AbayNet

09/06/2026

ህንጻው የአለማችን ረጅሙ ቤተክርስቲያን ሆኗል

በነጭ መስቀል ያጌጠውና ባለፈው የካቲት ወር ላይ ግንባታው የተጠናቀቀው ይህ ማማ፤ ከተማዋን ወደ ሰማይ አንጋጦ ማሳየት ያስቻለ አዲስ ታሪካዊ ምዕራፍ መሆኑ ተነግሯል።

​ሊቀ ጳጳሱ ለዚህ ጉብኝታቸው “አይኖቻችሁን ወደ ላይ አንሱ” የሚል መሪ ቃል የመረጡ ሲሆን፣ በዕለቱ በሚያደርጉት የጸሎት ሥነ-ሥርዓት ላይ የስፔን ጠቅላይ ሚኒስትር ፔድሮ ሳንቼዝን ጨምሮ በርካታ የሀገር ውስጥና የአለም አቀፍ እንግዶች ይታደማሉ ተብሎ ይጠበቃል።

ርዕሰ ሊቃነ ጳጳሳት ሊዮ 14ኛ በስፔን ባርሴሎና የሚገኘውን ታዋቂውን የሳግራዳ ፋሚሊያ ካቴድራል ማዕከላዊ ማማ (የኢየሱስ ክርስቶስ ማማ) ነገ ሰኔ 10 ቀን 2018 ዓ.ም (June 10, 2026) በይፋ ባርከው እንደሚመርቁ ተገለጸ።

​የታዋቂው አርክቴክት አንቶኒ ጋውዲ (Antoni Gaudí) የሙት ዓመት መቶኛ መታሰቢያ በሚዘከርበት በዚህ ዕለት የሚከናወነው የምረቃ ሥነ-ሥርዓት፤ ካቴድራሉን 172.5 ሜትር ከፍታ በማጎናጸፍ በአለማችን ላይ ረጅሙ ቤተክርስቲያን እንዲሆን አስችሎታል።

የቤተክርስቲያኑን ምስሎች ኮመንት ላይ ያገኛሉ

​ምንጭ፦ Associated Press (AP)

08/06/2026

08/06/2026

"በጋምቤላ ከተማ ተከስቶ የነበረው ውጥረት ሙሉ በሙሉ ተረጋግቷል"ክልሉ

ዛሬ ማምሻውን በጋምቤላ ከተማ በአንድ የፌዴራል ፖሊስ አባል አማካኝነት ያልተጠበቀ የተኩስ ክስተት ተፈጥሮ እንደነበር የክልሉ መንግሥት በሰጠው ወቅታዊ መግለጫ አስታወቀ።

ክስተቱን ተከትሎ የክልሉና የፌዴራል ፀጥታ አካላት በጋራ ባደረጉት ፈጣን እንቅስቃሴና የተኩስ ልውውጥ ውጥረቱን ሙሉ በሙሉ ማርገብ የተቻለ ሲሆን፣ በአሁኑ ወቅት የአካባቢው ሰላምና መደበኛ እንቅስቃሴ ወደነበረበት ተመልሷል።

የክልሉ መንግሥት ጉዳዩ በሕግ ተጣርቶ ተገቢው እርምጃ እንደሚወሰድ የገለጸ ሲሆን፣ ኅብረተሰቡ ባልተረጋገጡ ወሬዎች ሳይደናገጥ የዕለት ተዕለት እንቅስቃሴውን እንዲቀጥልና ከፀጥታ አካላት ጋር ያለውን ትብብር እንዲያጠናክር ጥሪ አቅርቧል።

07/06/2026

ጋዜጠኛ ደስዬ አሸናፊ ይፋ ባደረገው የዛሬ መረጃ መሰረት...የሰሜን ኢትዮጵያውን ጦርነት ተከትሎ በሱዳን ከቀሩት በርካታ የትግራይ ተወላጆች መካከል የአንዱ ወጣት አሳሳቢ የህልውና ፈተና አደባባይ ወጥቷል። ይህ መረጃ የሚያጠነጥነው በአርሚ 70 ኮር 702 አባል በሆነው ወጣት ተጋዳላይ አለማት ዘነበ ላይ ነው።

በመቀሌ ከተማ ተወልዶ ያደገው ወጣት አለማት ዘነበ፣ ሀገሩን ለማገልገል በማሰብ የኢትዮጵያ መከላከያ ሰራዊትን ተቀላቅሎ ነበር። በሰራዊቱ ውስጥ በነበረው ቆይታም፣ የኢትዮጵያን የሰላም አስከባሪ ኃይል ወክሎ ዓለም አቀፍ ተልዕኮውን ለመወጣት ወደ ሱዳን አምርቶ እንደነበር መረጃው ያመለክታል። ይሁን እንጂ የዚህ ወጣት የህይወት አቅጣጫ በ2013 ዓ.ም ጥቅምት ወር መጨረሻ ላይ በትግራይ ክልል ከተቀሰቀሰው አውዳሚ ጦርነት ጋር ተያይዞ ሙሉ በሙሉ ተቀይሯል።

በ2013 ዓ.ም የትግራይ ጦርነት መፈንዳቱን ተከትሎ በሱዳን የሰላም ማስከበር ተልዕኮ ላይ የነበሩ የትግራይ ተወላጅ የሰራዊቱ አባላት ከፍተኛ የፖለቲካ እና የስነ-ልቦና ቀውስ ውስጥ ገብተው ነበር። በወቅቱ በርካታ የሰራዊቱ አባላት ወደ ሀገር ቤት ሲመለሱ ወይም ሌሎች ውሳኔዎችን ሲያሳልፉ፣ ወጣት አለማት ዘነበ ግን እዚያው ሱዳን ውስጥ ለመቅረት ተገዷል። በወቅቱ ለቤተሰቦቹ እና ለቅርብ ጓደኞቹ በነበረው የስልክ ግንኙነት፣ "ሸውደውናል እንጂ እዚሁ ቀርተናል" በማለት የገጠመውን አስገዳጅ ሁኔታ እና ውስጣዊ ስጋቱን ይገልጽ እንደነበር ተዘግቧል። ይህ ንግግሩ፣ በወቅቱ በነበረው የፖለቲካ ውጥረት ምክንያት የትግራይ ተወላጅ የሰላም አስከባሪዎች በፈቃዳቸው መወሰን ወደማይችሉበት ውስብስብ አጣብቂኝ ውስጥ ገብተው እንደነበር በግልጽ የሚያሳይ ነው።

የጋዜጠኛ ደስዬ አሸናፊ መረጃ እንደሚያስረዳው በአሁኑ ወቅት ወጣት አለማት ዘነበ እጅግ አሳሳቢ በሆነ የህልውና አደጋ ውስጥ ይገኛል። ሱዳን ራሷ በእርስ በርስ ጦርነት እየታመሰች ባለችበት በዚህ ጊዜ፣ ወጣቱ ካለበት አካባቢ ለመውጣትም ሆነ ነፍሱን ለማትረፍ ከፍተኛ ችግር እና ፈተና ተደቅኖበታል።

ከቅርብ ጊዜ ወዲህ እየወጡ ያሉ ፖለቲካዊ እና ወታደራዊ መረጃዎች እንደሚያሳዩት፣ በሱዳን የሚገኙ አንዳንድ የትግራይ ኃይሎች (እንደ አርሚ 70 ያሉ) ከሱዳን ጦር እና ከሌሎች ኃይሎች ጋር በሚደረጉ ግጭቶች ውስጥ እየገቡ መሆናቸው ይነገራል። በዚህም ምክንያት እንደ አለማት ዘነበ ያሉ መነሻቸው የሰላም አስከባሪነት የነበረ፣ አሁን ግን በሱዳን የእርስ በርስ ጦርነት አዙሪት እና በፖለቲካዊ ሽኩቻዎች መሃል የተዘነጉ ወጣቶች፣ ያለ ምንም ጠባቂ በባዕድ ሀገር የከፋ አደጋ እየገጠማቸው ይገኛል። ይህ ሁኔታ የሰሜኑ ጦርነት የፈጠረው ጠባሳ አሁንም ድረስ በተዘዋዋሪ የዜጎችን ህይወት እያመሰ መሆኑን የሚያሳይ አሳዛኝ ክስተት ነው።

03/06/2026

በታሪፍ ውሳኔ መቃረብ ሳቢያ የሶላር ኩባንያዎች የአክሲዮን ዋጋ በ40% አደገ

የዩናይትድ ስቴትስ የንግድ ሚኒስቴር የሚያስተላልፈውን አዲስ የታሪፍ ውሳኔ (Section 232) በመጠባበቅ ላይ ሳቢያ፣ በዓለም አቀፍ ገበያ የሶላር (የፀሐይ ብርሃን ኃይል) ኩባንያዎች አክሲዮን ከፍተኛ ዕድገት እያሳየ መሆኑን የኢኮኖሚ መረጃዎች ጠቆሙ።

የዩቢኤስ የሶላር ኢንዴክስ መረጃ እንደሚያሳየው፣ የዘርፉ ኩባንያዎች የአክሲዮን ዋጋ በአዲሱ የአውሮፓውያን ዓመት መጀመሪያ ጀምሮ የ40 በመቶ ዕድገት ያስመዘገበ ሲሆን፣ በግንቦት ወር ብቻ ደግሞ የ33 በመቶ ጭማሪ አሳይቷል።

ይህ ዕድገት ዘርፉ ላለፉት አምስት ዓመታት ገጥሞት የነበረውን የዋጋ ማሽቆልቆል አዝማሚያ የቀየረ መሆኑ ተገልጿል።

በተለይም በዘርፉ ቀዳሚ የሆነው ፈርስት ሶላር የተባለው ኩባንያ የአንድ አክሲዮን ዋጋው 268 ዶላር አካባቢ የደረሰ ሲሆን፣ ለዚህም ዋነኛው ምክንያት በመጪው ሰኔ አጋማሽ ላይ ይፋ ይሆናል ተብሎ የሚጠበቀው የአሜሪካ መንግሥት የገቢ ዕቃዎች ታሪፍ ውሳኔ ነው።

ውሳኔው የአገር ውስጥ አምራቾችን ለመጠበቅ ሲባል ከውጭ በሚገቡ የሶላር ምርቶች ላይ አነስተኛ የገቢ ዋጋ ገደብ እና የታሪፍ ጭማሪዎችን ሊያካትት እንደሚችል የኢኮኖሚ ተንታኞች ይገምታሉ።

በሌላ በኩል እንደ ሶላርኤጅ እና ኤንፌዝ ባሉ ለመኖሪያ ቤቶች የሶላር ኃይል በሚያቀርቡ ኩባንያዎች ላይ የታየው ጊዜያዊ የአክሲዮን ዋጋ መነቃቃት፣ ከገበያው ተወዳዳሪነት አንጻር ዘላቂነቱ አጠራጣሪ መሆኑንና ሊቀንስ እንደሚችል የዩቢኤስ ተንታኝ ካትሪን ጎርደን አስታውቀዋል።

የጎልድማን ሳክሱ ብራያን ሊ በበኩላቸው፣ በትላልቅ የኃይል ማመንጫ ፕሮጀክቶች ደረጃ ያለው የሶላር ፍላጎት አሁንም ጠንካራ መሆኑን ገልጸው፣ ለመኖሪያ ቤቶች የሚቀርበው ዘርፍ ግን አሁንም የተወሰኑ ተግዳሮቶች እንዳሉበት አመልክተዋል።

03/06/2026

የአማራ ህዝብ ግልብጥ ብሎ ለመምረጥ መዉጣቱ የፋኖ ታጣቂዎችን ተስፋ አስቆርጧል‼️
**********************
ሰላም በምርጫ እንጂ በነፍጥ እንደማይገኝ የተረዳዉ የአማራ ህዝብ የፋኖን ማስፈራሪያ ችላ ብሎ በምርጫ ላይ በነቂስ ወጥቶ መሳተፉ የፋኖ ታጣቂዎች ተስፋ አስቆርጧል፡፡

ከህዝቡ ዘንድ ምንም ቦታ እንደሌላቸዉ ዘጊይቶም የተገነዘቡ ታጣቂዎች በሰላማዊ መንገድ እጃቸዉን መስጠት ጀምሯል፡፡

ለአብነትም በክልሉ ሰሜን ሸዋ ዞን አሳግርት ወረዳ በተለያዩ ቀበሌዎች ሲንቀሳቀሱ የነበሩ የፋኖ ታጣቂወች የህዝቡ ፍላጎት ለካ ሰላምና ሰላም ብቻ ነበር በሚል በመጸጸት ከነ ሙሉ ትጥቃቸው ለሰላም እጅ መስጠታቸዉ ታውቋል ።

03/06/2026

"ከቤት ሳይወጡ በAI ገንዘብ የሚያገኙባቸው አዳዲስ መንገዶች!"

በአሁኑ ወቅት የአርቴፊሻል ኢንተለጀንስ (AI) ምጥቀት ለወጣቶች አዳዲስና ሰፊ የኦንላይን ቢዝነስ እድሎችን ይዞ ብቅ ብሏል። የቴክኖሎጂ ባለሙያው ሳሙኤል ከፈለኝ በኤፍ ኤም አዲስ 97.1 “መለኛ” ፕሮግራም ባደረጉት ቆይታ ወጣቶች ያለምንም ካፒታል፣ በእጃቸው ባለው ስልክ ተጠቅመው የገንዘብ የሚያገኙባቸውን ቁልፍ መንገዶች ጠቁመዋል።

1. ዩቲዩብ ያለ ካሜራ (Faceless YouTube) ቪዲዮዎች

ዩቲዩብ ላይ ለመታየት ካሜራና ውድ መሣሪያዎች አያስፈልጉዎትም። የሕፃናት ተረቶችን፣ የመጽሐፍ ቅዱስ ታሪኮችንና አስተማሪ ቪዲዮዎችን በAI ድምፅና ምስል በማቀናጀት መፍጠር ይቻላል። በዚህ መንገድ ማንነትዎ ሳይታወቅ በወር በመቶዎች የሚቆጠር ዶላር ከዩቲዩብ ክፍያ (AdSense) ማግኘት ይችላሉ።

2. የመጽሐፍት ትርጉም እና ዓለም አቀፍ ገበያ

ከ120 ሚሊዮን በላይ ሕዝብ ያላት ኢትዮጵያ ለትርጉም ሥራ ሰፊ ገበያ ናት። እንደ Claude AI ያሉ መተግበሪያዎችን በመጠቀም ተወዳጅ ዓለም አቀፍ መጽሐፍትን በደቂቃዎች ውስጥ ወደ አማርኛ፣ ኦሮምኛ ወይም ትግሪኛ መተርጎም ይቻላል።

እነዚህን መጽሐፍት በአገር ውስጥ በማሳተም ወይም በAmazon Kindle ላይ በኢ-ቡክ (E-book) መልክ በመጫን ቋሚ ገቢ ማፍራት ይቻላል።

3. የዌብሳይትና አፕሊኬሽን ግንባታ

ቀደም ሲል ዌብሳይት ለመስራት የኮምፒውተር ሳይንስ ዲግሪ ወይም የዓመታት የኮዲንግ ልምድ የግድ ነበር። ዛሬ ግን በAI ታግዞ በጥቂት ቀናት ስልጠና ብቻ ለድርጅቶችና ለግለሰቦች ዘመናዊ ዌብሳይቶችን ሰርቶ በመሸጥ ከፍተኛ ገቢ ማግኘት ይቻላል።


ክፍያዎችን እንዴት መቀበል ይቻላል?

የክፍያ ጉዳይ ለብዙዎች ስጋት ቢሆንም፣ አሁን ላይ መፍትሔው ቀላል ሆኗል፦
አገር በቀል ባንኮች፦ እንደ አቢሲኒያ እና ዳሽን ያሉ ባንኮች የዶላር አካውንት መክፈትና ዓለም አቀፍ የክፍያ ካርዶችን (Mastercard/Visa) መጠቀም መጀመራቸው ትልቅ እድል ነው።

ዓለም አቀፍ አማራጮች፦

እንደ Wise እና Payoneer ያሉ አገልግሎቶች ከየትኛውም የዓለም ክፍል ክፍያ ተቀብለው ወደ አገር ውስጥ ባንክ እንዲያስተላልፉ ይረዱዎታል።

የባለሙያው ምክር፦

ወጣቶች “የኦንላይን ቢዝነስ እናስተምራለን” ከሚሉ አጭበርባሪዎች እራሳቸውን ሊጠብቁ ይገባል። ይልቁንም እንደ Gemini፣ ChatGPT እና Claude AI ያሉ ነፃ መተግበሪያዎችን በመጠቀም ከ15 ቀን እስከ አንድ ወር ባለው ጊዜ ውስጥ እራስዎን ያብቁ።

03/06/2026

11/09/2025

“በህዳሴው ግድብ መጠናቀቅ ተደስተናል”- የሱዳን ፈጥኖ ደራሽ አዛዥ ጄ/ል መሀመድ ሀምዳን ዳጋሎ

09/09/2025

ሳሊኒ ስለ ሕዳሴ ግድቡ ምን አሉ?

“ኢትዮጵያ ይህን ግድብ እንድትገነባ ማንም አልፈለገም

ከ15 ዓመታት በኋላ ታላቁ የኢትዮጵያ ሕዳሴ ግድብ እውን ሆነ ያሉት የጣሊያኑ ሳሊኒ (ዊ ቢውልድ) ኩባንያ ስራ አስኪያጅ ፔትሮ ሳሊኒ፤ ግድቡን ለመገንባት የነበረውን ውጣ ውረድ እና የተከፈለውን ዋጋ ገልፀዋል።

“ለእኔና ለአገሪቱ ሕልማችን እውን ሆነ። ዛሬ ከዚህ በላይ እንዴት መኩራት ይቻላል?” ያሉት ሳሊኒ፤ ይህን ስኬት እውን ላደረጉ የግንባታውን ሠራተኞች ምስጋና አቅርበዋል።

የህዳሴግድብ ፕሮጀክትን “በዓለም በጣም ደኅንነት የነበረው ፕሮጄክት ነው” ያሉት ሳሊኒ፤ ሆኖም ግን ታላቅ ስኬቶች ዋጋ እንደሚከፈልባቸው ሁሉ በግድቡ ግንባታ ሂደት የሰው ዋጋ መከፈሉን አንስተዋል።

ፔትሮ ሳሊኒ ባለፉት 15 ዓመታት፤ 33 ሠራተኞች በመንገድ አደጋና በሌሎችም ሁኔታዎች ሕይወታቸውን እንዳጡ አስታውቀዋል። ለዚህ ስኬት ሕይወታቸውን ለሰጡ ሠራተኞች ያላቸውን ከበሬታ የገለፁት ሳሊኒ፤ ለቤተሰቦቻቸውም ትውስታቸው አይጠፋም ሲሉ መልዕክት አስተላልፈዋል።

ከ10 ሺህ በላይ ሰራተኞች ተቀይረው መስራታቸውን የጠቆሙት ሥራ አስኪያጁ፤ 250 ሺህ ሰዓታት ሠራተኞችን ስለ ደኅንነት ለማሰልጠን እንደዋለ ጠቅሰዋል። 25 ሺህ ወጣቶች በሥራ ላይ የአቅም ግንባታ ስልጠና እንደተሰጣቸው ጠቅሰው፤ ይህም ለአገሪቱ ወደፊት መሰረታዊ አበርክቶ ይኖረዋል ሲሉ በሙሉ ልብ ተናግረዋል።

የግድቡን መሠረት ካሳረፉትና በግድቡ ዙሪያ ሥማቸው በጉልህ ከሚነሳው ከቀድሞው ጠቅላይ ሚኒስትር መለስ ዜናዊ ጋር በቅርበት መስራታቸውን የተናገሩት ሳሊኒ፤ ከመለስ ዜናዊ ጋር ያደረጉትን ንግግርም ጠቅሰዋል።

“‘ለዚህ አገር ሕልም አለኝ፤ የተትረፈረፈ የኃይል ሉዓላዊነት። ዓባይ ላይ ፕሮጀክት ልትነድፍልኝ ትችላለህ? ታላቅ ፕሮጀክት፤ ቢያንስ ስድስት ሺህ ሜጋ ዋት የሚያመነጭ እፈልጋለሁ’ አለኝ። ፤በፍጥነት ስራው[አለኝ]’፤ ከአንድ ዓመት በኋላ ሕይወቱ አለፈ” በማለት የግድቡ ውጥን እንዴት እንደተጠነሰሰ ገልፀዋል።

ከኢትዮጵያ ጋር በግድብ ግንባታ እስከ ቤተሰባቸው ታሪካዊ ትስስር እንዳላቸው በስሜት የገለፁት ፔትሮ ሳሊኒ፤ ኢትዮጵያ በምን ያህል ፈተና ውስጥ ተከባ ሕዳሴን እንደገነባችም ዘርዝረዋል።

“አገሪቱ ይህን ግድብ እንድትገነባ ማንም አልፈለገም። ማንም ገንዘብ ለማቅረብ አልፈለገም። ብዙ ፖለቲካዊ ጉዳዮች፤ ብዙ ችግሮች [ነበሩ]፤ ቀላል መፍትሔ አልነበረም። ነገር ግን ኢትዮጵያዊያን ችግር ፈሪ አይደሉም። አይበገሬ ናቸው። መገዳደር ወይም ጠላት ሲገጥማቸው ጥረታቸውን በእጥፍ ይጨምራሉ፤ ማግኘት ያለባቸውን ያገኛሉ” ብለዋል።

ቢቢሲ-