Moyi Ibsa

28/03/2025

‼️

Perezidaantiin Ertiraa haala yeroo ilaalchisee ibsa miidiyaaf kenneen fedhii mootummaa Itiyoophiyaa kamuu hin daangessinu isaan waliin walitti bu'us hin barbaannu eenyutu nu jiddutti ajandaa akka uume nu keessaa qoradhee ifa baasa jechuun harka kennachuu isaa ibseera.

Akka maanguddoon Ertiraa dhunfatan ibsa kennetti Ani eenyu nu keessaa Itiyoophiyaa waliin akka walitti na baasu jiru hanga ammatti hin barre kanaaf immoo abbootii ajandaa ni qoradhaa jechuun warwaata jiru.

Mootummaan Ertiraa dhimma fedhii Itiyoophiyaan qabdu kamuu dura hin dhaabbatu ammas walii galtee piritooriyaatis keessa hin gallu nuti Ummata Itiyoophiyaa fi mootummaa Itiyoophiyaa waliin hojjachuu fedha gaarii qabna dhugaa kana immoo ummanni Itiyoophiyaa fi mootummaan muummee ministeera Dr. Abiy Ahmed Ali durfamus nu hubachuu qabaa jechuun harka kennachuu isaanii ragaa bahaniiru.

28/03/2025

MUL’ATA KEE DHUGOOMSUUF
GATII BAASUU QABDA!

Guyyaa tokko dargageessi tokko namicha beekamaa Giriikii Sooqiraaxas jedhamu bira dhaqe. Akkuma beekamu Sooqiraaxas seenaa Giriikii keessatti nama beekamaa fi hojii isaan fiixaan ba’iinsa qabudha. Dargaggeessichis akkamitti akka sooqiraaxas nama fiixaan ba’iinsa guddaa argatee fi beekamuu danda’e gaafate.

Sooqiraaxasis dargaggeessichaan dhoksaa fiixaan ba’iinsa koo sitti himuu nan danda’a jedheen. Sana booda dargaggeessicha fuudhee naannoo laga ta’eetti isaa geesse. Lagicha bira yeroo ga’anitti amma dhoksaa fiixaan ba’iinsa koon si agarsiisa waan ta’eef, sirriitti na caqasi ittiin jedhe. Dargaggeesichis tole jedheen.

Sooqiraaxas mataa dargaggeessichaa qabee bishaan keessa seensise. Humnaan bishaanichuma keessatti osoo dargaggeesichi keessaa ba’uuf wixxifatuu daqiiqaa muraasa bishaanuma sana keessatti qabee dhaabbate.

Dhuma irratti erga dargaggeessicha gad dhiisee gaaffii tokko isa gaafate. Amma yeroo morma kee oliin bishaan keessa daqiiqaa ta’eef turte; maal hawwaa turtee jedheen. Dargaggeessichis hafuura guddaa baafachaa, humnaa olitti wanti ani hawwaa ture yoomuman ba’ee qilleensa argadha jedheen hawwaa ture jedhee deebiseef. Sana Sooqiraaxasis dhoksaan fiixaan ba’iinsa koos kanuma ittiin jedhe. Dargaggeessichis maal jechuudha jedhee gaafate.

Akkuma yeroo bishaan keessa turte amma hawwii guddaan qilleensa argachuuf hawwaa turte, fiixaan ba’iinsas yeroo hundumaa akkasitti yoo hawwite bira ga’uuf wixxifatte jedheen.

Gatiin nuti mul’ata keenyaaf baasnu galma ga’iinsa mul’ata keenyaaf murteessaadha.

28/03/2025

?
▬***********************************
❏ Cimina amala Leencaa keessaa waan tokko tokko:

» Leenci kuruphee qabachuudhaaf lafa 100km yoo ari'e, kurupheen inni lafa dheeraa fiigsise sun lafa dheeraa jalaa baqattee, kan biraan haaraan turuf jettee yoo miilluma isaa jalaa itti baate, ishee lafa dheeraa ari'aa ture sana dhiisee, ishee haaraa faana hin fiigu! Sababni ishee lafa dheeraa ari'ee fide sana, adeemsa wal fakkaataa, dadhabbii wal fakkaataa keessummeessaniiru waan ta'eef, ishee fiigicha wajjin jalqabe sanatti xumura godhe malee kan biraa wajjin dorgee hin jalqabu. Milkaa'umsi leencaa dhoksaan isaa inni guddaan kanadha. Yoo harkaa baatellee, ciisee tasgabbaa'ee, qaama isaa haareffatee akkaataa itti kan biraa adamsee nyaatu irratti xiyyeeffata. Akkaataa itti harka keessa galfatu hunda dursee qophii xumura!

༄ Amala namaa keessaa dadhabaan immoo: Namoonni baay'een waan tokkicha irratti xiyyeeffatanii, sana galmaan ga'achuu irratti hin xiyyeeffatan. Mana shiroo tokko yoo banate, tokko immoo ollaatti dhufee yoo mana kompiyuuteraa banate, kana wayya fakkaata jedhee sana itti dhiisee, bifuma wal fakkaatuun innis mana kompiyuuteraa banata. Sana qabee kana qaba. Miilla lamaan bakka lama altokkotti fiiguu barbaada. Mul'ata dhuunfaa cichee hin qabu, yaada namaa jiraata! Yoo akka yaade ta'uufii didellee taa'ee fala irratti hin xiyyeeffatu. Taa'ee of hooqa. "Ani fala hin qabu!" jedhee lallaba bututaa ofitti lallaba.

Ergaa:
༄ Ati leenca caalaa cimaadha! Ogummaadhaan jiraachuu baradhu! Namni dandeettii mataa ofiitti ogummaan fayyadamee milkaa'ina barbaadu bira gahuuf:

➊. Milkaa'inaaf hawwii cimaa qabaachuu qaba!
➋. Mul'ata isaa fageessee irratti yaaduu qaba!
➌. Fedhii olaanaa qabaachuu qaba!
➍. Kaayyoo isaatiif cimee/cichee hojjechuu qaba!
➎. Waan hojjetu jaalachuu qaba!
➏. Waan hojjechuu qabu beekuu qaba!
➐. Gargaarsa namoota ciccimoo irraa argatetti fayyadamuu danda'uun irra jiraata!

22/07/2024

01/03/2024

“Injifannoon Adwaa Mallattoo Tokkummaa fi Heddumminaati” Fiqaaduu Tasammaa

Mallattoo tokkummaa fi heddumminaa, calaqqee gootummaaf milkaahinaa kan ta’e guyyaa injifannoo Adwaa waggaa 128ffaa dhaan nagaan ittiin isin gahe, ittiin nu gahe jechuun fedha.

Adwaan injifannoo lammiilleen Itoophiyaa hundi garaagarummaa tokko male bahaa hanga lixaatti, kaabaa hanga kibbaatti amantaa, aadaa, afaan fi eenyummaadhaan osoo wal hin qoodin waloodhaan dhaabbatanii diina koloniif aggaammate itti qaanessan, mallattoo gootummaa fi heddummina keenyaati.

Wareegama Itoophiyaanota hundaatiin kan argame injifannoon Adwaa tokkummaan iccitii milkaahinaa akka ta’e kan dhugoomse, waloominni daandii mo’attootaa ta’uu kan agarsiise, Itoophiyaanota irra darbee injifannoo gurraacha addunyaa hunda mataa ol qabachiise guyyaa addaati.

Sabootni, sablammootni fi uummattootni aarsaa kaffalanii kan nu goonfachiisan injifannoon Adwaa seenaa keenya kaleessaa gootummaa addaatiin kan barreesse, har’a tokkummaa fi obbolummaadhaan akka waliin imalluuf daandii kan nuu qajeelchee fi boruu keenya milkaahinaan kan dabaaledha.

Goototni kaleessaa tokkummaaf obbolummaa dhugaatiin waloon dhaabbatanii, Itoophiyaan biyya fedhii diinota isheetiin galma yaadde hanqattu akka hin taane fi qormaata ishee muudatu kamiifuu hin jilbeeffatin hirmaannaaf tumsa ilmaan isheetiin eegamtee fuula duratti imaltu akka taates agarsiisaniiru.

Injifannoon dirree Adwaa irratti goonfanne diinota keenya qaanessee kabaja biyyaa mirkaneessuudhaan gamatti heddumminni madda garaa garummaa osoo hin ta’in bu’uura tokkummaa, injifannoof milkaahinaa akka ta’e barnoota kan dabarse, Itoophiyaanotni eenyummaa isaanii kabachiisanii har'aan akka gahan kan sandeessisedha.

Dhalootni har’aatis gootummaa abboota isaa dhaaluudhaan amaanaa of harkaa qabuu tiksuu fi kunuunsuun seenessa dogoggoraa sirreessee, miira obbolummaa dhugaatiin ijaarsa biyya waloo dhugoomsuuf gahee adda durummaa bahachuu qaba.

Biyya abbootiin keenya kabajaan nu harkaan gahan kabaja ishee mirkaneessuu, seenaa hiyyummaa kaleessaatis badhaadhinaan dabaaluuf dhimmoota garaa garummaa keenya bal’isan maqsuudhaan daandii tokkummaa sab daneessummaatiin guddinaa fi badhaadhina biyya keenyaa dhugoomsuuf haa tumsinu jechaa, irra deebi’uudhaan baga guyyaa injifannoo Adwaa wagga 128ffaan nagana ittiin nu gahe jedhuun fedha.

Ayyaana Gaarii

Fiqaaduu Tasammaa
Itti Gaafatamaa Waajjira Paartii Badhaadhinaa Damee Oromiyaa

01/03/2024

DUBBII HAYYOOTAA

▬▬▬▬▬▬▬▬
❏ “Yeroon kee daangeeffamee jira; kanaafuu jireenya namni biraa jiraatuun yeroo kee hin
qisaasessin! (Your time is limited, so don’t waste it living someone else’s life)”
─ Steve Jobs

❏ “Ani hiyyeessa qarshii argadhuunis kitaaba bitadha; kan irraa hafeen uffataa fi nyaataan bitadha.” ─ Erasmaas

❏ “Ati ifa qofa ibsi; dukkanni yeroo isaatti ni bada.”
─ Erasmaas

❏ ️“Namni dogoggora hin uumne, waan haaraa uumuu hin danda’u.” ─ Albert Aayinistaayin

❏ “Injifannoon guddaan jireenya keessatti gonkumaa kufuu osoo hin taane yeroo kufan
hunda bakka kufanii ka’uu dha.” ─ Nelson Mandela

❏ ️“Yoo wanta ati qabdu ilaalta ta’e yeroo hunda isa caalaa qabaatta; garuu yoo wanta ati
hin qabne ilaalta ta’e isaa gadi qabaatta.” ─ Ooppraah Wiinfreey

20/02/2024

Yaadadhu | Dubbiilee Hayyootaa

➊. Abrahaam Liinken
— Namoonni hammuma gammaduuf sammuu isaanii qopheessan gammadu.
— Waan feete ta'i; garuu itti cimi!
— Suuta jedheen deema; garuu tasumaa booddeetti hin deebi'u.
— Kufaatii keef dhimma hin qabu; kanan dhimmu ka'uu keef!

➋. Beenjaamiin Firaankiliin
— Namni obsa qabaachuu danda’u waan barbaadu argachuu danda’a.
— Qophaa 'uu yoo dadhabde kufaatiif qophoofta.
— Yookiin waan dubbifamuuf malu barreessi!
— Yookiin waan barreeffamuuf malu hojjedhu!
— Investimentiin beekumsa irratti ta'u dhala hunda caalu namaaf kaffala.
— Foddaan mana kee fuullee yoo qabaate, ollaa keetti dhagaa hin darbatin!

➌. Guutamaa Budihaa
— Kan nuti taanee jirru bu'aa wanta nuti yaadneeti.
— Namni ogummaadhaan jiraatu du'ayyuu hin sodaatu.
— Yoo waa dubbachuu feete yeroo hundumaa dubbiin sun dhugaa, barbaachisaa fi gaarii ta'uu of gaafadhu!
— Okkoteen copha cophaan guutti!
— Gammachuun keessa keetii dhufa, alaa hin eegiin!
— Rakkoon kee maali seete? Yeroo qaba jettee yaadda.

➍. Maatamaa Gaandii
— Namni dadhabaan dhiifama hin godhu. Dhiifama gochuun amala nama jabaati.
— Gammachuun yeroo waan ati yaaddu, waan ati dubbattuu fi waan ati hojjettu tokko ta'aniidha.
— Namni gaariin michuu uumama hundumaati.
— Namni bu'aa yaadota isaati, waan yaadu ta'a.

➎. Maartiin Luuter Kiing
— Umurii qofaa lakkaa'uu dhaan dheerina yeroon namaa nyaatame caalaa kan nama gaddisiisu hin jiru.
— Humni diina ofi irratti jijjiiruu danda’u tokkichi jaalaladha.
— Namni dhiifama gochuuf humna dhabe, jaalachuuf humna hin qabu.
— Urjoota arguu kan dandeessu dukkana keessatti qofaadha.
— Fincilli sagalee warra hin dhaga'amneeti.

➏. Maazar Tereezaa
— Namootatti kan murteessitu yoo ta'e, isaan jaalachuuf yeroo hin qabaattu.
— Jechoonni gaggaariin gabaaboo fi salphoo ta'uu danda’u, sagaleen isaanii garuu dhuma hin qabu.
— Namoota dhibba nyaachisuu yoo dadhabde tokko qofa nyaachisi!
— Hojiin jaalala hin qabne garbummaadha.
— Jireenyi namoota kaaniif hin jiraatamin jireenya miti.

20/02/2024

IMALA KEE DURSII KANA HUBADHU!
▬▬▬▬▬▬▬▬▬
❍ 'Namni maal naan jedhaa?'n waan namni siin jedhu jijjiiree hin argamu; garuu eenyummaan kee gooftaa waan siin jedhamuuti. Kanaaf ofitti amanummaa kee gabbisii qabadhu! Akka siin jedhan ta'uuf osoo hin taane, akka taatee argamtu akka jedhamtuuf hojjedhu! Hamma geessus hin ibsin; hammi geessu suniyyuu ragaadha. Hundaaf gurra ergisuunis gurra kaayyoo ofiitti dugda gatuu akka ta'e yaadaan qabadhuu deemsa itti fufi!

» Imala milkii!
❍ Gaafa sochii eegaltu sirrattis sochiitu eegalama. Waa'een kee karaa lamaan odeeffamuu itti fufa. Kaan sababa malee si jibba, sirratti odeessa, maqaa kee faalee dhiisuu dida, dhagaa filee sitti darbata. Kaan immoo ofitti si waama, harka walitti siif rukuta, dibbee siif reeba! Eeyyeen kanatu jira! Kun jiraachuu isaa hubachuu fi kanaaf deebii akkamii akka laattus of harkaa qabaachuutu si ceesisa.
❍ Kan akka hin taaneen si hordofu hin hordofin! "Jaldeessa faana dha'uun hallayyaa nama buusa!" jedha Oromoon yeroo mammaaku. Kan sitti wacu gargaartee sagalee wacaa ol kaasuun, gurra gara kaayyoo keetii hin butuchiin, dhagaa sitti darbamuu walitti qabii riqicha ce'umsaa fi mana galmaa ittiin ijaarratta, jechoota si hin ilaalle sitti maxxanan immoo akka dubbii waa'ee hin baafnee fi balfa gatamaatti fageenyatti ofirraa eegi!
⩩ Akkasuma, kan si faarsu faana of hin faarsin; gaafa si arrabsu faana of arrabsuu malta. Sagalee weedduu iddoo siif hin malletti miirri siif kennu dhageessee weedduu fi gonfoo gaara mo'ichaa irraa akka hin hafnetti of eegi! Badhaasa siif kennamu adda baasii beeki! Badhaasni fi jajjabeessi siif hin malle itti quufinsa sobaa si gonfachiisuun karaa jal'aa irra si qajeelcha. Eeyyeen, kan siif laatu kennaa isaa dura, eenyummaa isaa adda baasi! Hubataa ta'i!
⩩ Kan siif jibbu jaalattee, kan si jibbu hin jibbin! Kan siif reebu ol kaastee, kan si reebu reebuuf yeroo fi anniisaa kee hin gubin! Kana hundumaa, akka galumsaatti, keessumeessuu akka dandeessuuf ogummaa dabaladhu!

28/01/2024

✔ Keemistiriin orgaanikii qu'annoo kompaawundoota kaarboonii ofkeessaa
qabaniiti.
✔ Keemistirin inorgaanik qu'annoo
kaarbooni of keessaa hin gabneeti.
✔ Haayidiro okaarboononni kompaawundoota haayidiroojiinii fi kaarboonii
qofa of keesaa qabani.
elementootaa i kompaawundoota
Alkeenonni, alkiinonni fi alkaayinoonni haayidirookaarboonota.
✔ Foormuulaan gooroo alkeenotaa C,Han2 dha.
✔ Foormuulaan gooroo alkiinotaa C,H, dha.
✔ Foormuulaan gooroo alkaayinootaa C,Han- dha.
Kompaawundoonni orgaanikii jireenya keenya guyyuu keessatti faayidaa
hedduu qabu.
✔ Oksaayidoonni kompaawundoota atoom-gos-lamee oksijini fi elementi
birooti.
V Oksaayidii asiidawOon bishaan wajiin yommuu walnyaate, bulbula
asiidawaa uuma.
✔ Oksaayidii beezawoon bishaan wajin yommuu walnyaate bulbula
beezawaa uuma.
✔ Asiidonni kompaawundoota bishaan keessatti yommuu bulbulaman,
ayoonii haayidiroojiini gadi lakkisani dha.

✔ Iskeeliin pH sadarkaa asiidummaa yookin beezummaa bulbula ibsuf
fayyada.
• Bulbulli gatii pH 7 gadi qabu asiidii dha.
• Bulbulli gati pH 7 qabu hinbaabsawaadha.
•Bulbulli gatii pH7 ol gabU alkaalidha.
✔ Beezonni bishaan keessatti bulbulaman alkaalota jedhamu.
✔ Alkaalonni wantoota yommuu bishaan keessatti bulbulaman ayoonii
haaydirooksaaydii gadi lakkisani.
✔ Amalootni asiidotaa fi beezotaa bulbula keessa jiraachuu H or OH iratti
hundaa'a
✔Agarsiistonni wantoota asiidoota fi beezota keessatti halluu adda addaa
agarsisanii fi wanti tokko asiidii yookiin beezii ta'uu isaa addaan baasUun
beekuuf gargaaraniidha.
✔ Asiidonni yommuu beezota walin walnyaatan wal hinbaabseessuun
ashaboo fi bishaan uumu.
✔ Asiidonni cimoon bishaan keessatti guutumaa guututti yookin sadarkaa
olaanaan ayoona'u.
✔ Asiidonni dadhaboon bishaan keessati, molakiyuulota isaani keessaa
baay'ee muraasa gofatu ayoona'a.
✔ Asiidonni cunqoon bulbula isaanii keessaa asidii baay'ee qabu.
✔ Asiidonni callabbaa'oon bulbula isaanii keessaa asiidi xinnoo qabu.

28/01/2024

Makaan yemmuu wantootni akaakuu lamaa yookiin lamaa ol ta’an adeemsa fiiziikaalaatiin walitti dabalaman uumamu dha.
Makootni makaa gos-tokkee fi gos-addeetti qoodamu.
Ruqooleen makoota walnyaatiinsa keemikaalaatiin waan wal hin fudhanneef maloota fiiziikaalaatiin gargar bahuu ni danda’u.
Qilleensi qulqulluun akaakuu makaa gos- tokkeeti
Sababootni gurguddoon faalama qilleensaa gochawwan namootaa fi maddoota uumamaati.
Suudootni jajjaboon faaltoota qilleensaa ta’an kanneen akka dhukkee cilee fi biyyee, fi poolanii biqiltootaa fa’adha.
Wantootni akka kaarboonmonooksaayidii, kaarboondaayooksaayidii, salfardaayooksaayidii, oksaayidoota naayitiroojiinii gaasota qilleensa faalanii dha.
Qilleensi faalame onnee, sirna hargansuu fi sammuu irratti miidhaa geessisuu ni danda’a.
Akkuma itti fayyadamiinsi teeknooloojii dabalaa deemuun, fedhiin anniisaas dabalaa waan deemuuf, hammi faaltoota qilleensaatti makaman dabalaa deema.
Hamma faaltoota qilleensa naannoo fi qilleensa mana keessatti dabalamuu danda’an, maloota yookiin karaalee faalama qilleensaa ittiin hir’isanitti gargaaramuun ittisuun ni danda’ama.
Dhibeen sombaa fi infuleenzaan dhukkuboota qilleensaan daddarbaniidha.