02/03/2026
Birmadummaa biyyaa eeguu,Injifannoo galmeessuu fi Itoophiyaa fakkeenya taate ijaaruuf dubartootni shoora olaanaa qabu.
Guyyaan har'aa seenaa Itoophiyaa fi Afirikaa keessatti guyyaa itti faajjiin birmadummaa fi bilisummaa uummata gurraachaa itti olka'e guyyaa addaati. Guyyaa itti waan nii dandaa'ama hinjedhamne irree Itoophiyaanotaa gamtoomeen akka dandaa'amu itti mirkanaa'eedha. Guyyaa Injifannoo Aduwaa. Guyyaan kun gurraachota biratti yaadatamaa fi kabajamaa jiraata. Bu'aa irree gamtoome,yaada idaa'ame fi uummata tokkoomeen kan dhufe injifannoo waloo keenyaati.Har'as injifachuuf hedduu taanee akka tokkootti akka Nadoo qamadii obbolummaa dhugaan gamtoomnee Itoophiyaa kabajamte fi fakkeenya badhaadhinaa taate ijaaruun ergama seenaa keenya bahachuutu nurraa eegama.
Birmadummaa biyyaa eeguu,Injifannoo galmeessuu fi Itoophiyaa fakkeenya taate ijaaruuf gaheen dubartootni qaban olaanaa ta'uu isaatiif injifannoo Aduwaa irratti hirmaannaa dubartootni qaban ragaadha.
Bu'uura kanaan guyyaa har'aa dubartootni gurmaa'insa isaanii cimsachuun hirmaannaa fi fayyadamummaa isaanii gama hundaan dhugoomsuun Itoophiyaa fakkeenya taate ijaaruu keessatti gahee isaanii daran bahaachuu karaa dandeessisuun qindeessummaa Gurmuu dubartootaa Paartii Badhaadhinaa Damee Oromiyaatiin maree dubartootaa geggeessinee jirra.
Mareen kun guyyaa kabaja Ayyaana Yaadannoo Injifannoo Aduwaa 130ffaa ta'uun isaammoo injifannoo tokkoomuun argamu fi gahee dubartootni ijaarsa biyyaa keessatti qaban olaanaa ta'u nu yaadachiisuun ergama itti aanuuf kan isaan qopheessuudha.
Paartiin Badhaadhinaa waggoottan shanan darban keessatti hirmaannaa fi fayyadamummaa dubartootaa mirkaneessuuf hojii bal'aa hojjetee jira. Waggoottaan shanan dhufan keessattis hirmaannaa fi fayyadamummaa dubartootaa daran mirkaneessuuf hojiiwwan hojjetamuu qaban manifestoo keessatti ifatti kaa'ee jira.
Kun akka galma gahuuf garuu filannoo waliigalaa marsaa 7ffaa injifannoon xumuruu dabalatee filannoo diimokiraatawaa,bilisaa fi nagaa ta'e
