https://www.facebook.com/239841126147239/

Green Light Media, Hirna (2025)

10/11/2025

01/11/2025

የሀዋሳው ባለግዜው አዛውንት !

እኚህ ከዚህ በታች በፎቶግራፍ ላይ የተመለከተው አባት የሀዋሳ ከተማ ነዋሪ ስሆኑ ትናንት እድሜ የተጫናት ኮሳሳ የቀበሌ ቤት ውስጥ የጡረታ ዘመናቸውን ይኖሩ ነበር።

ከእለታት በአንዱ ቀን አንዱ ባለግዜ ነኝ ባይ የክልሉ ባለስልጣን እኚህን አባት አፈናቅሎ ያቺን ደሳሳ እድሜ የተጫጫናትን ቤት እና እድሜ የተጫናቸውን አዛውንት ገለል አድርጎ የራሱ አደረገው።

ባለግዜው ባለው ሀብትና ስልጣን ልክ የሚመጥነውን ቤት በመንግስት መሬት ላይ በመንግስት በጀት በከተማው እየተሰራ ያለው የኮልደር ልማት በጀት አካል አድርጎ ለቤተሰቦቹ መኖሪያ የሚሆን እልል ያለ ቪላ ቤት ከተሟላ ሙቅና ቀዝቃዛ ሻውር ጋር በርካታ ሚሊየኖች ብር ከስክሶ ይሰራል።

አንዳንዶች እንደሚሉት ጃኩዚና ሳውና ባዝም አለው ይላሉ። ከዛ በአንዱ ለባለስልጣኑ በተረገመ ቀን (ለሽማግሌው ግን በእግዚአብሔር ቀን) ቤቱን እንዲለቅና ለባለቤቱ እንዲያስረክብ ከመንግስት ቀጭን ትእዛዝ ወረደ።

በመጨረሻም ምስኪኑ አዛውንት ቀድሞ ኮሳሳ የነበረች ጎጆዋቸው በተንጣለለ ቪላ ተተክቶ ቀሪ ዘመናቸውን እድሜ ሊጨምር በሚችል ሳውና ባዝ ፏ ፈሽ ይሉበት ዘንድ እግዚአብሔር ተናገራቸው።

ባለግዜ እግዚአብሔር አብሮት ያለ ብቻ ነው በማለት መልዕክቱን ያጋራው ታሪኩ ዱባለ ነው ።

26/10/2025

የከፋ የሚያደጉ ድህረ ሹመት ነባር ቅርሶች (ከልምድና ገጠመኝ)
------------------------))
ከወንድማገኝ ታዬ ደማ (ፔኪንግ ዩኒቨርሲቲ ቤጂንግ ቻይና) እንደፃፈዉ።

እንደሚታወቀው የሀገራችን የፖለቲካ ሹመት እና የአሜሪካን ዲቪ የማይደርሰው ይኖራል ተብሎ አይገመትም።

ሁለቱም ድንገት የሚከሰቱ ዕድሎች ናቸው ልዩነታቸው ያው ከሹመት ስትወርድና ወደአሜሪካን ከበረርክ በኃላ እንጂ አመጣጣቸው ድንገት ነው።

ማናችንም ብንሆን ሹመት የሚሰጠን ለመውረድ እንጂ እስከዘላለም አለመሆኑ ሀቅ ነው ስለዚህ አንድ ተሿሚ ከሹመት መውረዱን እርግጠኛ መሆን ያለበት የተሾመ ቀን እንጂ የወረደ ቀን አዲስ ሊሆንለት አይገባም ከሆነም ልክ አይደለም። ለዛሬ ድህረ ሹመት የሚገጥሙንን ሲወርዱ ስዋረዱ የመጡ ገጠመኞችን ጀባ ልበላችሁ!

#በባለፈው በዓል እንኳን አደረሰህ ተብለው ከተላኩል አንድ ሺ አንድ ሜሴጆች መካከል በአሁኑ በአል አምስቱ ሰዎች ብቻ ይልኩልሀል እነሱም አባትህ; እናትህ; ወንድምህ እህትህ እና አንድ በስህተት መውረድህን ያልሰማ ሰው።

#ትናንት "ማቲ ወይም ማርክ" ብለው የሚጠሩህ ዛሬ መውረድህን ስላወቁ "ማቴዎስ ወይም ማርቆስ" ብለው ሙሉ ስምህን ይጠራሉ አይድነቅህ ትንሽ ስቆዩ "ማቶሳ ወይም ማርቆሳ" ማለታቸው አይቀርም የተለመደ ነው።

#የሞባይልህ ጥሪ ይናፍቅሀል ትናንት እናቱ ጥላው ገበያ እንደሄደች ህፃን ስጮህብን የነበረው ሞባይልህ ጥሪውን አቁሞ በሚስትህ ሞባይል ራስህ ደውለህ ጥሪውን አለመቀየሩን ታረጋግጣለህ ኖርማል ነው።

#በጣም የሚቀርቡህ ሰዎች መንገድ ላይ ሲያገኙህ "ወይኔ ቀፎ ቀይሬ የአንተ ስልክ የድሮው ቀፎ ላይ ቀርቶ ሳልደውልልህ" ይሉሀል የያዘው ቀፎ አንተ ከመሾምህ በፊት የገዛውን ነው። "ነው እንዴ" ብለህ እለፈው

#በእግርህ ስትሄድ ያዩህ ሰዎች "ወይኔ ምን ሆነህ ነው" ሲሉህ አትደንግጥ ምንም አልሆንክም ከአይኑ ነው

#ምደባ ጥየቃ ደብዳቤ ይዘህ ሰው ሀብቶች ጋ ስትሄድ ለምን መጥተህ ነው ይሉሀል? የመጣሁበትን ታውቃለህ በል! ቀጥሎ የትምህርት ዝግጅትህን ይጠይቅና አጣርቼ ነግርሃለው ይልሀል።

ምንም የሚያጣራው የለም ተመልሰህ ስትመጣ በአንተ ሙያ መደብ የለንም ይልሀል። አንተ መደብ አጣርተህ የመጣህ መሆኑን እያወቀ ።

#ሆቴል አንድ ቡናና ግማሽ ሊትር ውሃ ተጠቅመህ አታችመንት ይሁን ካሽ የሚልህ አስተናጋጅ በቅንነት መሆኑን ተረዳ መውረድህን አልሰማም::

#ልጆችህ ምን ሆኖ ነው ጋሼ ቤት መዋል አበዛ ሊሉህ ይችላሉ አትደንግጥ በሹመት ዘመን ያለህን ትርፍ ጊዜ በሙሉ ለእነርሱ አውለህ ከሆነ ኖርማል ይሆናቸዋል ያለበለዚያ ማስረዳቱ ከባድ ነው የዘመኑ ልጅ መልስ ስትሰጠው ሌላ ጥያቄ ማብዛቱ አይቀርም።

#ብሶት አናዛዥ ከአንተ ቀድሞ የወረደ ተሿሚ ያለወትሮው አንተ ጋ ደጋግሞ ሊመጣ ይችላል አታቅርበው የስራ ፈጠራ ሀሳብ አይነግርህ ተጨማሪ ብሶት ነው የሚጭንብህ።

#ከሹመትህ የወረድክ ቀን በሹመትህ ምክንያት የቀረቡህ ጓዶች በሙሉ እንዳትቀርቡ ተብለው ግልባጭ ስለሚደረግላቸው አትደንግጥ ትናንት የወረዱት ገጥሟቸው ነገ የሚወርዱትም ይገጥማቸዋል።

#አለቃ (ቦስ) የሚልህ ሾፌርህ "friend ሰላም ነው?" ካለህ "አለው friend እንዴት ነህ?" ብለህ በማዕረግህ መልስለት በቃ አንተን ማዕረግህ "friend" ሆኖ ቆይቷል። ይህም ማዕረግ የሚሠጥህ መልካም ኃለቃ ከሆንክ ነው አለበለዚያ የከፋም አለ።

መፍትሔው
1. የልጅነት የሰፈርና የትምህርት ቤት ጓደኞችህን ስትሾም አተርሳ ስትወርድ የሚቀበሉህ እነሱ ናቸው። ከጓደኞችህ ጋር የምትጠቀሟቸውን ጁስ ቤቶች; እርጎ ቤቶችን; አሳምቡሳ ቤቶችን በሹመትህ ጊዜ አብረሀቸው ሂድ ስትወርድ ሌላው ይቀየራል እነሱ አይቀየሩም።

2. ለልጆችህ እና ለባለቤትህ በቂ ጊዜ ስጥ ። በሹመት ምክንያት የፍጆታ ፍላጎታቸውን አታስፋው በኃላ ዕዳ ይሆንብሀል ይልቁን ድንገት የሚመጡ ተጨማሪ ገቢዎች ቆጥብ። እጅ ፍሬንህ ጠንካራ መሆን አለበት በታኮ አትቁም።

3. ቤተክርስቲያን መሄድ አትተው አስራት; መባህን; በኩራትህን ሰጥተህ ህዝብ መሐል ቁጭ በል ስትወርድ ብቸኛው ምትፅናናበት ቦታ ቤተክርስቲያን ነው::

እዛ መሄድ ካቆምክ የወረድክ ቀን የጠፋው ልጅ መጣ ብሎ ለጣትህ ቀለበት አዘጋጅቶ የሰባውን ፊርዳ የሚያርድ የለም በግልምጫ ልያርዱህ ሁሉ ይችላሉ "ደግሞ ለምን መጣ ዛሬ ሊሉህ ሁሉ ይችላሉ።

4. በስልጣን ዘመንህ ለሌባና እና ህገወጥ ሰው አትራራ ህዝብ ውስጥ የሚቀርልህ ማህበራዊ ሀብት እሱ ነው። ከተሞዳሞድክ ህዝቡ በነገር ያሳቅቅሀል።

5. በውስን በጀት መምራት ከባድ ስለሆነ በተለየ መልኩ ሰውን አስደስታለው ብለህ አትጨነቅ አሰራሩ ከቻለ ያስደስተው አንተ አሰራሩን ብቻ አስጠብቅ። በሌለ በጀትና መደብ አንድ ሰው አስደስተህ ከ100ሺ በላይ ሰዎች ልቀየምብህ ይችላል። ስትወርድ የማትችለው ዕዳ ነው የሚሆንብህ።

6. ከቤት ውጪ አትብላ አትጠጣ ስጋ ባዳ ነው ይከዳል አጥንትህ ነው ዘመድ አይከዳም።

7. በእግር በየቀኑ መራመድ አትርሳ ለነገ ጥንካሬህ ሐብት ነው።

8. ሾፌርህ ለሚስቱ ባል ለልጆቹ አባት እንደሆነ አትርሳ የመኪናው አንድ አካል አታድርገው። ስትወርድ የአንተ ፋይል ፖስወርዱን እሱ ጋ ጥለህ ነው የምትሄደው።

ወንድማገኝ ታዬ ደማ (ፔኪንግ ዩኒቨርሲቲ ቤጂንግ ቻይና) እንደፃፈዉ።