Birraa Media

20/04/2026

Marii shakkisiisaa Ameerikaa fi Iraan

Ebla 12, 2018:- Waraana Giddu-galeessa Bahaa dhaabuuf mariin marsaa lammaffaa Ameerikaa fi Iraan Paakistaan keessatti geggeeffama jedhame hanga ammaatti gaggeeffamuu isaa mirkaneessuun hin danda'amne.

Preezidaantiin Ameerikaa Doonaaldi Tiraampi akka beeksisanitti, Preezidentii Itt-aanaan Jee Dii Vaans jila Ameerikaa dursuun marii kanarratti hirmaachuuf gara Islamaabaaditti imala eegalanii jiran.

Haa ta'u malee, gama Iraaniin jilli marii kanarratti hirmaatu hanga ammaatti ifa akka hin ta'inii fi marii kanarratti hirmaachuuf karoorri akka hin jirre gabaasni BBC ni agarsiisa.

Sababni kanaas, Humni Galaanaa Ameerikaa galoo Galaanaa Omaan irratti doonii alaabaa Iraan fannifstte tokko irratti dhukaasa banuun to'annoo jala oolchuu ta'uutu eerame.

Gabaasni CNN akka agarsiisuttis, walii galteen dhukaasa dhaabuu qaamolee lamaan gidduutti godhamee torbanoota lamaaf akka turu himame, Roobii galgala akka xumuramuufi dabalataan dheeressuun akka hin danda'amne Preezidenti Tiraamp ibsan.

Marii marsaa jalqabaa Ameerikaa fi Iraan gidduutti gaggeeffamee bu’aa malee addaan cite keessatti, dhimmi guddaan walii hin galchisne inni tokko sagantaa Niwukileeraa Teehraan akka ta'e himamee jira.

Pireezidanțiin Iraan Masuud Pezeeshkiyaan biyyi isaanii mootummaa Ameerikaa irratti amantaa akka hin qabne ibsanii, waadaa galan kabajuun marii hiika qabuuf bu’uura ta’uu ibsan.

Mallattooleen amanamoo hin ta’inii fi walitti bu’oon qondaaltota Ameerikaa irraa dhufan ergaa hadhaa’aa dabarsu; Iraanis harka akka kennattu barbaadu jechuu isaanii BBC’n gabaasee jira.

08/04/2026

Breaking News!!

Mootichi Kooriyaa kaabaa King Joon 👑 Misaa'ela Bilaastiikii samii Jaappaan gubbaan dhukaaseera!! Hubannaaf mootichi Kooriyaa kaabaa King Joon Jirra jachumaaf samii Jaappaan gubbaan dhukaase malee kallattiin Jaappaan irratti haleellaa hin raawwanne!! Misaa'eloonni Bilaastiikii dhukaafaman kan fageenya dheeraa deemaniidha...kanaaf Samii Jaappaan gubba qaxxaamuree bakka qiyaaffatame bishaan keessatti haleellaa raawwate...Yaaliin Mooticha Kooriyaa kun AB Trumpitti fi Jaappaan naasisuu hordofee ergaa yeroo hatattamaa (Emergency Alert) waajjirri MM Jaappaan lammiilee biyyattii hundaaf ergaa jira...🙌 🤷‍♂️

02/04/2026

Lola Baha Jiddu galeessaa samii gubbaatiin "Xiyya Iraanoonni darbataniin Samiin Israel ayyaana fakkaayte!

Birraa Media :Ebla.02/2026.
Taatee dinqisiisaa fi hafuura namaa addaan kutuu kan uume; galgala kana xiyyeeffannaa addunyaa booji’e keessatti, misaa’eloonni Iraan naannawa samii Israa’el irratti akka baradaatti bu'uu itti fufan!

Garaagarummaa daqiiqaa afurtama qofa keessatti walduraa duubaan haleellaan misaa'elaa shan gaggeeffamuun gabaafameera.
​
Misaa'eloonni daqiiqaa 40 keessatti dhukaafaman madaallii humnaa; naannichaa gaaffii keessa galchaniiru.
​
Waashingitan kanaan dura dandeettii waraanaa Iraan %95n dadhabsiisuu fi injifannoo galmeessuu isii ibsaa turteetti.

Haa ta'u malee haleellaan har'aa kun " humna hafe %5 irraa maddeedha moo iccitii teeknooloojii isa biraa ture?" kan jedhu yaada falmii kaaseera.

Gidduu seenummaan Ameerikaa osoo jiraatuu dhabee hammi haleellaa kanaa maal tahuu akka danda'u tilmaamuun rakkisaa tahuu Xiinxaaltoonni ibsuurratti argamu.

"Jabinni gaachanaa waraanaaf yoo ta'es, iyyi samii garuu lafaaf hin mijatu."

US "koola isaa cabseera" humna jetterratti
kan mul'ate, Sochiin tasaa kun, dallaa siyaasaa raasaa jira.

Daandii dippilomaasii akka maqaatti baqee barbadaan waraanaa akka hin baane, Hoggantoonni addunyaa yaaddoo qaban ibsaa jiru.

Gama kaaniin Pireezidaanti Donaald Tiraampi Iraan keessatti Riqicha guddaa tokko barbadeessuu isaanii, Karaa marsaa hawaasaa miidiyaa isaanii 'Truth Social' gubbaarratti barreessaniiru.

👉 Odeeffannoo fiinxaa fiinxa, addunyaa madda amansiisaa qofa irraa saffisaan argachuuf, nu faana bu’aa links armaan gadii hordofaa:
🔗 🔵 Telegram Channel
https://t.me/Birraa_media⁠
💬 Telegram Group
https://t.me/Birraa_media1⁠
📘 page
https://www.facebook.com/profile.php?id=100070494310418
▶ YouTube Channel
https://youtube.com/-media?si=6Y7VHLdWGa07wrZc

🔥 Hashtags:

26/03/2026

🚨 ICCIITII BUUFATA MISA'AELA IRAAN:
°°°°°°°°°°°°°°°°°°°°°°°°°°°°°°°°°°°°°°````````````
🚨 Buufata Misaa'ela Iraan 🇮🇷 " Yazd’s Granite Fortress" – Maaliif Haleelamu hin dandeenye?!

📌 Waana ajaa’ibaa kana Itti dhihaadhaa dubbisaa…!
━━━━━━━━━━━━━━━

🛡️ DAMEE ITTISAA TOKKOFFAA: CAASAA JI’OOLOOJII
👉 Buufatni misaa'elaa Iraan Yazd — kan maqaa “Gaaraa Imaam Huseen” ja'amuun yaamamuu kun giddugala idileetii miti…
Haatahuu malee Innis dhagaa jajjaboo lafa kanarra jiran keeysaa tokko kan ta'e Shirkuh granite irraa kan bocamedha.
Ciminni dhiibbaa isaa PSI 25,000 hanga 40,000 gidduutti argama.

📊 Wal bira qabnee yoo ilaallu:
▪️ Konkiriitii idilee: 5,000 PSI
▪️ Konkiriitii cimaa: 30,000 PSI
▪️ Yazd giraanaayitii: 25,000–40,000 PSI
👉 Kanaaf Misaa'elli cimaan Ameerikaa, GBU-57 MOP, gosa dhagaa kana keeysaa meetira 6 hanga 10 qofa seenuu danda'a.
Haa ta'u malee, wiirtuun bu'uuraa lafa jalaa kun meetira 500 ol gad fagaata.

📍 Kana jechuun Shallaggii salphaadhaan:
👉 Humni dhoo’aa kamiyyuu gara bu’uuraatti osoo hin geenye, Giraanaayitii kana keeysatti ni liqimfama!

🚫 Haleellaan qilleensaa fi Humni dhoohiinsa boombii kamiyyuu osoo bakka jalqabaa isaa hin ga’iin laayibara guddaa kana keeysatti ni faca’a.
Kanaaf humni jamiyuu miidhaa tokkollee geeysisuu hin danda'u jechuun ni danda’ama!

🚇 BAABURA MEETROO MISAA'ELAA SOCHA'U:
👉 Gaara kan keeysaa, Sirni baaburaa ofumaan isaatiin hojjetuutu jira.
Sirni baaburaa ofumaan hojjetu kuniis iddoolee gurguddoo adda addaa 3 Kan wal qunnamsiisudha.
👉 ISAANIIS:
✔️ Bakka kuusaa
✔️ Bakka dhukaasaa
✔️ Ba’iinsa 3 – 10 Gama adda addaatiin walqunnamsiisuutu jira.

⚙️ ADEEMSA ISAA ILAALI:
1️⃣ Laantarichi baabura gara ba’iinsaatti socho’a
2️⃣ Ol ba’a
3️⃣ Misaa’ela dhoosa
4️⃣ Deebi’ee lafa jalatti gala
5️⃣ Balballi isaa qulfii qilleensaa hidhannoo qabuun cufama.
⏱️ Adeemsi kun hundi yeroo gabaabaa keeysatti xumurama!
Bifuma kanaan adeemsi kun hundi yeroo haaloo ba’uuf fudhatu caalaa xiqqaa wan taheef. Amajjii 20, 2026 irraa eegalee sirni kun erga boombii dhoohe booda ammallee hojiirra jira.

🔬 MADDA TEEKNOOLOOJII KANARRATTI– EENYUTU HIRMAATE?
🌏 Chaayinaa 🇨🇳:
👉 Dhiyeessiin boba'aa cimaa karaa ujummoo keemikaalaa (ST8 network) fi Saman Tejarat Parman.
🌏 Kooriyaa Kaabaa 🇰🇵:
👉 Maashiniiwwan Boora'uu Tuuneel Herrenknecht fi Wärtsilä (TBM), karaa Kooriyaa Kaabaatiin bitaman.
🌏 UAE | Germany | Turkey🇦🇪🇩🇪🇹🇷:
👉 Meeshaalee industirii/Neetworkiin Walmakaa: Meeshaalee jallisii fi keemikaalota industirii miira namaa kakaasan kan Perchin Chemical Industries (PCI) irraa dhiyaatu.
🌏 Iraan 🇮🇷:
👉 Ijaarsa Guddaa:~ IRGC fi dhaabbileen isaa waliin hojjetan hojii furtuu tuneling fi qonnaa hojjetanii jiru.

🛠️ TARSIIMOO JIREENYAA
👉 Balballoonni yoo miidhaman/Caphan, Konkiriitii cimina guddaa qabuun gama keeysaatii dafanii ni cufamu.
👉 Tokkoon tokkoon bakki seensaa lafa osoo hin tuqin sa’aatii muraasa keeysatti ni suphamu.
➡️ Sirni kun of eeguuf kan qophaawee dha!
━━━━━━━━━━━━━━━
📌 CUUNFAA DHUMA
✈️ Haleellaan qilleensaa wanta lafa irra jiru ni miidha…⛔
Garuu buufata giraanaayitii meetira 500 gadi jiru hin tuqu!

⏳ Buufatni kun yeroo dheeraa Waggoota 40 keeysatti kan ijaarame yoo ta’u, Bara 2026tti qabeenya tarsiimoo Iraan ta’uun tajaajilaa jira.

🔥 DHUGAAN JIRU:
👉 Iraan yeroo barbaaddetti Misaa’ela furguggisuu ni dandeeysi jachuudha!

📣 Ati hoo maal jetta?
💬 Yaada kee comment godhi!
👍 Like Fi 🔁 Share godhuu hin dagatin!

━━━━━━━━━━━━━━━

25/03/2026

23/03/2026

🌍 Olmaya Giddu Gala Bahaa
👉 Iraan Suuraa Donald Trump Misaa’ela irratti hidhanii dhukaasan 😂
👉 "Na eegalchiistanii duuba deebi’uun hin jiru..."
~~~~~~~~~~~~~~~~~~~~~~~
US-Amerikaa guyyaa lama dura ture:
"Iiraan sa’a 48 keessatti xurree Hormuz yoo hin banne, maddisiisa annisaa isii dhaweetiin barbadeeysa" jettee doorsiste. Onnee dhawattee dhaadatte.
Deebisaa Iiraan ammoo "Dhiira siin ja’anii koottuu yaali" kan jedhu ture.

Faallaa saniitiin Tehraan "Yoo maddi annisaa kiyya tuqame, Israel dabalatee biyyoota Giddu Gala Bahaa lukeelee Amerkaa tahan hunda jaarraa hedduuf of duuba deebiseetiin lambaa fi faanusa akka shidatan taasisa" jedhe.
Haakaroonni Iiraan marsareetiilee iccitiifi eeggumsa guddaan qabaman cabsanii kaartaa iddoolee maddisiisa annisaatiifi bishaan dhugaatii Israel agarsiisu baasan.
Miidiyaaleen Iiraan kaartaa kana, iddoolee Waardiyaan tika warraaqsa Islaamaa irratti tiilleeffate, ja’anii sarara diimaa jala riganii wal jalaa fuudhanii mul’isan. Iiraan waan dhaadatte hunda gadhuuf irree guutuu akka qabdu torbeewwan dabre waan mirkaneessiteef, ibsa Tehraan kanaan lammiileen Israel fi biyyoota Arabaa baaraga guddaa keessa seenan.

Duba ganamee arraa Donald Trump yaada maddisiisa annisaa Iiraan haleeluuf qaban yeroof akka dhibeeysan himuudhaaf shimbirroon barii isaan hin dursine. Akkuma bariheen gama marsareetii hawaasummaa isaanii Truth seenuun "Dureelee Iiraan gurguddoo waliin marii bu’a qabeessa waan gooneef, Isaaniis nu waliin haasa’uuf amala bareedaa waan mul’isaniif haleellaa teenya irraa dhibeeysuuf murteeysineeti jirra" jedhan.

Angawoonni Iiraan garuu "jaarsi Bazabaza haasawa' ja’anii dhimmicha waakkachuuf daqiiqaa itti hin fudhanne. Pirezdaantii hammaa Af-yaa’ii Paarlaamaa Iiraanitti, Ministera Haajaa Alaatii hamma qondaaltota waraanaatti hundi asbahani. Sheeyxaana guddaafi xiqqaa waliiniis marii takka hin qabu jette Tehraan.

Tehraan ol’aantummaa lola kana irratti qabdu calaqqisuuf, wayta Amerkaan marii jechaa jirtu kanatti, guyyaa arraa hamma sa’a kanaatti dambaliiwwan Misaa’elaatiifi Diroonii ergitee Israel, Saudi Arabiyaa, Qatar, Bahrain, UAE golaati jiran.
Haleellaa arra irraa kan xiyyeeffannaa miidiyaa argate, Iiraan suuraa qoosaa kan Donald Trump:
"Maalo naaf dirmadhaa Hormuz bansiisuuf" jettu Misaa’ela irratti hidhuun dhukaaste 😂 (Maddi: Tasnim fi Royal News – miidiyaan kuni kan waahela Israel tan taate biyya Jordani).

👉 Iiraan haleellaa dhaabuuf yaada akka hin qabne kan hubate, Ministerri Muummee Israel Beenjaamiin Neetaanaahuu gama White House bilbiluu himuu. Muummichi gama miidiyaa as bahuun akka daa’ima gammadetti miira gammachuutiin:
"Amerkaan tiyya kophaa si dhiisee si jalaa hin hafu naan jette" ergaa jettu dabarfate.
Beenjaamiin ibsa arraatiin akka duritti "Ni caaccabsina, ni hurreeysina" jechuun hafeeti, " Faaydaa Israel tiksuuf ni falmanna" jedhan.

Duba haala kanaan, biyyi amma "World Super Power" jattee dhaadachuun malte tami? Deebisaa isiniifiin dhiisa!

👉 Odeeffannoo fiinxaa fiinxa, addunyaa madda amansiisaa qofa irraa saffisaan argachuuf, nu faana bu’aa links armaan gadii hordofaa:
🔗 🔵 Telegram Channel
https://t.me/Birraa_media⁠
💬 Telegram Group
https://t.me/Birraa_media1⁠
📘 page
https://www.facebook.com/profile.php?id=100070494310418
▶ YouTube Channel
https://youtube.com/-media?si=6Y7VHLdWGa07wrZc

🔥 Hashtags:


Barruun✍️✍️ Muhyadiin Abdullahi ti