02/10/2024
Tamsaasni “Sagantaa Hubannoo Seeraa fi Mirgoota Namoomaa kan Raadiyoo Hawaasa Yunivarsitii Haramaayaa-gama Seeraa fi mirgoota Dhala Namaa irratti hubannoo Hawaasaa cimsuutiin Buufataalee Raadiyoo Hawaasaa akka Itoophiyaatti jiran jidduudhaa sadarkaa durarratti beekkamtii arkachuu dandeenyeeti jirra.
Gama Seeraatiin Hubannoo hawaasaa gabbisuu keessatti gaheen Buufataalee Raadiyoo Hawaasaa olaanaa tahuu,gamtaan Tamsaasa Buufataalee Raadiyoo Hawaasaa Itoophiyaa beeksise.
Kanaan walqabatees Imala waggoota 12 olii keessatti hubannoo Hawaasaa cimsuu fi jijjiirama guddaa galmeessuudhaan filamnee Buufataalee Raadiyoo Hawaasaa akka Itoophiyaatti jiran keessa 1ffaa baanee, Wal-tajjii waggaa kan Ministeerri Haqaa Federalaa fi Dhaabbanni Saayinsii fi Aadaa Mootummoota Gamtoomanii (UNSCO)’n - Gamtaa Tamsaasa Raadiyoo Hawaasaa Itoophiyaa wajjiin tahuudhaan magaalaa Hawaasaatti qopheessan irratti afeeramuudhaan hirmaanneeti jirra.
Waltajjicharrattiis muuxannoo waggaa 12 keessatti horanne, gama rakkoo hawaasaa furuutiin jijjiirama argamee fi fuulduraatti dhimmoota xiyyeeffannoo barbaadan akkasumaas danqaalee mudachuu malan fi yaada furmaataa waliin bakka bakka bu’oonni Ministeera Haqaa Federalaa fi Dhaabbata Saayinsii fi Aadaa Mootummoota Gamtoomanii (UNSCO)’n jiranitti dhiheessineeti jirra.
