30/10/2022
Inni ati har'a bokoktee
Horiikeen of dhaaddu
Humna maallaqakeetiin
Taayitaatti of saaddu
~
Dafqa hiyyeessaa tuultee
Inni dhiibdee irra teessu
Gulantaa barbaadderra
Inni ofiikeen of keessu
~
Siif hin galleefi malee
Hiikkaan biyya lafaa
Ati dhiistee godaanta
Dilbiinkee lafatti hafa
~
Ati waan hunda qabduuf
Duutikees hin haalamu
Qabeenyikee har'aammoo
Si faana hin awwaalamu
~
Garaan nyaatee quufee
Golli kee ta'eef guutuu
Boollumatti awwaalamta
Namarraa adda hin duutu❗️
