26/06/2025
Zohran Mohamood Mamdani; oo ah 33 jir kana mida xisbiga dimoqraadiga ed dalka Mareykanka ayaa ku guulaystay doorashada hordhaca ah ee Maayarka magaalada New York.
Zohran waxa uu ku dhashay magaalada Kampala ee dalka Uganda, waxaana dhalay Mohamood Mamdani iyo Mira Nair. Mira Nair waa hooyadiisa waxa ay ahayd filin sameeyso Maraykan Hindiyana. Zohran oo jira 7 sano ayay sida ay Murti Media soo xiganayso qoyskoodu u guureen magaalada New York ee dalka Mareykanka, halkaas oo uu ka dhigtay iyo jaamacad ba. Zohran waxa uu aasaasay intii uu Jaamacadda ku jiray ururka ardayda ee cadaalad doonka Falastiin.
Zohran haddii doorashadan si rasmiya ugu guulaysto waxa uu noqonayaa qofkii Muslimka ahaa ee waliba koonfurta Asia ka soo jeeda noqday Mayorka magaalada New York.
Zohran waxyaabaha uu ku ololaystay waxaa ka mida:
1. Basaska dadwaynuhu raacaan in uu lacag la'aan ka dhigi doono
2. In uu samayn doono dukaamo waawayn oo ay dawladdu leedahay si loo dhimo sicir bararka maciishada
3. Dhimitaanka lacagta kirada guryahay
4. Dhismaha 200,000 oo guri oo qiimo jaban si loo dhimo guryo yaraanta
Waxyaabaha kale ee cajiibka ah ee laga hayo ninkan waxaa ka mida:
1. Shaydaanyahu hadii uu New York lugta soo dhigo anoo Mayor ah xabsigaan dhigayaa
2. Narandra Modi waa gacan ku dhiigle
Zohran waxyaabaha uu aadka taageerada ugu helay waa isticmaalka baraha bulshada gaar ahaan soo duubista muuqaallo yar oo kookooban oo uu kaga hadlayo maciishadda iyo sida loo dhimi karo sicir bararka iyo guud ahaanba arrimaha bulshada.
Akhriste ma isleedahay magaalooyinka deegaanka Soomaalida ee waawayni waxay u baahan yihiin Maayor la dootay? Gaar ahaan caasimadda Jigjiga?
