SRTV Somali

SRTV Somali SRTV Somali
(2)

Xafiiska Macdanta, Tamarta iyo Shidaalka DDS ayaa Abaalmarinno Guddoonsiiyey Shaqaalaha Hormuud ah ee xafiiskaasiXafiisk...
04/09/2026

Xafiiska Macdanta, Tamarta iyo Shidaalka DDS ayaa Abaalmarinno Guddoonsiiyey Shaqaalaha Hormuud ah ee xafiiskaasi

Xafiiska Macdanta, Tamarta iyo Shidaalka DDS ayaa munaasabad dhiirigelin iyo abaalmarin iskugu jirta u qabtay shaqaalaha hormuudka ka ahaa shaqooyinkii xafiisku qabtay sannad-miisaaniyadeedkii 2018.

Munaasabadda oo ay ka qaybgaleen Wasiirka Xafiiska, Mudane Maxamed Cali Maxamed, agaasimayaal iyo shaqaalaha waaxyaha kala duwan, ayaa lagu maamuusay shaqaalihii muujiyey dadaal iyo waxqabad muuqda.

Wasiirka ayaa shaqaalaha kula dardaarmay inay sii laba-jibaaraan dadaalkooda, si qorshaha xafiiska ee sannad-miisaaniyadeedka 2019 t.i. looga gaadho natiijooyin wax-ku-ool ah.

Ugu dambayn, shaqaalaha hormuudka ah ayaa la guddoonsiiyey shahaadooyin sharaf iyo abaalmarinno kala duwan, iyadoo munaasabaddan lagu tilmaamay mid dhiirigelinaysa dadaalka iyo waxqabadka shaqaalaha.

04/09/2026

Wasaaradda Waxbarashada JDFI Itoobiya ayaa sannad-dugsiyeedka 2019-ka qorshaynaysa in manhajka waxbarashada lagu kordhiyo 23 xirfadood oo kala duwan, kuwaas oo lagu baranayo guud ahaan dugsiyada dalka

04/09/2026

Dhakhaatiir ka socday dalka Sucuudiga oo qaliino kala duwan oo bilaasha ka fulin doona Deegaanka ayaa soo gaadhay magaalada Jigjiga.

04/09/2026

Waxaa magaalada Jigjiga lagu soo gabo’gabeeyay madal aqoon is-weydaarsi iyo khibrad wadaag ah oo diiradda lagu saarayay xal-u-helidda xaaladaha barakacayaasha, dib-u-dejinta iyo hirgelinta xalal waara.

Masuuliyiin Heer Deegaan ah ayaa Kormeer Shaqo ku Tegay Gobolka JararMasuuliyiin heer Deegaan ah oo ay hoggaaminayso Was...
04/09/2026

Masuuliyiin Heer Deegaan ah ayaa Kormeer Shaqo ku Tegay Gobolka Jarar

Masuuliyiin heer Deegaan ah oo ay hoggaaminayso Wasiirka Xafiiska Arrimaha Haweenka iyo Carruurta DDS, Marwo Xaliimo Xasan, ayaa booqasho shaqo ku tegay Gobolka Jarar.

Masuuliyiintu waxay kulan la yeesheen hoggaaminta Gobolka Jarar iyo Maamulka Magaalada Dhagaxbuur, iyagoo qiimeeyey fulinta qorshayaasha horumarineed, dardargelinta dakhliga, ka-bixitaanka ku-tiirsanaanta gargaarka shisheeye, waxbarashada iyo adeegyada bulshada.

Wafdigu waxa kale oo ay kormeereen mashaariicda iyo adeegyada bulshada ee Magaalada Dhagaxbuur, oo ay ka mid yihiin Sayladda Xoolaha, Dhaqo-Dheefso, guryaha dadka danyarta ah loo dhisayo, dugsiyada barbaarinta carruurta iyo barnaamijyada lagu xoojinayo wax-soo-saarka iyo isku-filnaanshaha bulshada.

04/09/2026

Shirwaynaha wacyigelinta iyo abaabulka dakhliga ayaa ka qabsoomay degmada Shabeelay ee gobalka Faafan.

Laba toddobaad oo shir iyo qiimayn ah kaddib, waxaa magaalada Jigjiga lagu soo af-meeray shirka iyo qiimaynta Ciidanka B...
04/09/2026

Laba toddobaad oo shir iyo qiimayn ah kaddib, waxaa magaalada Jigjiga lagu soo af-meeray shirka iyo qiimaynta Ciidanka Booliska DDS, oo si gaar ah loogu eegay anshaxa, amniga, hoggaaminta iyo arrimo kale.

Madaxweynaha DDS, Mudane Mustafe Muxummed Cumar, ayaa soo xidhay shirka iyo qiimaynta labadii toddobaad ee lasoo dhaafay usocotay Ciidanka Booliska DDS. Kulankan oo ka dhacay madasha kulamada ee Suldaan Odawaa Liibaan ayaana lagula dardaarmay saraakiisha ciidanka.

Madaxweynuhu wuxuu ciidanka kula dardaarmay inay sii xoojiyaan waajibaadkooda dastuuriga ah, ilaalinta nabadgelyada, dhowrista sharciga iyo kala dambaynta, u adeegidda bulshada si hufan, daacadnimo iyo masuuliyad leh.

Shirka iyo qiimaynta ayaa diiradda lagu saaray anshaxa iyo edebta ciidanka, sugidda amniga iyo nabadgelyada, hoggaaminta iyo maamulka, eexda, qabyaaladda iyo nin-jeclaysiga, u hoggaansanaanta sharciga, la-dhaqanka bulshada, ka-hortagga dambiyada iyo arrimo kale.

“Waxaad tihiin ciidamo geesiyayaal ah oo naftooda u hura bulshadooda, waxaana la inaga rabaa in si waddaniyad leh aad u sii gudataan waajibaadkiinna. Sannadkana, ka xukuumad ahaan, waxaan ku dadaali doonaa sidii noloshiinna wax looga sii beddeli lahaa,” ayuu yidhi madaxwayne Mustafe Muxummed Cumar.

04/09/2026

Warka 8-da Fiidnimo, tabinta: Hodan Khaliif.

Masuuliyiin heer deegaan iyo heer gobol ah ee kormeerka & taakulaynta ka waday gobolka Liibaan ayaa gaadhay degmada Gurr...
04/09/2026

Masuuliyiin heer deegaan iyo heer gobol ah ee kormeerka & taakulaynta ka waday gobolka Liibaan ayaa gaadhay degmada Gurredhaamoole, halkaas oo ay kusoo indho'indheeyeen hawlaha horumarineed iyo adeegbixinta.

Masuuliyiinta oo uu hoggaaminayay Wasiir kuxigeenka Xafiiska Horumarinta Magaalooyinka iyo Dhismaha DDS Eng. C/qaadir Bashiir iyo Gudoomiye kuxigenka Gobolka Liibaan Mudane Daakir Aadan Xuseen ayaa kormeeray hawlaha barnaamijka caawinta bulshada oo ay ka mid yihiin guryo loo dhisay dadka danyarta ah iyo mashruuca xafiiska cusub ee maamulka Gurredhaamoole oo miisaaniyada degmada laga fuliyay kaas oo heer gabo'gaba ah maraya, waxaa kale oo ay kulan la qaateen hoggaaminta degmada iyaga oo ka wada hadlay dardargelinta hawlaha horumarineed iyo adeegyada aasaasiga ah si loo saxo meelaha galdaloolooyinku ka jiraan.

Ujeeddada kormeerkan ayaa ah dardargalinta shaqooyinka sida mashaariicaha heer deegaan, heer degmo, adeegbixinta dakhliga, waxbarashada, ka bixida ku tirsanaanta iyo hindisayaasha Xisbiga Barwaaqo.

SRTV

Jigjiga: Waxaa la soo gabagabeeyay madal aqoon is weydaarsi iyo khibrad wadaag ah oo diiradda lagu saarayay xal-u-helidd...
04/09/2026

Jigjiga: Waxaa la soo gabagabeeyay madal aqoon is weydaarsi iyo khibrad wadaag ah oo diiradda lagu saarayay xal-u-helidda xaaladaha barakacayaasha, dib-u-dejinta iyo hirgelinta xalal waara.

Madasha ayaa waxaa ka soo qeybgalay hawlwadeeno iyo khubaro ka kala socday Komishinka Maaraynta Khataraha Masiibooyinka dalka, deegaanada Canfarta, Amxaarada iyo Tigreega iyo hay’adaha bahwadaagta kuwaas oo muddo saddex maalmood ah Deegaanka Soomaalida u joogay inay ka korodhsadaan waayo aragnimada iyo hababka loogu guulaystay wax ka qabashada xaaladaha barakacayaasha iyo dib-u-dejintooda.

Wasiir ku xigeenka Xafiiska Maareynta Khataraha Masiibooyinka DDS, Mudane C/fataax Maxamed Cabdi, oo madasha furay, ayaa sheegay in khibrad wadaaggu yahay fursad muhiim ah oo lagu xoojin karo wada shaqaynta iyo isku xidhka dawlad deegaanada dalka, gaar ahaan wax ka qabashada caqabadaha ka dhasha barakaca iyo masiibooyinka.

Intii ay madashu socotay, waxaa si qoto dheer looga wada hadlay hababka loo maareeyay xaaladaha barakaca iyo dib-u-dejinta, dadaallada ay Xafiiska Maareynta Khataraha Masiibooyinka DDS iyo Xukuumadda deegaanku ku bixiyeen sidii barakacayaasha loogu heli lahaa nolol deggan iyo xalal waara.

Dhankoodana ka qaybgalayaasha ayaa bogaadiyay fursaddan aqoon wadaagga ah, iyagoo tilmaamay in ay ka faa’iideen khibrado wax ku ool ah oo ka caawin kara deegaanadooda wax ka qabashada xaaladaha barakacayaasha.

SRTV somali

Address

Jijiga

Telephone

+251257753334

Website

Alerts

Be the first to know and let us send you an email when SRTV Somali posts news and promotions. Your email address will not be used for any other purpose, and you can unsubscribe at any time.

Shortcuts

Share

Category