29/12/2025
======================================
|𝐆ää𝐤𝐧𝐢̱ (𝐇𝐢𝐧𝐝𝐫𝐚𝐧𝐜𝐞𝐬) 𝐛ä𝐝ä𝐤 𝐭𝐢𝐧 𝐩𝐞𝐧
𝐠𝐮𝐚̱𝐧 ŋä𝐭𝐡ä ɣöö 𝐛ɛ 𝐜𝐚̱𝐫 (𝐰𝐢𝐥𝐥) 𝐊𝐮ɔ𝐭𝐡
𝐍𝐡𝐢𝐚𝐥 ŋ𝐚̱𝐜 𝐚𝐠ɔ𝐚 𝐫ɛ𝐲 𝐭𝐞𝐞𝐤ä𝐝ɛ|
======================================
𝐆ɔ̱ɔ̱𝐫ɛ: 𝐏𝐚𝐬𝐭𝐨𝐫 𝐀𝐧𝐭𝐞𝐫 𝐌𝐚𝐧𝐲𝐭𝐚𝐩 (𝐂𝐡𝐚𝐤𝐝𝐨𝐫)
👇👇👇👇👇👇👇👇👇👇👇👇👇👇👇
𝟏. 𝐃𝐮𝐞𝐫 (𝐈-𝐜𝐚-𝐲𝐚𝐚 𝟓𝟗:𝟏-𝟐).
Duer mi̱ /kän Ki̱-ri̱th-cin rɔɔdɛ ri̱t thi̱n agɔaa laa cɔɔrɛ waŋ yieekädɛ, kä laa gaŋɛ böth Kuɔth kɛ jɛ jɔk. Jɛn bä laa jakɛ lɔcdɛ kä bum, kä bɛ maarɛ kɛ Kuoth jakä dek dek, kä bɛ ŋiecdɛ kɛ cuɔ̱ɔ̱ŋ kɛnɛ duer jakä thiɛl.
👉 Kɛ kui̱c ɛmɔ, näänni̱ rɔɔdu kɛ duer!
𝟐. 𝐓ë𝐤 𝐤𝐢ɛɛ 𝐜𝐢𝐚𝐚ŋ 𝐫𝐢𝐞ŋ (𝐜𝐚𝐫𝐧𝐚𝐥𝐢𝐭𝐲 𝐨𝐫 𝐟𝐥𝐞𝐬𝐡𝐥𝐲 𝐥𝐢𝐟𝐞) (𝐉𝐢̱ 𝐑𝐨̱𝐨̱𝐦 𝟖:𝟔-𝟕; 𝐉𝐢̱ 𝐆ä-𝐥ëë-𝐜𝐢𝐚𝐚 𝟓:𝟏𝟔-𝟏𝟕).
Ram mi̱ ŋa̱th, mi̱ ruac kɛ tëkdɛ ɛ ri̱ŋdɛ /cɛ nyin yieekä dee ŋa̱c kiɛɛ ŋic agɔaa. Ri̱ŋ kɛnɛ yiëë ran /ci̱ kɛn rɔ̱ɔ̱diɛn ɛ liŋ kɛ ɣöö kɛ ji̱ tɛ̈r. Laa nya̱kɛ.
👉 Kɛ kui̱c ɛmɔ, /cuu tëkdu jakä ruackɛ ɛ ri̱ŋdu, a ruackɛ ɛ yiëëdu min cieŋ kɛɛl kɛnɛ Yiëë Kuɔth Nhial!
𝟑. 𝐓𝐡𝐢ɛ𝐥 𝐠𝐞𝐫ä 𝐫𝐚𝐧 𝐤ɛ 𝐜𝐚̱𝐫ɛ (𝐉𝐢̱ 𝐑𝐨̱𝐨̱𝐦 𝟏𝟐:𝟐).
Thöl ran kä ɣöö bɛ ca̱rɛ laa gɛɛrɛ ciaŋ kɛ Rieet Kuɔth, laa penɛ raan ɣöö bɛ nyin yie̱e̱kä ŋa̱c. Ɛn ca̱r mi̱ /ka̱n gɛr laa nyin teekä a loocɛ kɛ ta̱a̱ kiɛɛ ciaaŋ pɛlä nath a /ci̱ mɔ a duɔ̱ɔ̱p Thukä Kuɔth.
👉 Kɛ kui̱c ɛmɔ, lapni̱ ca̱ru a gɛɛri̱ kɛɛ Rieet kiɛɛ Ruaacni̱ Kuɔth!
𝟒. 𝐓𝐡𝐢ɛ𝐥 𝐩𝐚𝐥ä 𝐤ɛ𝐧ɛ 𝐓𝐡ë𝐤 𝐌𝐢̱𝐭𝐡𝐧𝐢̱ (𝐉𝐞-𝐦ɛ𝐭𝐡 𝟏:𝟓; 𝐘𝐢𝐫-𝐦ɛ-𝐲𝐚𝐚 𝟑𝟑:𝟑).
Lo̱k kiɛɛ thiɛl palä laa woocɛ gua̱n ŋäthä kä pöör kiɛɛ duɔ̱ɔ̱p in jääl Yiëë Kuɔth jɛ thi̱n ni̱ wen. Pal jakɛ lɔc raam min ŋa̱th kä mät kɛ lɔc Kuɔth kä bɛ jɛ lëp duɔ̱ɔ̱p kɛ kui̱i̱ kä ɣöö bɛ nyin Yie̱e̱kä ŋa̱c a gɔaa.
👉 Kɛ kui̱c ɛmɔ, lapni̱ a pali̱ kä thɛk mi̱th rɛy teekädu!
𝟓. 𝐌𝐢̱ /𝐤𝐞𝐧 𝐫𝐚𝐚𝐧 𝐜𝐢̱𝐰 𝐤𝐢ɛɛ 𝐝𝐢̱𝐭 𝐫ɛ𝐲 𝐘𝐢𝐞̱𝐞̱𝐤ä (𝐉𝐢̱ Ɣ𝐢-𝐛ɛ-𝐫𝐮 𝟓:𝟏𝟒; 𝟏 𝐉𝐢̱ 𝐊𝐨-𝐫𝐢𝐧𝐭𝐡 𝟏𝟑:𝟏-𝟑).
Ɛn ɣöö ɛji̱n g*t kiɛɛ ruɔɔr rɛy Yie̱e̱kä, tëëkɛ ti̱ penɛ ji̱ ŋäcdiɛn kɛ duɔ̱ɔ̱p mi̱ ko̱k ko̱k. Ji̱ ŋäthä tin /ken ni̱ ci̱w kiɛɛ di̱t rɛy Yieekä, laa kɛ malɛ mɛ̈tkɛ, kä bathkɛ kɛ, kä laa rietkɛ cärkiɛn.
👉 Kɛ kui̱c ɛmɔ, jakni̱ rɔɔdu kä bi̱ ci̱w kiɛɛ bi̱ di̱t rɛy Yie̱e̱kä! /Cuu laa ŋotdi̱ ala g*t mi̱ ruɔɔr ni̱ run kä run!
𝟔. 𝐌𝐚𝐚𝐫 𝐫𝐚𝐧 𝐤ɛ ɣɔ𝐰 𝐤ɛ𝐧ɛ 𝐧𝐲𝐢𝐧𝐤ɛ (𝟏 𝐉ɔ̱ɔ̱𝐧 𝟐:𝟏𝟓-𝟏𝟔; 𝐉𝐞-𝐦ɛ𝐭𝐡 𝟒:𝟒).
Nhök nyinni̱ ɣɔaa mi̱ ci̱ ba̱l kiɛɛ mi di̱i̱t laa nuäŋɛ (weakens) ŋäc ran kɛ nyin yieekä. Jɛn laa ko̱o̱ŋɛ kɛ nhök Kuɔth. Ɛ nyɔk, rɔal kɛnɛ lät ti̱ ŋuan ti̱ ci̱ raan rɔɔdɛ gak piny kɛ kɛ, kɛnɛ ciɛŋ ɣɔaa kɔ̱kiɛn, laa kɛn jɔw Kuɔth ɛ dhiaac rɛy ran.
👉 Kɛ kui̱c ɛmɔ, /cuu rɔ jakä tekɛ maar kɛ ɣɔw kɛnɛ nyinkɛ.
𝟕. /𝐓𝐡𝐢ɛ𝐥 𝐤𝐢ɛɛ 𝐥𝐨̱𝐤 ŋäcä 𝐫𝐚𝐧 𝐤ɛ 𝐑𝐢𝐞𝐞𝐭 𝐊𝐮ɔ𝐭𝐡 (𝐃𝐢𝐢𝐭 𝟒𝟎:𝟖; 𝟏𝟏𝟗:𝟗-𝟏𝟏).
Min nhɔk Kuothɛ kiɛɛ min la ca̱rɛ /ci̱ raanɛ dee met ŋa̱c baaŋ mi̱ /kenɛ Ruac Kuɔth kɔn ŋa̱c kɛɛ nhiam. Nɛy ti ŋuan görkɛ nyuuthni̱ kiɛɛ lät ti̱ gääy naath kä päl kɛn Ruac Kuɔth in ca gɔ̱r, gua̱a̱th in caa ca̱r Kuɔth nyoth thi̱n kɛɛ nhiam.
👉 Kɛ kui̱c ɛmɔ, /cuu thiɛl ŋäc kɛɛ Rieet Kuɔth.
𝟖. /𝐓𝐡𝐢ɛ𝐥 𝐛𝐨̱𝐭𝐡ä 𝐘𝐢𝐞̱𝐞̱𝐤ä 𝐤ɛ 𝐫𝐚𝐚𝐧 (𝐉𝐢̱ 𝐑𝐨̱𝐨̱𝐦 𝟖:𝟏𝟒; 𝐉𝐢̱ Ɛ-𝐩ɛ-𝐭𝐡ä𝐭𝐡 𝟒:𝟑𝟎).
Mi̱ lo̱k raan kiɛɛ laa jak raan lɔc Yieekä in Gɔaa in Rɛl Rɔ kä jiɛth laa gaŋɛ duɔ̱ɔ̱p in derɛ ji bo̱gh kɛ jɛ jɔk. Yiëë Kuɔth nyuuthɛ raan, kä buumɛ jɛ, kä bo̱o̱thɛ jɛ rɛy cärä Kuɔth; duundɛ ɣöö lo̱k ran kɛ ti̱ti̱ laa jakɛ Yiëë Kuɔth kä bɛ raan päl ala cɔr mi̱ /ci̱ nyin Yie̱e̱kä bi̱ luäŋ kɛ nën.
👉 Kɛ kui̱c ɛmɔ, ɛ ji̱ laa böthkɛ ɛ Yiëë Kuɔth.
👇👇👇👇👇👇👇👇👇👇👇👇👇👇👇
Ɛŋu mi̱ ci̱ liŋ kä ruac ɛmɛ ji̱n raan Kuɔth ɔ ci̱ ruac ɛmɛ kuɛn ɔ? Kɛ ɣöö nɔ, mi̱ ci̱ ruac ɛmɛ cop lɔɔcdu, lɔthni̱ jɛ kɛ ɣöö bɛ nɛy kɔ̱kiɛn wä luäk cetkɛ min cɛ ji̱ luäk.
©CHAKDOR MEDIA
|Cak do̱r mi̱ caa kän|
