Agritech Ethiopia

15/07/2025

⚡️ድርስ ድርስ ክበድ የወተት ጊደሮችን ለሽያጭ አቅርበናል

እንዲሁም ወልደው እየታለቡ ለሁለተኛ የከበዱ እና ገና ያልተጠቁ ጊደሮችንም።

የፋርም አድራሻችን አዳማ
ዋጋ በድርድር
ይደውሉ +251913323845

ቴሌግራም ላይ ቪዲዮዎችን ይመልከቱ https://t.me/agrilancer

29/06/2025

⚡️ካኒባሊዝም በዶሮ እርባታ ውስጥ

ሀ.ካኒባሊዝም ምንድነው ?
ለ.እንዴት ይከሰታል ?
ሐ.እንዴትስ መከላከል ይቻላል?

📌ሀ. ካኒባሊዝም ማለት በአንድ የዶሮ እርባታ ውስጥ ባልታሰበ ሰአት ዶሮዎቹን እርስ በእርስ እንዲነካከሱ የሚያደርግ አመል ሲሆን በተጨማሪም እርስ በእርስ በቁም ስልቅጥ ተደራርጎ እስከመበላላት የሚያደርግ እና ይህ ሲከሰት ዶሮዎቹ ሰይጣን የገባባቸው እስኪመስል ድረስ ባህሪያቸውን አውሬ እና ቅብዝብዝ የሚያደርግ በየትኛውም ፋርም ውስጥ ሊከሰት የሚችል ለባለቤቱ ግራ የሚያጋባ ክስተት ነው።

📌ለ. ከኒባሊዝም ምንድን ነው? በሽታ አይባልም : ጭንቀት ልንለው እንችላለን

በብዛት የሚከሰተው በማኔጅመንት ክፍተት ሲሆን: አንድ ዶሮ በሚጨንቃት ጊዜ አጠገቧ ያለችውን ዶሮ ላባ መንቀል ትጀምራለች ወይም የጓደኛዋን አናቷ ላይ ያለውን ኩክኒ በመንከስ ልክ እንደደማ ካኒባሊዝም የሚባለው ይከሰታል: በቃ ሰላም የነበሩት ዶሮዎች የደማውን ዶሮ በቁም ጥሩ ምግብ ያደርጉታል: በዚህም አያበቃም አንዱን የበሉበት አፋቸው ላይ ደም ስለሚቀር እርስ በእርስ መበላላት ይቀጥላሉ። በይበልጥ ከኋላ ከማህፀናቸው አካባቢ ነው የደማውን ዶሮ የሚተገትጉት።
ይህንን ሁኔታ ቶሎ ማቆም ካልተቻለ ኪሳራው ቀላል አይባልም።

📌ሐ. መነሻ ምክንያቶች እና መፍትሄ

1. የተመጣጠነ ምግብ እጥረት

ዶሮ ኦምኒቨረስ ፍጡር ናት : ይህ ማለት ህይወት ያለው ነገር እንደተጨማሪ ምግብ ይመገባሉ: ልቅ እርባታ ላይ ትላትል የሚፈልጉት ለዛ ነው። እርባታው ዝግ ከሆነ ከመኖ ይዘት ውስጥ የግድ የአጥንት እና የደም ንጥረ ነገር ያስፈልጋቸዋል።

የፋይበር እና የፖሮቲን እጥረት ዶሮዎችን አግሬሲቭ እንዲሆኑ ያደርጋቸዋል: በተለይ የአሚኖ አሲድ እጥረት ዶሮ ላባ እንድትበላ ያደርጋታል: የወደቀ ላባ መብላት ትጀምራለች ከዛ የጎደኞቾ መንቀል ትቀጥላለች።

ስለዚህ የሚመገቡት መኖ ኒውትሪሽኑን የጠበቀ መሆኑን ማረጋገጥ ያስፈልጋል።

2. ሙቀት

የሙቀት መጠን መጨመር ዶሮዎች ላይ ጭንቀት ይፈጥራል: የዶሮዎቹ ቤት ያለው የሙቀት መጠን የዶሮዎችን እድሜ ባመከለ መልኩ ሙቀቱ እየቀነሰ መምጣት አለበት።
ያደጉ የዶሮዎች ቤት በቂ አየር እና ንፋስ የሚገባበት በሽቦ የተዘጋ ክፍተት እንዲኖረው ይመከራል።

3.ከመጠን ያለፈ ብርሃን ወይንም ጨረር

የዶሮ ቤት ውስጥ ያለው አምፖል ከ40 ዋት ማለፍ የለበትም: 12 ሳምንት እና ከዛ በላይ እድሜ ላላቸው ዶሮዎች ከ 15 - 25 ዋት አምፖል ከመመገቢያው እና ከመጠጫው በላይ ይጠቀሙ።

4. የቦታ መጣበብ

የቦታ ጥበት ችግር ካለ ክፍተት ለማግኘት መነካከስ አይቀርም በመነካከስ ውስጥ አንዱ ከደማ አይለቁትም: ያለው ቦታ የዶሮዎቹን ቁጥር ያማከለ መሆን አለበታ: ካልሆነ ባሎት ግቢ ውስጥ መልቀቅ አስፈላጊ ሊሆን ይችላል።

5. በመሃል የተጎዱ ወይንም የቆሰሉ ዶሮዎች መኖር

ቁስል ያለው ዶሮ ካኒባሊዝም ያስነሳል: ቁስሉ እስኪድን መለየት ግድ ነው። ካልህነ ግን ጥሩ ምግብ ነው የሚያደርጉት።

6. የተለያየ እድሜ ወይንም የተለያየ ከለር ያለቸውን ዶሮዎች አንድ ላይ ማድረግ

አዲስን ዶሮ/ አነስ ያለን ዶሮ/ ከለሩ የተለየን ዶሮ ማሳደድ እና መንከስ የዶሮ ተፈጥሯዊ ባህሪ ነው። ዶሮዎች በዕድሜ በከለር እና በዝርያ ለይቶ ማኔጅ ማድረግ ካኒባሊዝም እንዳይከሰት ያደርጋል።

7. ተፈጥሯዊ ባህሪያቸው ዘገምተኛ የሆኑ ዶሮዎች

ብሮይለርስ ወይንም የስጋ ዶሮዎች ለካነባሊዝም ተጋላጭ ናቸው :ምክንያቱም በዘመናዊ የማዳቀል ምርምር ውስጥ በአጭር ጊዜ እንዲያድጉ ስለሚደረጉ በአጭር ጊዜ ውስ የሚኖራቸው ክብደት የመተንፈስ ችግር እና ጭንቀት ይፈጥርባቸዋል : 45 ቀን ካለፋቸው ደግም ጭንቀቱ ይጨምራል ከዛም አጠገቡ ያለውን መጎንተል ይጀምራል። ከዛም ካኒባሊዝም ይቀጥላል

📌ማስታወሻ:- አፍ መቆረጡና አለመቆረጡ ከካኒባሊዝም ጋር አይያያዝም ከላይ የተጠቀሱት እንጂ።

The Agri-Lancer

09/06/2025

⚡️ዶሮ እርባታ - ከቅድመ ዝግጅት እስከ ተወዳዳሪነት።

ወደ ስራው ለመግባት የመጀመሪያው ስራ ቁርጠኛ ውሳኔ መወሰን ነው። ቀጣይ የትኛው ዝርያ ላይ መስራት እንዳለብህ ማወቅ: ለምትይዛቸው ዝርያዎች የሚመጥን የዶሮ ቤት ማዘጋጀት: ምርታማነትን የሚጨምር የመኖ አቅርቦት ማቅረብ : አስፈላጊ የሆኑ እንክብካቤዎችን : ስነህይወታዊ ደህንነት እና ገበያን ታሳቢ ማድረግ ይገባል።

1. ቅድመ እቅድ ማቀድ

ስራው ላይ ተወዳዳሪ ሆነህ መውጣትጠ ካለብህ ዝም ብለህ በጨበጣ እና በልሞክረው አትግባ። ከሆነ አጨብጭበህ ትወጣለህ እናም የዶሮ እርባታ ስራ አክሳሪ ነው ከሚለው ማህበረሰብ ትቀላቀላለህ።

ስራውን ሳትጀምር እቅድ አስቀምጥ።
እቅድህ ግልፅ ይሁን።

ሙሉ ቲፑን በዝርዝር ቴሌግራም ላይ ያንብቡ

ቴሌግራም 👉 https://t.me/agrilancer

16/05/2025

Taking Agribusiness to the next level

15/05/2025

05/05/2025

29/03/2025

21/02/2025

28/01/2025

19/12/2024

⚡️የከብት እርባታ - ኢ መፅሔት በቅርብ ቀን

ዘመናዊ የወተት ልማት ስራ ቴክኒካል እውቀቶች እንደሚያስፈልገው መሬት ላይ ወርደው እየሰሩ ያሉ ግለሰቦች ያውቁታል።

ስልጠና የመውሰድ ፍላጎት አለመኖር እንዳለ ሆኖ ስልጠና የወሰዱ ሰዎችም ብዙ ውጤታማ እየሆነ አይደለም። ስለዚህ ወደዘርፉ የሚገቡ ሰዎች እና ዘርፉ ላይ የሉ ሰዎችን ወደ ተሻል ውጤት ከፍ ያደርጋል ያልኩትን ይህን ኢ - መፅሄት እየፃፍኩኝ እገኛለሁ።

መፅሄቱ ከ 20 እስከ 30 ገፆችን ይይዛል። ወደከብት እርባታ ለመግባት ሲታሰብ አብሮ መታሰብ ያለባቸውን ነገሮች ጨምሮ፣ ቦታ አመራረጥ፣ የካፒታል አዘገጃጀት፣ ፋርሙ የሚያርፍበትን ቦታ አየር ንብረት ያማከለ ሼድ አሰራር፣ የሰው ሃይል አያያዝ፣ ጊደር አገዛዝ እና አመራረጥ፣የመኖ አሰጣጥ ማኔጅመንት እንዲሁም የከብቶችን ጤና አጠባበቅን ጨምሮ እስከ ገበያ አያያዝ ድረስ ግልፅ የሆነ በቅደም ተከተል ተግባር ተኮር ተደርጎ እየተዘጋጀ ነው።

መፅሄቱ ውጤታማ እንዲሆን የራሴን መረጃዎችን ጨምሮ በቅርብ አብረውኝ እየሰሩ ያሉ ደንበኞችን ተሞክሮ፣ የግብርና ባለሙያዎች እገዛም እና የውጭውንም የአረባብ ሲስተም ያቀፈ ሲሆን ወደዘርፉ የሚገቡ ተቋማትን እና ግለሰቦችን በይበልጥ ይረዳል።

መፅሄቱ በትክክል ዘርፉ ላይ ላሉ ከ50 ሺ እስከ 100 ሺ ሰዎች ጋር እንዲደርስ ይደረጋል። በዚሁ አጋጣሚ ዘመናዊ አርብቶ አደሩን እና ከብት አርቢ ማህበረሰቡን የሚደግፍ ምርት እና አገልግሎት ያላቹ ተቋማቶች መፅሄቱ ላይ በእሩብ፣ በግማሽ እና በሙሉ ገፅ ቦታ መግዛት ትችላላችሁ። ምርታችሁ እኛ ከምናቀርበው የተለየ መሆን አለበት። ስራዎትን መፅሄቱ ላይ ለማስቀመጥ ከስር ያለው ኤሜል ላይ ይፃፋልን።

መፅሄቱ መጋቢት አጋማሽ ላይ ይፋ ይደረጋል።

Email - [email protected]

The Agri-Lancer