Iyasu Kassa

08/06/2026

ኢትዮጵያ በሁለንተናዊ የለውጥ እና የብልጽግና ምዕራፍ ላይ ትገኛለች!?
ሀገራችን ኢትዮጵያ በአሁኑ ወቅት በታሪኳ ውስጥ ልዩና አስደናቂ የሆነ የለውጥ ምዕራፍ እያሳለፈች ትገኛለች። የሁለንተናዊው የልማት አብዮት እና የሀገራዊ ኢኮኖሚ ሽግግሩ በምድራችን ላይ እየታዩ ባሉ ተጨባጭ ውጤቶች እየተረጋገጠ ይገኛል።
በተለይም ግብርናን በማዘመን፣ በኢንዱስትሪ መስፋፋትና በ“ኢትዮጵያ ታምርት” ንቅናቄ፣ በቴክኖሎጂ ሽግግር እንዲሁም ከዚህ ቀደም ታይቶ በማይታወቅ ፍጥነትና በከፍተኛ ጥራት ወደፊት እየተራመደ ባለው የከተሞቻችን የመሠረተ ልማት ግንባታ ረገድ የተወሰዱት እርምጃዎች ተጠቃሽ ናቸው።
በዚህ የዕድገት ጉዞ ውስጥ፣ በአቢቹ አመራር ስር ይህ ትውልድ ሙሉ ጉልበቱን፣ እውቀቱን እና የውስጥ አቅሙን ተጠቅሞ በገዛ ምድሩ ላይ ዘላቂ ለውጥ ማምጣት እንደሚችል ባለፉት ስምንት ዓመታት ውስጥ በተግባር አሳይቷል።
ይህ ሁለንተናዊ እርምጃ ጠንካራ የመንግሥት ሥርዓት ለመገንባት ያለንን አቅምና ቁርጠኝነት የሚያረጋግጥ ከመሆኑም በላይ፣ ለቀጣዩ ትውልድ የሚሻገረውን የኢትዮጵያን የብልጽግና ተስፋና መጻኢ ዕድል በታማኝነት የሚያበስር ነው።

08/06/2026

ህወሃት የትግራይን ወጣት ለሱዳን ጦርነት እየሸጠ ነው።

የህወሃት (TPLF) መሪዎች ለዘመናት የትግራይን ወጣት ለገዛ ሥልጣናቸው ማቆያ እና እንደ ንግድ መሣሪያ ሲጠቀሙበት ኖረዋል። አሁንም ይሄው አውዳሚ ታሪክ በሌላ መልክ እየተደገመ ይገኛል። በትግራይ ምድር ሰላም፣ ልማት እና የተረጋጋ ሕይወት ከማስፈን ይልቅ፣ ወጣቱ በሱዳን የእርስ በርስ ጦርነት ውስጥ ማገዶ እንዲሆን እየተደረገ ይገኛል።

የህወሃት መሪዎች የራሳቸውን የፖለቲካ የበላይነት ለመጠበቅ ሲሉ የክልሉን የሰው ኃይልና ወጣት አቅም አሳልፈው ሰጥተዋል። ወጣቱ በባዕድ አገር ምድር ለሌሎች ጦርነት እየማገደ ያለው ህወሃት የፖለቲካ ቁማር ሰለባ በመሆኑ ነው።

ይህ ፎቶ የሚያሳየው የትግራይ ወጣቶች በሱዳን ጦርነት ውስጥ እየከፈሉ ያሉትን አላስፈላጊ መስዋዕትነት ነው። በትግራይ ምድር ተስፋ የተነፈገው ወጣቱ ትውልድ፣ ዛሬ በባዕድ አገር የጦርነት ማገዶ እየሆነ ይገኛል።

08/06/2026

የሕዝብ አደራ እና የማይናወጠው የመንግሥት አቋም
አንድ ሀገር የራሷ መልክ፣ ታሪክ እና መጻኢ ዕድል የሚኖራት ሉዓላዊነቷ እና የድንበር ደህንነቷ ሲከበር ብቻ ነው። የሀገር ሉዓላዊነት ደግሞ በቅናሽ ዋጋ የማይደራደሩበት፣ በትውልድ መስዋዕትነት የሚጠበቅ እና የሕዝብ ህልውና መሠረት ነው። ይህንን ታሪካዊና ሕዝባዊ አደራ በጽኑ የተሸከመ መንግሥት፣ የሀገርን ሰላምና ደህንነት ለማስከበር ሁል ጊዜም በግንባር ቀደምትነት ይቆማል።
ዛሬ ላይ ሆነን ወደኋላ ስንመለከት፣ የኢትዮጵያ ነጻነትና ሉዓላዊነት በታሪክ ማዕበል ውስጥ አልፎ እዚህ የደረሰው በሕዝቦቿ ጽኑ አንድነት እና በጀግኖች ልጆቿ ደምና አጥንት ነው። ይህንን ከታሪክ የተረከብነውን ታላቅ አደራ ጠብቆ ማቆየት ደግሞ የዛሬው ትውልድና የመንግሥት ዋነኛና የማይሸረሸር ኃላፊነት ነው።
መንግሥት ከሕዝብ የተቀበለው ትልቁ አደራ የሀገርን አንድነት ማስጠበቅ እና የዜጎችን ሰላም ማረጋገጥ ነው።
ኢትዮጵያ የትኛውንም የውጭ ኃይል በሉዓላዊነቷ እና በውስጥ ጉዳዮቿ ላይ ጣልቃ እንዲገባ አትፈቅድም። ከማንኛውም ወገን የሚሰነዘርን የክብርና የጥቅም መነካካት፣ እንዲሁም የድንበር ደህንነትን የሚፈታተኑ አካሄዶችን በዲፕሎማሲያዊ ጥበብና በማይናወጥ መከላከያ ኃይል የመመከት ብቃትና ጽኑ አቋም አለን።
የሀገርን ሰላም ለማደፍረስ፣ በዜጎች መካከል ጥርጣሬን ለመዝራት እና የውስጥ አንድነትን ለመሸርሸር የሚንቀሳቀሱ ጸረ-ሰላም ቡድኖች በምንም ዓይነት መስፈርት አይታገሡም። የሕግ የበላይነትን የማስከበር ሥራ ያለምንም ማወላወል ይቀጥላል።
መንግሥት ለሰላም ሁልጊዜም በሩን ክፍት ቢያደርግም፣ ይህ የሰላም አማራጭ ግን የሀገርን ሉዓላዊነት አሳልፎ በመስጠት ወይም ከጸረ-ሰላም ኃይሎች ጋር በመደራደር የሚመጣ አይደለም። ጽኑ አቋማችን የሀገርን አንድነትና የድንበር ደህንነት ማረጋገጥ ላይ ብቻ የተመሠረተ ነው።
የኢትዮጵያ ሉዓላዊነት የታሪካችን ድምር ውጤት ብቻ ሳይሆን የወደፊት ዕጣ ፈንታችንም ጭምር ነው። የድንበራችን ደህንነት አስተማማኝ እንዲሆን እና የውስጥ ሰላማችን እንዲጸና፣ መንግሥት የሕዝብን አደራ ሰንቆ የጀመረውን ጉዞ አጠናክሮ ይቀጥላል።

08/06/2026

የአመራር ጥበብ እና የኢትዮጵያ አዲስ ምዕራፍ
የመሪያችን ብልሃት፣ ፍጥነት፣ ጥራት እና ፈጠራ የታከለበት ሁለንተናዊ የሥራ ክንውን የሀገራችንን ስም በዓለም አቀፉ ማኅበረሰብ ዘንድ እጅግ ከፍ አድርጎታል። ከለውጡ በፊት የነበረችው ኢትዮጵያ ልጆቿን ለመመገብ እጆቿን ወደ ምዕራባውያን አገራት የምትዘረጋ የነበረች ቢሆንም፣ የአሁኗ ኢትዮጵያ ግን በበጋና በክረምት መስኖ ስንዴን በስፋት በማምረት ለውጭ ገበያ ማቅረብ ደረጃ ላይ ደርሳለች። በአብቹ የማይታክት ጥረትም አዲስ አበባን ጨምሮ ከተሞቻችን የዘመናዊ ከተማነት ገጽታ ከመላበስ ባለፈ፣ የኢኮኖሚና የንግድ እንቅስቃሴዎች በከፍተኛ መነቃቃት የሚከናወኑባቸው ስትራቴጂካዊ ማዕከላት ለመሆን በቅተዋል።
መሪያችን የተከተሉትን ራስን የመቻል ስትራቴጂ መሠረት በማድረግም፣ ኢትዮጵያ ታላላቅ ሜጋ ፕሮጀክቶችን ከመንደፍ ጀምሮ በራሷ አቅምና እውቀት እስከ መገንባት የሚያደርስ አዲስ ታሪካዊ ምዕራፍ መጻፍ ችላለች!

08/06/2026

የአረንጓዴ አሻራ የምግብ ዋስትና ማረጋገጫና ለአየር ንብረት መቋቋም ምሰሶ ሆኗል!
የደን መመናመንን ለመግታት እና የሀገራችንን የአየር ንብረት ለውጥ ተጽዕኖ የመቋቋም አቅም ለማሳደግ ከተቀመጡት ዋና ዋና ግቦች አንጻር፣ በአረንጓዴ አሻራ ተነሳሽነት የተከናወኑ ሥራዎች ተጨባጭ ውጤት እያስመዘገቡ ይገኛሉ። ይህ ታላቅ ብሔራዊ ንቅናቄ በሁለት ምዕራፎች ከ48 ቢሊዮን በላይ ችግኞችን በመትከል ኢትዮጵያን አረንጓዴ ማልበሱን ቀጥሏል።
በዚህ መርሃ ግብር የተተከሉ ችግኞች የሀገሪቱን የደን ሽፋን ከመጨመር ባለፈ፣ የምግብ ዋስትናን ለማረጋገጥ ረገድ ከፍተኛ ሚና በመጫወት ላይ ናቸው። ባለፉት ዓመታት በአዳዲስ ፈጠራዎችና በከፍተኛ ፍጥነት ታጅቦ አመርቂ ድሎችን ያስመዘገበውን የአረንጓዴ አሻራ ተነሳሽነት ዘንድሮም ወደ ላቀ ደረጃ ለማሸጋገር እየተከናወነ ባለው ሥራ፣ የችግኝ ዝግጅቱ በአሁኑ ወቅት እጅግ በጥሩ ሁኔታ ላይ ይገኛል!

08/06/2026

ትናንት በብስለት ጉድለት ያጣነውን ብሔራዊ ጥቅም (ባህር ባር)፣ ዛሬ በሰከነ፣ በበሰለና በሰላማዊ "የዲፕሎማሲ ስሌት" የምናስመልስበት ጊዜ ላይ ነን!

07/06/2026

ONLF ከታጠቁ ቡድኖች ጋር ትስስር አለው መባሉን ውድቅ አደረገ

የኦጋዴን ብሔራዊ ነፃነት ግንባር (ONLF) ከታጠቁ ቡድኖች ጋር ግንኙነት አለው መባሉን በጽኑ የሚቃወም ሲሆን፤ ከኢትዮጵያ መንግሥት ጋር ለተፈረመው የሰላም ስምምነት ያለውን የማይናወጥ ቁርጠኝነት በድጋሚ ያረጋግጣል።

የሰላም ስምምነቱን ድንጋጌዎች በሙሉ ለማክበርና ተግባራዊ ለማድረግ ያለውን ዝግጁነትም ይገልጻል። በተመሳሳይ መልኩ ONLF የኢትዮጵያ መንግሥት የገባውን ቃል እንዲጠብቅ እና የስምምነቱን ሙሉ አፈጻጸም በቅን ልቦና እንዲያረጋግጥ ይጠብቃል" ሲል በመግለጫው አስታውቋል።

06/06/2026

ጠላቶቻችን ጽምዶ ብሎ መተዋል። ጽምዶ ዛሬ የተፈጠረ እንዳይመስላችሁ ጽምዶ የ1960ዎቹ እስትራቴጂ …..ኢትዮጵያን ከባህር በር ያባረረ...

06/06/2026