Buli Media TV

18/06/2026

Alif

18/06/2026

Waxaa saaka si rasmi ah uga bilaabmay Deegaanka galida Imtixaanka Shahaadiga ah ee Fasalka 8aad.

18/06/2026

ee 'iil: Xogaha Daahyada Ka Dambeeya iyo Mustaqbalka Geeska Afrika.

Booqashadii uu toddobaadkan Madaxweynaha Somaliland, Cabdiraxmaan Cirro, ku tagay Tel Aviv iyo Qudus ayaa ruxday khariidadda siyaasadeed ee Geeska Afrika iyo Bariga Dhexe. Safarkan oo yimid lix bilood uun ka dib markii Israa'iil ay si rasmi ah u aqoonsatay Somaliland (December 2025), wuxuu dhaliyay falcelinno is-diiddan oo isugu jira dabbaal-deg, walaac, iyo qaylo-dhaan diblomaasiyadeed.

Haddaba, sidee bay warbaahinta kala duwan ee dunidu u arkeen, maxaase ku duugan xogaha hoose ee aan la shaacin?

1. Afar Aragtiyood oo Kala Duwan

A) Guushii Qarniga iyo Irdho-bixid

Warbaahinta Hargeysa ayaa booqashadan ku tilmaantay guul diblomaasiyadeed oo soo afjartay in ka badan 30 sano oo go'doon ah. Waxay xoogga saareen in booqashadani ay albaabka u furayso maalgashi caalami ah, iskaashi dhanka tiknoolajiyada ah, iyo in Somaliland ay noqoto jilaa muhiim ah oo wax laga weydiiyo amniga gobolka. Aragtidan waxay shacabka u tustay in Israa'iil ay tahay fure u horseedi kara aqoonsiyo kale oo caalami ah.

B) Qiyaano Qaran iyo Ku-xadgudub Madax-bannaanida"

Wargeysyada iyo telefishinnada fadhigoodu yahay Muqdisho waxay si weyn u faafiyeen carada dowladda Federaalka. Waxay booqashadan ku macneeyeen xadgudub qaawan oo ka dhan ah qaranimada Soomaaliya. Warbaahinta Soomaaliya waxay si weyn u falanqaysay in Israa'iil ay “gacan-maroojin” ku samaynayso Geeska Afrika, iyagoo tillaabadan ku xidhay isku-day ay Tel Aviv ku doonayso inay ku ciqaabto Soomaaliya, maadaama Muqdisho ay si adag u diidday heshiisyadii 'Abraham Accords' kana soo horjeeddo dhibaatada Falastiin.

C) Saaxiibka Cusub ee Badda Cas

Warbaahinta Israa'iil waxay ula dhaqantay safarkan si xisaabaysan oo ku dhisan "Maslaxad Istiraatiiji ah" (Realpolitik). Waxay qoreen in xidhiidhka Somaliland uu Israa'iil siinayo dhul muhiim ah oo istiraatiiji ah. Wargeyska The Jerusalem Post ayaa qoray:

"Aqoonsiga Somaliland ma aha mid ku yimid jacayl dimuqraadiyad, balse waa xadhig adag oo Israa'iil ay ku xidhanayso afaafka Gacanka Cadmeed si ay isaga caabiso khatarta xuutiyiinta Yemen iyo saamaynta Iran."

D) Walaac Laga Qabo Amniga Carabta

Qaahira ayaa tillaabadan u aragta mid halis weyn ku ah amnigeeda qaran. Wargeysyada Masar waxay ka digeen in joogitaanka Israa'iil ee badda Cas iyo agagaarka marinka Baabul-Mandab uu saameyn taban ku yeelan doono dhaqaalaha Kanaalka Suweys. Intaas waxaa dheer, Masar waxay ka baqaysaa in iskaashigan uu gacan siiyo Itoobiya, taas oo sii murginaysa xiisadda biyo-xidheenka (GERD).

2. Maxaa Daahyada Gadaashoodda Lagu Heshiiyay?

Falanqeeyayaasha sirdoonka iyo diblomaasiyadda (Sida hay'adda Crisis Group iyo ISS Africa) ayaa soo saaray xogo hoose oo muujinaya in wadahadalka Madaxweyne Cirro iyo Ra'iisul Wasaare Netanyahu uusan ku ekaan oo kaliya sawirro la iska qaado. Waxaa la isla meel-dhigay saddex qodob oo xasaasi ah:

• Saldhig Is-weydaarsi Sirdoon (Intelligence Outpost)

Israa'iil waxay ka codsatay in ay xeebaha Somaliland (gaar ahaan agagaarka Berbera) ka samaysato xarun ay kala socoto dhaqdhaqaaqa maraakiibta iyo isku-gudbinta hubka Iran ee u socda kooxaha Xuutiyiinta ee Yemen.

Iskaashi dhanka Difaaca Badda ah (Maritime Security)

Somaliland waxay gudbisay codsi ku aaddan in laga caawiyo dhismaha ciidankeeda ilaalada xeebaha (Coast Guard), iyadoo Israa'iil ay ballanqaadday inay ku tababari doonto casriga tiknoolajiyada badda si Somaliland ay u noqoto awood ilaalin karta ammaan-darrada Badda Cas.

• Mashaariicda Qabowjinta (Soft Power Projects)

Si shacabka Somaliland (oo u badan Muslimiin diintood ku adag) looga dhaadhiciyo heshiiskan, Israa'iil waxay ballanqaadday mashaariic waaweyn oo dhanka Waraabka Beeraha (Agri-tech) iyo Biyaha ah, maadaama Israa'iil ay caalamka ugu horreyso xalinta abaaraha iyo soo-saarista biyaha, kadibna Shacabka Somaliland u aqalaan xidhiidhkan.

3. Masiirka Geeska Afrika

Booqashada Madaxweyne Cirro ma aha dhacdo iska caadi ah, waa digniintii ugu horreysay ee xilliga cusub ee "Dagaalka Qaboow ee Badda Cas".

Tillaabadan waxay soo dedejinaysaa in waddamada gobolku ay qaataan go'aamo adag. Soomaaliya waxay u badan tahay inay sii xoojiso xidhiidhka ay la leedahay Turkiga, Masar iyo xitaa dowlado ka soo horjeeda danta Israa'iil, halka Somaliland ay isku dayayso inay adeegsato "Kaarka Israa'iil" si ay u soo jiidato indhaha Washington iyo dalalka kale ee Reer Galbeedka si ay u helaan aqoonsi buuxa.

Gaba-gabadii, ciyaartu hadda uun bay bilaabatay. Somaliland waxay heshay saaxiib la fadhiya miiska quwadaha waaweyn, laakiin qiimaha ay ku bixinayso wuxuu noqon doonaa inay dhexda u gasho bad-weyn ay ka buuxaan yaxaasyo isku haya awoodda Bariga Dhexe iyo Geeska Afrika.

✍️ Waxaa soo uruuriyey: Guhaad

Buli Media TV

18/06/2026

17/06/2026

"Deegaanka Soomaalidu shalay waxa uu ahaa furin dagaal oo xero dhiig ah, balse maanta waa mid nabadgalyada ka hanaqaaday looga kala imanayo Geeska Afrika", Odayaasha Golaha Guurtida Ogaadeen.

Odayaasha Golaha Guurtida Ogaadeen ayaa shir saxafadeed ay soo saaraeen kaga hadlay marxaladihii kala duwanaa ee uu Deegaanku soo maray, isbedelkii dhacay iyo xaaladda wakhti xaadirkan ee Deegaanka.

SRTV

17/06/2026

📢 BISHAARO • BISHAARO • BISHAARO 📢
Waxaa dhammaan bulshada Muslimiinta ah ee ku nool magaalada Jigjiga lagu bishaaraynayaa in Masaajidka Jaamaca ee Magaalada Jigjiga laga bilaabi doono duruus cilmiyeed taxane ah oo isugu jira Tafsiirka Qur’aanka Kariimka ah iyo Axaadiithta Nabigeenna Muxammad (SCW).

📖 Tafsiirka Qur’aanka Kariimka ah waxaa akhrin doona: Sheekh Maxamed Irshaad Nacalin Cumar
📚 Axaadiithda Nabiga (SCW) waxaa akhrin doona: Sheekh Cabdullaahi Maxamuud Sagal (Xadathanaa)

Waa fursad qaali ah oo lagu baranayo diinta Islaamka, laguna kororsanayo cilmi naf iyo bulsho anfaca. Sidaa darteed, waxaa lagu boorrinayaa dhammaan ardayda cilmiga jecel iyo bulshada inteeda kale inay ka faa’iidaystaan duruustan qiimaha badan.

17/06/2026

: Waagii h**e markii ururka ONLF uu bilowga ahaa, waxaa la sheegay in nin Sheekh ah oo caan ka ahaa deegaanka uu la kulmay madaxdii abaabulka waday. Sheekhii wuxuu ku yidhi:

"Hal talo iga qaata; dagaalka 40 sano dib inoogu dhiga. Inta muddadaas ah dadkeenna wax aan barno, dhaqaale dhisanno, xoolaha horumarino, maamulka dalka saamayn ku yeelanno. Markaas haddii loo baahdo dagaal ama halgan qalin ku dhisan, waan geli karnaa."

Hase yeeshee, sida la weriyo, taladaas lama qaadan. Mid ka mid ah dhallinyaradii aadka u xamaasadaysnayd ayaa qorigii uu watay kor u qaaday, isagoo ku jawaabay: "Qorigan ayaan ku xoraynaynaa Ogadenia, qalin meel kuma yaallo."

Sheekhii wuxuu ugu jawaabay ereyo xusuus mudan:

"Walaal, Qoraigan aad wadato Itoobiya kaa qaadan maysee malaga yaaba inaad adiga oo wada u keento?"

Sheekhii halkaas ayuu ka tagay. Ninkii dhallinyarada ahaa ee markaas qorigii sitayna, sannado badan kadib isaga oo weli nool, qorigiina wata sidii uu Sheekhu sii saadaaliyay ayuu la soo xarooday.

Muddo dheer oo hub la waday kadib, shacabka deegaanku ilaahay Mahaddii waxay heleen fursad ay ku nastaan markii colaaddii Dhamaatay onlfna qaadatay Heshiiskii 2018. Sidaas darteed, in maanta mar kale lagu baaqo dib ugu noqoshada jidkii colaadda iyo hubka, iyadoo jiil cusub oo dhallinyaro ah la gelinayo xaalad khatar ah, waa arrin u baahan feejignaan iyo ka fiirsasho badan.

Maanta Dooddu waxay taagan tahay in go’aannada waaweyn ee saameeya mustaqbalka bulshada ay mudan yihiin wada-tashi iyo in codka shacabka la maqlo, maadaama shacabku ay yihiin kuwa ugu badan ee saameyntu gaadho.

Maanta deegaanka wuxuu ka mid yahay meelaha ugu nabdoon dalka. Nabadduna waa fursad qaali ah oo lagu horumarin karo waxbarashada, dhaqaalaha, kaabeyaasha, dib-u-heshiisiinta, bogsiinta dhaawacyadii h**e iyo magdhawga dadkii dhibaatadu soo gaadhay.

Bulshooyinka horumara ma kuma dhismaan oo keliya hub iyo Dagaallo, balse waxay ku dhismaan aqoon, dhaqaale, caddaalad iyo xasillooni. Sidaas darteed, dood kasta oo ku saabsan mustaqbalka deegaanka waa inay mudnaanta siisaa sidii looga faa’iidaysan lahaa nabadda jirta, loogana fogaan lahaa wax kasta oo dib u celin kara bulshada.

W/Q: Sandheere

17/06/2026

Shacabka Deegaanka maxaa dan ugu jira?

Ma inay ka faa’iidaystaan nabadda iyo xasilloonida maanta jirta, kana shaqeeyaan horumar, waxbarasho, ganacsi iyo mustaqbal wanaagsan oo aan h**e loo helin?

Mise inay dib ugu noqdaan jidkii colaadaha, jabhadaha iyo amni-darrada, taas oo marar badan sababtay burbur, barakac iyo dib-u-dhac shacabka ku dhacay?

Su’aashani waxay ku socotaa shacabka oo keliya, mana khusayso aragti siyaasadeed ee cid gaar ah.

W/Q: Sandheere

16/06/2026

Kabtankii Diyaarada Ayuu Towxiidka u Qabtay , Sheekh C/Raxmaan Jigjiga .

16/06/2026

Dawladda Federaalka ah ee Soomaaliya ayaa sheegtay inay qaadayso tallaabooyin adag oo lagama maarmaan ah si ay u difaacdo midnimada dalka, iyadoo si kulul u cambaaraysay xidhiidhka Somaliland & Israa||L.

Dawladda Federaalku waxay Somaliland u adeegsatay ereybixinta ah “kooxda gooni-u-goosatada ee gobollada Woqooyi”.

X/ Bakayle Media