Ahmedin koo Page

25/06/2025

24/06/2025

Iraan fi Israa'el gidduutti guutummaan guutuutti dhukaasa dhaabuun sa'aatiiwwan itti aanan keessa hojiirra oola - Pirezidaant US Doonaald Tiraamp
*******************

Iraan fi Israa'el gidduutti guutummaan guutuutti dhukaasa dhaabuun sa'aatiiwwan itti aanan keessa hojiirra oola jedhan Pirezidaantiin Ameerikaa Doonaald Tiraamp.

Iraan ammoo yoo Israa'el kan dhaabdu ta'e isheenis haleellaa akka dhaabdu himteetti.

Israa'el garuu hanga ammaatti yaada hin kennine jedhameera.

Yaanni dhukaasa dhaabuu dhihaate jalqabuudhaan yeroo muraasa dura, Iraan misaa'elii akka haaraatti gara biyyasheetti dhukaasuun namoota sadii jalaa ajjeesuu Israa'el himteetti.

Iraan keessatti ammoo, miidiyaaleen mootummaa haleellaa milkaahaa Iraan buufata humna waraanaa Ameerikaa, Qaataar fi Iraaq keessa jirurratti raawwachuu hordofee, Israa'el dhukaasa dhaabuu akka fudhattu dirqamni irra kaawwame jechuudhaan gabaasaa jiru.

Tiraamp miidiyaa hawaasaa isaanii “Turth Social” irratti, akka sa'aatii Ameerikaatti halkan keessaa tilmaamaan sa'a 6 booda ture, Iraan fi Israa'el gidduutti dhukaasni akka dhaabbatu kan beeksisan.

Gabaasni kan CNN, Reewutarsii fi BBCti

22/06/2025

Wiirtuu nukilaaraa Fordoo haleeluun balaa keemikaalaaf saaxilaa?
===
''Yuuraaniyeemiin gabbifame isa gabbisa keessa hin dabarre dachaa sadii keemikaala radioactive gadhiisuu danda'a.
Buufata nukilaraa Foordoo Iraanitti boombii darbachuun barbadeessuun, ''taatee nukilaaraa'' isa akka Jaappaan Fukushimaatti mudatee hordofsiisaa?

⬇️⬇️

https://bbc.in/44s04jw

20/06/2025

Ministirri Muummee Abiy Ahmad Jeneraala ‘Marine Corps ’ fi Ajajaa AFRICOM Jeneraal Maayikiil Laangileey waliin himma biyyoota lamaanii fi naannoo irratti mari'atan

Ministirri Muummee Abiy Ahimad (Dr.) “Dhimmoota faayidaa waloo biyyoota lamaanii fi naannolee irratti Jeneraala ‘Marine Corps’ fi Ajajaa AFRICOM Jeneraal Maayikiill Laangileey waliin har’a ganama marii gooneerra” jedhan.

Mariin geggeeffame kan irratti, Somaaliland Jeneraal Maayikiil Laangileey qaama jila sadarkaa olaanaa Ameerikaa Ambaasaaddar Riichaard Raaleetiin durfamu keessaa tokko ta'uu erga mirkaneessee guyyaa tokko booda yoo ta'u Jilli kun Preezdaant Abdirahmaan Irooh fi qondaaltota olaanoo biroo waliin magaalaa Hargeessatti mari'ateera.

Akka ibsi Waajjira Pireezidaantii irraa bahetti mul’isutti, jilli kun "dhimmawaloo nageenyaa, galaanaa fi ittisa " irratti mari'ateera, akkasumas bu'uuraalee misoomaa tumsa nageenyaa naannichaaf barbaachisan madaaluuf magaalaa buufata doonii Barbaraa daawwateera.

20/06/2025

Itiyoophiyaa fi Ameerikaan tumsa damee nageenyaan cimsanii itti fufu -Fiildi Maarshaal Birhaanuu Juulaa

Finfinne,Waxabajjii 13 2017 (FMC)_ Itiyoophiyaa fi Ameerikaan tumsa damee nageenyaan qaban cimsanii itti fufu jedhan Itaamaajoor Shumiin Waliigalaa Humna Waraanaa Fiildi Maarshaal Birhaanuu Juulaan.

Fiildi Maarshaal Birhaanuu Juulaan jila Maariin Koor Ameerikaa fi Ajajaa AFRICOM, Jeneraal Maayikil Laangileey waliin mari’ataniiru.
Fiildi Maarshaal Birhaanuun, Itiyoophiyaa fi Ameerikaan hariiroo dippiloomaasii waggaa 100 olii qabaachuu yaadachiisaniiru.

Biyyoonni michuu lameen fuulduratti damee Loltummaan tumsaan hojjechuu dhimmoota dandeessisanirratti waliigalteerra gahuu dubbataniiru.

Haala qabatamaa naannawicharratti hubannoon waloo kan uumame yoo ta’u keessattuu karra galaanaa fi dhimmoota nageenyaa Gaanfa Afrikaatti mul’atanirratti fayyadamummaa waloof walta’iinsaan hojjechuu haloota dandeessisanirratti waliigalaniiru.

Jeneraal Maayikiil gamasaaniin, Itiyoophiyaan Gaanfa Afrikaa fi Naannawichatti biyya gahee olaanaa qabdudha jedhan.

Keessattuu Somaaliyaatti nageenya waaraa buusuufi shororkeessummaa ittisuuf tattaaffii taasisaa jirtu dinqisifataniiru.

Marichaan haala qabatamaa naannawichaa kan hubatan ta’uu eeruun, dhimmoota loltummaa fi nageenyaarratti waloon hojjechuuf waliigalaniiru.

Malaakuu Gaddifiin.



Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/

Marsariitii: www.fanamc.com/afaanoromoo

Tiwiitara: https://twitter.com/fanatelevision

Feesbuukii: FBC Afaan Oromoo

Tiktokhttps://www.tiktok.com/

Yeroo maraa nu waliin waan taataniif isin galateeffanna.

20/06/2025

Dorgommii xumuraa meetira kuma kudhaniin atileetonni Oromiyaa 1ffaa fi 2ffaa bahan
**************************

Tapha Guutuu Itoophiyaa 6ffaatiin dorgommiin atileetiksii har'a yoo eegalamu, fiigicha xumuraa meetira kuma kudhanii atileetiin Oromiyaa Odaa Lammeechaa injifateera.

Odaan dorgommicha daqiiqaa 30, sekoondii 28.41n yoo injifatu, atileetiin Oromiyaa inni biraa Kadiir Lammeechaa daqiiqaa 30, sekoondii 30.9n xumuruun 2ffaa baheera.

Atileet Takkaa Barriihuu ammoo Tigraay irraa 3ffaa bahe.

Haaluma walfakkaatuun Oromiyaan dorgommii meetira dhibba tokkoo dhiiraa fi dubaraa akkasumas dorgommii meetira dhibba afurii dhiirotaan Warqii injifateera.

Dorgommii Biskileetii dhiirotaan ammoo atileetonni naannoo Tigraay 1ffaa fi 2ffaa bahaniiru.

Dorgommii Ispoortii aadaatiin ammoo Finfinneen Warqii afur, Oromiyaan Warqii sadi injifataniiru.

Nuuroo Amaanootiin

20/06/2025

Iraan mariidhaaf fedhii agarsiisuu qabdi- Firaans
**********************

Pirezidaantiin Firaans Imaanu'eel Maakiroon Iraan mariidhaaf fedhii dhugaa agarsiisuu qabdi jedhan.

Waraana Israa'elii fi Iraanitti xumura gochuuf biyyoonni Awurooppaa yaada qabxii ijoo afur of keessaa qabu Iraaniif dhiheesuuf akka ta’e, Maakiroon dubbataniiru.

Biyyoonni Awurooppaa Ministiira Dhimma Alaa wajjin Jeneevatti mari’achuuf jedhu.

Ministirri Aadaa, Midiyaa fi Ispoortii UK, Liisaa Naandiyaa, gama isaaniitiin, walitti bu'iinsa Israa'elii fi Iraan dhaabsiisuuf filmaanni tokkichi dippilomaasiidha jedhaniiru.

Ministirittiin kana kan jedhan, yeroo pirezidant Tiraamp waldhabdee biyyoonni lamaan qaban keessatti hirmaachuu murteessuuf torban lama kaahanitti.

Gama biraadhaan ammoo Iraan haleellaa misaa'elaa Israa'el irratti raawwachuun himameera.

Miidiyaalen Israa'el akka gabaasanitti, Iraan misaa'ela 15 gara Israa'elitti dhukaafteetti.

BBCtu gabaase