01/01/2025
Amajjii 1,/2025
BIRBOO fi GUYYAA WBO
Amajjiin 1 waggaa waggaan Uummata oromoo sabboonoo ta'an, waan ofii jaalatan biratti haala adda ta'een kabajama!
1ffaa, BIRBOO (bara haaraa Oromoo) akka dhaha Oromotti.
Sabni guddichi gaanfa Afriikaa Uummatni Oromoo abbaa kalaqaawwaan garagaraa ta'uu waan namuu beekudha.
Kalaqaawwan kanneen keessaa madda sirna diimokiraasii Addunyaa har'aa kan ta'e Sirni Gadaa Isa tokkodha.
Akkuma beekkamu Sirni Gadaa marsaalee ittiin abbaa irraa gara Ilmaatti itti darbu seera mataa Isaa qaba. Marsaalee Sirni Gadaa itti naanna'ee Gadaan abbaa ilma ittiin dhaqqabu kana beekanii lakkaa'uuf Kalaandariin/dhahi Oromoo/ Kun itti yaaddamee Qorannoo abboota keenya Urjilee fi ji'a/addeessa lakkaa'aniin kan kalaqame dha.
Haa ta'u malee, argannoo guddaan Kun sababa dhiibbaa alagaatiin akka dhalootaaf ta'utti Dookumantii ta'ee beekkamtii Addunyaalessaa argachuu baatus, dhalootni sabboonoon seenaa awwalame qotanii boollaa baasan hoji-manee akka godhatan shakkii hin qabu! Hangasitti dhalootni har'a jirru Kun itti fufiinsa seenaatiif hoggayyuu waggaa waggaadhaan akka BARA HAARAA OROMOO tti kabajaa, seenaa Wal yaadachiisaa kan deemnu ta'a jechuudha. Barri Haaraan Kunis BIRBOO Jedhama.
2ffaa, Amajjiin 1 Ayyaaneffannaa Guyyaa Waraana bilisummaa oromoo (WBO) ti.
Guyyaan Kun guyyaa itti qabsaa'onni sabaa garbummaa fi roorroo saba isaaniirra gahaa jiru irraa fonqolchuuf dammaqanii Wal ijaaranii, Bilisummaan Oromoo afaan Qawwee keessa jiraachuu dhagaa bu'uuraa kaa'uun rasaasa Bilisummaa Oromoo yeroo jalqabaaf itti dhukaasani dha.
Dhukaasni jalqabaa Kunis jaal ELEMOO QILXUU tiin Harargee CARCAR XIRROO tti, "Kun sagalee dhukaasa waraana bilisummaa Oromoo ti" jechuun yeroo jalqabaaf dhukaate!
Akkasiin Amajjiin 1 sabboonota oromoo fi Waraana bilisummaa Oromoo biratti ayyaana dachaa ta'uun kabajamuu eegalee, itti fufe.
Maarree yeroottii ayyaana kana kabajnutti, waan keenya jabeeffachuuf hangam tokko dammaqoo akka taanee Fi Qaanqeen bilisummaa gaafas jaallan sunneeniin qabsiifamte eessaa kaatee eessa geese of duuba deebinee yaadachaa, bu'aa isheen qabsoo sabichaatiif buuste gamaaggamaa fuulduree keenyaaf haa Onnanuun dhaamsa Koo Jaallummaati!
Ayyaana gaarii isiniif/nuuf haa ta'u jechaa,
Barri bara Bilisummaa fi qabsoon Oromoo xumura itti argattu akka nuuf taatun hawwii Koo ibsadha !
Ayyaana gaarii!
Leensa Oromo
