11/08/2026
"Milkaa’ina Keenyaaf Icitiin Guddaan Hirmaannaa Ummatati!"Injiineer Muhammad Aliyyi
Waajjirri Bulchiinsa Lafaa Magaalaa Bishooftuu karooraa fi raawwii hojii isaatiin jiraattota qooda fudhattoota taasisuudhaan bu’aawwan gurguddoo galmeessisaa jiraachuu isaa ibse.
Haaluma kanaan, Waajjirri Bulchiinsa Lafaa Kutaa Magaalaa Dhibaayyuu qonnaan bultoota fi jiraattota waliin marii waliigalaa raawwii bara darbee fi karoora bara 2019 irratti gaggeessuudhaan karoora isaa galma waloo taasisuu danda'eera.
"Icitiin milkaa’ina Waajjira Lafaa Magaalaa Bishooftuu inni murteessaan karooraa fi raawwii keenya keessatti jiraattota magaalaa keenyaa dhimma irratti qooda fudhachiisuu keenya. Aadaa hojii kana cimsinee itti fufsiifna."
— Injiineer Muhammad Aliyyii Quufaa (Hogganaa Waajjira Bulchiinsa Lafaa Magaalaa Bishooftuu)
Jiraattonnii fi qonnaan bultoonni marii kana irratti hirmaatan akka jedhanitti, bulchiinsi lafaa yaada ummataaf beekamtii fi ulfina kennuudhaan hanqinaa fi karoora irratti waliin mari’achuun isaa mootummaan ummataaf dursa kennuu isaa kan mirkaneessudha.
Pilaaniin Misooma Lafaa (LDP) mirga abbaa qabeenyummaa jiraattotaa mirkaneessuu cinaatti, bu’uuraalee misooma dinagdee fi hawaasummaa mirkaneessuu keessatti qooda olaanaa taphachaa akka jiru
Hojjettoonni waajjirichaa haala itti tajaajilamtoota keessummeessan yeroodhaa gara yerootti fooyyahaa dhufeera. Jiraattonnis "Nuti isin deeggarra, duubatti hin deebi'inaa!" jechuun waadaa galaniiru.
Gama biraatiin, Bulchaan Kutaa Magaalaa Dhibaayyuu yaadota akka komiitti ka’an akka galteetti fudhatanii karooratti jijjiiruun furaa akka deeman ibsuudhaan, "Tokkummaan humna walii taanee misooma keenya haa ariifachiisnu" jechuun waamicha dhiyeessaniiru.
