SRTV Somali

SRTV Somali SRTV Somali
(2)

Guddiga Doorashooyinka Qaranka Itoobiya ayaa shaaciyay in la soo gabagabeeyay tirinta codadka laga dhiibtay dhammaan goo...
03/06/2026

Guddiga Doorashooyinka Qaranka Itoobiya ayaa shaaciyay in la soo gabagabeeyay tirinta codadka laga dhiibtay dhammaan goobihii codbixinta, isla markaana natiijooyinka hordhaca ah lagu dhejiyay goobaha codbixinta si ay dadweynuhu u arkaan.

Guddoomiyaha Guddiga Doorashooyinka Qaranka, Marwo Melatework Hailu, oo shir jaraa’id ku qabatay magaalada Addis Ababa, ayaa tilmaantay in hadda si rasmi ah loo guda galay marxaladda isku-geynta codadka ee heerarka kala duwan ee deegaan-doorashooyinka, iyadoo natiijooyinka laga soo ururiyay goobaha codbixinta ay si isdaba joog ag ah u gaadhayaan xarunta dhexe ee guddiga.

Guddoomiyuhu waxay sidoo kale xustay in xogaha laga soo gudbinayo goobaha codbixinta si taxaddar leh loo hubinayo, loona waafajinayo natiijooyinkii lagu diiwaangeliyay goobahaasi si loo xaqiijiyo saxnaanta, hufnaanta iyo kalsoonida geeddi-socodka doorashada.

Dhanka kale, Guddiga Doorashooyinka Qaranka ayaa sheegay in maanta uu bilaabmay tababarka kormeerayaasha loo xilsaaray xaqiijinta habsami-u-socodka iyo saxnaanta howlaha isku-geynta codadka.

Ugu dambayn, guddigu wuxuu shacabka ugu baaqay inay wararka iyo natiijooyinka doorashada kala socdaan oo keliya ilaha rasmiga ah ee guddiga si looga fogaado xogaha aan la xaqiijin.

03/06/2026

Hawlgalka Midowga Afrika ee Korjoogteynta Doorashada 7aad ee Dalka ayaa sheegay in ay goob-joog ka ahaayeen hanaan doorasho oo aad u wanaagsan

Hay’adaha Caalamiga ah ee goobjooga ka ahaa Doorashadii 7aad ee dalka ka dhacday ayaa bogaadiyay Hanaankii geedi socodka...
03/06/2026

Hay’adaha Caalamiga ah ee goobjooga ka ahaa Doorashadii 7aad ee dalka ka dhacday ayaa bogaadiyay Hanaankii geedi socodka Doorashadii 7aad

Doorashadii 7-aad ee guud ee Itoobiya oo lagu xusuusto nabadgelyadeeda iyo ka qaybgalka ballaadhan ee shacabka, ayaa heshay aqoonsi iyo bogaadin xooggan oo ka timid kormeerayaal ka socday African Union, Intergovernmental Authority on Development, European Union iyo dalal saaxiib ah.

Hoggaamiyihii kooxda kormeerka ee Midowga Afrika, Uhuru Kenyatta, ayaa ammaanay sida ay shacabka Itoobiya subaxnimadii h**e uga bilaabeen codbixinta iyagoo muujiyay dulqaad, degganaansho iyo ka qaybgal sare.waxa uuna sheegay in Itoobiya oo astaan u ah xorriyadda Afrika ay muujisay hannaan dimuqraadi ah oo ay ku faani karaan shacabka iyo dowladda itoobiya

Sidoo kale, hoggaamiyaha kooxda kormeerka IGAD, Specioza Wandira Kazibwe, ayaa caddeysay in habsami-u-socodka doorashada, ka qaybgalka loo dhan yahay, dulqaadka codbixiyayaasha iyo jawiga nabadeed ay ahaayeen kuwo heer sare ah oo aanay h**e ugu arag dal kale, Waxayna xustay in cabasho kasta oo la xidhiidha doorashada lagu xallinayay keliya waddo sharci ah, iyadoo ugu baaqday bulshada caalamka inay ixtiraamaan mabda’a ah “xal Afrikaan ah oo lagu xaliyo dhibaatooyinka Afrika”, sida Itoobiyaanku ay arrimahooda gudaha ugu xalliyaan si madax-bannaan.

Midowga Yurub, isagoo kaashanaya Canada, Norway iyo Switzerland, ayaa si wanaagsan u soo dhaweeyay guusha iyo habsami-u-socodka doorashada.

Hay’adahani waxay sidoo kale aqoonsi buuxa siiyeen dhexdhexaadnimada Gudiga doorashooyinka itoobiya (National Election Board of Ethiopia) , iyo kaalinta wanaagsan ee ay qaateen xisbiyada siyaasadda, musharraxiinta, ururrada bulshada rayidka ah iyo hay’adaha amniga.

Ugudanbayn Goobjoogeyaashan heer qaaradeed iyo heer caalami ayaa muujinaya in Doorashadii 7-aad ee Guud ay si muuqata u xaqiijisay madaxbannaanida Itoobiya iyo geeddi-socodkeeda dimuqraadiyadeed.

SRTV

03/06/2026

Warka Fiidnimo ||SRTV|| tabinta: Sahra Siman.

Golaha Xisbiyada Siyaasadda Itoobiya oo u hambalyeeyay shacabka kadib guushii doorashada 7aad.Golaha Wadajirka ah ee Xis...
03/06/2026

Golaha Xisbiyada Siyaasadda Itoobiya oo u hambalyeeyay shacabka kadib guushii doorashada 7aad.

Golaha Wadajirka ah ee Xisbiyada Siyaasadda Itoobiya ayaa fariin hambalyo ah u diray dhammaan shacabka dalka, kaddib markii ay si nabadgelyo ah kusoo dhammaatay doorashadii guud ee 7aad.

Goluhu wuxuu si weyn u ammaanay kaalintii geesinimada leh iyo dhabar-adaygii ay muujiyeen xisbiyada siyaasadda, hay'adaha amniga, shacabka,l iyo dhammaan dhinacyada kale ee qaybta ka qaatay in doorashadu ay ku qabsoonto jawi degan.

Ugu dambayn, goluhu wuxuu soo saaray baaq ku saabsan in si wadajir ah loo ilaaliyo nabadda dalka, iyadoo la adeegsanayo hab dimuqraadi ah oo lagu xalliyo kala duwanaanshaha iyo caqabadaha jira, si loo xaqiijiyo nabad waarta oo ay wadaagaan dhammaan shacabka Itoobiya.

SRTV

03/06/2026

Qaar kamid ah shacabka ku dhaqan degmada Doolo-ado ee gobolka Liibaan oo warbaahinta Deegaanka la hadlay ayaa sheegay in doorashadii 7aad ee ka qabsoontay dalka iyo Deegaanka ay ahayd mid si xor ah oo daah furan u qabsoontay bulshaduna rabitaankooda ku codeeyeen.

Waxaa xadhigga laga jaray mashruuca biyo-xidheenka iyo nidaamka biyogelinta degmada Higloolay ee gobolka Qoraxey.Munaasa...
03/06/2026

Waxaa xadhigga laga jaray mashruuca biyo-xidheenka iyo nidaamka biyogelinta degmada Higloolay ee gobolka Qoraxey.

Munaasabadda furitaankeedii waxaa ka qaybgalay Madaxa Arrimaha Siyaasadda iyo Kobcinta Awooda Xisbiga Barwaaqo ee Deegaanka Soomaalida Mudane Cabdiraxmaan Axmed Xasan, Wasiirka Xafiiska Horumarinta Waraabka DDS Mudane Maxamed Faatax Maxamed, masuuliyiin kale, hoggaaminta Gobolka Qoraxey, maamulada degmooyinka Higloolay, Shilaabo iyo Dhoobawayn, odayaasha dhaqanka iyo qaybaha kala duwan ee bulshada.

Mashruucan oo uu hirgaliyay Xafiiska Horumarinta Waraabka DDS ayaa ah mashruuc ka mid ah mashaariicaha istaraatajiyadeed ee horumarinta biyaha ayaa waxa uu leeyahay awood kaydin biyo oo gaadhaysa 90,000 mitir kuubik (m³), waxaana ku jira shaandhaynta biyaha, qabashada dhoobada, keyd biyo dhulka hoostiisa ah iyo keyd biyo kale, kuwaas oo xaqiijinaya helitaan biyo joogto ah.

Mashruucan oo ay ka faa’iidaysan doonaan shacabka iyo meesiyada kala duwan ee xoolaha ayaa ah tallaabo muhiim ah oo lagu horumarinayo nolosha bulshada, laguna xaqiijinayo helitaanka biyo nadiif ah islamarkaana lagu xoojinayo horumarka guud ee deegaanka.

SRTV

03/06/2026

Qaarkamida bulshada ku nool degmada Filtu ee xarunta gobolka Liibaan oo dareenkooda cabiray ayaa sheegay in doorashadii 7aad ee ka qabsoontay dalka iyo Deegaanka ay ahayd mid ka duwan kuwii h**e, islamarkaana ay ka muuqatay diyaargaraw badan oo ay shacabku sameeyeen.

Shaybaadhka xoolaha Filtu ee heer deegaan ayaa qaar ka mid ah dagmooyinka gobolka Liibaan ka wada ol'olaha baadhitaanka ...
03/06/2026

Shaybaadhka xoolaha Filtu ee heer deegaan ayaa qaar ka mid ah dagmooyinka gobolka Liibaan ka wada ol'olaha baadhitaanka dheecaanada meesiyada kala duwan.

Xarunta shaybaadhka xoolaha Filtu oo kaashanaysa xafiiska horumarinta xoolaha DDS ayaa degmooyinka Doollo-addo, Boqolmaayo iyo Filtu ka bilaabay ol'olaha baadhitaanka dheecaanada xoolaha kaas oo lagu ogaanayo xanuunada ku dhaca xoolaha.

Maamulka shaybaadhka xoolaha ayaana tilmaamay in baadhitaanka dheecaanadan ujeedkoodu yahay la socodka badqabka xoolaha iyo sidii loo siin lahaa talaalo iyo daawooyin ku haboon meesiyada kala duwan.

SRTV

03/06/2026

Baahinta Galabnimo ee Wararka Dalka.

Address

Jijiga

Telephone

+251257753334

Website

Alerts

Be the first to know and let us send you an email when SRTV Somali posts news and promotions. Your email address will not be used for any other purpose, and you can unsubscribe at any time.

Shortcuts

Share

Category