18/08/2026
ምክክሩ እውነተኛ መግባባትና ዘላቂ አንድነትን የሚያመጣ ነው፦ ተመካካሪዎች
በመካሄድ ላይ የሚገኘው ሀገራዊ ምክክር በኢትዮጵያ ውስጥ ከዚህ በፊት በህዝቦች መካከል የተዘሩትን የውሸት ትርክቶችን ለማስቀረት ሁሉንም ያካተተና በሀሳቦች ላይ በጥልቀት በመመካከር ላይ ያተኮረ በመሆኑ እውነተኛ ውስጣዊ መግባባትና ዘላቂ አንድነትን የሚያመጣ መሆኑን ያነጋገርናቸው የምክክሩ ተሣታፊዎች ተናግረዋል ።
በሁሉም ማህበረሰብ ውስጥ ለዘመናት ጥያቄ ሆነው የቆዩ ጉዳዮች ላይ አንዱ የሌላው የራሱ በማድረግ በእኔነት ስሜት ውስጥ ሆኖ በጥልቀት እየተወያየበት ነው ያሉት የምክክሩ ተሣታፊዎች ከተመካካሪዎቹ አከራካሪ ጉዳዮች ሲነሱ በሠከነ መንፈስ ተነጋግሮ መግባባትና መተማመን ጎልቶ የታየበት መሆኑ ገልጸዋል ።
ምክክሩ የነገ ኢትዮጵያን በፅኑ መሠረት ላይ ለመገንባት ሁሉም በአንድነት በአንድ ጥላ ስር ተቀምጦ በሠለጠነ መንገድ ይበጃል የሚለውን ሃሣብ ያቀረበበት መሆኑንም ተናግረዋ ።
ሂደቱ እያንዳንዱ ዜጋ ሀሳቡን በነጻነት የሚያስረዳበት እና ሀሳቦች የሚከበሩበት አሳታፊና ዲሞክራሲያዊ ሆኖ አግኝተነዋል ብለዋል።
ሠይፉ ዳዊት
SBC
