08/09/2026
የስርጭት አድማሱ እየጨመረ የመጣውን የውባ በሸታን ከሚመለከታቸው አካላት ጋር በመሆን የመከላከል ሥራ እየተሠራ መሆኑን የቦዲቲ ከተማ ጤና ጣቢያ የሕክምና ባለሞያዎች ተናገሩ ።
በየነ፣03/13/2018 ዓ.ም(ቦከመኮጉዩ) የስርጭት አድማሱ እየጨመረ የመጣውን የውባ በሸታን ከሚመለከታቸው አካላት ጋር በመሆን የመከላከል ሥራ እየተሠራ መሆኑን የቦዲቲ ከተማ ጤና ጣቢያ የሕክምና ባለሞያዎች ተናገሩ ።
ወባ በሽታ በኢትዮጵያ ውስጥ በስፋት ከሚከሰትና በትንኝ ንክሻ ከሚተላለፉ ዋና ዋና የሕዝብ ጤና ጠንቆች አንዱ ነው።
ከባሕር ወለል በላይ እስከ 2,000 ሜትር ከፍታ ባላቸው ሞቃታማ እና ወይናደጋ በሆኑ አካባቢዎች በሽታው በስፋት ይከሰታል።
በተለይም ከሰኔ እስከ መስከረም ወራት የክረምት ዝናብ ማብቃትን ተከትሎ የበሽታው ስርጭት በከፍተኛ ሁኔታዎች እንደሚጨምሩ መረጃዎች ያሳያሉ።
በአገራችን ኢትዮጵያም ከ89 ሚሊዮን በላይ የሚሆነው የሀገሪቱ ሕዝብ (ከ65% በላይ) ለወባ በሽታ ተጋላጭ መሆናቸውን WHO ያወጣው መረጃ ይተነትናል ።
በሸታው በሕክምና ሊመለሰ የሚችል ሲሆን፣ ህክምናው ዘግይቶ የሚደርግ ከሆነ ለሕይወት አስጊ ሊሆን እንደሚችል የዘርፉ ባለሙያዎች ይገልፃሉ ።
ሲሰተር ትህትና ወልቃ እና አቶ ገብሬ ጋልቻ
የቦዲቲ ከተማ ጤና ጣቢያ ባለሞያዎች ሲሆኑ፣ ስርጭቱ እየጨመር የመጣውን የውባ በሽታ ለመከላከል ከጤና ኤክስቴንሽን ባለሙያዎች ጋር በመጣመር ጤና ኬላን ጨምሮ በተለያዩ የጤና ተቋማት የመከላከል እና የመቆጣጠር ሥራ እየሰሩ መሆናቸውን ገለጸዋል ።
ባለሙያዎቹ ጨምረውም በበሸታ የተያዙ ታካምዎች ሲመጡ በተለየ ሁኔታ የሕክምና እርዳታ ከማድረግ በተጨማሪ በተቋማቸው ግንዛቤ የማስጨበጥ ሥራ እንደሚሰራም ተናግረዋል ።
የቦዲቲ ከተማ ጤና ጣቢያ ሥራ አስኪያጅ አቶ ተካልኝ እስራኤል በበኩላቸው ፤ ከጤና ኤክስቴንሽን ባለሙያዎች ጋር በመሆን በከተማው የታቀፉ 11 ቀበልያትን ጨምሮ በበሁለም አከባቢዎች ግንዛቤ የማስጨበጥ ሥራ እየተሰራ መሆኑን አሰረድተዋል ።
በጤና ጣቢያ በውባ በሸታ የተጠቁ ሰዎች ሲመጡ ሕክምና ከመስጠት በተጨማሪ የታካምውን መረጃ በመለየት በሽታው እንዳይሰራጭ ከፍተኛ ርብርብ እንደሚደረግም አቶ ተካልኝ አስረድተዋል ።
የአየር ሁኔታ ከመቀያየሩ ጋር ተያይዞ ሕብረተሰቡ በበሽታው እንዳይጎዳ በሁሉም አከባቢዎች በሽታውን ቀድሞ የመከላከል ሥራ በንቃት እየተሰራ ነው ያሉት የቦዲቲ ከተማ ጤና ጽ/ቤት ኃላፊ አቶ አበራ ጫማ በሽታው ስር ሰዶ ሕብረተሰቡ ላይ የከፋ ጉዳት እንዳያደርስ በከተማ ውስጥ ካሉ የመንግስት እና የግል ጤና ተቋማት ጋር በመሆን ዘርፈ ብዙዎች ስራዎችን እየሰሩ እንደሆነ አንስተዋል ።
በተጨማሪም ማህበረሰቡ የውባ በሸታ ገዳይ መሆኑን አውቆ የመከላከያ መንገዶችን በአግባቡ በመጠቀም ራሱን እና ቤተሰቡን ከሸታው ሊከላከል እንደሚገባ መልዕክት አስተላልፏል ።
