Dire News

18/02/2025

Dargaggoota Shaakallii leenjii Hojii irraa fudhachaa turuun Carraan hojii dhaabataan uumameef Dargaggoota 961 eebifaman

08/02/2025

Jiilli Kantiibaa Bulchiinsaa Obbo Kadiir Juhaariin duurfamu Kilaastaroota Baadiyyaatti Hojiin Misooma Sululaa gaggeefamaa jiru daawatan.

Daawannaa kana irratti Kantiibaa Bulchiinsaa Obbo Kadiir Juhaar Akka ibsanitti hojiin Misooma Sululaa gaggeefamaa jiru kaanatti tokk*mmaa keenya eegnee qabatamaa fi dhugaan waan jireenya Ummata keenyaa jijjiiruuf Xiyyeefannoon hojjachuun Ummata keenya Kan Aadaa gaarii hojii daran gabbisuu Hiyyummaa keessaa waan baasuuf dadhabbii malee daran waan hundaa ol cimnee waan baay'ee hojjachuun fi Jiraatota Aanaalee Baadiyyaa hojii kana irratti hirmaachaa jiran jajjabeessuufi haala Raawwii hojiichaas foo'uuf Yaadamee daawannaan kun gaggeefamuu ibsan.

Itti-Gaafatamaan Waajjira Paartii Badhaadhina damee Bulchiinsa Dirree Dhawaa Obbo Ibraahim Yuusuf Gama isaaniin Akka jedhanitti Imala Badhaadhinaa jalqabne milkeessuu fi diina guddaa Biyya teenyaa Kan ta'e Hiyyummaa injifachuuf hojiin Misooma Sululaa murteessaa waan ta'eef Xiyyeefannoon Akka biyyaattiis ta'ee Sadarkaa Bulchiinsa Dirree Dhawaatti Xiyyeefannoon hojjatamaa jiraa jedhan.

Hooganaan Biiroo Qonna, Bishaan, Albuudaa fi Inarjii Obbo Nuuraddiin Abdallaa Gama isaaniin Amajjii 18 irraa jalqabee Amajjii 18/2017 irraa jalqabee kan gaggeefamaa jiru Hojii Eegumsa Qabeenya Uumamaa fi Misooma Sululaa hojjatamaa jiru Dhibbeentaa 56 % raawatamuu ibsanii Hojii Misooma Sululaa Ji'oota Bona bara 2017 Kanaan
Lafa Heektaara 5,550 irratti Hojii Eegumsa Qabeenya Uumamaa fi Misooma Sululaa irratti raawwachuun Daarawuums Lafaa Dhibbeentaa 3.7 irrisuun Waggaa waggaan Biyyee gabbataa Galaanaan dhiqamee fuudhamuu danda'u Biyyee gabbataa Toonii 48,685 hir'isuu fi Lafa Ooyruu Heektaara 4,556 irratti hojii Jiidhiinsa Hidhuuf Karoora qabanne yeroo qabannee duratti raawachuuf Kan nu dandeesisuu jedhan.

Jiilli kun Guyyaa arraa Kilaastara Assalissoo Araddaa Hulaahuluulii fi Ganda Rigee, Kilaastara Waaheel Araddaa Halloo Busaa fi Dhuujumaa akkasumaas Kilaastara Biyyoo Awaallee Araddaa Biyyoo Awaallee fi qaalic

06/02/2025

Ummanni Dirree Dhawaa Ajandaa dharaa Kan warreen Nageenyaa fi Tasgabbii Dirree hin feene Miidiyaa Hawaasaan hafarsaniin Akka hin burjaajofne dhaamuu barbaannaa jedhan.

Guyyaa Arraa Waaree booda Mana Abbaa Gadaa Afranqallo Abdurazaaq Ahmaditti Dhimma Dhiheenya kana Miidiyaa Hawaasaa irratti qaamoleen tokko tokko
Akka waan Dirree Dhawaa gurguramtee fakkeessuun odeessan Kan Dhara Sangaan dhalee waan ta'eef kanaaf Akka hin burjaajofne jechuun hubachiisuuu barbaannaa jechuun dhaammichi Dhimma Sobaa fi Nageenyaa fi Tasgabbii Dirree hin feene Miidiyaa Hawaasaan hafarsaniin hawaasni Dirree Marti osoo him burjaajofne Tasgabbii jireenya isaa Akka gaggeessu jechuun dhaaman.

Kurfii kana irratti Abbaan Gadaa Afranqallo Abdurazaaq Ahmadii fi Manguddoonni Ilmaan Afranqalloo dabalatee kan sabaa sablammootaa tokk*mmaan dhimmicha Dhara ta'uu eeranii Kantiibaa Bulchiinsaa. Waamanii eebbisuun hojii Misoomaa fi Guddina Dirree Dhawaatti jalqabe cimsee akka cimsee ittifufu jechuun gamtaan haala Eebba Aadaa Oromotiin eebbisan.

04/02/2025

25/01/2025

Gaafa Guraandhala 28, 2025pilaanetota torba tarree galanii arguuf teenyaa jedhame

Gaafa Guraandhala 28, Meerkuriin pilaanetota biroo jaha kan duraanuu mul'taa jiranitti makamuun pilaanetota torba tarree galanii arguuf jirra jedhu qorattoonni hawaa.

Pilaaneetonni jaha: Veenusii, Maarsii, Juuppitarii, Saatarnii, Yuraanusiifi Neeptuun yeroo ammaa samiirratti mul'ataa jira. Ji'a Guraandhalaa keessa ammoo Meerkuriin itti makamtee halkan keessa pilaaneetota torba wal-cinatti arguuf deemtu jedhu qorattoonni.

24/01/2025

Tajaajilaa yaalaa si'ataa kennuu keessatti gaheen Hospitaloota dhuunfaa olaanaadha - Dooktar Maqdas Dhaabaa

Tajaajilaa yaalaa si'ataa kennuu keessatti gaheen Hospitaloota dhuunfaa olaanaa ta'uu Ministirri Ministeera Fayyaa Dooktar Maqdas Dhaabaan ibsan.

Tajaajilootaa yaalaa si'ataa fi qulqullinaa qabu kennuu keessatti gaheen Hospitaloota dhuunfaa olaanadhaa jedhan.

Dooktar Maqdas Dhaabaan Hospitaal waliigalaa Qadadee Faamilii eebisiisuun hojii eegalchisaniiru.

Hospitaalichi yaala deebisaanii dhaabuu Rifeensaa dabalatee tajaajilootaa yaalaa garagara kan kennuudha jedhame.

Hospitaalichi jiraattota bulchiinsa Dirree Dhawaa dabalatee namoota naannoo Somaalee fi biyyoota ollaarraa dhufaniif tajaajilaa yaalaa si'ataa kan kennu ta'uu Daayrektarri Meedikaalaa Hospitaalichaa Dooktar Mahaammad Musxafaan ibsaniiru.

Hospitaalli kun baasii Birrii miiliyoona 600 fi miiliyoona 40 oliin kan ijaarame yoo ta'u, namoota 264'f carraa hojii Uumuu eerameera.

24/01/2025

Baasii Birrii Miiliyoona Sodomii oliin Kan ijaarame Jidugalli Tajaajila Fayyaa Tasaa Eebbifame.

Haspitaala Waliigalaa Saabiyaanitti Baasii Bulchiinsi Dirree Dhawaa baase Birrii Miiliyoona Sodomii oliin Kan Kan ijaarame Jidugalli Tajaajila Fayyaa Tasaa Eebbifameera.

Kurfii eebbaa kana irratti Kantiibaan Bulchiinsa Dirree Dhawaa Obbo Kadiir Juhaar Akka jedhanitti Haspitaalli Waliigalaa Saabiyaan Hospitaala Riferaala Dil-Corraatti aanee Tajaajila Fayyaa laachuun Roga damee fayyaatiin Deegarsa Ol'aanaa Kan taasisaa jiru jedhanii Deegarsaa fi Hordoffii Bulchiinsi Hospitaalichaaf taasisu fuulduraas cimee Akka ittifufu ibsan.

Jidugalli Tajaajila Fayyaa Tasaa kan baasii Birrii Miiliyoona Sodomiin oliin ijaaramuun Eebbifame kun Dhiibbaa damee Fayyaa itrra jiru Kan irrisu ta'uu eeranii damee Fayyaan Jijjiirama Roga Fayyaan Bulchiinsatti Galmaawan jiruuufiis Hojjatoota Biiroo Fayyaa Bulchiinsaa galateefatan.

Ministeerri Ministeera Fayyaa Kan MFDRI Dr. Maqdas Dhaabaa Akka jedhanitti Bulchiinsi Dirree Dhawaa Roga damee fayyaatti dhihaachuun hojiin hojjachaa jiru jajjabeessaadha jedhanii bulchiinsatti Tajaajila fayyaa qaamolee hawaasaa maraaf dhaqabaa taasisuuf haala kanaan hojiiwan qindoominaan hojjachuu murteessaadhaa jedhan.

Ittidabaluuniis Arra Kan Eebbifame Giddugalli wallaansa Tajaajia Fayyaa Tasaa kun Tajaajia wallaansa Fayyaa Fooyyessuuf shoora Ol'aanaa Qabaa jedhan.
Hospitaalichi kutaa ciisichaa 114 kan qabu yoo tahu, hojjattoota 490 akka qabuus ibsamee jira.

Dhuma irratti Mooraa Haspitaala Waliigalaa Saabiyaanitti hojiin Ashaaraa magariisaa kaa'uus raawwataniiru.

18/01/2025

Mootummaan naannawaalee kirkirri lafaa mudateetti Miidhaa qaqqabe qorachaa jiraachuu ibse

Mootummaan naannawaalee kirkirri lafaa mudateetti miidhaa qaqqabe hojjettoota yeroo balaa ogummaa garaagaraarra walitti babba'an bakkichatti bobbaasuun qorannoo taasisaa jiraachuu ibse.

Tajaajilli Kominikeeshinii Mootummaa dhimmicha ilaalchisee ibsa waqtaawaa baaseen akka ibsetti, Naannawaalee daangaa Oromiyaa, Afaari fi Amaaraatti kirkirrii lafaa hammaan gargaar ta’ee irra deddeebiin mul’achuun ni yaadatama.

Taateen kun yeroo gara yerootti irra deddeebiin guddachaa jiraachuu ibsuun, keessattuu torbee kana kirkirri lafaa hanga Reektar Iskeeliin 5.8 galmaa’uu ibseera.

Mootummaan ogeeyyiin dhiyeenyaatti hordofaa jiraachuu ibsuun, bakkawwan kirkirri lafaa mudatee gandoota 12 adda baasuun hojjettoota yeroo balaa ogummaa garaagaraarra walitti babba’aan bakkichatti bobbaasuun hanga miidhaa qaqqabee qorachaa jiraachuun eerameera.

Lammiilee gandoota kanneen keessa jiraatan k*ma 80 ol naannawicharraa faggeessuuf tattaffiin olaanaan taasifamaa jiraachuu ibsichaan eerameera.

Dhiibbaa dhaabbiilee tajaajila hawaasummaa,Diinagdee fi Bu’uuraalee misoomaarra qaqqabsiisu maluf hordoffiin taasifamaa jiraachuus kaaseera.

Hanga ammaatti magaaloota guguddoo keessa dhiibaa guddaa geessisuu baatuus, lammiileen ergaa of eggannoo ogeeyyiin kennaman hordofuu fi hojirra oolchuu akka qaban dhaameera.

Mootummaan dhimmicha itti dhiheenyaan kan hordofuu ta’uu fi odeeffannoo barbaachiisuu dhaabbiiilee dhimmichi ilaallatuun kan kennamu ta’uu akeekeera.

18/01/2025

Ayyaana Gaarii

"Baga Ayyaana Cuuphaa Nagaan Geessan" Ayyaana Gaarii

18/01/2025

Bulchinsa Dirree Dhawaatti Ayyaanni Kataraa fi Cuuphaa bifa ho'aa fi duudhaa Amantichaa eegeen kabajamaa jira.

Ayyaanni kataraa fi Cuuphaa hordoftoota amantaa kiristaanaa biratti ayyaana jaalatamaa fi kabajamaa hoggaa tahu, Jala bultii ayyaana Cuuphaarratti kan kabajamu ayyaanni kataraa bifa duudhaa amantichaa eegeen guyyaa arraa magaalaa Dirree Dhawaa Aanaa 08tti kabajamaa jira .
Hordoftoonni amantichaa taabota bataskaana Goorgis irraa gara Magaalaa Dirree Dhawaa aanaa 08 keessatti argamu irraa gara Iddoo cuuphaatti geessuun ayyaanichi haala oowwaa taheen kabajamuu irratti argamu.

Ayyaanicharratti hoggantoonni aanaa 08 ,qaama nageenyaa fi hawaasni muslimaa walii tahuun daandirratti bishaan hordoftoota Amantaa kirstaanaatiif dhiyeessuun rakkoo fi sodaa nageenyaa tokkoo malee ayyaanichi kabajamaa jira.

18/01/2025

Kabajamoo Kantiibaa Bulchiinsa Dirree Dhawaa Obbo Kadiir Juhaar,Ayyaana Cuuphaan ergaa Baga geessanii dabarsanp
Kantiibaan Bulchiinsa Dirree Dhawaa Kabajamoo Obbo Kadiir Juhaar Ayyaana Cuuphaa sababeefachuu ergaa Baga geessanii hawwii Gaarii dabarsan.

Ayyaanni Cuuphaa Dhaabbata Barnoota, Saayinsii fi Aadaa (UNESCO) kan Mootummoota Gamtoomanii tti Hambaa kitila Adunyaa ta'ee itti galmaawe qabeenya Ityoophiyaanota maraatii jedhanii ayyaanicha yeroo kabajnu haala Aadaa fi Duudhaa isaa eeguun kabajuu qabna jedhanii

Ayyaanichi Kan nagaa, Kan Fayyaa fi Kan Jaalalaa Akka ta'u jechuun hawwii Gaarii dabarsan.

04/01/2025

Lammiilee Balaa Kirkiraa lafaaf saaxilaaman baraaruuf hanga ammaatti maaltu hojjetame?

Naannoolee Oromiyaa fi Afaaritti kirkira lafaa mudachaa jiruun deebii kennamaa jirurratti Komishiniin Hoggansa Soda Balaa Itiyoophiyaa ibsa kenneera.

Naannoo Oromiyaa Aanaa Fantaalee fi Naannoo Afaar Aanaa Dulachaatti kirkirri lafaa mudachuun akeekkachiisa duraa kennamuu hordofee mootumman hojiilee garagaraa hojjechaa jira.
Hanga ammaattis hojiileen hojjetamaa jiran bu’a olaanaa galmeessaa jiru jedheera.

Haaluma kanaan aanaalee lameenitti lammiileen k*ma 15 saaxilamtootaa balichaa yoo ta’an, hanga ammaatti lammiileen k*ma 7 naannawaa taatechaarraa bakka biraa qubsiifamuu ibseera.

Naannoo Oromiyaa Aanaa Fantaalleetti lammiileen gandoota shaniitti lammiileen k*ma 16 fi 182 saaxilamtoota yoo ta’an, hanga ammaatti lammiileen k*ma 7 fi 350 naannawichaa baafamuu ibseera.

Lammiilee hafan k*ma 8 fi 823 ammoo guyyoottan itti aanaan naannawichaa akka baafamaniif hojjetamaa jiraachuun eerameera.

Naannoo Afaar Aanaa Dulachaatti ammoo lammiilee k*ma 20 rakkoochaaf kan saaxilamanii fi hanga ammaatti lammiileen k*ma 6 fi 223 naannichaa baafamuu Komishinichi beeksiseera.

Koreen Ogeeyyii Saayinsii Yuunivarsiiti Finfinnee fi dhaabbilee dhimmichi ilaallarraa babba’an taatecha hordofaa jiraachuu ibsuun, eeggannoo duraa taasifamuu qaban ilaalchisee walitti fufiinsaan odeeffannoowwan ummataan kan ga’an ta’uu himeera.

Kanas miidiyaalee hawaasaa fi marsariitii Koomishinichaan hordofuun akka danda’amu beeksiseera.

Kutaalee hawaasaa naannawaa kirkira lafaa jiraatan, eeggannoowwaan kirkiraan dura, wayita kirkirri mudatuu fi kirkiraan booda taasisuu qabanirratti odeeffannoo kennaa kan jiru ta’uu himeera.

Deeggarsa namoomaa gama taasisuun hanga ammatti kutaalee hawaasaa k*ma 70’f nyaataa kuntaala k*ma 11 fi 550 fi abbootii warraa 700’f ammoo meeshaaleen garaagaraa ergamuu eereera.
Kunis Birrii miiliyoona 200 fi miiliyoona 16 fi k*ma 500 fi k*ma 62 olitti kan tilmaamamu yoo ta’u, meeshaale

04/01/2025

"Itoophiyaatti waggaa 36 booda kirkirri lafaa inni guddaan galmaawe.

Kirkirri lafa arra naannawa daangaa Affaar fi Harargee lixaatti mudate Rektar Iskeeliidhaan 5.5 tahee galmaawe.

Kirkirri lafaa hammana gayu yeroo maayyiitiif Itoophiyaatti kan mudate April 13 1989 (A.L.A.) ture.

Guyyaa arraa Kirkirrii guddaan R.S 5 ol tahan yeroo 3 mudate.

Gama biraatiin Kirkirri ganama kana Naannoo Affaar Zoonii Sadi aanaa dullachaatti mudate ibidda Volkaanoo uumuun jiraattota qe'ee irraa akka buqqa'an taasise."

04/01/2025

Heer-Iisseen 'UNESCO'tti galmaa'uu isaan Kurfiin Sagantaa addaa fi Biyyaalessaa taasifamuufi.
Ji'a Sadaasa 23 bara 2017 Biyya Paaraaguwaayitti Dhaabbanni Barnootaa, Saayinsii Fi Aadaa Kan Mootummoota Gamtoomanii (UNESCO) Yaa'ii gaggeesseen Heer-Iissee Heerii hin barreefamne Kan Aadaa hawaasaa IIssaa Hambaa Killayyaa Itoophiyaa ta''ee Galmaawuu ta'uu isaatiin Kurfiin Sagantaa addaa fi Biyyaalessaa taasifamuuf Kurfiin haal-duree xumuramuu Koreen Qindeessaa Kan Biyya Itoophiyaa, Jabuutii fi Soomaaliyaa gamtaan Kan Akka Heer-Iisseen Hambaa Killayyaa Adunyaa ta'ee galmaa'uuf Dhaabbata Barnootaa, Saayinsii Fi Aadaa Kan Mootummoota Gamtoomanii UNESCOtti Kan dhiheesse Guyyaa arraa Magaalaa Dirree Dhawaatti ibsa Gaazexeesitootaaf laateen beeksise.

Kurfiin kuniis Bulchiinsa Dirree Dhawaatti Bulchiinsa Mootummaa Naannoo Soomaalee, Faawundeeshiniin Heriteejii Sitiidhaa fi Abbaan Taayitaa Eegumsa Hambaalee waliin ta'uun Kan qopheessan taachaas ibsameera.

Sagantaan kurfii kanaas Amajjii 16 fi 17 bara 2017 Istaadiyamii Idil-Adunyaa Kan Dirree Dhawaatti hirmaatota k*m 30 ol' hirmaachisuunMarii Paanaaliin, Beekamtii fi Galateefannaan akkasumaas Koonsartii Muuziqaatii Akka gaggeefamuus ibsan

Hawaasni Iissaa heerii hawaasa IIssaa Jaarraa 16ffaa irraa eegalee jalatti walitti qabamuudhaan heera dhala hariiroo isaanii cimsatanii waldandahuun waliin jiraachuuf isaan dandeeysise waggoota 500 oliif itti tajaajilamaa ture kun kabajaa fi beekkamtii isaan malu argatee hambaa killayyaa addunyaa tahee Yuuneeskootti galmaawuun isaan heera aadaa haqa qabeeysa hawaasa biyyoota gaanfa Afrikaa sadi walitti hidhee fi hariiroo biyyootaas cimsuuf shoora Ol'aanaa Kan qabuudha.

03/01/2025

Hojiiwan Misoomaa Aanaaleetti raawataman hawaasa biraan gaga'uuf dameen kominikeeshinii qindoominaan hojjachuu Akka qaban ibsame.

Aanaalee Bulchiinsa Dirree Dhawaatti argaman keessatti Hojiiwan Misoomaa raawatamaniin walqabatatee Odeefannoo saffisaafi si'aawaa ta'e yeroon Hawaasaa ga'uun haala itti danda'amu mijjeessuuf
Gareen Biiroo Dhimma Komunikeeshinii Bulchiinsa Dirree Dhawaa Kan Hooganaa Biirichaa Obbo Biruuk Fallaqaatiin duurfamu hojii supparviizhinii kominikeeshinii Aanaaleetti Gaggeessa Jiruun Damee kominikeeshiniin hojiiwan hojjetaman gamaggamuun cimina fi hanqina foo'uun kallattii hojii hegeree kaa'aa Jiruun Hooganaan Biiroon Dhimma Komunikeeshinii Bulchiinsa Dirree Dhawaa Obbo Biruuk Falaqaa Akka jedhanitti Hojiiwan Misoomaa Aanaaleetti raawataman hawaasa biraan gaga'uuf dameen kominikeeshinii qindoominaan hojjachuu Akka qabaa jedhan.

Gareen kun Gaggeesota Ol'aanoo Aanaalee fi Komunikeeshinii Aanaalee waliin mariiwan Kan Gaggeesse yoo ta'u hanqinoota fooya'uu qabanii fi ciminoota ittifufuu qabaniis foo'uun kallattii fuulduraa kaa'uun cinatti Komunikeeshinii Aanaalee cimsuufiis Hojiiwan dandeettii gabbisuu fi Hoj-maata ammayeessuu irratti deegarsa barbaachisaa hojii foo'uus raawachaati jiru.

01/01/2025

Miidhaa Dhibeen Echi Aa'ii Vii Edsii geesisu hir'isuufi to'achuuf Hojii damee baay'ee hojjatamaa Jiraachuun ibsame.

Biiroon Dhimma Komunikeeshinii Bulchiinsa Dirree Dhawaa Miidhaa Dhibeen Echi Aa'ii Vii Edsii geesisu hir'isuufi to'achuuf Manneen Barnootaa irratti hubannoo Baratootaa gabbisuuf Baratoota Mini-Miidiyaa Manneen Barnootaa irra hojjataniif Leenjii hubannoo Uumuu laateera.

Leenjii Hubannoo Qophaa'eirratti Hooganaan Biiroon Dhimma Komunikeeshinii Bulchiinsa Dirree Dhawaa Obbo Biruuk Falaqaa Akka jedhanitti Miidhaa Dhibeen Echi Aa'ii Vii Edsii geesisu hir'isuufi to'achuuf Hojii damee baay'ee hojjatamaa Jiraachuu ibsanii kana keessaa tokko Baratoonni Mini-Miidiyaa Manneen Barnootaa irra hojjatan yerooammaa Dhibeen Echi Aa'ii Vii Edsii Miidhaa geesisaa jiru irratti hubannoo ga'aa qabaatanii Baratootaas Akka qabsiisaniif Yaadamee waltajjiin kun qophaawuu himanii hojiin walfakkaataan kanneen biroos ittifufiinsaan Akka hojjatamuus addeessan.

Biiroon Dhimma Komunikeeshinii Bulchiinsa Dirree Dhawaa hojiiwan Bulchiinsi Dirree Dhawaa damee gara garaa irratti hojjachaa jiru qindoominaan raawachaa jiraachuus addeessanii fuuldurattiis dameewwan adda addaa irratti hojiin walfakkaataa Akka hojjatan addeessan.

01/01/2025

Baazaariin Intarpiraayizota Moodeela Bulchiinsa Dirree Dhawaatti baname.

Bulchiinsa Dirree Dhawaatti Baazaariin intarpiraayizoota Moodeela hirmaachise guyyaa har'aa ifatti banameera.

Sagantaa Baazaariin intarpiraayizoota Moodeela kana irratti haasaa Kan taasisan Obbo Roobeel Geetaachoo Hooganaa Biiroo Misooma Dandeettii Hojii fi Teeknooloojii Bulchiinsa Dirree dhawaa Agarsiisaa fi Baazaarii Intarpiraayizii Moodeela bananiiru.

Obbo Roobeel waajjirichi intarpiraayizoota agarsiisa Daldalaa fi Baazaarii qopheessuun maamiltoota isaanii waliin walitti dhufeenya gabaa uumuu qofa osoo hin taane, gatii gabaa tasgabbeessuu keessattis gahee isaanii ni taphata jedhan.

Yeroon ayyaanaa dhufu waan ta’eef, oomishaaleen guyyaa guyyaan itti fayyadaman kanneen akka daakuu, sukkaara, zayita, fi hanqaaquu, bal’aa fi qulqullina bal’aa ta’een akka dhiyaatan obbo Roobel ibsaniiru. Uffanni aadaa hawaasni kun gatii guddaadhaan bitaa ture agarsiisaa fi baazaarii keessatti gatii madaalawaadhaan akka argamu himaniiru.

Agarsiisni kun guyyoota shanif walitti aansuun kan turu yoo ta’u, walitti dhufeenya gabaa uumuu qofa osoo hin taane, dhaabbileen oomishaa fi tajaajila isaanii beeksisuuf carraa kan kennu ta’a.