የአሳንሰር ጨዋታ - Discover Ethiopia

21/05/2025

አንጋፋው !!!

ጊዜው ከ 34 ዓመት በፊት ነበር ታሪካዊቷ ቀን (ግንቦት 13 ቀን 1983 ዓ.ም) የሀገሪቷ ፕሬዝዳንት መንግሥቱ ኃ/ማርያም ከሀገር የመውጣታቸው ዜና በብሔራዊ ራዲዮ የዘገበው እውቁ ጋዜጠኛ ዳሪዮስ ሞዲ ነበር።

ዜናው እንዲህ የሚል ነበር.. ..........

"ለረጅም አመታት በሰሜኑ የሀገራችን ክፍል ሲካሄድ የነበረው የርስ በርስ ጦርነት ያስከተለውን የኢትዮጵያውያን ህይወት መጥፋትና ከኑሮ መፈናቀል ለማስቀረት በልዩ መልኩ ጥረት ሲደረግ ቆይቷል። ሆኖም ችግሩ አልተቃለለም ፤ ይልቁንም ወደ ባሰ ደረጃ እየተሸጋገረ በመሄድ ላይ ይገኛል።
...ስለዚህ ደም መፋሰስ እንዲቆምና ሰላምም እንዲሰፍን በልዮ ልዩ ወገኖች የሀገሪቱ ፕሬዘዳንት ከስልጣን መውረዳቸው እንደሚበጅ የታመነበት ስለሆነ ይህንኑ በማመዛዘን ፕሬዘዳንት መንግስቱ ኃይለማሪያም በዛሬው ዕለት ከስልጣናቸው ወርደው ከኢትዮጲያ ውጪ ሄደዋል....።"

ፕሬዝዳንቱ ከስልጣን በመውረድ አገር ለቀው በመሄዳቸው የሪፑብሊኩ ምክትል ፕሬዝዳንት ሌ/ጀነራል ተስፋዬ ገብረኪዳን ተክተው ይሰራሉ።

21/05/2025

የ 6ቱ ቀናት እና የአራቱ ተስፋዬዎች የመንግሥት አመራር

ከ 34 ዓመት በፊት ልክ በዛሬዋ ቀን ግንቦት 13 ቀን 1983 ዓ.ም ፕሬዚዳንት መንግስቱ ኃ/ማርያም ከሀገር መውጣታቸውን ተከትሎ በሀገሪቱ ለስድስት ቀናት በሀገሪቱ ከፍተኛ የመንግስት አመራር ላይ የነበሩት 4ቱ ተስፋዬዎች:-

➺ ሌ/ጀ ተስፋዬ ገ/ኪዳን = የሪፐብሪኩ ተጠባባቂ ፕሬዚዳንት
➺ ኮሎኔል ተስፋዬ ወ/ስላሴ = የድህንነት ሚኒስትር
➺ አቶ ተስፋዬ ዲንቃ = ጠቅላይ ሚኒስቴር
➺ አቶ ተሰፋዬ ታደሠ = የውጭ ጉዳይ ሚኒስትር ነበሩ።

ምንጭ :- ታሪክን ወደኋላ

06/05/2025

ከሲልቪያ እስከ አሉላ…
(ለኢትዮጵያ የተሰጠ ያልተገደበ ፍቅር)

የፓንክረስት ቤተሰቦች የኢትዮጵያን ማንነት በድምቀት ለዓለም ያሳወቁ ፣ ታሪክዋን የተናገሩ እና ስለ እሷ የተከራከሩ የኢትዮጵያ ባለውለታዎች ናቸዉ። ኢትዮጵያ ዳግም በፋሽስት ጣሊያን በተወረረችበት ጊዜ ሲሊቪያ ፓንክረስት በሚያሳትሟቸው “ኒው ታይምስ” እና “ኢትዮጵያ ኒውስ” ጋዜጣዎች ወረራውን እና በንፁሃን ላይ እየተፈፀመ ያለውን ጥቃት እና ግፍ ለአለም አቀፉ ማህበረሰብ ለማሳወቅ ከፍተኛ ጥረት አድርገዋል፡፡

ከድል በኋላ ደግሞ እነዚህን ጋዜጦች በማቆም “ኢትዮጵያ ኦብዘርበር” የሚል መፅሄት በማሳተም የኢትዮጵያን ታሪክ ፣ ባህል እና ጥበብ ለአለም አሳውቀዋል፤ሰፊ ጥናት እና ምርምርም አድርገዋል፡፡ የኢትዮጵያ ህዝብ የቁርጥ ቀን ወዳጅ እና የፀረ ፋሺዝም ንቅናቄ ፈር ቀዳጇ ሲልቪያ ፓንክረስት በልጃቸው ልብ እና አእምሮ ውስጥ የኢትዮጵያን ፍቅር ዘርተዋል፡፡ ፕሮፌሰር ሪቻርድ ፓንክረስትም ከ60 ዓመታት በላይ የኢትዮጵያን ታሪክ ፣ ባህልና እምነት እየተመራመሩ እና እያስተማሩ እንዲሁም ኢትዮጵያን እያስተዋወቁ ኖረዋል።

ፕሮፌሰር ሪቻርድ ፓንክረስት ኢትዮጵያ ላይ ያተኮሩ ከ22 በላይ መፅሃፍትን ሲፅፉ ከ400 በላይ ፅሁፎችንም በተለያዩ አለም አቀፍ ጆርናሎች ላይ አሳትመዋል፡፡ በተጨማሪም ከኢትዮጵያ የተሰረቁ ቅርሶችን ለማስመለስ ከፍተኛም ጥረት አድርገዋል፡፡በዚህም በኢትዮጵያ እና በውጭ ልዩ ልዩ ሽልማቶችን አግኝተዋል፡፡

ፕሮፌሰር ሪቻርድ የእናታቸውን ፈለግ ተከትለው ኢትዮጵያን ሀገሬ ብለው ፤ ለኢትዮጵያ ሰርተው ሲያልፉ ፤ ይህ የትውልድ ቅብብሎሽ በልጅ ልጆቹም ቀጥሏል፡፡ በጎ እና ትልቅ ስራ የሰራ ሰው በአካል ቢሞትም በስራው ፣ በታሪኩ እና በነበረው አበርክቶ ሁሌም ሲታወስ ይኖራል፡፡

ሙሉ ዝግጅቱን ከታች ያለውን ሊንክ በመጫን ማድመጥ ይችላሉ፡፡
👇
https://t.me/Yope2127/8

05/05/2025

እንኳን ለ84ኛው የኢትዮጵያ ጀግኖች አርበኞች ድል_በዓል (የድል ቀን) አደረሳችሁ !!!

ጣሊያን የዓድዋን ድል ለመበቀል በሚል በጊዜው ጠቅላይ ሚኒስትሯ ቤኒቶ ሙሶሎኒ አማካኝነት፥ ከ1928 እስከ 1933 ዓ.ም ድረስ ኢትዮጵያን ወራ ነበር።

በወቅቱ የነበሩት ኢትዮጵያውያንም ወራሪውን ሀይል ለአምስት ዓመታት በጽናት ታግለው 1933 ዓ.ም ድል ነስተውታል።

የወቅቱ አርበኞቻችን ለሀገራቸው ነጻነት የከፈሉትን መስዋዕትነት እና ያስገኙትን ድል በማሰብ በየአመቱ ሚያዚያ 27 የኢትዮጵያ አርበኞች የድል በዓል ይከበራል።

ክብር ለጀግኖች አርበኞቻችን ይሁን🙏🙏🙏

03/05/2025

ከስህተት መማር....!!!!

ቶማስ ኤዲሰን ብዙ ተሳስቶ አምፖልን ፈጠረ። ስለስህተቶቹ ሲያወራ ግን እንዲህ ይላል 'እኔ ብዙ ስለሞከርኩ ደስተኛ ነኝ ምክንያቱም ሁሌም ስሞክር ወይ ልክ ነኝ ወይ ደግሞ ተምሬበታለው' ይለናል።

ያለፉ ስህተቶቻችንን ለከፍታችን መጠቀም አለብን፤ ሰሞኑን ካጋጠመኝ ችግር ምን ተማርኩበት እንበል። ሁለቴ መውደቅ የሚፈልግ የለም መቼም...አሸናፊ ማለት የማይወድቅ አይደለም፤ ቢወድቅም መልሶ የሚነሳ ነው።

የሆነ ነገር አልሳካ ሲለን እስኪ ምንድነው ያጎደልኩት ብለን ጊዜ ወስደን ማሰብ አለብን። ከስህተት በላይ ምን አስተማሪ ነገር አለ? እንደውም ምርጥ አርጌ ደግሜ እንድሰራው እድል ተሰቶኛል ማለት አለብን።

14/04/2025

13/04/2025

በፓሪስ ማራቶን አትሌት በዳቱ ሂርጳ አሸነፈች
******************

ዛሬ ለ48ኛ ጊዜ በተደረገው የፓሪስ ማራቶን በሴቶች ኢትዮጵያውያን አትሌቶች አንደኛ እና ሁለተኛ በመውጣት በበላይነት አጠናቀዋል።

አትሌት በዳቱ ሄርጳ አንደኛ ስትወጣ ርቀቱን ለማጠናቀቀ 2 ሰዓት 20 ደቂቃ 45 ሰከንድ ወስዶባታል።

አትሌት ደራ ዲዳ ደግሞ 2ኛ ወጥታለች። 2 ሰዓት 20 ደቂቃ 49 ሰከንድ ደራ ዲዳ ርቀቱን ለመጨረስ የወሰደባት ጊዜ ነው።

በወንዶች ኬንያዊው አትሌት በናርድ ቢዮት በአንደኝነት አጠናቋል::

ባለፈው አመት በተደረገው ውድድር ኢትዮጵያዊው አትሌት ሙሉጌታ ኡማ አሸናፊ እንደነበር ይታወሳል።

ምንጭ:- ኢቢሲ

13/04/2025

ቤተክርስቲያን

📷Mer Getachoo

13/04/2025

" ሆሣዕና '' (የዐብይ ጾም 8ኛ ሳምንት)

ሆሣዕና ከስምንቱ የዐቢይ ጾም እሁዶች አንዱና የመጨረሻው ሳምንት ተብሎ የሚጠራው ከትንሣዔ ቀድሞ የሚገኝ የሕማማት መግቢያ ዋዜማ ነው።

ሆሣዕና ማለት የቃሉ ትርጉም " እባክህ አሁን አድን " ማለት ነው። ይህ ዕለት በቤተክርስቲያን ውስጥ ዘንባባ ተይዞ፣ እየተዘመረ እጅግ ልዩ በሆነ ሁኔታ ይታሰባል።

👇
https://t.me/yotor2127/944

12/04/2025

ኢትዮጵያውያን ተማሪዎች በቻይና የሁዋዌ "ቴክፎርጉድ ግሎባል " ውድድርን #አንደኛ በመሆን አሸነፉ።

የኢትዮጵያ ዩኒቨርሲቲ ተማሪዎች የሁዋዌ ሲድስ ፎር ዘ ፊውቸር ቴክ ፎር ጉድ ግሎባል ውድድርን አንደኛ በመሆን አሸንፈዋል።

ቡድኑ በውድድሩ ከሞሮኮ ፣ ደቡብ አፍሪካ ፣ አርጀንቲ ፣ አየርላንድ ፣ ማላዊ ፣ ቬትናም ፣ አረብ ኤምሬትስን ጨምሮ ከሌሎች ዓለም ዙሪያ ከተውጣጡ 12 ልዩ ቡድኖች ጋር ተወዳድሯል።

ተጨማሪ መረጃ ከስር ያለውን ሊንክ በመጫን ማንበብ ይችላሉ
👇
https://t.me/yotor2127/941

12/04/2025

የአዲስ አበባ ትራንስፖርት ቢሮ ከሚያዝያ 2 ቀን 2017 ዓ.ም ጀምሮ ተግባራዊ ያደረገው የምሽት አገልግሎት ዝርዝር ቅጣት ይህንን ይመስላል ።

09/04/2025

በተጠባቂው ጨዋታ አርሰናል ሪያል ማድሪድን 3 ለ 0 አሸነፈ
******

በአውሮፓ ሻምፒዮንስ ሊግ የሩብ ፍፃሜ ጨዋታ ኤምሬትስ ላይ የውድድሩን ባለሪከርድ አሸናፊ ሪያል ማድሪድን ያስተናገዱት መድፈኞቹ 3 ለ 0 በሆነ ውጤት አሸንፈዋል።

100 ሚሊዮን ፓውንድ ወጥቶበት ሰሜን ለንደን የደረሰው ዴክላን ራይስ ያስቆጠራቸው ሁለት ድንቅ የቅጣት ምት ግቦች እንዲሁም ስፔናዊው አማካኝ ሚኬል ሞሪኖ ያከላት አንድ ግብ የአርሰናልን ድል 3 - 0 እንዲሆን አስችለዋል፡፡

ኪልያን ምባፔ ቪንሺየስ ጁንየርንና ጁድ ቤልንግሀምን የያዘው የማድሪድ ወርቃማ ስብስብ በእንግሊዝ ምድር አስደንጋጭ ሽንፈት አጋጥሞታል፡፡

ምንጭ :- ኢቢሲ