Faafan Tv (2025)

23/07/2025

Madaxa Xafiiska Xisbiga Barwaaqo ee Gobolka Faafan Mudane: Khadar Abiib Cismaan iyo masuuliyiin kale oo heer gobol ah ayaa kormeer shaqo oo taakulayn ah kugaadhay Degmada Qabri Bayax.

23/07/2025

Golaha Fulinta DDS ayaa kal-fadhigoodii 1aad ee S.M. 2018 T.I, oo galinkii dambe ee maanta sii socday, ku ansixiyay bayaanno ay ka mid yihiin:

1. Bayaanka dib loogu aas-aasay Xafiiska Maleeshiyada – Ciidamada maleeshiyada oo ah ciidan door muhiim ah ka qaata sugidda amniga iyo xasilloonida deegaanka ayaa yeelanaya qaab-dhismeed dhamaystiran, laga bilaabo heer deegaan ilaa heer degmo.

2. Bayaanka iibka iyo maamulka hantida dawladda – Bayaankan waxa uu cadaynayaa, isla xisaabtanka maamulka ee ka dhasha ku xadgudubka sharciga marka la fulinayo iibka iyo maamulka hantida dawladda, si kor loogu qaado cadcaddaanta iyo helitaanka nidaamka iibka.

3. Bayaanka maamulka shaqaalaha dawladda Deegaanka Soomaalida – Bayaankan ayaa sahlaya in la sameeyo meelaynta iyo xulashada shaqaalaha dawladda iyadoo lagu salaynayo tartan, cadcaddaan, hufnaan iyo karti, xafiisyada dawladdana laga dhigo kuwo si wax ku ool ah u fuliya awoodaha, waajibaadka iyo masuuliyadaha loo igmaday.

4. Bayaanka wax ka badalka bayaankii dib loo habeeyay ee bayaaminta qaab-dhismeedka, awoodaha iyo waajibaadka hay’adaha fulinta.

23/07/2025

Booliska Magaalada Qabribayax ayaa qabtay maandooriyaha Xashiishada iyo eedayaysanihii watay

Taliyaha Booliska Maamulka magaalada Qabribayax G/le dhexe Guuleed Maxamed Ismaaciil ayaa sheegay in booliska magaalada qabribayax oo ku guda jira gudashada waajibaadkooda shaqo ee dambi ka hortaga, kaashanayana bulshada iyo Hay'adaha nabadgelyada magaalada qabribayax, ay Caawa abaaro 7:30 fiidnimo Xaafada 6aad ee Maamulka magaalada Qabribyax ku qabteen Xashiishad dhan 2 xidhmood iyo eedaysanihii watay

Wuxuuna taliyuhu intaas ku daray in ay wadaan baadhitaan dheeriya oo howshaas ku saabsan sharcigana hor keeni doonaan eedaysanahan, Wuxuuna bulshadaa qabribayax gaar ahaan dhalinyarada kulla dardaarmay inay booliska kala shaqeeyaan ka hortaga, falal-dambiyeedyada noocan ah, ee lagu marin habaabinayo dhalinyarada

23/07/2025

Waxaa maanta xadhiga laga jaray ceelbiyood laga hirgaliyay tuulada Boodhley ee degmada Shabeelley ee gobolka Faafan

Munaasabada xadhig ka jarka ceel biyoodkan oo ay hirgalisay hay'adda HCS ayaa waxaa munaasibadan kasoo qeybgalay masuuliyiinta Xafiiska Biyaha DDS, maamulka gobolka Faafan, hay'adda HCS iyo kuwa degmadaasi Shabeeley iyo masuuliyiin kale oo heer deegaan ah.
Ceelbiyoodkan ayaa wax badan ka tari doona baahidii biyo la'aaneed ee haysatay bulshada ku dhaqan tuulada Boodhley iyo nawaaxigeeda.

Masuuliyiinta xadhiga ka jaray ceelka oo hadalka iska daba qaatay ayaa bulshada kula dardaarmay in ay ceelka ilaashadaan, si habsami lehna u cabbaan. Intaasi kadib, Masuuliyiinta ayaa dhir beeris ka sameeyay goobaha ceelka laga qoday.

23/07/2025

Kulan lagu qiimaynayay warbixinta waxqabadka SM 2017TI ee Mashruuca Shabakada badbaadada,Waxsoosaarka iyo Shaqada (UPSNJP) ee 6-da Maamul Magaalo iyo Degmada Awbare, ayaa Maanta ka qabsoomay Magaalada Jigjiga.

Qiimayntan oo uu hogaaminayay Wasiir kuxigeenka Xafiiska Horumarinta Magaalooyinka iyo Dhismaha DDS, Inj. Cabdi Ciid Daahiye, ayaa waxaa kasoo qaybgalay hogaaminta Maamul Magaalooyinka oo ay kamidyihiin 'Mayorada' iyo Masuuliyiinta Xafiisyada Shaqo Abuurka

Qiimayntan oo sanadkiiba mar laqabto ayaa diirada lagu saaray hawlihii ay Magaalooyinku kaqabteen Mashruucan iyada oo lagu salaynayo Qorshihii uyaalay. Waxayna Magaalowalba si gaar ah usoojeedisay Warbixinta shaqooyinkii ay kaqabatay Mashruucan oo ujeedadiisu tahay kor uqaadida nolosha dadka danyarta ah ee kunool Magaalooyinka.

Kulanka ayaa ugu danbayn lagasoosaaray jihooyin lagu saxayo goldaloolooyinkii kasoobaxay Qiimaynta islamarkaana lagu dardargalinayo shaqooyinka Mashruuca. Waxaana kulanka soo gunaanaday wasiir kuxigeenka Xafiiska Horumarinta Magaalooyinka iyo Dhismaha DDS, Inj. Cabdi Ciid Daahiye.

23/07/2025

Golaha Fulinta DDS ayaa ansixiyay miisaaniyada Deegaanka ee S.M. 2018 T.I., taa soo ah lacag ka badan 65.7 bilyan oo birr.

23/07/2025

Kulan lagaga hadlayay doorka haweenku ku leeyihiin ka hortagga dambiyada iyo ka wacyigelinta dhalinyarada fal-dambiyeedyada ka dhaca magaalada Jigjiga ayaa ka qabsoontay hoolka kulamada ee Kulliyadda Maaraynta iyo Adeegga Shacabka DDS.

Kulankan oo ay soo qabanqaabiyeen Ururka Hooyooyinka Nabadda Deegaanka oo taageero ka helaya Xafiiska Nabadgelyada DDS ayaa halkudhega madashani ahayd “Dhalinyaradeenu waa lafdhabarta bulshadeena ee aynu ka war hayno.”

Madashan ayaa waxaa ka soo qayb galay masuuliyiin, culimaa’udiin, haween, waxgarad, iyo marti sharaf kale, waxaana intii uu socday kulanku si qoto dheer loogu lafaguray arrimo muhiim ah oo taabanaya dhammaan waalidiinta, culimada, hay’adaha amniga iyo bulshada inteeda kale, kuwaas oo si gaar ah diiradda u saarayay wacyigelinta dhalinyarada iyo ka hortagga dambiyada.

Masuuliyiintii kala duwanayd ee madashani ka hadlay ayaa sheegay in hooyooyinku yihiin laf-dhabarta bulshada, islamarkaana ay door muuqda ku leeyihiin wacyigelinta dhalinyarada, ilaalinta akhlaaqda iyo hagidda mustaqbalka jiilka cusub si loo helo bulsho hagaagsan

23/07/2025

Maanta 23/July/2025, waxay golaha fulinta ee deegaanku ansixyay misaaniyadda deegaanka soòmaalida ee sanadka 2018. T.I. taas oo dhan >65 billion birr. , halka 50% ay ka imanayso dakhliga gudaha deegaanka, 50% kalena laga helayo kabista dawladda dhexe.

In uu saamiga dakhliga gudaha ka noqdo 50% miisaaniyadda guud ee uu isticmaalayo deegaanku sanadkan waxa ay ku tusanaysaa dhismaha awoodda dawladnimada sida ay u kobocday.

Sidoo kale waxaa markii ugu horraysay miisaaniyadda deegaanka qayb ka noqday dakhliga dawladaha hoose iyo Kan ka soo xarooda adeegyada hosbitaalada.

23/07/2025

Waxaa la ansixiyay Miisaaniyadda Deegaanka ee S.M. 2018 T.I., taasoo ah lacag ka badan 65.7 bilyan oo birr.

Madaxweynaha DDS, Mudane Mustafe Muxumed Cumar, ayaa furay Kal-fadhiga 1aad ee Golaha Fulinta DDS ee sannad-miisaaniyadeedka 2018 T.I., kaasoo lagu ansixiyay ajandayaal ay ka mid ahaayeen:

1.Warbixinta waxqabadka Xukuumadda Deegaanka Soomaalida ee S.M. 2017 T.I. (Hamle 2016 – Sane 2017 T.I.)
2.Bayaanka meel-marinta Miisaaniyadda DDS.

Miisaaniyadda la ansixiyey ayaa ka badan 65% miisaaniyaddii la ansixiyay sannad-miisaaniyadeedkii tegay ee 2017 T.I.

Xafiisyada heer degaan waxaa loo qoondeeyay miisaaniyad dhan 36.9 bilyan oo birr, halka miisaaniyadda hiigsiga yoolasha horumarka waara (Sustainable Development Goals) loo qoondeeyay 1.4 bilyan oo birr. Sidoo kale, degmooyinka, maamullada magaalooyinka iyo magaalooyinka dawladaha hoose ayaa loo ansixiyay 27.4 bilyan oo birr.

Miisaaniyadda deegaanka ayaa 50% noqon doonta mid ka timaadda dakhliga uu deegaanku soo saaro, halka 50% laga heli doono kabka khasnadda dhexe ee dawladda federaalka iyo deeqaha dibadda.

Arrintani waxay tilmaamaysaa in deegaanku ku tallaabsaday guulo waaweyn oo dhinaca kor-u-qaadidda dakhliga gudaha ah, kaasoo kasoo xeroonaya dhaqaalaha deegaanka toddobadii sano ee ugu dambaysay.

23/07/2025

Komishinka Baadhista Tacadiyadii ka dhacay Deegaanka Soomaalida, Dib u heshiisiinta iyo Xaalmarinta Dhibanayaasha ayaa xafiiskooda ku qabtay kulan ay saxaafada kula wadaagayeen halka ay marayaan shaqooyinka iyo xaaladaha guud ee komishinku sidoo kale ay ku shaacinayeen barnaamij loogu magac daray dhagaysiga furan oo dhawaan ay bilaabayaan

Kulanka ayayna ugu horayn kusoo bandhigeen ujeedada uu u aas aasan yahay komishinku, iyaga oo sheegay inay xoogga saarayaan sidii ay xal waara ugu heli lahaayeen xuquuq u raadinta dhibanayaasha Deegaanka.

Geesta kale, komishinka ayaa shaaciyay inay goor dhaw bilaabayaan Barnaamijka Dhagaysiga furan kaasi oo ay ka bilaabayaan dhamaanba gobolada Deegaanka. Barnaamijkan ayaana loogu talagalay in dadkii ay dhibaatooyinku soo gaadheen ay codkooda kusoo bandhigan karaan si ay cadaaalad u helaan, iyaga oo si furan usoo gudbisanaya cabashooyinkooda iyo waxyeelada soo gaadhay.

22/07/2025

Masuuliyiin Heer Gobol Ah oo uu Hogaaminayo Gudoomiye Ku Xigeenka Gobolka Faafan Mudane Cabdulaahi Axmed Bul-bul oo Ku Guda Jira Taageerada Iyo Taakulanynta Degmoyinka Gobolka Faafan Ayaa Maanta Ka Bilaabay Shaqooyinka Taageerada Iyo Taakulaynta Ðegmada Gursum Ee Gobolka Faafan.

Msuuliyiintan gobolka faafan ayaa kulan la yeeshay Maamulka degmda gursum, waxaana kulankan lagu gor'faynayey shaqooyinka adeeg bixinta xafiisyada degmada gursum, hawlaha nabadgeliyada, wacyigalinta bulshada, qorsheyaasha xisbiga barwaaqo ee 2018 TI, iyadoo ahmiyad gaar ah la saarayey dayn soo celinta lacagihii shaqo abuurka ee baangiga shabeelle( shabelle bank) si gobolka faafan looga dhigo gobol nadiifka ah dayn.

Kulankan Taageerada iyo taakulaynta ayaa sidoo kale xooga lagu saari doona hirgalinta qoddobadan.

● Shaqooyinka tabarucaadka bilaha xigaaga
●Dhanka xafiisyada adeeg bixinta
Shaqooyinka xafiisyada
●Wacyigalinta Arimaha Nabadgalyad
●Wacyigalinta socdaalka sharci darada ah Tahriibka
●Wacyigalinta dhaqamada xun xun
●Wacgalinta caafimaadka ee xanuunada faafa
●Wacyigalinta waxbarashada
●Wacyigalinta xuquuqaha dadka baahiyaha gaarka ah qaba,waayeelka maandooriyayaasha
●Wacyigalinta ilaalada deegaanka
●Wacyi galinta ethio corider
● Arimaha xisbiga barwaaqo

Gabo gabadii masuuliyiinta uu hogaaminayey gudoomiye ku xigeenka gobolka faafan Mudane Cabdulaahi Axmed Bul-bul ayaa ka soo qayb-galay tababar ku saabsan wacyigalinta gudniinka fircooniga ah iyo dhaqamada xun xun ee ka dhanka ah haweenka, oo lagu qabtay degmada degmada shabeelay ee gobolka faafan.

22/07/2025

DEGMADA HARAWA EE GOBALKA FAAFAN

Qabahaa Santarka Carmo ee Degmada Harawa waxaa maanta lagu qabtay tababar muhiim ah oo kusaabsana habka karinta cuntada nafaqada leh (cooking demonstration food Nutrition ).

Tababarkan muhiimka ah ayaa waxaa soo qaban qaabiyey Xafiska Beeraha degmada harawa gaar ahaana waaxdiisa PSNP5 oo kashanaya Xafiiska Caafimaadka degmada harawa.

Ugu horeyntii waxaa Furitaankii tababarkan ka Hadlay oo bulshada la wadaagay faaiidada ay lee yihiin Cuntooyinka nafaqadda leh qaar ka mid ah mas'uuliinta degmada harawa .

Tababarkan oo diirada lagu saaray habka karinta cuntooyinka nafaqadda leh ayaa waxaa si fiican uga faa’iidaystay dumarka ku dhaqan Qabeega Santarka Carmo ee Degmada Harawa.

Inta lagu guda jiray tababarka, waxaa haweenka ama hooyooyinka Qabeega Santarka Carmo lagu barayey Cashiro Muhiim uu ah Habka loo kariyo Cuntooyinka Nafaqada leh, waxaana ka mid ah. Cashirada lagu tababaray

1. Faa'iidooyinka Cuntada Nafaqada Leh: Ka hadlida muhiimadda ay leedahay in la cuno cuntooyin kala duwan oo hodan ku ah fiitamiinada iyo macdanta.kalaa Duwan

2. Hababka Karinta: Sida ugu habboon ee loo kariyo cuntooyinka si loo ilaaliyo nafaqadooda, iyadoo la isticmaalayo habab caafimaad leh sida dubista, karkarinta, iyo shiilidda.

3. Qorsheynta Cuntada: Sida loo qorsheeyo cuntooyinka maalinlaha ah si loo hubiyo in la helo nafaqo ku filan.

4. Ka Hortagga Cudurrada: Sida cuntooyinka nafaqada leh ay uga caawin karaan ka hortagga cudurrada sida sonkorowga iyo nafaqo darada.

Tababarka ayaa sidoo kale waxaa lagu sameeyay casharro gacmeed, halkaas oo ka qaybgalayaashu ay fursad u heleen inay si toos ah u sameeyaan cuntooyin kala duwan. Waxaa jiray tartan yar oo loogu talagalay in lagu muujiyo xirfadaha karinta ee ka qaybgalayaasha.

Gabagabadii, tababarkan wuxuu ahaa mid midho dhal leh oo kor u qaaday wacyiga bulshada ee ku saabsan muhiimadda cuntada nafaqada leh. Waxaan rajeynayaa in tababarkan uu horseedo isbeddel wanaagsan oo ku saabsan cuntada nafaqada

Faafan Tv

23/07/2025

23/07/2025

23/07/2025

23/07/2025

23/07/2025

23/07/2025

23/07/2025

23/07/2025

23/07/2025

23/07/2025

22/07/2025

22/07/2025

Address

Telephone

Website

Alerts

Contact The Business

Shortcuts

Share