19/07/2025
ዣቪ ሲሞንስ (Xavi Simons)
በዝውውር ዙሪያ ስሙ ከብዙ ክለቦች ጋር እየተያያዘ ያለ ተጫዋች ነው። በአሁኑ ሰዓት በጀርመኑ ክለብ RB Leipzig ውስጥ የሚጫወት ሲሆን፣ ነገር ግን ክለቡ ከቻምፒየንስ ሊግ ተሳትፎ ስለወጣ፣ ተጫዋቹ ክለቡን ለቆ መውጣት እንደሚፈልግ ተዘግቧል።
ዣቪ ሲሞንስ በጥር 2025 ከፓሪስ ሴንት ዠርሜን (PSG) በ €50 ሚሊዮን plus €30 ሚሊዮን add ons በቋሚ ዝውውር ወደ RB Leipzig ተቀላቅሏል። ውሉ እስከ ሰኔ 2027 ድረስ ሲሆን
ነገር ግን ክለቡ ባለፈው የውድድር ዘመን ቻምፒየንስ ሊግ ውስጥ መግባት ባለመቻሉ፣ ሲሞንስ ክለቡን መልቀቅ እንደሚፈልግ አሳውቋል።
ተጫዋቹ በተለይ ወደ ፕሪሚየር ሊግ ክለብ ለመዛወር ፍላጎት እንዳለው ተዘግቧል።
በአሁኑ ሰአት የሲሞንስ ስም ከበርካታ ትላልቅ የአውሮፓ ክለቦች ጋር እየተነሳ ይገኛል። ከነዚህም መካከል:
ቼልሲ (Chelsea): ሲሞንስ ወደ ፕሪሚየር ሊግ ለመሄድ ፍላጎት እንዳለው በመግለጹ፣ ቼልሲዎች ከተጫዋቹ ወኪሎች ጋር ንግግር ማድረጋቸው ተዘግቧል።
አርሰናል (Arsenal): አርሰናልም ለሲሞንስ ፍላጎት እንዳላቸውና በዝውውሩ ላይ መረጃዎችን ሲያገኙ እንደቆዩ ተገልጿል።
ማንቸስተር ዩናይትድ (Manchester United): ዩናይትድም የተጫዋቹን ሁኔታ በቅርበት እየተከታተሉ ነው።
ባየር ሙኒክ (Bayern Munich): ባየርን ሲሞንስን ለማግኘት ፍላጎት ቢኖራቸውም፣ ሲሞንስ ግን የፕሪሚየር ሊግ ዝውውርን እንደሚመርጥ ተዘግቧል፤ ባየርን ደግሞ በዝውውር ገበያው ሌሎች ቅድሚያ የሚሰጧቸው ተጫዋቾች እንዳሏቸው ተገልጿል።
ባርሴሎና (Barcelona): ሲሞንስ የቀድሞ የአካዳሚ ተጫዋች እንደመሆኑ መጠን፣ ባርሴሎናም ስሙ በተደጋጋሚ ከእሱ ጋር ሲያያዝ ቆይቷል።
የዝውውር ዋጋ
RB Leipzig ለሲሞንስ የሚፈልጉት ገንዘብ ከ £60 ሚሊዮን እስከ £70 ሚሊዮን ባለው ክልል ውስጥ እንደሚሆን ይገመታል። ምንም እንኳን የቋሚ ዝውውር ቢሆንም፣ ክለቡ ቻምፒየንስ ሊግን በማጣቱ ምክንያት ተጫዋቹን የመልቀቅ እድሉ ሰፊ ነው።
የዜና ምንጫችን፡ Reuters
