25/07/2025
Sideed sanno oo dulmiya + todoba sano oo dulmi iyo cadaalad-darro ah= bur-bur siyaasadeed.
Gobolka Jarar guud ahaan waxa u ku fadhiyaa dhul ahaan 38,464 km². Marka la eego degmooyinka uu ka kooban yahay, waxaa si muuqata loo ogaan karaa in labada degmo ee Gaashaamo iyo Daroor ay ku fadhiyaan dhul dhan 19,738 km², taas oo ka badan kala badh baxadda dhuleed ee gobolka. Halka sagaalka degmo ee kale, marka la isku darro, ay wadaagaan 18,726 km².
Taasi micnaheedu waa:
Labada degmo ee Gaashaamo iyo Daroor waxay maamulaan in ka badan 51% baaxadda guud ee Gobolka Jarar.
Haddana, marka la eego sida miisaaniyadda loo qaybiyo, waxaa muuqata in aysan jirin wax is-le'eg oo dhab ah oo loo tixgeliyo marka laga hadlayo:
• Baaxadda dhulka degmo kastaa ku fadhido,
• Adeegyada muhiimka ah ee loo baahan yahay in la gaadhsiiyo,
• Masaafadaha dheer ee adeegyada loo maro,
• Iyo baahiyaha dhabta ah ee ka jira gobolka.
Gobolka Jarar oo h**e u ahaa gobol ay bulshada kuwada nool qayb ka mid ahi tirsanaysay dulmi iyo sad-bursi baaxaad le in lagula kacay oo ayna xaqii iyo xuquuqdii ay lahaayeen ayna helin, in haddana la yidhaa gobolkii waxa u soo kordhay gobol kale , gobolka soo kardhayna waxa la siinayaa isla reerkii h**e sad-bursiga u haystay ee wax laga tabanayay, waxay noqon doonta talaabo caawaqib xumo badani ka dhalato
