29/10/2025
WAR DEGDEG AH
Sida laga soo xigtay ilo maxalli ah, mid ka mid ah saraakiisha sare ee Wolqayt ayaa sheegay in TPLF ay qorshe dagaal oo ay ka fulinayso gobolka diyaarsatay, iyadoo la sheegay in qorshuhu uu la xiriirayo iskaashi ay la leedahay Shaabia (Eritrea), si dagaalka loo bilaabo bisha Hidar.
Warbixin h**e oo uu daabacay The Economist ayaa sidoo kale sheegay in dagaal cusub uu ka qarxi karo Wolqayt, waxaana lagu tilmaamay in ay jiraan calaamado milatari oo muujinaya abaabul dagaal oo ka socda xadka Humera.
Sida uu sheegay Ato Kibreaab, oo ah madaxa xafiiska militia-da ee Degmada Wolqayt Tsegede, TPLF ayaa la filayaa inay weerar ku qaaddo degmada bisha Hidar, isagoo bulshada ugu baaqay inay u diyaar garoobaan difaac iyo midnimo, kuna celceliyay in “jiilkeennu aanu aqbalayn in mar kale addoonsi lagu celiyo.”
Waxaa sidoo kale la sheegay in ciidamada Armi 70 ee uu hoggaamiyo Colonel Muzeyn, oo dhowaan tababar iyo abaabul ku soo maray deegaanka Shire, ay yihiin kuwii loo diyaariyey weerarka.
TPLF waxay h**e ugu faantay in ay dagaal kula jirto ciidamada Sudan ee uu hoggaamiyo General al-Burhan, isla markaana ay “dib u soo ceshatay magaalooyin,” iyadoo sheegtay inay sidoo kale awood u leedahay inay “soo ceshato dhulkeeda gaarka ah,” sida lagu sheegay warbixinta The Economist.
