Bullee barii arguuf

28/01/2024

KUTAA 1FFAA
Nabiyyii Keetiin Walbari صلى الله عليه وسلم
Seenaa isaanii irraa isa bu’uuraa baradhu.

Muhammad (saw) eenyu?
“Dhugumatti, nama Rabbiifi Guyyaa Aakhiraa sodaatee Rabbiin baay’inaan yaadatuuf ergamaa Rabbii keessatti hidhannaa gaariitu jira.” (Al-Ahzaab: 21)
Muslimoonni akka nabi Muhammad [saw] tarree nabiyyootaa isa dheeraa warra gara Rabbiin qofa gabbaruutti nama waamuuf ergamanii keessaa marsaa dhumaa ta’e amanu. Diriin nabiyyootaa kun nabiyyoota kan akka Aadam, Nuuh, Ismaa’iil, Is-haaq, Ya’aquub, Yuusuf, Muusaa, Daawud, Suleymaaniifi Iisaa of keessatti qabata. Rahmanniifi nageenyi Rabbii isaan hundarra haa jiraatu.
Muslimoonni akkuma kana Muusaa irratti Tawraat buufamuu (wahyii isa odoo hin jijjiiramin ture), Iisaa irrattis, nageenyi isarra haa jiraatuu, Injiil nuufamuu (Injiil isa odoo hin jijjiiramin Iisaa irratti buufame) ni amanu. Nabi Muhammadis (saw) akka isaan waan namootaaf buufame isaaniif ibsanuuf jecha Qur'aanni irratti buufame.
Maqaan isaanii Muhammad bin Abdullaah bin Abdul Muxxalib bin Haashim. Haashim immoo Qurayshii irraayi. Qurayshonni Araba irraayi; ilmaan Ismaa’iil bin Ibraahiim jaalallee Rabbiiti; isaafi Nabiyyii keenya irra rahmanniifi nageenyi haa jiraatu.
Haati mu'uminootaa Aa’ishaan waa’ee Nabiyyii (saw) irraa gaafatamtee ni jette: “inni Qur'aana dachii irra deemu ture.” Kana jechuun jireenya isaanii keessatti Qur'aana hojiirra oolchu jechuudha. Kan armaan gadii keessatti akkamitti akka Nabiyyiin (saw) barnoota Qur'aanaa gocha nabiyyummaa kabajamaa ta’een hojiirra oolchan ni ibsina.

23/01/2024

19/01/2024

BIYYOOTA QAROOMAN JEDHAMAN
----------------------------------------------------------

Mee Suuraa kanaan maal jettu Namni Uumee jijjiirraan Rabbi Lola isaa nutti fide natti fakkaata :-
Qullaa imaluu,
Gaa'ela hin malle raawwatuu,
Saree fi Adurree nyaachuu kkf biyyoota qarooman waa kumii kitiltu jira yaa Rabbi nurra hin taasisini si kadhannee ! Balaa Koronaa kun Lola keetii nurraa deebis!
A'UUZU BILLAAH !!!

16/01/2024

Maliif Rassuulli Rabbii (S A W) hulaa ka'abaa🕋haala banaa tateen balbala irra dhaabbatee bilaal gaafatee nija'e naaf yaamaa bilaal ja'ee eegasii akkana ja'e Yaa qureeshiiiiiii ! Guyyaan arraa kun guyyaa bilaal keessa azzabame balbala ka'abaa🕋tana duratti 👌.....................

Hugguma bilaal dhufe Ergamaan rabbii (S A W) bilaaliin nija'e yaa bilaal seeni namni tokkolleen nawajjiin hin salaatu ka'abaa🕋 tana keessatti simalee ja'een 👌...
~~~~~~~~~

Rassuulli Rabbii (S A W) wanni inni akkas godheef kabajaa fi guddina inni qabu ummatatti argisiisee barsiisuufi waan inni islaaminnaan duratti qixaaxa hamaa keessa tureefi 👌...
~~~~~~~~~~~

Erga ka'abaa🕋keessatti waliin salaatan booda Ergamaan rabbii (S A W) bilaaliin nija'e koottuu ka'abaa🕋tana gubbatti ol bahi 🕋 hugguma utubaa isiirra olbahuudhaaf ka'e mucucaattee gudeeda isaa irra ol baasuu dadhabe yeroo kana Ergamaan rabbii (S A W) laalee yeroo kana sahaabaa irraa Umarii fi abuu bakri(isaan lachuu rabbiin irraa haa jaalatuu) isa cinaa dhaabbatanii jiranii isaan akka isa ol fuudhanii olbaasan barbaade akkasitti bilaal miila isaa kan mirgaa morma umar kabajamaa san irra kaayyatee miila isaa kan bitaa morma abuu bakrii kabajamaa sanirra kaayyatee ka'abaa🕋gubbatti ol bahe👌.....
~~~~~~~~~~~

Ergamaan rabbii (S A W) isaan nija'e Yaa bilaal RABBII isa malee gabbaramaan tokkolleen hin jirretti kakadhee ka'abaan🕋 tun RABBI biratti goddoodha wallaahi arra siitu ka'abaa🕋 tanarra guddaadha siitu kabajamaadha RABBI biratti ja'een 👌.. Bilaal Al Habashi....🥰🥰

Yoo dubbiftee xumurte Ergamaa rabbii nabi mohammad S A W irratti salawaata buusii.💚

Waan Dhageenye Wal-Dhageessisna!! yusuf
Like share comment godha

12/01/2024

SAMMUU KEE HIN GABROOMSIN.
///////////////////////////////////////////////

📌 Namni Sammuun Gabroome Mataa Ofii Hojiin Ala Godhee, Kan Nama Biraatin yaada.!!

📌 Namni Sammuun Gabroome, harka hojii irra Harka Kadhaaf Beekamtii Kenna.!!

📌 Namni Sammuun Gabroome, maqaa namni gabroomfate itti baase kan isaa Se'a.
Yoo Horii jedhaniin, Falmachuu Dhiisee, Marga Dheeduu Shaakala.
Farda Yoo jedhaniin dugdi isaa Akka Kooraa Baachuuf Tolu ilaala.

📌 Waan itti Fe'an Baata.

📌 Qomoo ofii dhiiseeti Orma lakkaawwata.

📌 Namni Sammuun gabroome Haaraa Ofiif Bitate irra, Moofaa Ormaa Yoo Miiccatee Uffate itti Tola.

📌 Namni Sammuun Gabroome, bilisummaan gabrummaa itti fakkaata.

📌 Namni Sammuun Gabroome, Warra isaaf Falman irra Warra isatti Falman jaalata.

✍Jechoota Hayyuu Oromoo Gar/Pro/ Mihratuu Shaanqoo keessaa kan dhutameedha.!!

05/01/2024

✍︎ Jiraachuun jirra jechuu miti. Du'uniis awwaalamuu hinibsu. Namoonni muraasni du'anii jiraatu. Danuun immoo osoo jiranii du'u! Du'anii jiraachuun garuu jiraatanii du'uu irra baay'ee caala.

✍︎ Nama hiikni jireenyaa galeef jiraachuunis du'uunis bu'aa qaba. Warreen hiika jireenyaa hinhubatiniif garuu jiraachuunis du'unis hangas wal hincaalu. Isaan osoo hindhalatin du'u. Wanta hojjechuuf dhalatan osoo hinhojjetin du'u jechuudha.

✍︎ Namoonni erga du'anii waggoota dhibbaa ol ta'an, garuu seenaan isaanii anaafi si warra lubbuun jiran caalaa kan dubbatamu baay'eetu jiru. Maaliif? kaayyoo dhalataniif jiraatanii darbaniiru. Galma gahuuf yaadan gahaanii, rakkoo addunyaa kanaa irraa salphisaniiru.

✍︎ Jireenyi hiika qabu, jireenya kaayyoof jiraatameedha. Namoota addunyaa kanarraa biliyoonaan lakka'aman keessaa namni tokko iyyuu kan kaayyoo malee dhalate hinjiru. Nama ta'ee kan jiraatu hunduu kaayyoo mataa isaa qaba. Garuu hunduu kaayyoo qaba jechuun, hundinuu kaayyoo isaaf jiraata jechuu miti. Namoonni muraasni abjuu isaanii dhugoomsanii seenaan yaadatamu. Baay'een immoo kaayyoo fidanii dhufan fudhatanii awwaalamu!

✍︎ Obbolee! guyyaa tokko silaa duuti hinooluu, imaanaa dhalootaa nyaattee hindu'in. Namoonni hedduun kitaabota gurguddaa osoo barreeffamee dhaloota jijjiruu fudhatanii darbaniiruu. Dandeettii kalaqaa, dandeettii fakkii kaasuu, sagalee bareedaa... waa meeqa rakkoo addunyaaf furmaata ta'uu danda'utu qabeenyaa iddoo awwaalaa ta'e.

✍︎ Waan gochuu dandeessu gochuu dhabuun, sirra darbee dhaloota har'aafi egeree miidha. Kanaaf dammaqi! Barreeffama xiqqoo kana osoon siif gumaachuu danda'uu barreessuu dhiisuun koo ofittummaadha. Atis dandeetti gurguddaa qabduun hojjechuu dhiiftee taa'uu hinqabdu. Dandeettii keen hamma dandeessu jireenya namootaa irratti dhiibbaa gaarii fiduu qabda. Waan keessa kee baasuun hiixadhu. Gahumsi guddaan ka'umsa xiqqaa irraati. Tarii wantotni ati bu'aa hinqaban seetee of keessatti hiite iyyuu furmaata guddaa ta'uu danda'u.

✍︎ Kutannoon kaayyoo keef jiraachuu eegali. Jireenya kee murteessuuf humna kan qabu tokko iyyuu hinjiru. Bocni jireenya kee harka keetu tolcha. Namoota jiran keessaas waa'een kee kallattiin suma mataa kee ilalata. Kanaaf ammuma murteeffadhu. Dursa kaayyoon koo maali? Jedhii of gaafadhu. Erga kaayyoo kee adda baafattee kaayyoo keef jiraachuu eegali. Jiraattee hindu'in, du'ii jiraadhu!

yusuf bullee barii arguuf
Like share comment godha

05/01/2024

Jechoota kitaaba miratuu shaankoo keessa kan fudhanne
Kitaabni kun kitaaba sammuu ijaarudha malee kitaaba sammuurra ijaajju miti! Namoonni baay'een gaafuma dhalatan du'an. Muraasni immoo gaafa du'an dhalatu. Ati hoo?. Osoo nama hin ta'iin, namaaf ta'uun hin jiru. Of beekuuf murtoo hin qabdu taanaan yoo of beektes murtoo hin murteessitu. Barachuun beekuu hin ibsu. Beekuun garuu barachuu ibsa. Gad-aantummaa×Hirkattummaa×of awwaaluu= Of wallaaluu. Of wallaaluun of Awwaaluudha. Dhala namaa malee addunyaan duwwaadha. Qabeenyi bakka malee kufee fi dagatame dhala namaati.
Namni lakkoofsa guutuuf dhalate hin jiru. Lakkoofsa guutuu ta'ee dhalata malee. Ati of daangesitee teessa taanan eenyutu daangaa si ceesisa? Addunyaa keessaa jirramoo addunyaatu nu keessa jiraa? Yoo qophaa'aa taate guyyaan borii qabeenya ati qooddachuuf eeggattudha. Jaarraan kun jaarraa mul'ataan injifaniidha malee jaarraa mufachuun injifatan miti. Ilaa Addunyaan sammuukee fi jecha ati waa'eekeef qabdu keessa jirti. Nama jechuun bu'aa yaada isaati. namni waanuma nyaatu fakkaata. Barrisuu kan dandeessu hanga barrisuu dandeessu yoo amante qofaadha. Of hin shakkiin inni namni biraan si shakku iyyuu si ga'a. Dirree itti injifatamte keessatti lubbuun jiraachaa hafuuke caalaa dirree itti injifatte keessatti duutee awwaalamuu siif wayya. Meeshaa ammayyaa caalaa sammuu injifannoo qabaadhuutii gara dirree seeni. Tulluun ofiin beekee si duraa kufu hin jiru akkasumas tulluun ati dhiibdee si duraa kufuu didus hin jiru. Sammuu injifannoo malee hidhamee jiru qabaachuun rakkisaadha. Sammuu hidhamaadhaan addunyaa hiikamaa keessa jiraachuu irraa qaamaan hidhamanii sammuu hiikamaa qabaachuutu wayya. Rakkina kaleessa sirra ga'e har'as rakkina jettee dubbatta taanaan, har'a iyyu namatu siif hin argine malee ati rakkina isa kan kaleessa caalu keessa jirta. Of booda hin ilaaliin! Booriike namni siif ilaalu hin jiruuti. Karaa gabaabaa fayyadamuun kaayyoo dheeraa galmaan ga'uuf yaaluu jechuun akka dubartii osoo hin ulfaa'iin dawuudhaaf mana yaalaa deemtuuti. Jireenya filatamaa jiraachuu dura jireenya filachuutu dursa. Yeroo hundumaa filannoi sirrii qabaattee yoo fiixaan ba'insa dhabde illee yeroo hundumaa yaada filannoo sirrii hin dhabiin. Namoota erga du'anii waggaa 200 ol ta'an har'a garuu seenaan isaanii anaa fi si warra lubbuun jiran caalaa kan dubbatamu baay'eetu jira. Addunyaa wanta hamaa dalaguuf gatii nama hin gaafachiifne keessa jirra. Biyyi dhaloota isheetti hin fayyadamne biyyummaan ishee hiyyummaa ishee ta'ee hafa. Otoo dhaloota ishee hin kabajiin, Kabajni isheen argattu hin jiru. Warri Addunyaa kanaaf ga'ee isaanii osoo hin taphatiin darban dhaloota dhufu irra itti gaafatamummaa dachaa kaa'anii darbu. Addunyaan sin jijjiuru situ Addunyaa jijjiira malee.