚገኙበት ነገ፣ ኦክተበር 12 ቀን 2025 ይከናወናል።
For more: Nova Connections, Email: [email protected]; https://www.africanrun.com/impact
Nova Connections, 1629 K Street NW, Suite 300, Washington DC, 20006, USA
Email: [email protected]; www.africanrun.com
