Dabbasoo Media Network

10/06/2025

Atileet Galatee Burqaa abbaa warraa isheetiin qabeenya qabdu guutuu saamamuu himte.

Atileetiksii keessatti maqaa guddaa kan horattee fi meedaaliyaa hedduu kan badhaafamte atileetiin tun, har’a maatii ishee waliin karaatti bahuuf akka jirtu dubbatte.

Abbaan warraa ishee Obbo Taaddalaa Gabramadihin Gabramaariyaam yeroo ammaa ajjeechaaf akka ishee barbaadu himte Atileet Galateen gaaffii fi deebii Gammadaa Olaanaa waliin gooterratti.

Sababa cubbuu narratti dalagame kanaaf anaa fi maatii koo qofa osoo hin taane, biyyatu kasaare jetti. Dabni isheerratti dalagame dirree atileetiksiirraallee manatti ishee hambisuu eerte.

Atileetiin colleen kun qabeenya dafqaa fi beekkamtii ofiitiin horatte sababii abbaa manaa ishee kanaa dhabdee harka duwwaatti hafte.

Daa’imummaa isheetti abbaan ishee du’aan irraa kan boqatee fi harka haadha isheetti kan guddatte Atileet Galatee Burqaa, carraaqqii haadha isheetiin milkooftee addunyaatti beekamuu himatti. Haati ishee qaama miidhamtuu ta’uu himti.

Maqaa fi qabeenya hedduus kan horadhe bu’aa bayii obsa fixachiisaa hedduu keessa dabreeti jetti Atileet Galatee Burqaa.

Luka duwwaa shaakaltee jirti. Dhiiga tufaa shaakalaa yeroon turte jira. Shaakalarratti bubbeen yeroo itti na fudhatee mana jalatti na kuffise nan yaadadha jetti.

Badhaasaa fi kennaa dadhabbii fi beekkamtii ofiitiin argatteenis qabeenya hedduu horatte. Manneen 11 magaalota adda addaa keessatti horatte. Konkolaattota shan horatte. Qabeenyawwan kanneen irra caalaa bultii dhaabbachuun dura dhuunfaan akka horattellee dubbatti.

Bu’aa bayii hedduu ceetee fiixee addunyaa maratti kan beekamte Atileet Galatee Burqaa Baatii, har’a garuu jireenya qananii atileetonni akka ishee milkaawan jiraatan dhamdhamaa jirtu. Dafqi ishee dafqa bilaashaa ta’ee lafatti badeera. Saamamtee jirti.

Jireenya ishee kan gaaga’e Obbo Taaddalaa Gabramadihin Gabramaariyaam namni jedhamu, kan gaa’ela waliin ijaarratte, horataalee koo hunda na saame jetti. Namni kun nama taaksiidhaan ishee deddeebisaa ture ta’uu himti. Boodarra horatanii osoo waliin jiraachaa jiranuu namumti kun gaa’ela akka hin barbaanne himachuun qabeenya ishees saamuuf murteeffatee wal hiikkaa mana murtiitti dhiyeeffatee ishee irraa adda bahe.

Manneen isheen horatte 10 irraa fudhate. Kaan yoo dhuunfatu kaan firaa fi aantee isaatti gurgurate. Konkolaattota shan isheen qabdu keessaa afur ni gurgurate. Mana tokkichaa fi konkolaataa tokkicha isheedhaaf hafes irraa hirachuuf mana murtii dhaabee itti murteeffachiise.

Akka ogummaa isheetiin baatee shaakaltee hin hojjetanneef immoo ajjeechaaf ishee doorsise.

“Dhimma kana gadi baatee dubbatta taanaan lubbuu keetin balleessa” jechuun itti dhaadate. Sababa kanaan shaakala ispoortiis ni dhiifte. Qabeenya isheef hafellee gurgurtee kunoo amma karaatti bahuufi akka jirtu boochee himatti.

Atileetiin qaaliin biyyaaf oolmaa hagas gahu oolte Atileet Galatee Burqaa, cubbuu narratti dalagame kanaan anaa fi maatii koo qofa osoo hin taane, biyyatu kasaare jetti. Biyyi dhugaa koo naaf haa laalus jechuun himatti.

Atileet Galatee Burqaa Baatii, Atileetii dhalootaan Oromiyaa, godina Arsii Lixaa, Kofalee yoo taatu, atileetiksii fiigichawwan fageenya giddu-galeessaa fi fageenyawwan dheeraatiin beekamtuu fi badhaasawwan meedaaliyaa hedduu gonfattee dha. Yeroo ammaa sababa nama jireenya ishee bifa kanaan golgoleessee fi doorsisa isaa dirree atileetiksii irraa fagaattee jirti.

Gabaasichi kan Oromia Media Network

29/05/2025

Dabbasoo Sooroo

21/02/2025

Qondaaltota duraanii WBO'f Muudamni kanname!

Qondaaltoota Waraana Bilisumma Oromoo waliigaltee araaraa fudhachuun galaniif mootummaan naannoo Oromiyaa muudama kenne.

Nageenya waaraa Oromiyaa keessatti mirkaneessuuf akkasumas garaagarummaa ejjennoo siyaasaa afaan qawweetiin osoo hin taane marii fi walhubannaadhaan furuun akka danda’amu waliigaltee MNO fi Qondaaltoota WBO gidduutti taasifameen injifannoon hin haalamne galmaa’e jira.

Waliigalteen mallattaa’ees qabatamaan hojiitti hiikamaa jira.

Adeemsi jalqabame kun akka biyyaa fi naannootti ijaarsa nageenyaa jalqabame waaraan mirkaneessuu fi aadaa diimokiraasii fi siyaasaa jijjiiruu keessatti tarkaanfii fakkeenyummaa qabu ta'us ibsameera.

Haaluma kanaan:-

1. Obbo Yaadasaa Nagaasaa Sadarkaa Hogganaa Biirootti gorsaa nageenyaa Pireezidaantii Bulchiinsa Mootummaa Naannoo Oromiyaa,

2. Obbo Oromiyaa Rabbumaa Tasammaa Hogganaa Itti Aanaa Abbaa Alangaa Waliigalaa Oromiyaa,

3. Obbo Toleeraa Raggaasaa Hogganaa Itti Aanaa Biiroo Bulchiinsaa fi Nageenyaa ta’uudhaan muudamaniiru.

FMC irraa Waabeffanne

02/02/2025

Gaa'ela gaarii!!
Ebenezer Bula

19/10/2024

Waraanni Israa’el erga waldhabdeen garee hidhattootaa kana kana waliin qabu hammaatee as loltoota Hezbollaa gara 1,500 ajjeesuu ibse.

Barreeffama toora X irratti barreesseen, Letanat Jeneraal Heerzi Haalevii tilmaamni lakkoofsa namoota ajjeefamanii kanneen finxaaleeyyii (conservative) akka ta'e ibsuun, "hanga danda'ametti Hezbollaa rukutuuf baay'ee kutannee jirra" jedhan itti dabaluun.

Gama biraatiin ammoo Hezbollaan Kaabaa Israa’ee Saafeed keessatti walakkeessa guyyaatti loltoota Israa'el irratti dirooniiwwan ''squadron of swoop'' jedhaman dhukaasuun ''kaan ajjeessuun hedduu madeessuu'' hime.

Haata’u malee BBC dhimma kana madda walabaa irraa addatti hin mirkaneessine.

BBC Afaan Oromoo waabeffanne!

31/08/2024

Jibuutiin buufata doonii Taajuraa Itoophiyaan akka bulchitu akka filmaataatti dhiheessuu beeksiste!
_____________"_____________
Muddama Gaanfa Afrikaatti dhalate tasgabbeessuuf Jibuutiin buufata doonii qabdu keessaa Taajuraatiin Itoophiyaan akka bulchitu akka filmaatatti dhiheessuu Ministirri Dhimma Alaa biyyattii BBC’tti himan.

Maahimmud Ali Yuusuf akka jedhanitti Itoophiyaan buufata doonii akka argattuuf buufata kana ''guutummaan guututti akka bulchitu'' yaada dhiheessuu ishee addatti sagantaa BBC Focus on Africa’f dubbatani.

Buufanni doonii Taajuraa kuni Itoophiyaarraa 100km qofa akka dheeratu aangawaan biyyattii Dura Taa’aa Komishinii Gamtaa Afrikaaf dorgomaa jiran kuni dubbataniiru.

Yaadi kuni garuu yoom akka dhihaate addatti waan dubbatan hinqaban. Dhimma kanarratti gama Itoophiyaas wanti jedhame hin jiru.

Itoophiyaan bulchiinsa Somaalilaand walabummaa labsite waliin waliigaltee ulaa galaanaa seenuun ishee Gaanfa Afrikaatti muddama uumeera.

Somaalilaandiin akka qaama ishee kan ilaaltu Somaaliyaan adeemsa Itoophiyaa kana akka waraanattin ilaala jechuun mormii jabaa dhiheessite.

Biyyoota Itoophiyaa waliin hariiroo gaarii hin qabne kanneen akka Masriifi Ertiraan waliin hariiroo cimsatteetti.

Jalqaba torban kanas xiyyaaronni waraanaa Masrii Somaaliyaa keessatti qubachuu hordofee Itoophiyaafi Somaalilaand yaaddoo ibsaniiru.

Aangawaan Jibuutii akka ibsanitti, Itoophiyaan ulaa galaanaa akka argattu akkasumas koriidara haaraa ijaarame akka bulchitu yaadi dhihaachuu dubbatan.

Yaada kana Pirezidantiin Jibuutii Ismaa’il Omaar Guleeh Itoophiyaaf dhiheessuu dubbatan.

Yaadi kuni garuu aangawaa Itoophiyaa kamiif akka dhihaate hin beekamu.

Itoophiyaan erga Ertiraan walabummaa argatte booda waggoota dheeraaf buufata doonii Jibuutii fayyadamti.

Haa ta’u malee, waggaatti gatiin kiraa kanfalamu olaanaa ta’uufi biyya tokkorra qofa hundaa’un akka hin barbaachifne kana dura MM Abiy dubbatanii turan.

Doonii akka filmaataatti dhihaate kanarratti Yaa’ii Dureewwan Chaayinaafi Afrikaa torban dhufu taasifamuurratti dureewwan biyyoota lamaan gidduu carraan marii akka jiraatu aangawaan Jibuutii himaniiru.

Buufanni doonii Tajuuraa dolaara miiliyoona 90’n ijaarame Itoophiyaan waggaa afur dura eegale fayyadamuu akka eegalte Tajaajilli Geejjiba Bishaanirraafi Loojistikii Jibuutii yeroos ibsee ture.

Albuuda Potaash Naannoo Afaar keessa jiru akkasumas cileefi kaan gama Taajuraa alatti erguuf karoorri akka jiru ibsame.

Akkasumas daandiin asfaaltii buufata Taajuuraa hanga magaalaa Wadabaatti ijaarame konkolaachistotaan filatamaa akka ta’e ibsamees ture.

Biyya guddoo ulaa galaanaa hin qabne kan taate Itoophiyaan ulaa galaanaa barbaacha akkasumas humna galaanaa ishee cimsachuuf waliigalteen tolfatte Somaaliyaa waliin akka ishee buusetti jira.

Ministirri Dhimma Alaa Jibuutii turtii BBC waliin taasisaniin biyyoonni muddama seenan lamaan garaagartee gidduu isaanii jiru dhiphisuu qabu jedhaniiru.

Jibuutii, Keeniyaa fi biyyoonni naannichaa kaan waltajjii marii tolchuun gumaacha taasisuu akka danda’anis eeraniiru.

Garaagarteen biyyoota lamaanii birmadummaa biyyoota lamaanii karaa kabajuun furamuu akka malus ibsaniiru.

Muddamni biyyoota lamaanii naannicha yaaddoorra akka buusus dubbatan.

Ministirri Dhimma Alaa Jibuutii yeroo ammaa suluula Edaniifi Baab El Mandabitti hidhattoota Huutirraa haleellaan nurratti raawwataa jira jedhaniiru.

Jibuutiin biyya tasgabbooftes taatu muddamni biyya ollaa jiru biyya isaaniifis yaaddoo guddaa ta’u ibsaniiru.

Biyyoonni lamaan ibsa muddama hammeessanirraa akka of qabanis dhaamaniiru.

Sababa Hidha Haaromsaan Itoophiyaa waliin dhibdee kan qabdu Masriin, Somaaliyaa waliin waliigaltee waraanaa mallatteessuun ishee Itoophiyaa, akkasumas Gaanfa Afrikaa yaaddoo keessa galcheera.

Torban kana keessa xiyyaaronni waraanaa Masrii C-130 lama magaalaa guddoo Somaaliyaa Moqaadishoo dhufuu isaaniitiin muddammni ture hammaateera.

Waliigaltee waraanaa biyyoota lamaaniin yaaddoo keessa kan seente Itoophiyaan tarkaanfii Gaanfa Afrikaa jeequf taasifamaa jira jette callistee akka hin ilaalle ibsiteetti.

Mootummaan Somaaliyaa ‘’qaamolee naannicha jeeqan waliin hojjetaa jira’’ jechuunis Itoophiyaan himatteetti.

Bulchiinsi Somaalilaand Itoophiyaa waliin waliigaltee tolfattees waraanni Masirii Gaanfa Afrikaatti bobba'e yaaddoo yoo ta'u callisee hin ilaalu jetteetti.

Itoophiyaafi Somaaliyaan muddama akka laaffisaniifi waliigalteerra akka gahan Turkiin marsaa lamaan jaarsummaa teessus ammatti waliigalteerra hin gahamne.

Gabaasichi kan BBC Afaan Oromooti!

29/08/2024

Itoophiyaan “Qaamoleen garagaraa Gaanfa Afrikaa nagaa dhabsiisuuf yeroo socho'an callisee hin ilaalu” jette.

Mootummaan Itoophiyaa Ergama Ce’umsaa Nagaa Kabachiisaa Gamtaa Afrikaa Somaaliyaatti bobba’e humna nagaa kabachiisaa biraan bakka buusuuf sochiin taasifamu “Balaadhaan kan guutame” jechuun yaaddoo qabaachuu ibsite.

Ministeerri Dhimma Alaa Itoophiyaa, “Itoophiyaan osoo qaamoleen garagaraa naannicha tasgabbii dhabsiisuuf socho’aa jiranii callistee hin ilaaltu” jechuun ibsa baasee jira.

Ministeerichi Itoophiyaan naannicha keessatti wantoota nageenya ishee balaadhaaf saaxiluu danda’an dammaqinaan hordofaa akka jirtu ibsee jira.

Gabaasichi kan OMN!

28/08/2024

Itoophiyaa keessatti haleellaan saalaa dubartoota irratti godhamu hedduu yaaddessaa ta'eera!
Biyya walakkaan ministeerota ishee dubartoota ta'an keessatti dubartoonni mirga lubbuun jiraachuu illee dhabuun ulfaataadha!
Haqa

28/08/2024

Odeessa Buunnootii:

Godina Buunnoo Beddellee Aanaa Cooraatti Waajjirri Fayyaa ona Cooraa gamaggamaa hojii akka godinaatti geggeeffame irratti hojii waliigalaatiin sadarkaa 1ffaa yemmuu ba'u, akkasumas buufanni fayyaa Qumbaabee buufataalee godinnicha keessa jiran hunda of duuba hiriirsuun 1ffaa bahuun badhaafamaa geebaa fi waraqaa ragaa akkasumas hojii kenna tajaajilaa fooyyesuu fi dijitaalessuuf kan gargaaru Kompiitara badhaafamee jira.

Itti Gaafatamaan waajjira fayyaa Aanaa cooraa Obbo Tasisaa Tashoomaa hojjettoota fayyaa onichaa hunda milka'ina hojii kanaatiif dhama'an galeteffachuun sadarkaa arganne kanaaf immoo baga gammadan baga waliin gammadne jedhanii jiru. Karoora keenya bara 2017 immoo guutummaa guutuutti milkeessuun hundi keenya cimnee karoora xiiqii galmaan akka geenyun dhaamuu barbaadas jedhaniiru.

Koominikeeshinii Ona Cooraa irraa arganne!

22/08/2024

20/08/2024

Uummanni Salaalee rakkoo nageenyaan dararame meeshaa ulfootiin bahee araaraaf Waaqa kadhate.

dmn, Hagayya 20/2024
Odeessa Oromiyaatiin:

Hawaasni rakkoo nageenyaan dararame meeshaa ulfootin bahee araaraaf Waaqa kadhate.

Godina Shawaa Kaabaatti rakkoon nageenyaa erga dhagahamuu eegalee waggoota afurii ol lakkoofsiseera. Godinni madda goototaa fi omisha aannaniitiin beekamu kun erga gaaddiduun rakkinaa irra buufatee, qe’ee nagaan bahanii galuun itti ulfaate ta’eera jedhu jiraattonni.

Jiraattonni godinichaa gaga’ama lubbuu, mancaatii qabeenyaa fi buqqaatiin sababa rakkoo nageenyaatiin godinichatti qaqqabaa jiru kun dhuma dhabeera jechuun tibbana akka aadaatti meeshaa Ulfootiin bahanii araaraaf Waaqa yoo kadhatan mul’atani.

Kadhaan ‘Araaraaf Waaqatti boo’udha’ jedhame kun kutaalee godinichaa rakkoo nageenyaan raafamaa jiran hedduu keessatti gamtaan gaggeeffamaa tureera.

Maanguddoon aanaa Kuyyuu irraa BBCn dubbisee fi namoota kadhannaa kana qindeessan keessaa tokko ta’uu himan ‘Kunumtuu waan natti fidu hin beeku’ jechuun maqaan isaanii akka hin caqasamne gaafatanis waa’ee gocha aadaa raawwatame kanaa himaniiru.

“Salaale dur maqaa gaarii qaba. Abbootiin keenya fi Gootonni Salaalee kaleessa qabsoo gabrummaa sabarraa ittisuuf Oromoofuu bu’uura kaa’ani. Har’a wanti jiru faallaa kanaati. Sabuma tokko gidduudhaa jaalalli dhabame”

“Namni keenya wal ajjeesuu qofa miti kan ajjeefameyyuu awwaala dhabaati jira. jireenyi uummataa baayyee miidhameera. Uummanni buqqaatiirra jira” jedhani.

Aanaa D/Libaanositti Haadha Siinqee kan tahan aadde Faayituu Wadaajoo rakkoo nageenyaa amma Salaalee mudate kanaan kan wal ajjeesaa fi waldararaa jiru obbolaawwanuma jedhu.

“Dhibdee obbolaa gidduu kanaan kamtu yakka kam hojjete kan jedhu adda baasnee hin beeknu. Garuu namni keenya saamamaa jira, ajjeefamaa jira, manneen barnootaa gubachaa jiru. Ambulaansiin deessuu tajaajiltu gubachaa jirti” jedhan.

Araara Ulfoon Waaqa Kadhachuu

Dhibdee hidhattootaa fi waraana mootummaa gidduutti deemuun dararamni hawaasarra gahu dabalaa deeme malee hir’ina hin agarsiisfne kan jedhan jiraaattonni kunneen, rakkoo kanaaf karaa aadaa fi safuu naannichaatiin gamtaan Waaqa kadhachuu himu.

“Sangaa camadnee, kallachaa fi caaccuu baasnee, jaarsi cifiree baatee, farda luugamnee “Izgoo’jennee Waaqa kadhanne. Ummanni cinqameeti kan qotiyyoo camadee, ibidda baasee kana godhu. Waan salphaadhaaf kuni hin godhamu” jedhan aadde Faayituun.

“Ejersa Guddaa Lafa Gaaraa

Ulfaataa Rabbuu nugargaara, mee araara” jechaa gamtaan bahanii Waaqa kadhachuus himu.

Maanguddoon aanaa Kuyyuu irraa dubbisne ammoo “Araara Kadhaa Waaqaa” kanaaf kallachaa fi meeshaalee ulfootiin dabalata dhiirri uffata dubartii, dubartiin ammoo uffata dhiiraa uffatanii bahuu fi kunis seera dabe kana agarsiisuuf ta’uu eeran.

Qotiyyoofi ijoollee waanjoo itti hidhuu, farda luugamuufi uffata waljijjiiranii uffachuun maal ibsa?

Obbo Shimallis Xaafaa ogeessa Waajjira Aadaa fi Turizimii Godina Shawaa Kaabaati. Gochi tibbana hawaasni godinichaa rakkoo isarra gahe ibsachuuf dhimma itti bahe kuni aadaa fi safuu Oromoon yeroo rakkinaa ittiin ibsatudha jedhan.

“Ulfaa fi qotiyyoon camadamee, daa’imatti waanjoon godhamee, fannoo fi kaanis bahee addunyaatti rakkoo irra gahe agarsiisuun guddina rakkinichaa mul’isa. Gochi akkanaa rakkoon humnaa olii gaafa dhufu raawwatama” jedhan.

Salaale jiruu fi jireenya idilee ammaan dura keessa ture rakkoo nageenyaa isa mudate kanaaf jecha haala duraatiin gaggeeffachuu dadhabuu kan himan ogeessi kun, akkaataa duudhaa ganamaatiin rakkoo isaa ibsate jedhu.

“Godina kana keessatti ijoolleen baayyeen barnoota dhabdee kan jirtu yemmuu ta'u, gama fayyaatiinis rakkoo hamaatu jira. Abbootii haadholiin kabaja dhabani. Safuun badee jira. Maallaqa namni lakkaa’ee hin beeknetu gaafatama. Kuma 50 hanga miliyoona afurii yeroo gaafatamutu jira” jedhan.

Uummanni sababa rakkoo nageenyaa kanaan dhiibbaa guddaa jala waan galeef akka duudhaa ganamaa abbootiirraa dhaaletti safeeffannaa isa guddaadhaan Waaqa araaraaf kadhachuuf bahe jedhan.

“Oromoon Salaalee seenaa keessatti rakkoo akkanaa argee hin beeku. Kanaafi uummanni ulfoo qabatee Waaqatti, namatti , uumama jirutti bahee’ Izgoo’ jedhee kan kadhate.” Jedhan.

Safuun hawaasni uffannaa dhiiraa fi dubartii waljala dabarsanii uffatanii bahan kunis seerri uumaa cabeera ergaa jedhu dabarsuuf ta’uus himu.

Akka duudhaa fi aadaa godinichaatti gochi hawaasni rakkoo irra gahe ibsachuuf ittiin bahe kun murtii isa olaanaa ta’uu kan himan obbo Shimallis, rakkinichi tarkaanfii kanarra yoo darbee deeme ammoo akka aadaatti abaarsatu itti aana jedhu.

“Kanarra yoo darbee deeme qaamni suni nama keenya, lammii Oromoo miti jedhamee lallabama. Safuun gaafa cabe abaarsatu itti aana. Abaarsi yoo dhufe namni safuu cabse suni hin milkaa’u ni du’a” jedhan.

Godinni Shawaa Kaabaa godinoota hidhattoonni Waraana Bilisummaa Oromoo kan mootummaan ‘ABO Shanee’ jechuun waamu bal’inaan keessa socho’an keessaa isa tokko.

Aanaaleen akka Kuyyuu, Dagam, Hidhabuu Abootee, Warra Jaarsoo, Giraar Jaarsoo, Darraa fi Yaayyaa Gullallee ammoo erga sababa kanaan hawaasni yaaddoo keessa jiraachuu eegalee waggoonni lakkaa’amaniiru.

Aanaalee kanneen keessatti ajjeechaan, buqqaatii fi namoota ukkaamsanii maallaqa ittiin gaafachuun oduu guyyuu dhagaa'amudha.

Magaalonni godinichaa sochii dinagdee hoo’aan beekaman akka Garba Gurraachaa abbootiin qabeenyaa keessaa godaananii sochiin dinagdee qabbanaa’eeera.

Jiraattotaafis amma akka duraa hojjetanii jireenya fooyyeffachuu caalaa akkamiin dukkanaa’ee bari’a? kan jedhu yaaddoo guyyaa guyyaati.

Daandii guddicha Finfinnee irraa gara naannoo Amaaraa, Bahirdaar deemuu fi godinicha keessa qaxxaamurus imala sa’aatiin daangeffamee fi yaaddoodhaan irra imalamu ta’eera.

Daandii kanarratti haleellaa hidhattoonni raawwataniin konkolaattoota dhaabsisuun ajjeechaan, namoota ukkaamsanii maallaqa itti gaafachuun oduu dhageettiif haaraa hin taanedha.

Ji’uma darbe kana keessa barattoonni Yunivarsiitii Dabaarqi irraa gara Finfinnee imalaa turan naannawa magaalaa Garba Gurraachatti hidhattootan butamanii maallaqni itti gaafatamaa turuun niyaadatama.

BBC Afaan Oromootu qindeesse!

15/08/2024

Godina Buunnoo Beddelleetti kilaastera Boqolloo ona Cooraa