Tulla Seventh Day Adventist Church

11/09/2025

10/09/2025

እንደ ከርስቲያን ከጌታ ጋር ባለን ግንኙነት ምን ለማድረግ አስበናል?

አዲስ አመትን ባስመለከተ የተለያዩ ሚዲያዎች የመልካም ምኞት መግለጫዎችን ያስደምጡናል። ብዙዎቻችንም አዲስ አመት ሲመጣ ልናደርግ የምናስባቸውን እንዘረዝራለን ጌታም እንዲረዳን እንጸልያለን። የተለያዩ እቅዶችን እናቅዳለን። ለምሳሌ አንዳንዶች በትምህርቴ ማሻሻል አለብኝ፤ የከፍተኛ ትምህርት እቀጥላለሁ፤ ከሱስ መላቀቅ አለብኝ፤ ማግባት አለብኝ፤ የንግድ ስራ መጀመርአለብኝ ወ.ዘ.ተ.
እንደ ከርስቲያን ከጌታ ጋር ባለን ግንኙነት ምን ለማድረግ አስበናል?
በእግዚአብሔር ፀጋ ለማደግ፣ በአገልግሎት ለመትጋት፣ በቃል ጥናትና በፀሎት ለመጠናከር ወ.ዘ.ተ.።
ኢዮብ "ዘመኔ ከሸማኔ መወርወርያ ይልቅ ይቸኩላል" (ኢዮብ 7፡6) ይላል። ዘመኑ እጅግ ይፈጥናል፤ ዘመኑ የሩጫ ዘመን ነው። ሁሌ እንቸኩላለን፤ በፍጥነት እንሄዳለን፤ ስንናገር፣ ስንበላ፣ መኪና ስንነዳ በፍጥነት ነው። የሩጫ ሕይወት የበዛበት ዘመን ነው።

ባለመዝሙሩ ዳዊት ምን ያህል ዘመን እንደሚኖር፣ መች እንደሚሞት ማወቅ ፈለገ። በመዝ. 39፡ 4-5 "አቤቱ ፍጻሜዬን አስታውቀኝ፤ የዘመኔ ቁጥሮች ምን ያህል እንደሆኑ፤ እኔ ምን ያህል ወደ ኋላ እንደምቀር አውቅ ዘንድ። እነሆ ዘመኖቼን አስረጀሃቸው…” “የዘመናችን እድሜ ሰባ አመት ቢበረታም ሰማንያ አመት ነው፤ ቢበዛ ግን ድካምና መከራ ነው። መዝሙር 90፡10

ሰባ እና ሰማንያ አመት ብዙ ይመስላል ነገር ግን በጣም አጭር ነው። እስቲ እያንዳንዳችሁ የኖራችሁበትን ዘመን አስቡ፤ ምናልባት አርባ፣ ሃምሳ፣ ስድሳ ሞልቷችሁ ይሆናል። የኖርንበትን ዘመን ስናስበው በጣም ትንሽ የትናንት ያህል ነው የሚመስለን።
ጳውሎስ ጊዜው አጭር በመሆኑ እንዴት መኖር እንዳለብን ይመክረናል “እንግዲህ ጥበብ እንደሌላቸው ሳይሆን እንደ ጥበበኞች እንዴት እንድትመላለሱ በጥንቃቄ ተጠበቁ! ቀኖቹ ክፉዎች ናቸውና ዘመኑን ዋጁ” (ኤፌ. 5:15-16)። ቁጭ ብለን ስለትናንቱ ማሰብ የለብንም፤ ትላንት ተመልሶ አይመጣም። ለዚህም ነው ጳውሎስ “አንድ ነገር አደርጋለሁ በኋላዬ ያለውን እየረሳሁ በፊቴ ያለውን ለመያዝ እዘረጋለሁ" ያለው። በፊልጲስዮስ ያሉ ክርስቲያኖች በከርስቶስ ወደሚገኘው ፍጽምና የደረሱ የመሰላቸው ሰዎች የሞሉበት ስፍራ ይመስለኛል። እርሱ ግን ለራሱ እንዳልደረሰ ስለሚያውቅ ወደ ፍጽምና ለመድረስ፣ ወደ ግብ ለመድረስ አፈጥናለሁ ወደዚያ ለመድረስ ደግሞ በኋላዬ ያለውን መርሳት አለብኝ አለ።

ወደኋላ ዞር ስንል ብዙ መጥፎ ትዝታዎች አሉ። ውድቀታችንን፤ድክመታችንን፤ መተላለፋችንን፤ ሁሉ እየረሳን በአዲስ አመት በክርስቶስ ወደሚገኘው ፍፅምና፣ቅድስና መዘርጋት አለብን። ወደኋላ ዘወር ብለን ውድቀታችንን በኃጢአት ምክንያት ያባከነውን ጊዜና ገንዘብ እያስታወሱ መቆጨት አይፈይድም። በአልባሌ ስፍራዎች ያሳለፍናቸውን ጊዜያት በማሰብ ራስን መውቀስ አይበጅም፡፡ ይልቅስ እንደ ጳውሎስ ከኋላ ያለውን እየረሳን ከፊት ያለውን ለመያዝ የጀመርነውን የእምነት ሩጫ ሳናቋርጥ በመሮጥ፣ እግዚአብሔር ሲናገረን በማዳመጥ፣ ከርሱ ጋር የምንገናኝበትን የፀሎት ሕይወት በማጠናከር፣ ደግሞ ከእኛ የሚፈለግብንን ሃላፊነት በመወጣት፣ በቅድስና ሕይወት በመመላለስ ጊዜያችንን በአግባብ መጠቀም እንድንችል ጌታ ይርዳን።I

02/08/2025

ቤትና ቤተሰብ ፕሮግራም

25/07/2025

መልካም ሰንበት።
Happy Sabbath.
Dancha Sanbata.