https://www.facebook.com/421050844422303/

Horn Tech, Harar (2025)

26/09/2025

. . .

ገመና ለማየት የሚንጋጋ ህዝብ ሁልጊዜ የወጥመድ ሰለባ ነው። ቁምነገር ሲጋራ ዞር ብሎ የማያይ ህዝብ የሴት ራቁት ሲባል ይርመሰመሳል። (ምን ያህል ሰው ፣ ምን ያህል እና ምን ያህል እንዳደረገ ተመልከቱ - በነገራችን ላይ ይሄን የሚል አካውንት Unfollow በማድረግ ራሳችሁን አርቁ)

የሆነው ሆኖ ላይ የተቀመጠው ማስፈንጠሪያ ( ) (is.gd/j72BFq) የቴሌግራም አይደለም:: የቴሌግራም ሊንክ ' .me . . . ' ነው የሚጀምረው::

ይህ ማስፈንጠሪያ ( ) አጭር ሊንክ (Shortened URL) ሲሆን is.gd በሚባለው አጭር ሊንኮችን ለመፍጠር የሚያገለግል ታዋቂ አገልግሎት ሰጪ ድረ ገጽ የተቀየረ ነው። አጭር ሊንኩ ወደ የትኛው ድረ-ገጽ እንደሚያመራ ወይም Redirect የሚሆንበት ድህረ ገጽ URL expander ወይም URL unshortener ላይ አስገብተን ስናረጋግጥ https://www.google.com/search?q=obqj2.com ሆኖ እናገኘዋለን:: ይሁን እንጁ ይህ የድረገጽ አድራሻ ምን ሊሆን እንደሚችል በማየት ብቻ ማረጋገጥ አይችልም::
-----
ሆኖም ግን የፌስቡክ ገጹ በራሱ በማማለል ለማጭበርበር የተዘጋጀ እንደሆነ የሚያመላክቱ ይዘቶች በብዛት ስላሉት የተጠቀሰው ማስፈንጠሪያ ( ) አደገኛ የመሆን እድሉ እጅግ ሰፊ ነው::

#አደገኛ ሲባል:-

1. የማልዌር (Malware ድህረ ገጽ:-

ይህ ማለት ስትነኩት ወደ ኮምፒውተራችሁ ወይም ስልካችሁ ቫይረስ ወይም ሌላ አደገኛ ሶፍትዌር የሚያስገባ ድህረ ገጽ ሊሆን ይችላል::

2. የፊሺንግ (Phishing) ድህረ ገጽ:-

የግል መረጃችሁን (የይለፍ ቃል/Password፣ የቴሌ ብር፣ የባንክ መረጃ . . . ) ለመስረቅ የተዘጋጀ ሐሰተኛ ድህረ ገጽ ሊሆን ይችላል::

3. አፀያፊ ወይም የማይፈለግ ይዘት (Obscene or Unwanted Content):- የራቁትና የወሲብ ወይም ሌሎች ከሞራልና ከስነምግባር የሚቃረኑ ይዘቶች የሚጋሩበት ሊሆን ይችላል::

ማስፈንጠሪያውን (Linkን) ከመንካት ተቆጠቡ:: በፌስቡክ የምታገኙት ተመሳሳይ ማስፈንጠሪያም ሆነ መንነቱ ከማይታወቅ ሰው በEmail፣ በWhatsApp፣ በTelegram ወይም በሌላ መንገድ የሚላኩላችሁን አጠራጣሪ ሊንኮች በፍጹም አትንኩ። ምንም የሚያጓጓ ነገር በሌለበት ሁኔታ ወይም የማታውቁት/የሌላችሁ ነገር የተጋራ ይመስል በመንጋ መንጋጋትም አግባብ አይደለምና ረጋ ብትሉ ቅቤ ይወጣችኋል። 👌

🙋ለተጨማሪ ተያያዥ መረጃዎች ተቀላቀሉ 👇
🙏🙆
👇
https://t.me/horntechcom

👇
https://www.facebook.com/share/17AWTKkm8X/

Horntech.com - የኢትዮጵያ የቴክኖሎጂው ማህበረሰብ ግንባር ቀደም ምርጫ - በቅርብ ቀን🚀

24/09/2025

✅ የAi "ቀይ መስመር" እንዲሰመር ተጠየቀ
200 ታላቅ ሰዎች የሰው ሰራሽ አስተውሎት (AI) ዓለም አቀፍ "ቀይ መስመር" እንዲሰመር ጥሪ አቀረቡ

በተባበሩት መንግስታት ድርጅት ጠቅላላ ጉባኤ ላይ በመሳተፍ ላይ የሚገኙ 8 የቀድሞ የአገራት መሪዎች፣ 10 የኖቤል ሽልማት አሸናፊዎች፣ 70 ዓለም አቀፍ ግዙፍ ኩባንያዎች፣ እና ሌሎችም 120 ታዋቂ የቴክኖሎጂ ሰዎች በቡድን ባቀረቡት ጥሪ በሰው ሰራሽ አስተውሎት (AI) ላይ ህጋዊ አስገዳጅ ዓለም አቀፍ ገደቦች ካልተጣሉ መጪው ጊዜ እጅግ አሳሳቢ እንደሆነ ገልጸዋል።

ከታዋቂ ቴክኖሎጂስቶች መካከል የAi አባቶች በመባል የሚታወቁት ካናዳውያኑ የኮምፒውተር ሳይንቲስቶች ጂኦፍሬይ ሂንተን እና ዮሹዋ ቤንጊዮ (በ2018 በጋራ የዲጂታል ዓለም የኖቤል ሽልማት አሸናፊዎች) እንዲሁም እና የኦፕንኤአይ ተባባሪ መስራች ዎይቺክ ዛረምባ ይገኙበታል።

ለመንግስታት ባቀረቡት ጥሪም በሰው ሰራሽ አስተውሎት (AI) ምክንያት ሊከሰቱ የሚችሉ የስራ አጥነት፣ ሰው ሰራሽ ወረርሽኞች እና የሰብአዊ መብት ጥሰቶችን ለመከላከል ዓለም አቀፍ "ቀይ መስመር" እንዲዘረጋ አስገንዝበዋል።

በAi የሚሰሩ የጦር መሳሪያዎች፣ ከፍተኛ የሳይበር ጥቃቶች እና ከሰው ቁጥጥር ውጭ ማሰብ፣ መስራትና መፈጸም የሚችል ጠቅላላ ሰው ሰራሽ አስተውሎት (AGI) እንዲታገዱም በአጽንኦት ጠይቀዋል።

ለዚህም ሲባል በ2026 መጨረሻ ላይ ዓለም አቀፍ የቁጥጥር አካል እንዲቋቋም እና በመመሪያዎቹ ላይ ስምምነት እንዲደረስም አሳስበዋል።
ለተጨማሪ ተያያዥ መረጃዎች ተቀላቀሉ 👇
🙏🙆
👇
https://t.me/horntechcom

👇
https://www.facebook.com/share/17AWTKkm8X/

Horntech.com - የኢትዮጵያ የቴክኖሎጂው ማህበረሰብ ግንባር ቀደም ምርጫ - በቅርብ ቀን🚀

21/09/2025

"ቴሌክላውድ (telecloud)" አገልግሎቶች በሚያስደንቅ ዋጋ - #ከኢትዮቴሌኮም
ከዚህ ቀደም "ቴክኖሎጂክስ-አፍሪካ-ኢትዮጵያ" በሚል ርዕስ አንድ ጽሁፍ አጋርቻችሁ ነበር። (ሙሉ ጽሁፉ https://www.facebook.com/share/p/1Fdww1JR1D/ ላይ ይገኛል )

በጽሁፉ ማጠቃለያ ላይ እንደ ቅሬታ ያቀረብኩት በሁዋዌ የተገነባ ከፍተኛ አቅም ያለው የክላውድ ፕላትፎርም (Huawei Cloud Stack) ቢኖረውም አገልግሎቱ ከዋጋ አንጻር ተደራሽ አለመሆኑ ነበር። በተለይም በዘርፉ ክህሎትና የፈጠራ ብቃት ላላቸው ግለሰቦች እና ስታርትአፖች በዝቅተኛ ዋጋ (በልዩ ድጋፍም ቢሆን) አገልግሎቱ ቢሰጥ የሚኖረው አገራዊ ፋይዳ አሁን ከሚፈለገው ትርፍ በላይ እንደሆነ አመላክቼ ነበር።

ስለሆነም #ኢትዮቴሌኮም ከምገምተውና ከምጠብቀው በላይ በርካታ ተያያዥ አገልግሎቶችን ሊታመን በማይችል ዋጋ መስጠት መጀመሩ በእጅጉ የሚያስደስትና የሚያቦርቅ ዜና ነው። በወር 24 ብር የሚከፈልበት የኮምፒዩተር #ስቶሬጅ ኪራይ አገልግሎት ሳይቀር አላቸው (ከዚህ በኋላ ላፕቶፕ መግዛት ለምኔ?)
---
በ"ቴሌክላውድ (telecloud)" ያቀረባቸው አገልግሎት:-

🙋 Computer Services (የኮምፒዩተር አገልግሎቶች) : - ይህ አገልግሎት ኮምፒውተሮችን፣ ሰርቨሮችን እና የቨርቹዋል ማሽኖችን ከኢትዮ ቴሌኮም የዳታ ማዕከል (data center) #በሊዝ መከራየት (መጠቀም) የሚያስችል ነው፤ ግለሰቦች ወይም ተቋማት የራሳቸውን ውድ ኮምፒውተሮች ከመግዛት ይልቅ ተከራይተው ለመጠቀም ያስችላቸዋል።

🙋 የStorage Services (የመረጃ ማከማቻ አገልግሎት):- ድርጅቶች እና ግለሰቦች የራሳቸውን ውድ የሆኑ ሃርድዌር ከመግዛት ምንም ዓይነት የጥገና ወጪ የሌለው የኢትዮ ቴሌኮም መሠረተ ልማት ላይ መረጃዎቻቸውን በአስተማማኝ ሁኔታ ማከማቸትና መጠቀም የሚያስችሉበት አገልግሎት ነው።

🙋 Network Services (የኔትወርክ አገልግሎቶች):- ይህ አገልግሎት ከኢንተርኔት ግንኙነት በተጨማሪ ድርጅቶች የራሳቸውን ቨርቹዋል ኔትዎርክ (VPN) ወይም ሌሎች የኔትወርክ አገልግሎቶችን ከኢትዮ ቴሌኮም የCloud ማዕከል ተከራይተው መጠቀም የሚያስችል ነው።

ይህ በመሰረተ ልማት ግንባታ ላይ የሚወጣን ወጪ በመቀነስ ትኩረታቸውን በዋና የንግድ ስራቸው ላይ እንዲያደርጉ ያስችላቸዋል።

🙋 Security Services (ደህንነት አገልግሎት):- ግለሰቦች ወይም ተቋማት ከፍተኛ ወጪ የሚጠይቀውን የራሳቸው የሳይበር ደህንነት ቡድን እና መሳሪያ ከማዘጋጀት ይልቅ የኢትዮ ቴሌኮምን የደህንነት አገልግሎቶች በመጠቀም የሳይበር ጥቃቶችን መከላከል እና መረጃዎቻቸውን መጠበቅ የሚችሉበት ነው።

🙋 Backup Services:- ይህ አገልግሎት ወሳኝ መረጃዎች እና ፋይሎቻቸው ደህንነቱ በተጠበቀ ሁኔታ በኢትዮ ቴሌኮም ላይ ለማስቀመጥ ያስችላቸዋል። ድንገተኛ አደጋ፣ የሃርድዌር ብልሽት ወይም ሌሎች ችግሮች ቢፈጠሩ ከዚህ ተቀማጭ መጠባበቂያ በቀላሉ ለመመለስ ያስችላል።

🙋 Container Services:- ይህ አገልግሎት አፕሊኬሽኖችን እና ሶፍትዌሮችን በ"ኮንቴይነር" (container) ውስጥ በማስቀመጥ በቀላሉ እና በፍጥነት ከተለያዩ ሲስተሞች ጋር እንዲሰሩ ያደርጋል። ይህም ገንቢዎች (developers) አፕሊኬሽኖችን መገንባትና አገልግሎት መስጠት ያስችላቸዋል።

🙋 Database Services:- ተቋማት የራሳቸውን ውድ እና ውስብስብ የዳታቤዝ ሲስተሞችን ማቋቋም አይጠበቅባቸውም፤ ይህን አገልግሎት በመጠቀም የተመሰረቱ ዳታቤዝ አገልግሎቶችን በቀላሉ ለመጠቀም ያስችለል።

🙋 Enterprise Application:- ይህ የንግድ ተቋማት የሚፈልጓቸውን የተዘጋጁ ሶፍትዌሮች እና አፕሊኬሽኖች በቀጥታ ከCloud ጋር ለማገናኘት የሚያስችል አገልግሎት ነው። ለምሳሌ እንደ የደንበኞች አገልግሎት (CRM)፣ የሂሳብ አያያዝ (ERP) እና ሌሎች የንግድ ሥራዎችን ለማስተዳደር የሚያገለግሉ ሶፍትዌሮችን ያካትታል።
እያንዳንዱ ከላይ የተጠቀሱት አገልግሎቶች ደግሞ የተለያዩ አማራጮች አሏቸው።
ለምሳሌ #የሁለቱን ልጥቀስላችሁ🙏

1. (Computer Services)

ይህ አገልግሎት የሚከተሉትን ያካትታል።
👌 Elastic Cloud Server (ECS):- ይህ አገልግሎት የተፈለገውን ኦፕሬቲንግ ሲስተም (እንደ ዊንዶውስ ወይም ሊኑክስ) መርጣችሁ መጠቀም የምትችሉበት ቨርቹዋል ሰርቨር (Virtual Server) ነው። እንደ ፍላጎታችሁ ሲፒዩ፣ ራም እና ስቶሬጅ በቀላሉ መጨመር ወይም መቀነስ ትችላላችሁ።

👌 Bare Metal Server (BMS):- ይህ አገልግሎት ሙሉ በሙሉ በግል ብቻ የምትጠቀሙበት ፊዚካል ሰርቨር ነው። ከቨርቹዋል ሰርቨር ውጭ ምንም አይነት የመሃል ሶፍትዌር (virtualization layer) የለውም። ከፍተኛ ፍጥነት ለሚጠይቁ ስራዎች ሙሉ ሰርቨሩን ልክ እንደግል ኮምፒዩተር/ላፕቶፕ መጠቀም ይችላል።

👌 Image Management Service (IMS):- ይህ አገልግሎት የሰርቨር ምስል (image) ለመፍጠር፣ ለማስተዳደር እና ለማጋራት ያስችላል። ሰርቨሩን አንድ ጊዜ ካዘጋጁ ትክክለኛ ቅጂ (image) በመያዝ፣ ሌሎች ሰርቨሮችን በፍጥነት ለመፍጠር የሚያስችል ነው።

👌 Auto Scaling (AS):- ይህ አገልግሎት የአፕሊኬሽን ወይም የድረገጽ የትራፊክ ፍሰት በመከታተል፣ ሲጨምር ተጨማሪ ሰርቨሮችን በራሱ ይጨምራል፤ ሲቀንስ ደግሞ ይቀንሳል። (በጣም ወድጄዋለሁ)
---

2. (Cloud Storage Services)

እነዚህ አገልግሎቶች የሚያካትቱት:-

👉 Elastic Volume Service (EVS):- ይህ አገልግሎት ለECS እና BMS ሰርቨሮች የብሎክ ስቶሬጅ (block storage) ያቀርባል። EVS ልክ እንደ ኮምፒውተር ሃርድ ድራይቭ ነው። በተለይም ሰርቨር ለመጫን እና የፕሮግራሞችን መረጃ ለማስቀመጥ ተመራጭ ነው።

👉 Object Storage Service (OSS):- ይህ አገልግሎት እንደ ፎቶዎች፣ ቪዲዮዎች እና ሌሎች ፋይሎችን ለማስቀመጥ ይጠቅማል። OSS ብዙ መረጃዎችን በተመጣጣኝ ዋጋ ለማስቀመጥ ጥሩ አማራጭ ነው።

👉 Scalable File Service (SFS):- ይህ አገልግሎት የብዙ ተጠቃሚዎች መረጃ በአንድ ላይ እንዲቀመጥ ያደርጋል። SFS ልክ በኔትወርክ ላይ እንዳለ ሼር (network share) ይሰራል፤ ይህም ፋይሎችን ከብዙ ሰርቨሮች በአንድ ጊዜ ለመድረስና ለመጠቀም ያስችላል።
#ኢትዮቴሌኮም እነዚህን የዘመኑ አገልግሎቶች በሚያስደንቅ ዋጋ አቅርቦ በአገር ውስጥ ቋንቋዎች በስፋት አለማስተዋወቁ ግርምትና ግርታ የሚፈጥር። ተቆነጃጅቶ ጨለማ ውስጥ መቀመጥ ምን ይሉታል❓ በፍጹም የማይጠበቅ!😪
በግል ወይም በተቋም ደረጃ መጠቀም ለምትፈልጉ ለየትኛው አገልግሎት የትኛውን መምረጥ እንደሚጠበቅባችሁ እና ተያያዥ የምክር አገልግሎቶችን ለአንድ ወር በነጻ እሰጣለሁ። በውስጥ ልታናግሩኝ ትችላላችሁ🙏

18/09/2025

የቴክ ግምገማ (Tech Review)

7 - "የማክቡክ ገዳይ"

በአገራችን እጅጉን ምርጥ እና አስደናቂ የሆነን ነገር፣ ምርት፣ ውበት. . . " ገዳይ ነው!" ይባላል። በእንግሊዝኛም ተመሳሳይ አገላለፅ ይጠቀማሉ:: ከምንም የላቀውን የሚገልጹበት ቃል "Killer . . . " ነው:: ይሁንና የማይክሮሶፍቱ Surface Laptop 7 Killer የተባለው ከላይ በተገለፀው መልኩ አይደለም:: ጭራሽ የአፕል ምርጥ የቅርብ ጊዜ ምርት የሆነውን MacBook Air M3 ገዳይ ወይም "The Macbook Killer" ነው የተባለው::

ማይክሮሶፍት አዲሱን Surface Laptop 7 ሲያስተዋውቅ ዋና ዓላማው አድርጎ የገለፀው የአፕልን ማክቡክ (MacBook) ለመፎካከር ከተቻለም ለመብለጥ ነበር። ላፕቶፑ በአጭር ጊዜ ውስጥ ሰፊ ተቀባይነት አግኝቶ የተጠቃሚዎች እና የገበያ ብልጫ አግኝቶ ብዙዎች "Macbook killer" ሲሉ ጠርተውታል:: በዚህ ምክንያትም አፕል በመጪው የአውሮፓውያን ዘመን መለወጫ አካባቢ ለገበያ ለማቅረብ መርሃ ግብር ይዞለት የነበረው MacBook Air M4 በተጠናቀቀው ሀምሌ ወር ለሽያሽ ለማቅረብ ተገዷል::

ስለሆነም ከ20 ዓመታት በላይ በጋዜጠኝነት እና በቴክኖሎጂ ምርቶች ገምጋሚነት የሰራው ፍሪላንሰር ኢያን ኢቨንደን ዳሰሳን ወደአማርኛ መልሼ አቅርቤዋለሁ::

---
#ዲዛይን

በዲዛይን ረገድ Surface Laptop 7 ከቀደሙት ሞዴሎች ብዙም የተለየ አይደለም። አሁንም ሳሳ ያለና የሚያምር አሉሚኒየም 'አካል' አለው። ከ13.8 ኢንች እና ከ15 ኢንች ስክሪን አማራጮች ጋር ቀርቧል። የቀለም አማራጮችም አዲስና ማራኪ ናቸው። ክብደቱ 1.66 ኪሎ ግራም አካባቢ በመሆኑ ለመያዝ ቀላል አድርጎታል።

#ፍጥነት

ይህ ላፕቶፕ እጅግ በጣም ፈጣን የሆኑትን አዳዲስ የኮዋልኮም ስናፕድራጎን ኤክስ (Qualcomm Snapdragon X) ፕሮሰሰሮችን ይጠቀማል። ይህ ፕሮሰሰር የሰው ሰራሽ እውቀትን (AI) በተሻለ ሁኔታ ይሰራል። እንደ 'Surface AI' የመሳሰሉ አዳዲስ ተግባራትን አካትቷል። ይህ ፕሮሰሰር ከማክቡክ ኤም (M) ቺፕስ ጋር ሊወዳደር የሚችል ፍጥነት እንዳለው እየተነገረ ነው።

#የባትሪ ዕድሜ

Surface Laptop 7 ብዙ ሰዓት የሚቆይ ባትሪ እንዳለው ተገልጿል። በአንድ ቻርጅ እስከ 20 ሰዓታት ድረስ መጠቀም እንደሚቻል ተፈሌገልጿል።

#ሶፍትዌር
Surface Laptop 7 የተጫነለት ኦይሬቲንግ ሲስተም Windows 11 ነው።

#ፕሮሰሰር
አዲሱ ስናፕድራጎን ኤክስ ፕሮሰሰር (ARM) ቴክኖሎጂን ስለሚጠቀም አንዳንድ የዊንዶውስ ፕሮግራሞችን ለመጠቀም የተለየ የኢሙሌሽን ቴክኖሎጂ (emulation) ይጠይቃል። ይህም አንዳንድ ጊዜ ፍጥነቱን ይቀንሰዋል።

#ማሳያ (Display)
2496 x 1664 pixels ነው። ይህም ከፍተኛ ጥራት ያላቸው ምስሎችን ለማየት ከማስቻሉም ባሻገር ለጨዋታ (Gaming)፣ ለሞሽን፣ ለሶፍትዌር ፕሮግራሚንግ፣ ለ3d እና ለሌሎችም የግራፊክስ ስራዎች ተመራጭነት አስገኝቶለታል።

ልህቀት (Ai)
የራሱ የማይክሮሶፍት ከሆነውን ኮፓይለት አርቴፊሻል ኢንተለጀንስ ጋር የተዋሃደ ሲሆን በጥሩ ሁኔታ እንዲሰራ ተመስክሮለታል።

#ዋጋው
በአማካይ $900 USD አካባቢ ሲሆን በእጅጉ ተመጣጣኝ እንደሆነ ተነግሮለታል።

ከአጠቃላይ የተጠቃሚዎች ምላሽ በመሆነሳት ከ2024/25 ከወጡ ላፕቶፖች ቀዳሚ ተብሎለታል።

በዚህም ለዓመታት በዘርፉ ሲያነክስ የነበረው ማይክሮሶፍት ከረጅም ጊዜ ጥናት እና ሙከራ በኋላ ያመጣው ላፕቶፕ የ"ማክቡክ ገዳይ" እንዲባል አስችሎታል።

#ጉድለት
Surface Laptop 7 የሚጠቀመው ስናፕድራጎን ኤክስ ፕሮሰሰር (ARM) መሆኑ ብቸኛ ጉድለቱ ተብሎለታል። በዚህ ምክንያት ተጠቃሚዎች አንዳአንድ ሶፍትዌሮችን በEmulation ለመጠቀም ከመገደዳቸውም በላይ ጭራሽ የማይቀበላቸው (የማይሰሩ) የዊንዶውስ ሶፍትዌሮች መኖራቸውም ታውቋል።

ይሁንና አሁንም በዊንዶውስ አርኤም (Windows on ARM) ላይ ያሉ የሶፍትዌር ችግሮች ሙሉ በሙሉ አልተፈቱም።

ስለሆነም የላፕቶፑ ተመራጭነት የማያጠራጥር ቢሆንም ከመግዛት በፊት ገዢው የሚያስፈልጉት ሶፍትዌሮች ARM ፕሮሰሰር የሚሰሩ መሆናቸውን ማረጋገጥ በጣም አስፈላጊ ነው።
👇
https://t.me/horntechcom

👇
https://www.facebook.com/share/17AWTKkm8X/

Horntech.com - የኢትዮጵያ የቴክኖሎጂው ማህበረሰብ ግንባር ቀደም ምርጫ - በቅርብ ቀን🚀

18/09/2025

የቴክ ግምገማ (Tech Review)

የSamsung Galaxy S25 Ultra ስማርትፎን በ2025 ከወጡ ስልኮች መካከል እጅግ የላቀ ቦታ ይዟል:: ይህም ያደረገው በዘመናዊ ቴክኖሎጂዎች እና በአርቴፊሻል ኢንተለጀንስ (AI) ላይ የተመሰረቱ ባህሪያትን እና የአጠቃቀም በመላበሱ ነው::

#ንድፍ

የS25 Ultra ንድፍ ቀደም ባሉት ሞዴሎች ላይ የተመሰረተ ነው:: ነገር ግን ይበልጥ ለአያያዝ ምቹ እና ለእይታ ማራኪ ዘመናዊና ተደርጎ የተነደፈ ነው። የቲታኒየም ፍሬሙ (Titanium frame) ስልኩን ጠንካራ እና በቀላሉ ለጉዳት የማይጋለጥ አድርጎታል::

#ስክሪን
ባለ 6.9 ኢንች ዳይናሚክ AMOLED 2X ስክሪን አለው። ይህ ስክሪን እጅግ በጣም ደማቅ ቀለሞችን፣ ጥርት ባለ ምስል እና እስከ 120Hz የሚደርስ የማደስ ፍጥነት (refresh rate) ያቀርባል። ይህም ለቪዲዮ እይታ፣ ለጨዋታ (Gaming) እና ለዕለታዊ አጠቃቀም እጅግ በጣም ምቹ አድርጎታል።

#ፕሮሰሰር
ስልኩ በSnapdragon 8 Elite For Galaxy ፕሮሰሰር የሚሰራ ነው:: ይህም እጅግ በጣም ፈጣን ያደረገው ሲሆን ትልልቅ ጨዋታዎች (Gaming)፣ በርካታ ዲጂታል ስራዎች (multitasking) እና የላቁ የሰው ሰራሽ ልህቀት ተግባራት በአንድ ጊዜ ያለምንም ችግር ለማከናወን ያስችለዋል።

#የባትሪ ዕድሜ
በ5000mAh ባትሪ ተገጥሞለታል:: የተሻሻለው የሶፍትዌር እና የፕሮሰሰር ቅልጥፍናም የባትሪ ዕድሜውን አሳድጎታል። በአንድ ሙሉ ቻርጅ እስከ 31 ሰዓታት ቪዲዮ ማየት ይቻላል።

#የካሜራ ሲስተም
S25 Ultra በካሜራው ጥራት ተወዳዳሪ የለውም። ዋና ካሜራው (main camera)የ200MP ነው፤ ሁለት የ50MP ቴሌፎቶ ሌንሶች (telephoto lenses) እና የ12MP አልትራዋይድ ሌንስ (ultrawide lens) አለው። እነዚህ ካሜራዎች በተሻሻለው የAI ProVisual Engine በመታገዝ የትኛውንም አይነት ፎቶ ወይም ቪዲዮ በከፍተኛ ጥራት ለመቅረጽ ያስችላሉ።

#ሰው ሰራሽ አስተውሎት (Ai)

Galaxy S25 Ultraን ከዚህ በፊት ታይቶ በማይታወቅ ሁኔታ ፎቶዎችን ለማንሳት ያስቻለው የካሜራው AI ነው። ይህ Ai ምስል ለማስተካከል፣ ዳራ (Background) ለመለየት እና ሌሎችም በርካታ ተግባራትን ለማከናወን ያስችላል።

በተጨማሪም ቪዲዮዎች በሚቀርጹበት ወቅት ያልተፈለጉ ድምጾችን ለማጥፋት የሚያስችል (Audio Eraser) የተባለ አዲስ ባህሪ አለው።

Galaxy S25 Ultra የተካተተበት የካሜራው Ai ብቻ አይደለም። ዋነኛው መለያ ባህሪው በሰፊው የተካተቱት ሌሎች የAI ተግባራት ናቸው።

ከእነዚህም መካከል:-
* Circle to Search
በእይታ ገጹ (Screen) ላይ የተፈለገውን በቀጥታ እንዲፈልግ (Search እንዲያደርግ) ያስችላል።

* Live Translate
በስልክ ጥሪ ጊዜ ድምጽ እና ጽሑፍን በቀጥታ ይተረጉማል።

* AI ProVisual Engine
በAi ታግዞ ፎቶዎችን እና ቪዲዮዎችን ጥራት ያሻሽላል።

#ዋጋ
ዋጋው እንደየአገሩ እና የማከማጃ (Storage) አቅሙ ይለያያል። የሁሉም ራም 12GB ሲሆን ማከማቻው (Storage) ግን 256GB፣ 512GB እና በ1TB ለገበያ የቀረበ ነው። እንደየአገራት የታክስ መጠንም የዋጋ ልዩነቶች አሉት። በዚህም መሰረት በኢትዮጵያ 12GB ራም ተመሳሳይ ሆኖ 512GB ማከማቻ (Storage) $170,000 ብር እና 1TB እስከ $220,000 ብር አካባቢ ይሸጣል:: በተለያዩ አገራት በ1TB ማከማቻ (Storage) ከ $1500 - $2000 የአሜሪካን ዶላር እንደሚሸጥ ድረገጾች ላይ የሚገኙ የዋጋ መግለጫዎች ያመለክታሉ። ይህ ዋጋ በጣም ከፍተኛ ቢሆንም አቅሙ ላላቸው እና አዳዲስ ነገሮችን ለሚፈልጉ ሰዎች ምርጥ ምርጫ ነው።

#ጉድለቶች
በአንድ ጊዜ ከፍተኛ ፕሮሰሰር ስለሚጠቀም በተለይም ቪድዮ ሲቀርጽ ተሎ ይግላል:: በተጨማሪም ከፍተኛ ባትሪ ይጠቀማል::

በተጨማሪም የካምፓኒው መረጃ ባትሪው እስከ 31 ሰዓታት ቪድዮ ማሳየት እንደሚችል ቢገልጽም በተግባር ግን በመደዋወልም ከ24 ሰዓታት በላይ አገልግሎት አይሰጥም::
👇
https://t.me/horntechcom

👇
https://www.facebook.com/share/17AWTKkm8X/

Horntech.com - የኢትዮጵያ የቴክኖሎጂው ማህበረሰብ ግንባር ቀደም ምርጫ - በቅርብ ቀን🚀

17/09/2025

#እንወያይ👌🙋

ከሰው ሰራሽ ልህቀት (AI) እና ቴክኖሎጂ ውጭ ህይወትን ማሰብ ዘግናኝ ነው:: ከእነዚህ ዘርፎች ውጭ ፈጣን ለውጥ ዝግ ነው:: የቀጣዩ ዘመን የሀብትና የእውቀት ማዕከል ሰው ሰራሽ ልህቀት (AI) እና ቴክኖሎጂ ለመሆናቸው መጠራጠር አይገባም::

ለምሳሌ እነዚህ ቁልፍ ዘርፎች:-
1. የፈጠራ እና የእድገት ማነቃቂያ (Catalyst for Innovation and Growth) ናቸው::

👌 በሌላ መንገድ የሳይንስ፣ የህክምና፣ የምህንድስና፣ የምርታማነት እና የሌሎችም ዘርፎች አዳዲስ ግኝቶችን እና ፈጠራዎችን ማሳካት ቀርቶ ማሰብም አይቻልም::

የገበያ ሥርዓቶችና አወቃቀሮች ሳይቀር የሚመሩት በሰው ሰራሽ ልህቀት (AI) እና ቴክኖሎጂ ይሆነል፤ አሁንም ተጀምሯል። በሂደቱ ተገቢ እውቀትና ክህሎት ጨብጦ አዳዲስ የኢኮኖሚ እድሎችን መፍጠርና ከዘርፉ የድርሻን መጨበጥ ግድ ነው።

2. የእውቀት ተደራሽነት እና ስርጭት (Democratization of Knowledge and Access) ከሰው ሰራሽ ልህቀት (AI) እና ቴክኖሎጂ ውጭ አይታሰብም።

ለተማሪዎች ሳይቀር የትምህርት ጥራትን በማሻሻል እና ተደራሽነቱን በማስፋት እኩልነትን ማረጋገጥ የሚያስችል መንገድ ነው።

3. የሰው ልጅ ችሎታ የሚሰፋውም (Augmentation of Human Capabilities) በእነዚህ ዘርፎች ነው::

አድካሚ እና ተደጋጋሚ ስራዎችና አሰራሮችን ለማሻሻል፣ ውስብስብ ችግሮችን ለመፍታት እና ለውጤታማነትም ቁልፍ ዘርፎች ናቸው::

ግራፊክስ ዲዛይነሮች፣ ሰዓሊያን፣ ጸሃፊያን፣ ሙዚቀኞች እና ሌሎችም የፈጠራ ባለሙያዎች የፈጠራ ስራዎቻቸውን ማበልጸግ የሚችሉት በተለይም Ai በመጠቀም ነው።
---
በአጠቃላይ AI እና ቴክኖሎጂ የእውቀትና የክህሎት ቋት፣ የፈጠራና የሀብት ማዕከል፣ የግል እና የህብረተሰብ ችግሮች መፍቻ ቁልፍ፣ የወደፊት ጉዞ መንገድ ናቸው። ለዚህም ነው በአግባቡ መጠቀም እና ማስተዳደር ወሳኝ የሚሆነው። ይሁን እንጂ የሰው ሰራሽ ልህቀት (AI)፣ የቴክኖሎጂ እና ተያያዥ መረጃዎችን፣ እውቀዮችና ክህሎቶችን ከዓለም እኩል ለመቀራመት የቋንቋ እንቅፋቶች ጠንካራ ግንብ ፈጥረዋል። በጋራ ይሄን ግንብ የሚያፈርስ አንዳጅ እርምጃ ካልወሰድን በግልም እንደአገርም ተነጥለን መቅረታችን ነው።

ከዚህ ግንዛቤ በመነሳት (ብዙዎቻችሁም ደጋግማችሁ በጠየቃችሁኝ መሰረት) የመፍትሄ ጠጠር ለመወርወር ዝግጅት እያጠናቀቅኩኝ ነው። በግሌ ለመጀመር እንጂ ከስራው ስፋት አንጻር ብቻዬን የምዘልቀው ስራም አይደለም። ስለሆነም ለጊዜው በአስፈላጊነቱ ላይ የሁላችንም የጋራ መግባባትና መነሳሳት መኖር አለበት። በአማርኛ ጀምረን በሌሎች አገር በቀል ቋንቋዎችም ለመቀጠል ቁርጠኝነቱ የሁላችንም ሊሆን ግድ ይላል።

ለዚህም የመጀመሪያው በጉዳዩ የማመን፣ የመነሳሳትና የቁርጠኝነት መግለጫ ለዚሁ ስራ ሲባል የተከፈቱትን የቴሌግራም እና የፌስቡክ ገጽ መቀላቀል ነው። ቢያንስ እኔ ጋር ያላችሁት ከ27K በላይ ተከታዮች መቀላቀል ሲጠበቅባችሁ ቴሌግራም 4.8K ፌስቡክ ደግሞ 1.5K አካባቢ ብቻ ናችሁ የተቀላቀላችሁት። በዚህ ሁኔታ እንዴት ነው ያቀድነውን ማሳካት የምንችለው❓ እስቲ እንወያይበት❗🙏🙆
👇
https://t.me/horntechcom

👇
https://www.facebook.com/share/17AWTKkm8X/

Horntech.com - የኢትዮጵያ የቴክኖሎጂው ማህበረሰብ ግንባር ቀደም ምርጫ - በቅርብ ቀን🚀

17/09/2025

#ድንቅ❗
ከታች ያለው ዲዛይን
👌 በAutoCAD 2025
ወይም
👌 በAutodesk Revit 2025
ወይም
👌 በ3D SketchUp Pro 2025
ወይም
👌 በRhino for architectur 2025 ወይም በሌላ የታወቀ ፕሮፌሽናል የአርክቴክቸር ሶፍትዌር የተሰራ ከመሰላችሁ ተሳስታችኋል::

በጥቂት የቃላት ትእዛዝ የተሰራ ነው:: Ai ስትራክቸራል ንድፍ ሳይቀር ወደ ዲዛይን ይቀይራል::

እየተራዳችሁና እየተጠቀማችሁ በሄዳችሁ ቁጥር ትደመማላችሁ፤ በAi ዓለም ምን እየሆነ እንዳለ በቃላት መግለጽ ይከብዳችኋል።

በነገራችን ሁላችሁም እንዲህ አይነትና ሌሎችም አስደናቂ ዲዛይኖችን (ፎቶግራፎችን) መስራት ትችላላችሁ።

እንዴት ለሚለው ጥያቄ መልሱ በቀጣይ ://xn--horntech-yv7a.com/ በማጋራቸው መረጃዎችና በምሰጠው ስልጠና ታገኙታላችሁ። ለጊዜው ከታች ያሉትን የቴሌግራምና የፌስቡክ አካውንቶች በመቀላቀል ጠብቁኝ። 🙏☺🙋

ዛሬውኑ ተቀላቀሉ:-
👇
https://t.me/horntechcom

👇
https://www.facebook.com/share/17AWTKkm8X/

Horntech.com - የኢትዮጵያ የቴክኖሎጂው ማህበረሰብ ግንባር ቀደም ምርጫ - በቅርብ ቀን🚀

16/09/2025

ስለቴክኖሎጂ ምርቶች ማወቅ ተጨባጭ እይታዎች ይሰጣል። በመረጃ ላይ የተመሠረተ የግዢ ውሳኔ ለማድረግ ይረዳል፤ ፍላጎት እና በጀት የሚያሟላ ቴክኖሎጂ ላይ ኢንቨስት ለማድረግ ያስችላል። የተለያዩ አማራጮች ጥቅም እና ጉዳቶችን በመረዳት ጊዜንና ገንዘብን ይቆጥባል።

የሰው ሰራሽ ልህቀት (AI) ዘርፍ በፍጥነት እያደገ ነው። በእለት ተእለት ህይወት ያለው እንድምታ እና አጠቃቀም መረዳት ከመቼውም ጊዜ በላይ አስፈላጊ እየሆነ መጥቷል።

ስለ ዲጂታል ፋይናንስ፣ ክሪፕቶከረንሲና አርቴፊሻል ኢንተለጀንስ አስተማማኝ መረጃ ማግኘት ግለሰቦች እና የንግድ ተቋማት እነዚህን ቴክኖሎጂዎች ለእድገትና ለፈጠራ እንዲጠቀሙ ያስችላል። በዘወትር በሚለዋወጠው የቴክኖሎጂ ምህዳር ውስጥ በመረጃ ላይ የተመሠረተ ውሳኔ ማድረግ ከህልውና ጋር የተሳሰረ ነው።

ስለሆነም ከላይ የተጠቀሱትና ተያያዥ እውነታዎችን መሰረት በማድረግ በራስ ቋንቋ የሚዘጋጅ horntech.com ድረ ገጽ ለመጀመር ዝግጅቱ እየተጠናቀቀ ነው።

ከድረገጹ ባሻገር በተለያዩ የማህበራዊ ሚዲያ አማራጮች ዘርፈ ብዙ የቴክኖሎጂ መረጃዎችን ተደራሽ በማድረግ በቴክኖሎጂ እውቀት እና ክህሎት የበለጸገ ማህበረሰብ ለመፍጠር ሁሉን አቀፍ ምንጭ ለመሆን ያለመ ነው።

Horntech.com - በኢትዮጵያ የቴክኖሎጂው ማህበረሰብ የሁሉም ግንባር ቀደም ምርጫ እንደሚሆን አያጠራጥርም🚀

ዛሬውኑ ተቀላቀሉ:-
👇
https://t.me/horntechcom

16/09/2025

ክቡራን እና ክቡራት . . .

በአገራዊ ቋንቋ በቴክኖሎጂ ዓለም ውስጥ የሁሉም ሰው ቀዳሚ ምርጫ እንደሚሆን የማያጠራጥረው horntech.com እየተጠናቀቀ ነው:: 🚀

ከድረገጹ ጋር በማቀናጀት ላይ በሁሉም ማህበራዊ ሚዲያዎች ተያያዥ መረጃዎች ይጋራሉ::

🙌 ድረ-ገፁ:-
* አቢይ ርዕስ (In-depth Analysis):- ስለ አንድ ርዕሰ ጉዳይ ጥልቅ ትንታኔ

* ዜናዎች (News):- የሀገር ውስጥ እና አለም አቀፍ የቴክኖሎጂ ዜናዎች
* ወርክሾፕ (Workshop):- አዳዲስ ክህሎቶችን ለመማር የሚያግዙ ተግባራዊ የሥልጠና መረጃዎች

* የቴክኖሎጂ ግምገማ (Product Review):- የሀገር ውስጥ እና የውጭ የቴክኖሎጂ ምርቶች ዝርዝር ግምገማ

* የአጠቃቀም መመሪያዎች (How-to Guides):- ነገሮችን በቅደም ተከተል (Step by Step) እንዴት መጠቀም ወይም መስራት እንደሚችሉ የሚያሳይ መመሪያ

* ፋይናንስ ቴክኖሎጂ (FinTech):- የዲጂታል ፋይናንስ፣ ክሪፕቶከረንሲ እና የክፍያ ሥርዓቶች ዙሪያ መረጃዎች
* ሰው ሰራሽ አስተውሎት (AI):- የአርቴፊሻል ኢንተለጀንስ አጠቃቀም ላይ የሚያተኩሩ መረጃዎች እና ስልጠናዎች

* ጨዋታ (Gaming):- የቪዲዮ ጨዋታዎች፣ ኮንሶሎች እና ተዛማጅ መረጃዎች

* ቅምሻ (Tips):- አጫጭር ነገር ግን ጠቃሚ የቴክኖሎጂ ምክረ ሀሳቦች

* ቃለ ምልልስ (Interview):- ከኢትዮጵያውያን የቴክኖሎጂ ባለሙያዎች ጋር የሚደረጉ ቃለ-መጠይቆች እና ሌሎችም . . . ይቀርቡበታል::

ጠቃሚ እና አዲስ መረጃዎችን ለማግኘት ዛሬውኑ :-
👇
https://t.me/horntechcom ተቀላቀሉ!

በማስተዋወቅም የተለመደው ድጋፋችሁን እጠይቃለሁ፤ በጋራ የዘርፉን ሰፊ ክፍተት እናጠባለን🙏

16/09/2025

ማይክሮሶፍት በAI የታገዘ ሳይበር ደህንነት ይፋ አደረገ

ማይክሮሶፍት በሰው ሰራሽ ልህቀት (AI) የታገዘ የደህንነት ስርዓት አስተዋወቀ።

በሳይበር ደህንነት ዘርፍ ስር ነቀል ለውጥ የተባለለት ይህ የማይክሮሶፍት ሴኪዩሪቲ ኮፓይሎት (Microsoft Security Copilot) የተሰኘ ስርዓት የደህንነት ስጋቶችን በአስተማማኝነት መከላከል የሚያስችል ነው።

በተለይም በራሱ ተነሳሽነት፣ ሊከሰቱ የሚችሉ የደህንነት ጉድለቶችን፣ ስህተቶችን እና የኮምፒዩተር ቫይረሶችን ጉዳት ከማድረሳቸው በፊት መለየት እና ማጥፋት መቻሉ አስደናቂ አድርጎታል።

በተለይም የማልዌር አይነቶችን በተናጠል የመለየት፣ የመተንተን እና የማጽዳት ልዩ ችሎታው በሳይበር ደህንነት ዘርፍ አዲስ እመርታ ተደርጎ ተቆጥሯል።

ይህ ሥርዓት የሳይበር ደህንነት ብቻ ሳይሆን በኮድ ውስጥ የሚያጋጥሙ የደህንነት ስህተቶችን (bugs) በፍጥነት ለይቶ በማሳወቅ እና በማስተካከል ለሶፍትዌር ፕሮግራመሮች ከፍተኛ እገዛ እንደሚያደርግ ታውቋል።

ምንጭ -

16/09/2025

GPT-5 በiOS 26 ይካተታል

አፕል iOS 26ን ከGPT-5 ጋር እንደሚያዋህድ አስታወቀ።

አፕል በሚቀጥለው ወር ከiPhone 17 ጋር አብረው በሚለቀቁት iOS 26፣ iPadOS 26 እና macOS Tahoe 26 ውስጥ GPT-5 እንደሚካተትበት ገልጿል።

ይህ ውህደት "Apple Intelligence" የተሰኘው የአፕል ሰው ሰራሽ አስተውሎት ይበልጥ ብልህና ፈጣን እንደሚያደርገው ይጠበቃል።

GPT-5 የOpenAI የቅርብ ጊዜ እና ምርጥ ሰው ሰራሽ ልህቀት (AI) ሲሆን በሚሰጠው ፈጣን ምላሽ፣ ውስብስብ ችግሮችን በመፍታት ብቃቱ፣ በጥልቅ የማሰብ ችሎታው እና በውጤታማነቱ እስከአሁን ካሉት ተመሳሳይ ሞዴሎች በእጅጉ የላቀ እንደሆነ ተነግሮለታል።

ምንጭ: Technology News

16/09/2025

በአይን እንቅስቃሴ የሚታዘዝ የኮምፒዩተር ቴክኖሎጂ ተሰራ

ቻይና አካል ጉዳተኞች በአይናቸው የሚቆጣጠሩት የኮምፒዩተር ቴክኖሎጂ ይፋ አደረገች።

የቻይና ተመራማሪዎች አካል ጉዳተኞች በአይን እንቅስቃሴ ብቻ ኮምፒዩተርን ሙሉ በሙሉ መቆጣጠር የሚያስችላቸውን አዲስ ቴክኖሎጂ መፍጠራቸውን አስታወቁ።

ይህ ቴክኖሎጂ በተለይ የአካል ጉዳት ላለባቸው ሰዎች የኮምፒዩተር አገልግሎትን በቀላሉ ተደራሽ እንደሚያደርግ ታምኖበታል።

ምንጭ: The Hindu - Technology

Horn Tech

26/09/2025

24/09/2025

21/09/2025

18/09/2025

18/09/2025

17/09/2025

17/09/2025

16/09/2025

16/09/2025

16/09/2025

16/09/2025

16/09/2025

Address

Website

Alerts

Shortcuts

Share

Category