26/07/2025
Hogaanka Amniga DDS Mudane Abdikadir Rashid Duale oo hambaliyo diray ayaa yidhi
ðð»Hambalyo degmooyinka, maamul-magaalooyinka, iyo gobollada cusub!
Oodi sidey u kala sarreysaa loo kala guraaye, xukuumadu waxay mudnaanta koobad siisay dadka Degan xuduudaha si loo gaadhsiiyo addeega. Waxayna ahaayen kuwo in badan soo qooransanayay, iskuna arkayay in la riixayo.
Abshir Nuur Faarax, suggaantisu marka uu tilmaamayay arrimaha noocasa ee waa kii lahaa:
- Ilaahii sameeyee khalqaa siiyey sharaf weyne
'Sinjigoodu waa Aadan iyo sawjadduu qabaye
-Sagaal bay kusoo wada dhashaan bila sid hooyaade
-Sargooyada diyada qoonta iyo siman qisaastiiye
-Sadbursiiyo weyn iyo ammaan saayid lagu yeesho
-Waa saamax Eebbiyo cabsidii, ruux u saahidaye
-Wixii kalee na kala saarayaa waa sir iyo beene
Soomalidu waa tii odhan jirtay; "Waalida ninkii soo maraa laga waraystaaye", tusaalle kalena waa kii lahaa: " Dab aan kuleylkiisa la arrag dembaksiisa lagama leexdo." Iyadoo khibradihi h**e laga duullayo oo cashir laga baranayo waxaa la ansixiyay qaab-dhismeed adeeg siiya bulshada, iyadoo cid walba iska dhex-arkayso. Ma aanan ansixin gobalo iyo Degmooyin reero qabiilaysan.
Tallo laba adin dhexdooda bay ka dhalataaye, waxaa Golayaasha kala duwan lagaga dooday sababta loogu baahday qaab-dhismeedka. Si daah-furan oo aan ahayn tallo-qol mugdiya la dhigay, ayaa waxaa dooddaha lagu jeex jeexay heerarka kala duwan. Cidwalba iyo arragtida ay qabtayna waa la dhagaystay, si waadix ah.
Waxaa laysla qiray in dhamaan Goobaha cusub ay yihiin kuwa mudnaa, balse ay jiraan kuwa lamid ah oo aysan duruufuhu saamaxayn.
