21/07/2025
Maxaa ka cusub bayaanka dib loo habeeyay ee doorashooyinka Itoobiya.
Guddiga Doorashooyinka Qaranka Itoobiya ayaa sheegay in wax-ka-beddelka lagu sameeyay sharciga doorashooyinka uu muhiim u yahay in si hufan, dimuqraadi ah oo daah-furan loo qabto doorashada 7aad ee heer qaran.
Guddoomiyaha guddiga, Melat Work Hailu, ayaa ku dhawaaqday in xeerka la cusbooneysiiyay kadib wadatashi ballaadhan oo lala yeeshay hayโadaha ay khusayso.
Wax-ka-beddelka xeerkan ayaa laga sameeyay qodob horey u xaddidnaa, si looga fogaado dhibaatooyinkii horey udhacay xiligii doorashadii 6aad.
Qodobbada la cusbooneysiiyay waxaa ka mid ah:
*Tirada shaqaalaha ka howlgala xarumaha codbixinta oo la kordhiyay si uu cadaadis ugu imaanin shaqaalaha.
*Diiwaan-gelinta codbixiyeyaasha oo lagu xadiday daโda 18 jir marka ay tahay waqtiga doorashada, si loogu oggolaado in ay codkooda dhiibtaan.
*Shuruudaha xisbiyada qaran: horey waxaa looga baahnaa xubno ka socda 5 Deegaan balse hadda waa in ay ka yimaadaan ugu yaraan 7 Deegaan.
*Xisbiga waa inuu haystaa ugu yaraan 40% xubno oo ka socda deegaanka uu ka asaasmay, iyo 60% xubno kale oo ka socda lix deegaan oo kale.
26 qodob ayaa guud ahaan la beddelay.
Xeerku waxa uu sidoo kale xisbiga ama musharraxa ku waajibinayaa inuu yeesho aqoonsi elektaroonik ah.
Waxaa lagu talagalay in doorashadu noqoto mid casri ah, degdeg ah, kharash yar oo hufan.
Ugu dambayn, Guddigu wuxuu sheegay in xeerkan la cusbooneysiiyay uu muhiimad weyn u leeyahay hirgelinta doorasho guul leh oo heer qaran ah.
Sharmarke Isse Muse xigasho Hassen Ige Osman
