27/10/2023
▶Dhaabbileen Tajaajila Bishaan dhugaatii fi dhangala'aa magaalota Oromiyaa wolitti makamaati jiru.
Godiinaaleen baay'een wolitti makamiinsa kana Raawwatanii keessaa bahaniiti jiru.
Godiinni keenya Jimmaanis Wolitti makamiinsa Dhaabbilee Tajaajila bishaan Dhugaatii kana wolitti makeeti jira.
👉Kaayyoon wolitti makamiinsa dhaabbilee kanneen gurguddoon labsii lakk -228/2012 fi danbii lakk-222/2013 Mootummaan Naannoo Oromiyaa Dhaabbileen akka wolitti makaniif baase inni gurguddaan;
1,Tajaajila si'ataa, teeknolojiidhaan deeggarame hawaasaaf kennuu,
2,Hojimaata Badaa Dhaabbilee Tajaajila bishaan dhugaatii keessatti mul'atan balleessuu, Huumna barateen bakka buusuu,
3,Dhaabbileen Tajaajila bishaan dhugaatii kanneen buleeyyiin sadarkaa 1ffaa addaa hanga sadarkaa 4ffaa jiran kanneen sadarkaa gadiirra jiran Huumna namaa isaanii,hojimaata, kenna tajaajilaa isaanii fi teeknolojiin akka gahoomsaniif, muuxannoo isaanii akka qoodaniifi deeggarsaa fi hordoffii akka godhaniif fi kk f
👉Bu'aan waliiti makuun qabu bay'ee hedduudha.fakkeenyumaaf;
👉Tajaajila Uummaataa saffisaa kennuuf,
👉Qabeenya jiru waliiti fiduun bu'aa barbaadamu qofaaf olchuuf.
👉Tajaajiloonni Akka huumna godhatanii, gaafii Uummataa, furuu akka danda'anii fi misooma magaalaa keessattis ta'ee Aanaa ykn godina keessatti argamaniif, Dhaabbileen Tajaajilaa akka qooda fudhataniif,
👉Dhaabbileen wolitti makaman Boordii tokko kan qaban ita'a akka labsii fi danbii ba'e irratti ibsametti.
Magaalaan keenya,Magaalaan Yabbuu Labsii kanaan kan bultuu fi Tajaajila fooyya'aa Hawaasaaf kennuuf Dhaabbata muuxannoo dheeraa qabu, Magaalaa Miidhagduu fi hawwattuu Dha/Taj/Bish/Dha/ Magaalaa Jimmaa woliin erga wolitti makamee wolharkaa fuuchaa raawwatee ji'oottan saddeet fixuuf deemaa jira.
Turtii ji'oottan kanaa keessatti gaaffii uummataa cimaa kan ture woliin ga'iinsa bishaan dhugaatii irratti karoorfatee hojjachaa kan jiruu fi komii hawaasaa kan xiqqeessee fi Tajaajila si'ataa kan itti gaafatamummaan guutameen hojjachaati jira.
Keessattuu komii hawaasaa kan ture haala sassaabbii biilii duraan woggaatti sassaabamaa ture dursanii biilii qopheessuun kaffaltii isaa akka ji'aan raawwatu ta'aati jira.Maamilli kuufamaaf akka hin saaxilamneef,
Qisaasama bishaanii irratti leenjii ogeessotaa Dhaabbata hundee irraa argateen almost hir'isee jira.
Nageenyi bishaanii madda isaa irraa hanga mana maamilaatti kan hordofamuu eegale ta'uu isaati.
Karoora xiiqii Baafachuunis burqaalee tajaajila dhaaban gara Tajaajilaatti deebisuuf hojjachuurratta argama.
Biiling system fooyyessufis maamilli mana isaa taa'ee akka kaffaltii isaa raawwachuu danda'u irrattis karoorfatee hojjachuurratti argama.
Dhaabbata Tajaajila bishaan Dhugaatii fi Dhangala'aa kana cimsuu keesstati dhaabbanni hundee Kan Magaalaa Jimmaa shoora olaanaa taphatees jira, taphataatis jira.
Horaa bulaa Bishaan lubbuudha!
