Sabom mame 2

07/03/2025

07/03/2025

07/03/2025

የአቢይ እና የረመዳን ፆሞች
የአብሮነት ምልክቶች

ኢትዮጵያ በሃይማኖት ብዝሃነት የምትታወቅ፣ የኢትዮጵያ ኦርቶዶክስ ክርስትና እና እስልምና ለዘመናት አብረው የኖሩባት ሀገር ነች። የዐቢይ ጾም እና የረመዳን ጾም በሚሊዮን ለሚቆጠሩ ኢትዮጵያውያን ጉልህ ሃይማኖታዊ ሥርዓቶች ናቸው። እነዚህ የጾም ጊዜዎች ሲገጣጠሙ ለሀገር አንድነት፣ ለማህበራዊ ትስስር እና ለሥነ ምግባር መታደስ ልዩ ዕድል ይሰጣሉ። ኢትዮጵያ እንደ ሀገር፣ ህዝቦቿ እና መንግሥቷ ከእነዚህ ሃይማኖታዊ ሥርዓቶች እጅግ ብዙ እሴቶችን ይወርሳሉ።

ብሄራዊ አንድነት እና ማህበራዊ ትስስርን ማጠናከር የሀይማኖቶች አብሮ የመኖር ውጤት ነው። ኢትዮጵያ የረጅም ዘመናት የሃይማኖት የመቻቻል ታሪክ አላት። ክርስቲያኑም ሆነ ሙስሊሙ በአንድ ጊዜ ሲጾሙ በተለያዩ ሃይማኖታዊ ቡድኖች መካከል ያለውን የአንድነትና የመከባበር መንፈስ ያጠናክራል።

የሁለቱም ሀይማኖት የጾም ትውፊቶች ራስን መግዛትን፣ ትዕግሥትን እና መንፈሳዊ እድገትን ያጎላሉ፣ ይህም የበለጠ ግንዛቤ ያለው እና ሰላማዊ ማህበረሰብ ለመፍጠር ይረዳል።

ፆም በማህበረሰቦች መካከል ያለውን ትስስር ያጠናክራል። በዚህም ሰላምን እና መረጋጋትን በማሳደግ ማህበራዊ ውጥረቶችን ይቀንሳል።

ጾም ግለሰቦች ከግጭት ይልቅ በመንፈሳዊነት፣ በጸሎት እና በመልካም ተግባራት ላይ እንዲያተኩሩ ያበረታታል፣ ይህም በህብረተሰቡ ውስጥ ሰላማዊ አኗኗር እንዲሰፍን ያደርጋል።

የክርስትናም ሆነ የእስልምና ሀይማኖት አስተምህሮዎች ይቅርታን፣ በጎ አድራጎትን እና እርቅን ያጎላሉ ይህም ማህበረሰቦች ካለፉት መከፋፈል እና ግጭቶች እንዲፈውሱ ይረዳል። እነዚህን እሴቶች በመጠቀም ወደኋላ የሚጎትቱንን በደሎች በመሻር፤ እርቅንም በመፈፀም እና በጎ አድራጎትን በመለማመድ የፆሙን ወቅት ለበጎ አላማ መጠቀም ይኖርብናል።

በመሆኑም አብዝቶ ይቅርታና የሰላም ሰባኪ መሆን ያስፈልጋል። የፆም ወቅቶች የአንድነት እና የሀገር መረጋጋት መልዕክቶችን በማስተዋወቅ ህዝቦች ሰላም የሰፈነባት ኢትዮጵያ እንድትሆን ማበረታታት ከባለድርሻዎች የሚጠበቅ ነው።

ሁለቱም የጾም ትውፊቶች ለድሆች መስጠትን እና የተቸገሩትን መርዳትን ያጎላሉ። ይህም ድህነትን የሚቀንስ እና ተጋላጭ ማህበረሰቦችን የሚደግፍ የማህበራዊ ሃላፊነት መንፈስ ይፈጥራል። በመሆኑም ይህንን መልካም ዕድል በመጠቀም አቅም ለሌላቸው ወገኖች እጆቻችንን መዘርጋት ይኖርብናል።

ፆም ግለሰቦች፣ የመንግስት ባለስልጣናትን ጨምሮ ታማኝነትን፣ ተግሣጽን እና ራስን ማጤን እንዲለማመዱ ያበረታታል። ይህ ለሥነ ምግባር አመራር ባህል አስተዋፅዖ ያደርጋል።

የኢትዮጵያ ኦርቶዶክስ ተዋሕዶ ክርስትና እና የእስልምና ሃይማኖት ተከታዮች የጾም ወቅቶች ሃይማኖታዊ ሥርዓቶች ብቻ ሳይሆኑ ለአገር አንድነት፣ ሰላም፣ ኢኮኖሚያዊ ዕድገትና ሥነ ምግባራዊ አስተዳደር ጠንካራ መሣሪያዎች ናቸው።

ኢትዮጵያ እንደ ሀገር፣ ህዝቦቿ እና መንግሥቷ እነዚህን ወቅቶች ማህበራዊ ስምምነትን ለማጎልበት፣ ግጭቶችን ለመቀነስ፣ በጎ አድራጎትን ለማበረታታት እና ጠንካራ ሀገር ለመገንባት ትጠቀምበታለች። ሀገራችን ኢትዮጵያ የጾምን እሴቶች ማለትም ፈርሃ ፈጣሪን፣ ትዕግስትን፣ ይቅርታን እና ሌሎችን ማገልገልን በመቀበል ወደ የበለጠ የበለጸገ እና ሰላማዊ ወደፊት ትሻገራለች።

prosperity

07/03/2025

05/03/2025

በመደመር ያነገበውን ትልም በተግባር ባህል እያደረገ ያለው የብልፅግና ሁለንተናዊ ጉዞ ‼

ብልፅግና ከምስረታው ጀምሮ በአስቸጋሪ ሁኔታዎች ውስጥ በማለፍ የሀገርን ህልውና በቁርጠኝነት በማስቀጠል ነገን አሻግሮ በማየት ከትናንሽ ፈተናዎች የተሻገረ ሀገራዊ ትልም በመያዝ በፓለቲካዊ ፣ በማህበራዊ ፣ በኢኮኖሚያዊ ዘርፎች ከቱሪዝምና ቴክኖሎጂ ጋር አጅቦ ከመሽኮረመም የተላቀቀ የዲፕሎማሲ ጉዞውን እውን ለማድረግ በመጀመሪያው ደማቅ ታሪካዊና የዘመናት ስብራትን በጠገነው ድንቅ የሆነ ጉባኤ ላይ በተግባር አረጋግጧል ።

በእነዚህ ስኬቶች መሀል የገጠሙት ፈተናዎችን ሰከን ባለ ጥበብ በተሞላበት የአመራር ሰጪነት እያለፈ ሀገራችንን ከተደገሰላት የጥፋት ድግሶች የጠበቀ በመጀመሪያ የፓርቲ ጉባኤ የተገኙት ድንቅ ስኬቶች ሳያዘናጋው በህዝብ ያገኘውን የምርጫ ድምፅና ቅቡልነት በአስቸጋሪ ፈተናዎች መሀል ያልተቋረጠው ህዝባዊ ድጋፍን እንደ ስንቅና አቅም በመያዝ ሁለተኛው የጉባኤው ጉዞውን ጀምሯል ።

ጠንካራ ቅቡልነትን ያስቀጠለ የፓርቲ ተቋም በመገንባት ፣ ገዥ ትርክትን ብቸኛ መገለጫው ያደረገ አርበኛ ትውልድን ለመፍጠር ሁለንተናዊ ሰላምን መሰረቱ ያደረገ በጠንካራ የፍትህ ተቋም እየተረጋገጠ ዲሞክራሲን ባህሉ ያደረገ ሀገረ መንግስት መገንባት ለሁለተኛው ጉባኤ የተሻገረ ቃል ነው ።

ከግለሰብ ጀምሮ በተለወጠ የማህበረሰባዊ ህይወት በጋራ የሚረጋገጥ የኢኮኖሚ ልዕልና መዳረሻውን ያደረገ ለውጥ በጋራ የሚሳካ የማህበራዊ ብልፅግና ከሰው ተኮር ተግባር ጋር እያሰናሰለ በሀገራዊ ክብር ታጅቦ ባህር የተሻገረ ዜጋ ተኮር ዲፕሎማሲ ድምቀቱ ይሆናል ።

የሀገር እድገት የጀርባ አጥንት የሆነው ዘመኑን በዋጀ ቴክኖሎጂ ታግዞ ተስፋ ሰጪ የሆኑ ምልክቶች እየታዩበት የሚገኘውን የአገልግሎት ዘርፍ በህብረ ብሔራዊ ወንድማማችነትና እህትማማችነት ያደመቀ ኢትዮጵያን የሚመስል ሲቪል ሰርቪስ መገንባትን የጉባኤ ቃሉ አድርጓል ።

በነጠላ ትርክት እሳቤ ሚዛኑን የሳተውን የሚዲያውን አውድ በገዥ ትርክትና ህብረ ብሔራዊነት ደማቅ ቀለም መቀየርን የ2ኛ ጉባኤው ውሳኔ አድርጎ ኢትዮጵያን ከሚጨበጥ ተስፋ ወደ ሁለንተናዊ ብልፅግና ተምሳሌትነት በማረጋገጥ እውን ይሆናል ።

prosperity

04/03/2025

ጠንካራ የዲሞክራሲ ባህል ግንባታ ፤ ለጠንካራ ሀገረ-መንግስት ግንባታ!

ጠንካራ የዲሞክራሲ ባህል ግንባታ ሲባል ለህግ የበላይነት መቆም፣ ሰብአዊ መብትና መሰረታዊ ነፃነቶች መከበር፣ ግልፀኝነት ተጠያቂነት ፣ለብዘሃነት እውቅና መስጠትና መብት ማክበር፣ የራስን ፍላጎት በነፃነት መግለፅና የሌሎችን ሃሳብ ለማዳመጥ ክፍት መሆን፣ ግጭትን በሰላማዊ መንገድ መፍታት እኩል ተሳትፎ እና ተጠቃሚነትን ማረጋገጥ ያካተተ ነው።

ለጠንካራ ሀገረ መንግስት ግንባታ የፓለቲካ አውዳችን ከፉክክር ባሻገር ትብብርን እንዲያካትት ፣ ከመገፋፋት ይልቅ እርስ በእርስ ተደጋግፎ ችግርን በጋራ የማለፍ ልምድን እንዲያዳብር ማድረግ ቀዳሚ ተግባር ሊሆን ይገባል።

ከመናናቅ ይልቅ መከባበር ፣ ከእኔ ይልቅ እኛ ማለትን ፤ የአንዳንችን የሁላችን መሆኑን መረዳትን፣ ከጥላቻ እና ቂም በቀል ይልቅ እርቅና ይቅር ባይነትን ገንዘብ ማድረግ ተገቢ ነው።

እነዚህን ወርቃማ የአስተሳሰብ ከፍታ ተጠናክረው እንዲቀጥሉ ሁላችንም የበኩላችንን ልናበረክት ይገባል። መልዕክታችን ነው።

prosperity