Ramzi Media

01/10/2025

“Qophaahuu Qabna-injifachuuf qophaahuu qabna” – Pete Hegseth, Ministira (Barreessaa) Ittisaa, Ameerikaa

*****************

Kiibxata gara ganamaa akka lakkoofsa biyya isaaniitti, galma ajajoonnifi hooggantoonni waraanaa gameeyyii keessa guutanitti, dubbii jajjaba dubbate keessaa waa’ee ‘heddummina keessummeessuufi miira nama hundaa eeguu jedhu haa dhiifnu’ amma kan nu barbaachisu “miira loltummaa, duudhaa waraanaa cimaa” qofa jedhe Barreessaan Damee Waraanaa Ameerikaa.

“Qophaahuun keenya dirqama- ijifachuufi qophaahuu qabna” kana jechuun kutannoo olaanaa daangaa hinqabne, kan wamaa irraa haftee hinqabne, karaan walakkaa hinjiru xumurree lolaaf qophaahuu qabna jechuu akka ta’e gabaasaaleen ni’agarsiisu.

“Amma booda jeneraalota fufurdaa arguu hinbarbaannu; miseensi waraanaa hundi gahumsa qaamaa cimaa qabaachuu qaba; amma booda shuukkee(yuukkee) taanee, sansakkaa fudhatama hinqabne qabaachuun nu gaha” jedhe Pete Hegseth, Ministirri (Barreessaa) Ittisaa Ameerikaa.

Dabalataanis “Yoo gahumsa qaamaa hinqabaanneefi dhaabbii hintolle yookaan qormaata kanaaf qophaahe hindabartan taate, iddoo isiniif malu barbaadadhaa; yookaan ogummaa biraatti maqaa” jedhe.

Haga ammaatti qajeelatti eenyuuf qophaahuu akka barbaadan ibsamuu baatus, Doonaldi Tiraampi, haasawa Pete waan fakkaatu “waraanni keenya cimaa, sodaatamaa, ariifataa, kan duraanii caalaa humna qabeessaa ta’uu qaba” jedhan.

Haasawa Pirezidaantichaa irraa hubachuun kan danda’amu ammatti “weera keessaa”, waan jedhaniin ofirraa cabsuudha kaayoon. Hojiin waraanaa, sodaachisaa alaa dhufu qofaa osoo hintaane, kan keessaallee biyyarraa ittisuudha. Magaalota rakkoo qaban keessatti leenjii waraanaa eegaluu qabnas jedhan Pirezidaantichi.

Maqaa Damee Ittisaa jedhamu Damee Waraanaatti kan jijjiiran dhiheenyuma kana. Laafuufi sodaatamuu dhabuu humna waraanaatiif, hooggansa duraan ture komatanii jiru, Pirezidaanti Tiraampi.

Aadaa lallafuufi momooqqa’uu kana kan nutti fide hooggansa duraan ture dubbiin jettu jara lameeniinuu irra deddeebiin dubbatamte.

Kaayoon humna waraanaa cimsuu yoo waan keessaa isaan sodaachisu ofirraa cabsuu qofaa ta’e biyyuma hundatu akkas godha; yoo kana qofaa hintaane, eenyuuf akka qophaahaa jiran yerootu deebisa.

ABC news, Department of War

Ramzi Media

30/09/2025

TPLF miidiyaa Tigraayitti qoodinsa labsu irratti tarkaanfii fudhachuuf dhaadate, gaazexeessitoonni mirga pireesii danqa jedhu

Fulbaana 30,2025- Paartiin Adda Bilisa Baasaa Uummata Tigraayi (TPLF) miidiyaa “qoodinsa labsuu” fi “ajandaa diinaa tamsaasu” irratti tarkaanfii “duubati hin deebine” fudhachuuf murteesseera jedhee. Kun immoo gaazexeessitoota fi abbootii miidiyaa naannichaa sodaa keessa galcheera.

Akeekkachiisni kun kan kename torban darbe magaalaa Maqaleetti yeroo TPLF fi gaazexeessitoota waliin mari’atan Itti gaafatamtuu Waajjira Paartii TPLF Aadde Fatlawarqi Gabraigzaberiin wayita ibsa kenannittidha. Aadde Fatlawarqi miidiyaa maqaa eeruu baatanus “hiriira waraanaaf waamicha godhu” fi “garee amanamummaa dhabeef afaanfaajjii godhu” jechuun miidiyaa tokko tokko balaaleffatte turte. Isheen akka himtetti, paartiin adda bilisummaa uummata Tigraayi fi raayyaan waraanaa gocha akkanaa irratti tarkaanfii fudhachuuf walii galuun isaanii murteefachuu ibsite.

Ramzi Media

30/09/2025

https://youtu.be/buFxxmAsO3w?si=exodAFoPq8ot8s1I

fi Odeeffannoo waqtaawa yeroo isaa eegaate guutuu Oromiyaa,Ethiopia, Africa fi Aduunya guyyaa guyyaadhan argaachuf chanaal...

29/09/2025

Waldaan Qorannoo Oromoo biyya keessatti hundeeffame Hayilee Fidaa(PhD) fi Sheek Bakrii Saaphalloof beekkamtii kenne.

Hayyoonni kunneen lameen guddina Afaan Oromootiif gumaacha olaanaa taasisaniin beekkamtiin kennameef.

Kana malees Waldaan Qorannoo Oromoo kitaabilee torba maxxansiise eebbisiisee jira.

Kitaabileen kunneen seenaa, aadaa, falasamaafi eenyummaa Oromoo irratti qorannoo bilchaataa taasisuun kan qophaa'anidha jedhameera.

Walitti qabaan Boordii Waldaa Qorannoo Oromoo Piroofesar Baqqalaa Guutamaa seenaa dogoggoraa Oromoofi Oromiyaa irratti barreeffame sirreessuun seenaa dhugaa Oromoo baasuuf Kitaabonni kunneen akka barreeffaman himaniiru.

Waltajjii kana irratti pirezidaantii naannoo Oromiyaa obbo Shimallis Abdisaa dabalatee aangawoonni mootummaa, hayyoonnii fi keessummoonni hedduun argamaniiru.

Ramzi Media

28/09/2025

Chaayinaan riqicha ol fageenya isaatiin addunyaarraa 1ffaa ta’e hojjechuudhaan tajaajila eegalchiifte
****************************

Chaayinaan riqicha ol fageenya isaatiin addunyaa irratti 1ffaa ta’e hojjettee xumuruudhaan tajaajila eegalchiifteetti.

Chaayinaan riqicha ammayyaa kana ijaaruudhaan gaarreen lamaan kanaan dura sababa lagatiin walirraa fagaatanii turan, amma tajaajila geejjibaa mijataa akka argatan gochuu isheeti kan eerame.

Riqichi rarra’aan kun adeemsa kanaan dura sa’aatii lama fudhatu, amma gara daqiiqaa lamaatti gadi buta jedhameera.

Laga Huwaajiyaang irratti kan ijaarrame Riqichi kun, dheerinni isaa meetira 2,890 ta’uu fi laga Beeyipaan jedhamu irraa ammoo asii ol meetira 625 kan fagaatu ta’uu CGTN gabaaseera.

Ijaarramuun riqicha kanaa guddinna naannichaa kan si’eessuu fi hawwata tuuriistiif qooda isaa kan gumaachu ta’uun eerameera.

Ramzi Media

28/09/2025

ODUU RAMZI 24 NEWS
Ramzi Media

28/09/2025

Oduu Ammee, video comment jalaa linkiin 👇

28/09/2025

Itoophiyaan Himannaa Ijipti Walgahii Waliigalaa Biyyoota Gamtoomaniirratti Dhiheessite Dhara Jettee Deebii Kennite
*****************
Hidha Haaromsaatiin walqabatee himannaa Ijipti dhiheessiteef Itoophiyaan, himannaan dhihaate dhugaa hinqabu jettee deebii kennite.
Ijipti yeroo hedduu irra deddeebiin Itoophiyaan waa’ee Hidha Haaromsaa kophaa murteessiti yookaan murtii gamtokkee kenniti, biyyoota bishaanicharraa haajaa qaban hinhirmaachistu, seera itti fayyadama bishaanii addunyaa kabajaa hinjirtu; waliigaltee jaarraa 19ffaafi 20ffaa keessa mallattaahe fa’a hinkabajju jechuun Itoophiyaa himatti.

Itoophiyaan gara ishiitiin waliigaltee itti fayyadama bishaanii baroota dhihoo kan biyyoonni yaa’a bishaanii keessa jiran hundi quba qabaniifi mariifi mallatteessuu keessaa harka qaban irratti hundooftnee mari’achuu qabna, waliigalteewwan Itoophiyaa looguun jaarraa tokkoon dura mallattaahaniin hinbullu, bishaan nu hundaa nigaha haqaan yoo itti fayyadamne, bishaan nu qofti itti haa fayyadamnu isin biratti rakkadhaa jechuun sirrii miti; bishaan harki caalu maddi isaa Itoophiyaa keessa ta’e fayyadamuurraa nu dhoorguuf yaaluun dogongora, jechuun falmaa turte.

Amma Walgahii Waliigalaa Dhaabbata Biyyoota Gamtoomaniirratti komii walfakkaatu kaastee jirti Ijipti. Itoophiyaan deebii ‘himannaan dhiheessaa jirtu haqummaa hinqabu; waan Itoophiyaan hinqabneen maqaa balleessaa jirti’ jechuun bakka bu’aa ishiitiin deebii kennitee jirti.

Kanaan maddiitti hidhi xumuramee jira. Mallattoo kabajaa Afrikaanotaafi gahumsa Afrikaa akkasumas qabeenya Afrikaanonni ittiin dhaadatan ta'eera; Ijipti dhaabbilee maallaqaa addunyaa ijaaraa hidhaatiif liqaa yookaan deeggarsa akka hinkennine waywaattee dhoorgachiiftus, Itoophiyaanonni xiqqaa - guddaan, daldalaa - qonnaan bulaan, hojjataa - dafqaan bulaan, barataa - barsiisan, hundi waan qaban walitti buusanii waan qalbiin isaanii barbaaddu, hidha guddaa, Doolaara Biilyoona Shaniin ijaaratanii xumuranii jiru jettee deebii kennitee jirti Itoophiyaan.

Ramzi Media

28/09/2025

"Galmeen barattootaa bara 2018 guyyaa Shaniif dabalame"-BBO

‘OBN Cyber Media’ Fulbaana 17,2018
Biiroon Barnootaa Oromiyaa galmee barattootaa bara 2018 hanga Qaammee 5 bara 2017'tti gaggeeffamaa tureen barattootni miliyoona 12 ta'an galmaa'uun Fulbaana 05 bara 2018 irraa eegalee barnoota isaanii jalqabuu ibse.

Haata'u malee, Godinaaleefi magaalota tokko tokko keessatti daa'imman/barattootni otuu hin galmaa'in hafan kan jiran ta'uu gaaffiin hawaasa keessaa ka'u agarsiiseera jedhe.

Biirichis gaaffii hawaasaa bu'uura godhachuun daa'imman/barattootni otuu hin galmaa'in hafan manneen barnootaa ala akka hintaane galmeen barattootaa guyyaa shaniif (5) akka dabalamu murteessuu beeksise.

Kanaafuu, barattootni otuu hin galmaa’iin hafan Fulbaana 19 hanga 23 bara 2018 keessatti galmaa’uu akka danda’an Biiroon Barnootaa Oromiyaa ibseera. BBO

28/09/2025

Oduu Ramzi 24 News

28/09/2025

Federeeshiniin Atileetiksii
Itoophiyaa dhiifama gaafate
***
Finfinnee: Shaampiyoonaa Atileetiksii Addunyaa 20ffaan Jaappaan, Tookiyootti
guyyoota sagaliif adeemsifamerratti qabxiin gareen atileetiksii Itoophiyaa galmeessise daran gadaanaadha. Dhimma kana ilaalchisuun Federeeshiniin Atileetiksii Itoophiyaa kaleessa ibsa kenneera.

Pirezidaantiin federeeshinichaa Komaandar Silashii Sihiin qabxii gadi bu’e kanaaf
maqaa federeeshinichaatiin ummata Itoophiyaa dhiifaman gaafadha jedheera.
Dorgommiiwwan adeemsifamanitti akka waliigalaatti meedaaliyaa meetii lamaafi
nahaasa lama qofaan meedaaliyaa warqii malee galuun keenya waggoota 33 as
kan jalqabaati jechuunis ibseera.

Sababiin qabxiin kun gadi bu’eef leenjistoonni atileetiksiifi maanaajaroonni seeraafi danbii Federeeshiniin Atileetiksii Itoophiyaa baase kabajuu dhabuufi akka kanaan
duraa tokko ta’anii hojjechuu diduudhaan atileetonni abbaa barbaadaniin leenji’uusaaniiti jedheera.

27/09/2025

Manni marichaa irra deebiin Iraan irra qoqqobbii kaa'e
**********
Manni Maree Nageenyaa Mootummoota Gamtoomanii sagantaa Niwukilaaraan walqabatee irra deebiin Iraan irra qoqqobbii diinagdee fi loltummaa kaa'eera.

Manni marichaa akkaataa waliigaltee bara faranjootaa 2015'n qoqqobbii Iraan irra ka'ee ture irra deebiin akka kaa'amu murteesseera.

Murtichi kan darbe Yuunayitiid Kiingidam, Faransaay fi Jarman Iraan waliigalticha guutuumaan guutuutti hojiirra oolchuuf murannoo hin qabdu jechuun komii dhiyeessuu hordofeeti.

Chaayinaa fi Raashiyaan qoqqobbiin Iraan irra kaa'amu baatiwwan jahaaf akka turu gaafachuu isaanii BBC 'n gabaaseera.

Haa ta'u malee yaadni murtoo qoqqoobbiin Iraan irra akka kaa'amuuf dhiyaate miseensoota mana maree biroon sagalee caalmaa argachuun ibsameera.

Pireezidaantiin Iraan Maasuud Peezeeshikiyaan, Teehiraan irra qoqqobbiin kaa'amuun qoqqobbii Idil addunyaan fudhatama kan hin qabnee fi seeran ala jechuun qeeqaniiru.

Iraan meeshaa waraanaa niwukilaaraa babal'isuuf fedhii akka hin qabnee fi dhimmicharratti odeeffannoo barbaachisu kennuuf murannoo qabaachuu dubbataniiru.

Murticha hordofee Iraan, Yuunayitiid Kingiidam ,Faransaayi fi Jarman Ambaasaaddaroota isaanii mariif waamuun eerameera.

qoqqobbiin Teehiraan irra kaa'ame boru irraa eegalee hojiirra kan oolu ta'uun ibsameera.

Ramzi Media