‘’የእውቀት ማዕድ’’ በFM Bahir Dar 96.9 የጠቅላላ እውቀት ጥያቄና መልስ ውድድር

  • Home
  • Ethiopia
  • Bahir Dar
  • ‘’የእውቀት ማዕድ’’ በFM Bahir Dar 96.9 የጠቅላላ እውቀት ጥያቄና መልስ ውድድር

‘’የእውቀት ማዕድ’’ በFM Bahir Dar 96.9 የጠቅላላ እውቀት ጥያቄና መልስ ውድድር SATURDAY (2:15- 3:45) Local Time Morning
"የእዉቀት ማዕድ እየተዝናኑ ቁም የሚጨብጡበት�

የአሚኮ ግልፅ ቅሬታየኢትዮጵያ ፕሪምዬር ሊግ አክሲዮን ማኅበር በቀጣይ የውድድር ዓመት የሊጉን የቀጥታ የቴሌቪዥን ስርጭት በሀገር ውስጥ ሚዲያዎች ለመሸፈን ያወጣው ግልጽ ያልኾነ ጨረታ ላይ አሚ...
19/08/2025

የአሚኮ ግልፅ ቅሬታ

የኢትዮጵያ ፕሪምዬር ሊግ አክሲዮን ማኅበር በቀጣይ የውድድር ዓመት የሊጉን የቀጥታ የቴሌቪዥን ስርጭት በሀገር ውስጥ ሚዲያዎች ለመሸፈን ያወጣው ግልጽ ያልኾነ ጨረታ ላይ አሚኮ ቅሬታ አንስቷል።

አክሲዮን ማኅበሩ ከአንድ ወር በፊት አውጥቶታል በተባለ ጨረታ አምስት የሚዲያ ተቋማት ማለትም EBC፣ ፋና፣ OBN፣ አርትስ እና EBS የጨረታ ሰነዱን መውሰዳቸው ተመላክቷል። ያለግልጽ ጨረታ ሚዲያዎች የተመረጡበት መንገድም ቅሬታን አስነስቷል ብሏል አሚኮ።

አማራ ሚዲያ ኮርፖሬሽን (አሚኮ) በግልጽ ጨረታ ሁሉም ሚዲያዎች እንዲሳተፉ መደረግ ነበረበት አልያም ሚዲያዎች ያላቸውን አቅም ያማከለ መኾን ነበረበት ሲል ባቀረበው የቅሬታ ደብዳቤ አቋሙን አንፀባርቋል።

#ጃፓንለ35 ሰኮንድ ባቡር በመዘግየቱ ምክንያት ካፒተኑ በይፋ ይቅርታ ጠይቆ ለአገልግሎት የከፈሉትን ገንዘብ መንግሥት ተመላሽ አድርጓል። ይህ ጃፓኖች ያላቸውን punctuality እና ለጊዜ...
19/08/2025

#ጃፓን
ለ35 ሰኮንድ ባቡር በመዘግየቱ ምክንያት ካፒተኑ በይፋ ይቅርታ ጠይቆ ለአገልግሎት የከፈሉትን ገንዘብ መንግሥት ተመላሽ አድርጓል።
ይህ ጃፓኖች ያላቸውን punctuality እና ለጊዜ (ሰዓት ⌚) ያላቸውን ክብር ያመለክታል። ይህ የባህላቸው ቁልፍ ጉዳይ ነው።
ከፍተኛ precision እንዳላቸ የሚታመኑት ጃፓኖች አማካይ ዓመታዊ የባቡር መዘግየት 1 ደቂቃ ብቻ ነው።
ለህዝብ አገልግሎት ላላቸው ትልቅ ቦታና ክብር ለሰከንዶች መዘግየት ካጋጠመ በይፋ ይቅርታ ይጠይቃሉ፤ ተገቢ እርምጃዎችንም ይወስዳሉ።



ሰዓት ማክበር እና ለጊዜ ዋጋ መስጠት የስልጣኔ መገለጫ ነው።

📷: ከማህበራዊ ሚዲያ

"ኒኮላ ቴስላ/Nikola Tesla"የቴስላ ህልም ቢሳካ ኖሮ ዓለም የመብራት ኃይልን በነፃ ነበር የሚጠቀመው።ቴስላ በምርምር እንዳረጋገጠው በከርሰ ምድር ውስጥ ዓለማችንን ለማብራት የሚያስችል ...
16/07/2025

"ኒኮላ ቴስላ/Nikola Tesla"

የቴስላ ህልም ቢሳካ ኖሮ ዓለም የመብራት ኃይልን በነፃ ነበር የሚጠቀመው።

ቴስላ በምርምር እንዳረጋገጠው በከርሰ ምድር ውስጥ ዓለማችንን ለማብራት የሚያስችል የኤሌክትሪክ ኃይል አለ።እሱ እንዳለውም "ከሰው ልጅ የሚጠበቀው ይሄንን ኃይል አውጥቶ በነፃ መጠቀም ነው"።

ሊቁ ቴስላ ይሄንን ግኝት ለዓለም ሲያስተዋውቅ የኤሌክትሪክ ነጋዴ ከሆነው ከቶማስ ኤዲሰን ጋር ግጭት ውስጥ ገባ።

ቴስላ ይናገራል "የቤታችን አምፖል ለመብራት ገመድ አያስፈልገውም በየመንገዱ የምንመለከታቸው የተጠላለፉ የመብራት ገመዶች ጥቅም አልባ ናቸው።"

የስልክና የተለያዩ የመገልገያ መሳሪያዎችን ባትሪ ለመሙላት/ቻርጅ ለማድረግ የገመድ ቻርጀር አያስፈልግም።

በቴስላ አለም ባትሪ አይዘጋም።መብራት የለምም አይባልም።የሰው ልጅ ባለበት ሁሉ መብራት አለ።ያውም በነፃ።

ፕሮጀክቱን ለመተግበር ገንዘብ ያስፈልገው ነበር።ቴስላ ምሁር እንጂ ሃብታም አልነበረም።በገንዘብም እንዲደግፉት ባለሃብቶችንም አናገረ ማንም አብሮት ሊሰራ አልፈቀደም።
እንዲያውም እንደ ጠላት አዩት ምክንያቱም የሃብታቸው ምንጭ የሆነውን የኤሌክትሪክ ኃይል በነፃ ሊያከፋፍልባለው ሆነ።

ቴስላ ቤቱን አሲዞ ከ(JP morgan bank)ገንዘብ ተበደረ።ኤሌክትሪክ ከመሬት የሚያወጣውን ማማ ሰራ።ሆኖም ግን ገንዘቡ ትልቁን ፕሮጀክት ለማሳካት በቂ አልነበረም።እናም በገንዘብ እጥረት ምክንያት አለምን በነፃ የማብራት ህልሙ ሳይሳካ ቀረ።

የክሮሺያ ተወላጅ የሆነው ኒኮላ ቴስላ ወደ አሜሪካ ተጉዞ በቶማስ ኤዲሰን ድርጅት ውስጥ ተቀጥሮ ይሰራ ነበር።አምፖልን የፈጠረው ቶማስ ኤዲሰን ይሁን እንጂ ዛሬ የምንጠቀመው ግን የቴስላን አምፖሎች ነው።
የኤዲሰን አምፖሎች በጣም ብዙ ሃይል ተጠቅመው ትንሽ ብርሃን ብቻ ነበር የሚሰጡት።በትንሽ ኃይል አስደናቂ ብርሃን የሚሰጡ አምፖሎች ባለቤት ግን ኒኮላ ቴስላ ነበር።

👉"ሙከራህን እስከምታቆም ድረስ በህይወት አትሸነፍም"

"የኢትዮጵያ ኤሌክትሪክ አገልግሎት ደንበኞቹን በአራት የታሪፍ መደብ ይከፋፍላቸዋል፡፡ እርስዎ ከየትኛው ምድብ ነዎት?" - 👉 የመኖሪያ ቤት ተጠቃሚ ደንበኛ፣ 👉 ለንግድ፣ ለቢሮ እና ለሃይማኖ...
25/06/2025

"የኢትዮጵያ ኤሌክትሪክ አገልግሎት ደንበኞቹን በአራት የታሪፍ መደብ ይከፋፍላቸዋል፡፡ እርስዎ ከየትኛው ምድብ ነዎት?" -

👉 የመኖሪያ ቤት ተጠቃሚ ደንበኛ፣
👉 ለንግድ፣ ለቢሮ እና ለሃይማኖት ተቋማት የሚያጠቃልለው የጠቅላላ አገልግሎት ተጠቃሚ፣
👉 የዝቅተኛ ቮልቴጅ ኢንደስትሪ ተጠቃሚ ወይስ
👉 የመካከለኛ ቮልቴጅ ኢንደስትሪ ተጠቃሚ ደንበኛ?

➡️ የኢነርጂ ቢል የሚይዘው የክፍያ ዝርዝሮችንስ ምን ያህል ያውቃሉ?

✅ ክፍያዎ ማለትም የኢነርጂ ፍጆታ ሂሳብ እና የአገልግሎት ሂሳብ ለድህረ ክፍያ ቆጣሪ ደንበኞች እና የቅድመ ክፍያ ቆጣሪ ደንበኞች ተጨማሪ እሴት ታክስ (15%)፣ የተቆጣጣሪ ባለሥልጣን (0.5%) እና የቴሌቪዥን ግብር 10 ብር ይካተታል።

➡️ በዚህም መሠረት የመኖሪያ ቤት መደብ እርከን (በኪሎ ዋት ሰዓት)፡-

✅ ከ1-50፤
✅ ከ51-100፤
✅ ከ101-200፤
✅ ከ201-300፤
✅ ከ301-400 እና
✅ ከ401-500
✅ ከ500 በላይ በሚል 7 የእርከን ደረጃ የሚከፈል ሲሆን፤ ደንበኛው አጠቃላይ ተጠቅመዉ ያረፉበት እርከን መሰረት የፍጆታ ሂሳቡ ይሰላል፡፡

🛑 የኢነርጂ አጠቃቀማቸው በወር 200 ኪሎ.ዋት ሰዓት በታች የሚጠቀሙ ደንበኞች የተጨማሪ አሴት ታክስ አይመለከታቸውም፡፡

➡️ በምሳሌ እንመልከተው፣

አንድ የመኖሪያ ቤት ተጠቃሚ ደንበኛ በሰኔ በወር 2017 ዓ.ም 400 ኪዋት ሰዓት የሚጠቀም ቢሆን፤ አዲሱ በተሻሻለው ታሪፍ 4ኛው ዙር (ከሚያዝያ - ሰኔ/2017 የሚተገበረው) በአንድ ኪሎ ዋት ሰዓት ብር 4.0318 ላይ ያርፋል፡፡ የክፍያው ስሌት እንመልከት፡-

➡️ የኢነርጂ ፍጆታ ሂሳብ 400*4.0318= ብር 1,612.72
➡️ የአገልግሎት ሂሳብ፡- ሀ) የድህረ ክፍያ ቆጣሪ = 45.8007, ለ) የቅድመ ክፍ ቆጣሪ = 15.97

ድምር: ሀ) የድህረ ክፍያ ቆጣሪ =1,685.5207, ለ) የቅድመ ክፍ ቆጣሪ= ብር 1,628.69

➡️ ተጨማሪ እሴት ታክስ (15%) ሀ) የድህረ ክፍያ ቆጣሪ =1,685.5207*0.15= ብር 252.828, ለ) የቅድመ ክፍያ ቆጣሪ =1,628.69*0.15= ብር 244.3035

➡️ የተቆጣጣሪ ባለሥልጣን (0.5%) ሀ) የድህረ ክፍያ ቆጣሪ =1,685.5207*0.005= ብር 8.4 ለ) የቅድመ ክፍያ ቆጣሪ= 1,628.69*0.005= ብር 8.14345

➡️ 5ኛ የቴሌቪዥን ግብር =10.00

➡️ ጠቅላላ ድምር፡
ሀ) የድህረ ክፍያ ቆጣሪ = ብር 2,029.62,
ለ) የቅድመ ክፍያ ቆጣሪ= ብር 1,954.428 ይሆናል ማለት ነው።

❇️ በዚህ መልኩ ማንኛውን የመኖሪያ ቤት ቆጣሪ ተጠቃሚ ደንበኛ ወርሃዊ የፍጆታ ሂሳቡ በቀላሉ በዚህ መልኩ አስልቶ ማወቅ ይችላል ማለት ነው፡፡

መረጃዎቻችን ይቀጥላሉ፡፡

#ይጠብቁን !

#የኢትዮጵያኤሌክትሪክአገልግሎት

"መቀመጥ አዲሱ ማጤስ እየሆነ ነው"መቀመጥ አዲሱ ማጤስ እየሆነ ነው ይላል የዓለም ጤና ድርጅት ጥናት፡፡ ሲጋራ ማጤስ ጤናን የሚጎዳውን ያህል አሁን የዘመናችን አዲሱ የጤና ጠንቅ ረዥም ሰዓት ...
10/04/2025

"መቀመጥ አዲሱ ማጤስ እየሆነ ነው"

መቀመጥ አዲሱ ማጤስ እየሆነ ነው ይላል የዓለም ጤና ድርጅት ጥናት፡፡ ሲጋራ ማጤስ ጤናን የሚጎዳውን ያህል አሁን የዘመናችን አዲሱ የጤና ጠንቅ ረዥም ሰዓት ስራ ላይ መቀመጥ ነው ብሏል ጥናቱ፡፡

እንደ አለም ጤና ድርጅት ጥናት በአማካኝ አንድ ሰው በቀን ለዘጠኝ ሰዓታት ተቀምጦ ያሳልፋል፡፡ መቀመጥ ሲባል በስራ ቦታ፣ በትራንስፖርት ላይ እንዲሁም ቤት ውስጥ ያለ እንቅስቃሴ የምናሳልፈውን ጊዜ እንደሚጨምር ጥናቱ ይፋ አድርጓል፡፡ ጥናቱ ዝርዝር ውጤቶችን ይፋ ማድረጉን ይቀጥላል፡፡ በቀን ከ6 ሰዓታት በላይ መቀመጥ ከ3 ሰዓት በታች ከሚቀመጡት ጋር ሲነጻጸር ሞት የማስከተል አደጋው ከጠቅላላው የሞት ቁጥር በ19% ከፍ ያለ ነው፡፡ ለረዥም ሰዓታት መቀመጥ የልብ በሽታን የሚያመጡ ክስተቶችን በ147% እንዲጨምሩ ያደርጋል፡፡ የአለም ጤና ድርጅት ጥናት አሁን ላይ ከሚከሰቱ 10 ሞቶች ውስጥ አንዱ በመቀመጥ ብዛት እንደሚመጣ ይፋ አድርጓል፡፡

በቀን 30 ደቂቃ የአካል ብቃት ልምምድ እንኳን ረዥም ሰዓታት በመቀመጥ የተፈጠረውን ጉዳት ሙሉ ለሙሉ አያስወግድም፡፡ የእንቅስቃሴ መቀነስ የደም ፍሰትን ይቀንሳል፣ ትኩረት ማጣትን፣ የማስታወስ አቅምንና ስሜትን ይጎዳል ነው የሚለው ጥናቱ፡፡

ጥናቱ መፍትሄ ነው ያለው በ30 እና በ45 ደቂቃ ልዩነት እያስታወሱ እንቅስቃሴ ማድረግ እና በተቻለ መጠን ቆሞ መስራትን መለማመድ፣ ሁኔታው አመቺ ሲሆን እየተንቀሳቀሱ ስብሰባዎችን ማካሄድ፣ ሊፍት በመጠቀም ፈንታ በእግር ወለሎችን መውጣትና መውረድ፣ ከምግብ በኃላ የእግር ጉዞዎችን ማድረግ ይህንን የዘመናችንን የማጤስ ያህል እየጎዳን ያለውን መቀመጥን የምንዋጋበት መሳሪያ ነው ብሏል የዓለም ጤና ድርጅት ጥናት፡፡ “እንቅስቃሴ የሚደረገው በጂም ብቻ ነው፡፡’’ የሚል ሃሳብን በመተው በየቀኑ ትናንሽ እንቅስቃሴዎችን ማድረግ ለምሳሌ መኪናን ከስራ ቦታ ትንሽ ርቀት ላይ ማቆም እንኳን በሂደት ለውጥ ያመጣል ሲል ይመክራል፡፡

በአማራ ክልል የሚገኙ ሀይቆች‼️~~~~~~❶ ሎጎ ሀይቅ =>ወሎ ሀይቅ ከተማ፣❷ ጣና ሀይቅ =>ባሕርዳር ከተማ፣❸ ዘንገና ሀይቅ =>አዊ እንጅባራ ከተማ፣❹ ጥርባ ሀይቅ =>አዊ፣❺ አርዲቦ ...
04/03/2025

በአማራ ክልል የሚገኙ ሀይቆች‼️
~~~~~~
❶ ሎጎ ሀይቅ =>ወሎ ሀይቅ ከተማ፣
❷ ጣና ሀይቅ =>ባሕርዳር ከተማ፣
❸ ዘንገና ሀይቅ =>አዊ እንጅባራ ከተማ፣
❹ ጥርባ ሀይቅ =>አዊ፣
❺ አርዲቦ ሀይቅ=> ወሎ ወረባቦ፣
❻ ጎልቦ ሀይቅ =>ወሎ አምባሰል፣
➐ ማይበር ሀይቅ=>ወሎ አልብኮ
➑ ባሕረጊዮርጊስ ሀይቅ=>ምስራቅ ጎጃም
❾ ገራይ ግድብ ሀይቅ=>ምዕራብ ጎጃም...

የክብር እና ሃላፊነት ጥግ!!ጃፓን ውስጥ አንድ በጣም አስደናቂ እውነተኛ ታሪክ አለ፡፡ አንድ ባቡር ጣቢያ ለአንዲት ተማሪ ሲል ለዓመታት በኪሳራ ሲሰራ ኖሯል፡፡ካሚ ሺራታኪ ባቡር ጣቢያ ነው፡፡...
27/02/2025

የክብር እና ሃላፊነት ጥግ!!

ጃፓን ውስጥ አንድ በጣም አስደናቂ እውነተኛ ታሪክ አለ፡፡

አንድ ባቡር ጣቢያ ለአንዲት ተማሪ ሲል ለዓመታት በኪሳራ ሲሰራ ኖሯል፡፡

ካሚ ሺራታኪ ባቡር ጣቢያ ነው፡፡ በጃፓን ሆካይዶ በተሰኘች ከተማ ይገኛል፡፡ ይህ ባቡር ጣቢያ የተሳፋሪ ቁጥር በጣም ሲያሽቆለቁልበትና የሚጠቀመው ሰው ሲያጣ ከሚከስር ይዘጋ የሚል ሃሳብ ቀረበ፡፡ የባቡር ጣቢያው ሃላፊዎች ጥናት ሲያደርጉ አንዲት ተማሪ ብቻ ወደትምህርት ቤቷ ለመሄድና ለመመለስ በየቀኑ ይህንን ባቡር ጣቢያ እንደምትጠቀም ታወቀ፡፡

ባለስልጣናቱ ጣቢያውን ከመዝጋት ይልቅ አንድ አስደናቂ ውሳኔ አሳለፉ፡፡ ጣቢያው ልጅቷ ትምህርቷን እስክታጠናቅቅ ድረስ ስራውን እንዲቀጥል ወሰኑ፡፡ ለብዙ ዓመታት ባቡሩ ሳይዛነፍ በሰዓቱ እየመጣ ወደትምህርት ቤት የምትሄደውን ልጅ ማሳፈርና ከትምህርት ቤቷ ስትመለስ በሰዓቱ እየደረሰ ወደቤቷ የመመለስ አገልግሎቱን መስጠት ቀጠለ፡፡ ልጅቷ ትምህርት መጨረሷ ሲረጋገጥ ባቡር ጣቢያው እስከወዲያኛው ተዘጋ፡፡

ይህ ድርጊት አሁን ድረስ በዓለም ላይ የሃላፊነት ምሳሌ እና ለትምህርት የተደረገ ክብር መግለጫ ሆኖ ይጠቀሳል፡፡

በጣም ስትሰለጥን እንዲህ ነው የምታስበው!!

በክልሉ የሚገኙ 14 ብሔራዊ ፓርኮችና ጥብቅ ስፍራዎች‼️ ~~~~~በአማራ ብሔራዊ ክልል የሚገኙ 14 ብሔራዊ ፓርኮች እና የማሕበረሰብ ጥብቅ ስፍራዎች‼️ ❶ ቃብትያ ሁመራ ብሔራዊ ፓርክ (ወልቃ...
26/02/2025

በክልሉ የሚገኙ 14 ብሔራዊ ፓርኮችና ጥብቅ ስፍራዎች‼️
~~~~~
በአማራ ብሔራዊ ክልል የሚገኙ 14 ብሔራዊ ፓርኮች እና የማሕበረሰብ ጥብቅ ስፍራዎች‼️

❶ ቃብትያ ሁመራ ብሔራዊ ፓርክ (ወልቃይት ጠገዴ ሰቲት ሁመራ ዞን)፣

❷ የሰሜን ተራሮች ብሔራዊ ፓርክ (ሰሜን ጎንደር)፣

❸ የአልጣሽ ብሄራዊ ፓርክ (ምዕራብ ጎንደር)፣

❹ ቦረና ሣይንት ወረሂመኖ ብሄራዊ ፓርክ ( ደቡብ ወሎ ዞን)፣

❺ የመንዝ ጓሣ ማህበረሠብ ጥበቅ ስፍራ (ሰሜን ሸዋ ዞን)፣

❻ የማህበረ ስላሴ ጥብቅ ስፍራ (ምዕራብ ጎንደር ዞን)፣

❼ ጎደቤ ብሄራዊ ፓርክ (ምዕራብ ጎንደር ዞን)፣

❽ ጉና ተራራ የማህበረሰብ ጥብቅ ስፍራ (ደቡብ ጎንደር ዞን)፣

❾ ወለቃ፤ በቶና አባይ ብሄራዊ ፓርክ (ደቡብ ወሎ ዞን)፣

❿ ባኩሣ ብሄራዊ ፓርክ ( አዊ ዞን)፤

⓫ አቡነ የሴፍ አቡሃይ ጋሪያ ጥብቅ ስፍራ (ሰሜን ወሎ ዞን)፣

⓬ የጮቄ ተራራ የማህበረሰብ ጥብቅ ስፍራ (ምስራቅ ጎጃም ዞን)፣

⓭ ባሕርዳር ጥቁር አባይ ሚሊኒየም ፓርክ (ባሕርዳር)፣

⓮ የጣና ሃይቅ ሰውና ባዮስፌር ጥብቅ ቦታዎች (ሰሜን ጎጃም፣ደቡብና ማዕከላዊ ጎንደር ዞኖች) የሚገኙ ናቸው።

በኢትዮጵያ በጎግል ላይ ሰዎች በብዛት የፈለጉት ቃላቶች የትኞቹ ናቸው?በኢትዮጵያ በ2024 ጎግል ላይ ከተፈለጉ ቃላቶች ውስጥ ኢትዮጵያ (Ethiopia) የሚለው ቃል ዘንድሮም ቀዳሚ ነው።ጎግል...
28/01/2025

በኢትዮጵያ በጎግል ላይ ሰዎች በብዛት የፈለጉት ቃላቶች የትኞቹ ናቸው?

በኢትዮጵያ በ2024 ጎግል ላይ ከተፈለጉ ቃላቶች ውስጥ ኢትዮጵያ (Ethiopia) የሚለው ቃል ዘንድሮም ቀዳሚ ነው።

ጎግል በፈረንጆቹ 2024 ሰዎች በድረ ገጹ ላይ በመግባት በብዛት የፈረጉትን (ሰርች) ያደረጉትን ቃላቶች ይፋ አድርጓል።

በኢትዮጵያ በብዛት ጎግል ላይ ከተፈለጉ ቃላቶች ውስጥም ኢትዮጵያ (Ethiopia) የሚለው ቃል ቀዳሚ ነው የተባለ ሲሆን፤ ዩ ትዩብ (youtube) እና ትራንስሌት (Translate) የሚለው ቃል ተከታዩን ደረጃ ይዘዋል።

ጎግል (Google) የሚለውን ቃል በራሱ በጎግል ላይ በመፈለግም በኢትዮጵያ በብዛት ከፈለጉ ቃላቶች ውስጥ 4ኛ ደረጃን ይዟል።

በ2024 በኢትዮጵያ በጎግል ላይ በብዛት የተፈለጉ ቃላቶች

1 ኢትዮጵያ (Ethiopia)

2 ዩ ትዩብ (youtube)

3 ትራንስሌት (Translate)

4 ጎግል (Google)

5 አፕ (app)

6 ዌዘር (weather)

7 ፕሪምየር ሊግ (premier league)

8 ቴሌግራም (telegram)

9 ከአማርኛ ወደ እንግሊዘኛ (amharic to English)

10 ቤስት ቤት (best bet)

11 አርሰናል (arsenal)

12 ፌስቡክ (facebook)

13 ጎግል ትራንስሌት (google translate)

14 ቲክቶክ (tiktok)

15 ሊቨርፑል (Liverpool)

World’s Longest - General Knowledge
26/01/2025

World’s Longest - General Knowledge

🏠 25 መኝታ ክፍሎች ያሉት ቤት 🏊‍♂️ 40x10 መዋኛ ገንዳ ከሶስት ሳውና ባዝ ጋር 👨‍💼 ለቤቱ ግልጋሎት 5 የሙሉ ጊዜ ሠራተኞች 👨‍✈️ 24 ሰዓት ዝግጁ የሆነ ሹፌር🛩️ ለግል ጥቅሙ ለ...
16/08/2023


🏠 25 መኝታ ክፍሎች ያሉት ቤት
🏊‍♂️ 40x10 መዋኛ ገንዳ ከሶስት ሳውና ባዝ ጋር
👨‍💼 ለቤቱ ግልጋሎት 5 የሙሉ ጊዜ ሠራተኞች
👨‍✈️ 24 ሰዓት ዝግጁ የሆነ ሹፌር
🛩️ ለግል ጥቅሙ ለጉዞ ማዋል የሚችለው አውሮፕላን

🚗 $300,000 የሚያወጣ Bentley መኪና
🚗 $300,000 የሚያወጣ Aston Martin መኪና
🚗 $250,000 የሚያወጣ Lamborghini መኪና

🧾 በእረፍት ቀኑ በሆቴሎች ፣ በሬስቶራንቶች እና የተለያዩ አገልግሎቶችን ሲጠቀም ሁሉም ሂሳቦች እንዲከፈሉ ወደ ክለቡ ዋና መሥሪያ ቤት ይላካሉ

🇸🇦 ሳውዲ አረቢያን የሚያስተዋውቅ አንድ ፖስት ሶሻል ሚዲያ ላይ በፖሰተ ቁጥር €500,000 በአካውንቱ ገቢ ይሆናል

🙆‍♂ ይግረማችሁ ይህ ሁሉ በአመት በደሞዝ መልክ የሚያገኘው €100 ሚልየን እንደተጠበቀ ሆኖ ነው

የእንግሊዝ ፕሪሜር ሊግ ሊጀመር ሁለት ሳምንታት ይቀሩታል። ስንቶቻችን በጉጉት እየጠበቅን ነው። የመጀመሪያ ሳምንት ጨዋታዎች በኢትዮጵያ ሰአት አቆጣጠር ይህን ይመስላል።
30/07/2023

የእንግሊዝ ፕሪሜር ሊግ ሊጀመር ሁለት ሳምንታት ይቀሩታል። ስንቶቻችን በጉጉት እየጠበቅን ነው። የመጀመሪያ ሳምንት ጨዋታዎች በኢትዮጵያ ሰአት አቆጣጠር ይህን ይመስላል።

Address

Bahir Dar
1821

Website

Alerts

Be the first to know and let us send you an email when ‘’የእውቀት ማዕድ’’ በFM Bahir Dar 96.9 የጠቅላላ እውቀት ጥያቄና መልስ ውድድር posts news and promotions. Your email address will not be used for any other purpose, and you can unsubscribe at any time.

Shortcuts

Share

Category