ABU AMMAR TEMAM

02/10/2026

Oduu Muudamaa!
Kabajamoo Obbo Tofik Shemsu pirezdaantii Mana Murtii Olaanaa Godina Jimmaa Kan turan, Pirezedantii Mana Murtii Olaanaa Godina Lixa Oromiyaa ta'uun muudamaniiru.
Bara hojii gaarii hawwinaaf!

02/10/2026

30/09/2026

7ቱ ክሶችና የፍረጃ ፖለቲካ ተቃርኖ ትናንትና ዛሬ
🔥🔥🔥🔥🔥🔥🔥🔥🔥🔥🔥🔥🔥

በአሕመዲን ጀበል
✅✅✅✅✅

ይህን ጽሁፍ አንብቦ መጨረስ የማይችል አርፎ ቢቀመጥ ይሻለዋል!
💧💧💧💧💧💧💧💧💧💧💧💧💧

በሀገራችን ፖለቲካ ውስጥ መብትና እኩልነትን የጠየቀ አካል የሚገጥመው የመጀመሪያው ፈተና የሐሳብ ሙግት ሳይሆን የጥላቻና የስም ማጥፋት ዘመቻ ነው። ትናንት እኔም ሆንኩ ሌሎች በማኅበራዊ ሚዲያም ሆነ በመሬት ላይ የሙስሊሞችን የመብትና የእኩልነት ጥያቄ ስናነሳ ፣ ጥያቄውን አስጥለው ድምፃችንን ለማፈን የቋመጡ አካላት ያልመዘዙብን ታርጋ አልነበረም።

በተለይም የኔን የፌስቡክ ገጽ ኮመንት ያነበበ ማንኛውም ሰው በኔ ላይ ከተዘመቱት መርዘኛ ፍረጃዎች መካከል «ባንዳ»፣ «የግብጽ ተላላኪ»፣ «ዘረኛ»፣ «ጨፍጫፊ/ገዳይ፣አይኤስ»፣ «ፀረ-ኢትዮጵያ»፥ «ኦነግ» እና «ወሃቢያ» የሚሉት ግንባር ቀደሞቹ እንደነበሩ ያስታውሳል።

የእነዚህን ፍረጃዎች ትክክለኛ መገለጫ ይዞ ዛሬ ላይ ቆም ብሎ ለታዘበ ግን ታሪክ እንዴት አስገራሚ ዳኛ እንደሆነች ይመሰክራል። ትናንት እኛ ላይ ሲለጥፏቸው የነበሩትን ሰባቱንም ፍረጃዎች፣ ዛሬ እነዚያው አካላት ራሳቸው በተግባር ተላብሰውት ስናይ ነገሩ አስገራሚ ተቃርኖ ሆኖ እናገኘዋለን።እስኪ አንድ በአንድ እንያቸው።ሳይሰለቹ እስከመጨረሻው እንዲያነቡ እየጋበዝኩ መልዕክቱ ለሌሎች እንዲደርስ ሼር፣ላይክና አስተያየትዎን ከስር እንዲያሰፍሩ እጠይቃለሁ።መልካም ንባብ።

«ባንዳ» እና ባንዳነት
💢💢💢💢💢💢

ባንዳ ማለት ለግል ወይም ለጠባብ ቡድኑ ጥቅም አሊያም ለሥልጣን ሲል ከሀገሩ ጋር ጠብ ካለው ባዕድ ኃይል ጋር አብሮ በማሴር፣ የገዛ ወገኑን ደኅንነትና የሀገሩን ሉዓላዊነት አደጋ ላይ የሚጥል ነው። ትናንት የኔ የፌስቡክ ገጽ ኮመንት ላይ ሳይቀር ሰላማዊ የመብት ጥያቄያችንን በባንዳነት ይፈርጁት ነበር። ዓላማቸውም በከሃዲነት ታርጋ የሕዝቡን እኩልነት ጥያቄ ማፈን ነበር።

የታሪክ ምጸቱ የሚጀምረው እዚህ ጋር ነው። ትናንት እኛን «ባንዳ» ሲሉ የነበሩት አካላት፣ ዛሬ ለሥልጣን ሲሉ የሀገርን ህልውና ለአደጋ የሚያጋልጥ መንገድ መርጠው ጭምብላቸው ወደቀ፤ እርቃናቸውንም ወጡ። በታሪክ ከኢትዮጵያ ጋር ፍጥጫ ውስጥ ካሉ የውጭ ኃይሎች ጋር ለማበር ደጅ ሲጠኑና የሀገራቸው መዳከም ለሚመኛቸው ባዕዳን በር ሲከፍቱ አደባባይ ላይ እየታዩ ነው።

ባንዳነት መገለጫው ለውጭ ጠላቶች የውስጥ መጠቀሚያ መሆን ነው። የኢትዮጵያ ባላንጣ የሆኑ የግብጽ ሚዲያዎችና አክቲቪስቶች የሰሞኑን የሰሜን ኢትዮጵያ ጦርነትን እያጋነኑ ጮቤ ሲረግጡና በስሜት ድጋፋቸውን ሲቸሩ ማየት የባንዳነት መሥመሩ ወዴት እንደሚያመራ ቁልጭ አድርጎ ያሳያል። የግብጽ ባላንጣዎች ለሀገራችን ሰላም ወይም ለሕዝብ ነፃነት አስበው ሳይሆን፣ የሀገራችን ማዕከሉ ተዳክሞ ኢትዮጵያ እንድትፈረካከስ ስለሚፈልጉ ብቻ ነው።

መንግሥትን መቃወም ይቻላል፤ የውጭ ባላንጣ መሣሪያ ሆኖ ሀገርን ማዳከም ግን ባንዳነት ነው። «የጠላቴ ጠላት ወዳጄ ነው» በሚል ስሌት የሀገርን ህልውና ለባዕዳን አሳልፎ መስጠት ለሕዝብ ነፃነት አያመጣም።

ታዲያ ዛሬ ላይ ባንዳው ማን ነው? «ጦርነት ይብቃ፤ ሀገር በሰላምና በእኩልነት ትጓዝ» የሚለው ሰላማዊው ሙስሊም ወይስ ለሥልጣን ሲል ከሀገር ባላንጣዎች ደጅ የሚጠናው አካል? መልሱን ታሪክ ብቻ ሳይሆን የዛሬው ነበራዊ እውነትም በግልጽ እየመሰከረው ነው።

«የግብጽ ተላላኪ»
🔴🔴🔴🔴🔴🔴

«የግብጽ ተላላኪ» ማለት ከካይሮ መመሪያና ገንዘብ ተቀብሎ የሀገሩን ጥቅም አሳልፎ የሚሰጥ የውክልና አገልጋይ ነው። ትናንት በኔ ላይም ሆነ የሙስሊም ኢትዮጵያውያን መበት አጀንዳዎችን ስናነሳ «የግብጽ ተላላኪ» የሚለው የፍረጃ ሀረግ
ይመዘዝ የነበረው እኛን በአሉታዊ ገጽታ በመሳል ሰላማዊ የመብትና የእኩልነት ጥያቄዎች ማስጣል፥ ማፈን እና በአዎንታዊነት እንዳይታይ ለማድረግ ነበር።

የታሪክ ምጸቱ የሚጀምረው እዚህ ጋር ነው። ትናንት እኛን «የግብጽ ተላላኪ» እያሉ ያለምክንያት ሲፈርጁ የነበሩት አካላት፣ ዛሬ «እኔ ካልገዛኋት ኢትዮጵያ በአፍጢሟ ትደፋ» እያሉ ከሀገር ህልውና ይልቅ ሥልጣንን አስቀድመው ጭምብላቸው ወለቀ፤ እርቃናቸውንም ወጡ። ይባስ ብለው «መንግሥትን ለመጣል ከማንም ጋር እንሠራለን» እያሉ እስከ መናገር ደረሱ።

የካይሮ ዓላማ ዘመናት ቢቀየሩም ያው ነው፤ «ኢትዮጵያን በውስጥ ቀውስ ጠምዶ ሰላም ማሳጣት»። የግብፅ ፖለቲከኞች የናይልን የበላይነት ለማስጠበቅ ሲሉ የእኛን ውስጣዊ ክፍፍልና አማፂያንን እንዴት መጠቀሚያ ማድረግ እንዳለባቸው በይፋ ሲመክሩበት ያየነው እውነታ ነው።

ሀገርና መንግሥት አንድ አይደሉም። መንግሥትን መቃወም እና ከሀገር ጥቅም በተጻራሪ መቆም ፈጽሞ አይገናኙም። በሀገር ጉዳይ ላይ «የጠላቴ ጠላት ወዳጄ ነው» የሚለው ስሌት አይሠራም። መንግሥትን ብንቃወም እንኳ፣ የትጥቅና የገንዘብ ድጋፍ ፍለጋ እንደ ግብጽ ካሉ ታሪካዊ ጠላቶች ጋር ማበር ባንዳነት እንጂ ለሕዝብ ነፃነት አያመጣም። የግብጹ መሪ አስመራ፣ የአስመራው ካይሮ የሚመላለሱት ለየትኛው የልማትና ኢንቨስትመንት አጀንዳ ነው?

ሻዕቢያስ የመንግሥት ተቃዋሚዎች ሁሉ የጡት አባት የሚሆነው ከዚህ ከተሰጠው ተልእኮ ሌላ ምን ሊሆን ይችላል? ይህ የግንኙነት መሥመር ግልጽ ያልሆነለት ካለ በሰሞኑ የግብጽ ሚዲያዎችና አክቲቪስቶች በሰሜን ኢትዮጵያ እየተከናወነ ባለው ጦርነት ላይ የሚዘግቡትን ዘገባ፣ በዘገባዎቹ ስር የሚሰጡትን አስተያየት ይመልከት። ኢትዮጵያ ወደ እርስ በእርስ ጦርነት ተመለሰች በሚል ምን ያህል ጮቤ እንደረገጡ አስተውሉ። ከዘገባ እስከ ትንታኔ፣ ከሚታየው ፍላጎታቸው እስከ ትክክለኛነት ለማን ወግነው እየሠሩ እንደሆነ አስተውሉ።

ታዲያ ዛሬ ላይ ተላላኪው ማን ነው? «ጦርነት ይብቃ፤ ሀገር በሰላምና በእኩልነት ትጓዝ» የሚለው ሰላማዊው ሙስሊም ወይስ ለሥልጣን ሲል ከሀገር ባላንጣ ጋር ግንባር ለመፍጠር የሚደራደረው አካል? መልሱን ታሪክ ብቻ ሳይሆን የዛሬው እውነትም በግልጽ እየመሰከረው ነው።

«ዘረኛ»
❌❌❌

ዘረኛ ማለት ሰውን በብሔሩ ወይም በትውልዱ ብቻ እያበላለጡ የሌሎችን ክብር፣ ሰብአዊ መብትና ዕድል የሚነፍግ፣ የራሱን ዘር ከሁሉ በላይ የተለየ አድርጎ የሚያቀርብ ነው። ትናንት በፌስቡክ ገጼ ላይ በማኅበረሰባችን የደረሱ በደሎችን ስናጋልጥና እኩልነትን ስንጠይቅ «ዘረኛ!» እያሉ ታርጋ ይለጥፉብን ነበር። ዓላማቸውም የእኩልነት ድምፃችንን በጠባብነት አስፈርጀው ለማድበስበስ ነበር። በእርግጥ በደል፥ አድሎና ጭቆና ካለ ለራስ ዘር መበት መሥራትና መቆም አንዳች ችግር ያለው ነገር ባይሆንም ተለይ «አሕመዲን ዘረኛ ነው፤ ለሙስሊሞች ሳይሆን ለዘሩ ነው የቆመው» የሚለው ፍረጃ በስፋት ከተሰራጩት መካከል ነው።

ትናንት እኛን በዘረኝነት የከሰሱት አካላት፣ ዛሬ ራሳቸው የትምክህትና የጠባብነት አውራ ሆነው ጭምብላቸው ወለቀ፤ እርቃናቸውንም ተጋለጡ። ሌላው ቀርቶ መብላትና መጸዳዳት ጭምር እኛ ነን ያስተማርናችሁ ሲሉ ተደመጡ።

የሌላውን ብሔር ህልውናና መብት እንደ ስጋት በመቁጠር፣ ራሳቸውን ብቸኛ የሀገር መስራችና ባለቤት፣ ሌላውን ደግሞ እንደ ባዕድና ሁለተኛ ዜጋ የሚያዩበትን ጽንፈኛ የዘረኝነት አባዜ በተግባር አደባባይ አውጥተውታል።

ዘረኝነት ማለት የራስን መብት ማስከበር ሳይሆን የሌላውን መብት የመደፍጠጥ ፍላጎትና ተግባር ነው። የራስን ማንነት ማወቅና ለተበደለ ወገን መቆም ተፈጥሯዊ መብት እንጂ ዘረኝነት ሊሆን አይችልም። እውነተኛው ዘረኝነት «ከእኔ ብሔር በላይ ማንም ሊኖር አይገባም፤ ሌላው እኔን መስሎ፥ስለኔ ባለውለታነት እየዘመረ እኔ በፈቀድኩለት መንገድና ልክ ብቻ ይኑር» የሚል እብሪት የወለደው ፍላጎት ነው።

ፍትሕና እኩልነትን መፈለግ ከዘረኝነት ጋር አይገናኝም።ስለመላው ወገንና ሀገር የቆሙትን ሁሉ በዘረኝነት እየፈረጁ በሚዲያ ዘገባዎቻቸውም ሆነ በእንቅስቃሴያቸው ስለራሳቸው ዘር ብቻ የሚያቀነቅኑ አካላት ሌላውን «ዘረኛ!» ብለው ለመፈረጅ እንደመሞከራቸው የሚደንቅ ነገር የለም።ታሪክህን ስትናገር ይናደዳሉ። ባህልህን ስታንጸባርቅ አይናቸው ይቀላል። ሃይማኖትህን አጥብቀህ ስትይዝ፥ ስለሃይማኖት ወገኖች ጭቆና ስትናገር ይበግናሉ። የወገንህን ጉዳይ ችላ ብለህ እነርሱ እንደሚፈልጉት ሆነው ስትገኝ አንተ ለነርሱ «ጥሩ ኢትዮጵያዊ» ነህ!

ታዲያ ዛሬ ላይ ዘረኛው ማን ነው? «ሁሉም ሕዝብ በክብርና በእኩልነት ይኑር፤ መድልዎ ይብቃ፥ኢትዮጵያ የሁሉም ኢትዮጵያውያን ነች በተግባርም ሁሉን ትምሰል» የሚለው ኢትዮጵያዊ ወይንስ እነርሱ ኢትዮጵያን ካልመሩ «ብፈልግ ትፍረስ ለኔ ምኔ ነች?» በሚል በጠባቡ የዘር አጥር የታጠረው አካል?

«ጨፍጫፊ/ገዳይ፣ አይኤስ»
⭕⭕⭕⭕⭕⭕⭕⭕

«ጨፍጫፊ ወይም ገዳይ» ማለት ያለ አንዳች ሕጋዊ ምክንያት የንጹሐንን ሕይወት የሚያጠፋ፣ የጅምላ እልቂት የሚያዝ፣ የሚያቅድ ወይም ሆን ብሎ በደቦ የሚያስፈጽም አረመኔ ነው። ትናንት እኔ በማኅበራዊ ሚዲያ በምጽፋቸው ጽሑፎች ስር እየገቡ እኛን በገዳይነትና በአሸባሪነት ይፈርጁን ነበር።

እኛ የመራነው የ«ድምፃችን ይሰማ» ሰላማዊ ንቅናቄ አንዲትም ንጹሕ ነፍስ ያልጠፋበት፣ አንድም መስታወት ያልተሰበረበት፣ በተቃራኒው እኛው ራሳችን የአካልና የታሳሪነት ዋጋ የከፈልንበት የሞራል የበላይነት የነበረው ትግል ነበር። ትናንት በሰላማዊነቱ የመሰከሩና ድምጽ ሆነው የነበሩ አንዳንድ አካላት ጭምር በቅርብ ጊዜያት ዉስጥ ያለአንዳች ማስረጃ ብቻ እኛን «ገዳይ» እያሉ ገጽታ ለማጠልሸት ጥረው ነበር። ብዙም ሳይቆም በገዛ አረመኔያዊ ተግባሮቻቸውና አረመኔያዊ ድርጊቶችን በሚዲያ ለመከላከልና ድጋፍ ለመስጠት በተጓዙት ርቀት ማን ገዳይና ጨፍጫፊ እንደሆነ እውነቱ ተጋለጠ፤

በሀገራችን ማኅበራዊ ሚዲያ መጥቶ ድርጊቶች በቪዲዮ ጭምር መዘገብ ከጀመሩ ወዲህ እውነታውን ሁሉም መረተት ጀመረ፤ባለፉት ዓመታት በመንጋ በደቦ ፍርድ የሰው ልጅ ያለፍርድ ሲገደል፥ ክቡር የሆነው የሰው ልጅ በእሳት ሲቃጠል፣ የሰው ልጅን «ጠብሰን እንበላለን» እያሉ በጭካኔ ሲፎክሩ፣ ንጹሐንን ከባጃጅ እያወረዱ በደቦ ሲገድሉ፥ በሴት የመራቢያ አካል ላይ ዘግናኝ ድርጊት ሲፈጽሙ፥ በቪዲዮ እየቀረጹ የሰው ልጅ በጥይት እሩምታ ሲገድሉና ክብር ሲያዋርዱ የታዩት ገዳዮች ሙስሊሞች አልነበሩም።

በሀገራችን በኢስላምና በሙስሊ ስም ታጥቆና ሸፍቶ ጫካ የገባ ቡድን የለም። ሌላው ቢቀር በኢትዮጵያ የብሄርና የሃይማኖት እኩልነትን ማየት የናይሻው የጽንፈኞች መሪ የሆነው መምህር ፋንታሁን ዋቄ በሚዲያ ቀርቦ በግልጽ እንደመሰከረው፣ ፋኖ በብሔር ስም የተደራጀ የሃይማኖት ታጣቂ ነው።

የሙስሊሞች ገዳይነት ያለው በጥላቻና በእብሪት በተሞላው አዕምሮ ዉስጥ እንጂ በኢትዮጵያ በሙሉ በታዩና እየታዩ ባሉ የጅምላ ግድያና እልቂት ዉስጥ የለም። ታዲያ ዛሬ ላይ ገዳዩና ጨፍጫፊው ማን ነው? ትናንት ሰላማዊነቱን በተግባር ያስመሰከረው ሙስሊም ወይስ ዛሬ በገዛ ቪዲዮው ጭካኔውን እያሳየ ንጹሐንን የሚጨፈጭፈው ታጣቂ? መልሱን ታሪክ ብቻ ሳይሆን የዛሬው እውነትም በግልጽ እየመሰከረው ነው።

«ፀረ-ኢትዮጵያ»
💥💥💥💥💥

«ፀረ-ኢትዮጵያ» ማለት የሀገርን የጋራ ህልውና፣ ሰላምና ዘላቂ ኅብረት የሚጻረር፣ ለሀገር ውድቀትና መፈራረስ የሚሠራ ኃይል ነው። ትናንት የኢትዮጵያዊነት ብቸኛ ደረጃ መዳቢዎች እነሱ ብቻ በነበሩበት ወቅት፣ የፌስቡክ ገጼ ላይ ሳይቀር የመብትና የፍትሕ ድምፅ ባሰማን ቁጥር «ፀረ-ኢትዮጵያ» እያሉ ያወግዙን ነበር። ዓላማቸውም የእኩልነት ጥያቄያችንን በሀገር ጠላትነት አስፈርጀው ለማዳፈን ነበር።

ትናንት እኛን «ፀረ-ኢትዮጵያ» እያሉ ያለምክንያት ሲፈርጁ የነበሩት አካላት፣ ዛሬ «እኔ ከሞት ሰርዶ አይብቀል» አይነት አካሄድን በመምረጥ ትናንት ለኢትዮጵያ አንድነት ተቆርቋሪ መስለው ሲሰብኩ የነበሩት፣ ዛሬ «ኢትዮጵያ» የሚል ስም ያለው እንቅስቃሴ ወይም ፓርቲ በሰፈራችን ማለፍ አይችልም እያሉ ሲያግዱና በጠላትነት ሲፈርጁና ሲዝቱ እናያለን።

ሀገር ወዳድነት ማለት የራስን አመለካከት በሌላው ላይ በግድ መጫን አይደለም። ሀገር የሁሉም ዜጎች እኩል መኖሪያ እንጂ የአንድ ቡድን የግል ርስት አይደለችም። «የእኔ ፍላጎት ካልተሳካ ኢትዮጵያ ምኔ ናት?» የሚል አቋም መያዝ የፀረ-ኢትዮጵያዊነት ትክክለኛ መገለጫ ነው።

መንግሥትን መቃወም የዴሞክራሲ አካል ሊሆን ይችላል፤ ነገር ግን «እኔ ካልገዛኋት ሀገሪቱ ትፍረስ» ማለት በቀጥታ የሀገር ጠላት መሆን ነው። የሀገርን አንድነት መሠረት የሚንድ ጽንፈኝነት የትም አያደርስም።

ኢትዮጵያ የጋራ ሀገራችን ናት፤ ኢትዮጵያዊነትም የሁላችንም የጋራ ማንነት ነው። ይሄ ማንነት ደግሞ ሁሉንም ኢትዮጵያዊ እኩል የማይወክልና በአንድ ወገን መልክ ብቻ የተጠረዘ ሊሆን አይችልም፤ አይገባውምም።

ኢትዮጵያ በሁሉም ነገር አካታች እንድትሆን፣ ፍትሕ እንዲሰፍንባትና የሁላችንም ቤት እንድትሆን መጠየቅ የጠለቀ የሀገር ፍቅር እንጂ በምን ተአምር «ፀረ-ኢትዮጵያዊነት» ሊሆን ይችላል? እውነተኛ ፀረ-ኢትዮጵያ ማለት እኮ ሀገሪቱ በጽኑ አንድነት ቆማ በልጆቿ ሁሉ እንድትወደድ የሚያደርገውን አካታችነት መግፋትና ወደ ማያባራ ቀውስና ውድቀት የሚወስዳትን ጠባብ መንገድ መከተል ነው።

እውነተኛ ፀረ-ኢትዮጵያዊነት ማለት ሀገሪቱን የአንድ ወገን ብቻ አድርጎ ሌላውን እንደ ባይተዋር ማየትና የዜጎችን ሕጋዊ የመብት ድምፅ በጠላትነት ማፈን ነው። ፀረ-ኢትዮጵያዊነት ማለት ሀገሪቱ በፍትሕና በእኩልነት ቆማ በልጆቿ ሁሉ እንድትወደድ የሚያደርገውን አካታች መንገድ ገፍቶ፣ ወደ ማያባራ እልቂትና ውድቀት የሚወስዳትን የጥፋት ጎዳና መከተል ነው።

«ኦነግ»
♦♦♦

«ኦነግ» የሚለው ታርጋ ለዓመታት በአንዳንድ አካላት ዘንድ እንደኔ ላሉ የመብት ጠያቂ የኦሮሞ ብሄር ተወላጆዎችን ለማሸማቀቅና ስም ለማጥፋት የሚመዘዝ የተለመደ ካርድ ሆኖ ቆይቷል። ትናንት በወለጋ፣ በአርሲ ወይም በሌሎች አካባቢዎች ጥቃት በተፈጸመ ቁጥር፣ በማኅበራዊ ሚዲያ በምንጽፋቸው ጽሑፎች፣ ሌላው ቀርቶ ለንጹሐን ወገኖቻችን ሞት ከልብ በመነጨ በጻፍነው የሐዘን መግለጫ ሥር ጭምር እየገቡ «ኦነግ! የእጅህን ታገኛለህ!» እያሉ በተደራጀ መንገድ ይዘምቱብን ነበር። ዓላማቸው ግልጽ ነበር፤ የምናነሳውን የፍትሕና የእኩልነት ድምፅ በፖለቲካ ፍረጃ አጠልሽተው ማፈን።

ትናንት እኛን በጠላትነት ፈርጀው «ኦነግ» ሲሉ የነበሩት ሰዎች፣ ዛሬ ለሥልጣን ፍላጎታቸው ሲሉ ከኦነግ-ሸኔ ጋር ግንባር መፍጠራቸውን በይፋ ሲያውጁ ማየት እጅግ ይገርማል። ትናንት ከእርሱ ጋር ምንም ዓይነት ግንኙነት ላልነበረኝ ለኔ «የኦነግ ደጋፊ» የሚል ታርጋ የለጠፉብኝ አካላት፣ ዛሬ በተገላቢጦሹ ዞረው ኦነግ-ሸኔን «በክፉ ያነሳ ጠላታችን ነው» እስከማለት ደርሰዋል።

ይህ ነገር በኔ ላይ የተከፈተው ዘመቻ ሁሉ የፈጠራና የስም ማጥፋት ሸፍጥ እንደነበር ቁልጭ አድርጎ ያሳያል። ትናንት ንጹሐን ሲገደሉ የኦሮሞ ተወላጅ በመሆኔ ብቻ «አንተ የኦነግ ደጋፊ ነህ፤ የእጅህን ታገኛለህ!» እያሉ የዛቱብኝ ሁሉ፣ ዛሬ ምንም እንዳልተፈጠረ ሆነው ቀርበዋል። «ተሳስተናል» ብለው እውነቱን ሳይናገሩ፣ በኔም ሆነ በሌሎች ላይ ላደረሱት የስም ማጥፋት አንዲት ቃል ይቅርታ ሳይጠይቁ፣ ለደገፋቸውም ሕዝብ ምንም ሳያብራሩ ዛሬ ለሥልጣን ሲሉ ከዚያው አካል ጋር ግንባር መፍጠራቸው የታሪክ ትልቅ ምጸት ነው።

የሥልጣን ጥምና ጉጉት አደገኛ ነገር ነው። መርህ ሲጠፋ ሰውን ክብሩን አስጥሎ የገዛ ቃሉንና ኅሊናውን እንዲክድ ያደርገዋል። ትናንት በኔ ላይ የከፈቱት የማጠልሸት ዘመቻ የፖለቲካ ሴራ እንጂ እውነት እንዳልነበር ዛሬ አደባባይ ወጥቷል። በኔ ላይ ላካሄዱት የሐሰት ውንጀላ ቅንጣት ታህል ጸጸት ሳይሰማቸው፣ ትናንት የረገሙትን ዛሬ ለሥልጣን ሲሉ ማወደስ የሞራል ውድቀትና የፖለቲካ ክስረት እንጂ ለሕዝብ የሚፈይደው ምንም ነገር የለም።

ታዲያ ዛሬ ላይ ከኦነግ ጋር ግንባር የፈጠረው ማን ነው? ትናንት በሐሰት ስም ሲለጠፍበት የነበረው ሰላማዊው ሙስሊም ወይስ ዛሬ ለሥልጣን ሲል ከኦነግ-ሸኔ ጋር ጥምረት የፈጠረው አካል? መልሱን ታሪክ ብቻ ሳይሆን የዛሬው እውነትም በግልጽ እየመሰከረው ነው።

«ወሃቢያ»
🔴🔴🔴🔴

«ወሃቢያ» የሚለው ታርጋ በሀገራችን የሙስሊሙን ማኅበረሰብ የመብትና የእኩልነት ድምፅ ለማፈን የተለመደ የማሸማቀቂያ ካርድ ሆኖ ቆይቷል። ትናንት የኔ የፌስቡክ ገጽ ኮመንት ላይ ሳይቀር እኔንም ሆነ ሌሎችን «ወሃቢያ» እያሉ በጅምላ ይፈርጁን የነበረው ያለምክንያት አይደለም። አንድ ሙስሊም ስለ ዜግነት መብቱ ሲጠይቅ፣ «ሂጃብ አድርጋችሁ መማር አትችሉም፤ አዛን ማሰማት ክልክል ነው» ሲባል «ለምን?» ብሎ ሲከራከር፣ አክሱም ላይ የሙስሊሞች መብት እንዲከበር ሲጠይቅ፣ አሊያም ያቃጠሏቸውን መስጂዶች ጉዳይ አንስቶ ወገኑ ሲበደል ድምፁን ሲያሰማ ወዲያውኑ «ወሃቢያ» የሚል ስም ይለጠፍበታል። ዓላማቸው እጅግ ግልጽ ነበር፤ የምናነሳውን ሕጋዊና ሰላማዊ የመብት ጥያቄ «ከውጭ የመጣ አክራሪነት» አስመስሎ በማቅረብ ሕዝቡን ማሸማቀቅ፣ በሃይማኖታዊ ንትርክ እርስ በርሱ ማባላትና ፍትሐዊ ጥያቄውን በጸጥታ ስጋትነት ፈርጆ ማዳፈን።

እኛ ፍጹም ሰላማዊና ሕገ-መንግሥታዊ የእኩልነት ጥያቄ ስናነሳ «አክራሪ» ያደረጉን እነዚሁ አካላት፣ በብሔር ስም ቢደራጁም ከመንግሥት ጋር በሚያደርጉት የተዘዋዋሪ ድርድር ጭምር ዋነኛ አጀንዳቸው ስለ ብሔሩ ሳይሆን ስለ እምነታቸውና «ቤተክርስቲያን ተገፋች» የሚል ሆኖ ማየታችን እውነተኛ ማንነታቸውን ያጋለጠ ነው። ሌላው ቀርቶ በአርሲም ሆነ በሌላ አካባቢ በታጣቂዎች ንጹሐን ሲገደሉ እንኳ፣ እውነታውን አድበስብሰው «የወሃቢያ ሥራ ነው» እያሉ በሕዝብ መካከል የጥላቻ እሳት ሲያነዱ ማየት የዚሁ አደገኛ ሴራ ማሳያ ነው።

የፍረጃው ዓላማ ዘመናት ቢቀየሩም አልተለወጠም ፤ ሙስሊሙን በገዛ ሀገሩ እንደ ባይተዋር በመሳል ስለ መብቱ እንዳይጠይቅ አንገቱን ማስደፋት። ትናንት በኢትዮጵያ ምድር ለዘመናት በሰላም የኖረውን አማኝ «አክራሪ ናችሁ» እያሉ ሲያጠለሹ የነበሩት ሰዎች፣ ያነሳነው ጥያቄ ሕግ እንደጣሰ የምታሳይ አንዲት ማስረጃ አላቀረቡም። እኛ የጠየቅነው ፍትሕ፣ የመስጂድ ክብርና የዜግነት እኩልነት እንጂ የማንንም እምነት የመንካት አጀንዳ አልነበረንም።

ሃይማኖተኛ መሆንና ሃይማኖትን ለጥላቻ ፖለቲካ መሣሪያ ማድረግ ፈጽሞ አይገናኙም። የራስን እምነት አጥብቆ መያዝና ስለ ወገን መብት በሰላማዊ መንገድ መሟገት ዜግነታዊ መብት እንጂ አክራሪነት ሊሆን አይችልም። እውነተኛው ጽንፈኝነት የራስን እምነት በጠመንጃ በሌላው ላይ ለመጫን መሞከር ነው።

ዛሬ ላይ መምህር ፋንታሁን ዋቄ በሚዲያ ወጥቶ በግልጽ እንደነገረን፣ በሃይማኖት ዓላማ በብሔር ስም ተደራጅተው፣ ከቤተ እምነታቸው ጭምር መሣሪያ ታጥቀው ማይክ ይዘው ሲናገሩና በየጫካው ሲፎክሩ ስናይ፣ ትናንት እኛን «ወሃቢያ» እያሉ ያጠለሹት ለካስ በውስጣቸው የተሸከሙትን እውነተኛውን አክራሪነት ለመሸፈን እንደነበር ቁልጭ አድርጎ ያሳያል።

ታዲያ ዛሬ ላይ አክራሪውና ጽንፈኛው ማን ነው? «እምነቴ ይከበር፤ ሀገሬም የሁሉም እኩል ቤት ትሁን» ብሎ ሰላማዊውን መንገድ የሙጥኝ ያለው ሙስሊም ወይስ ሃይማኖትን የፖለቲካ ዱላ አድርጎ በብሔር ስም የታጠቀው ጽንፈኛ አካል? መልሱን ታሪክ ብቻ ሳይሆን የዛሬው ነባራዊ እውነትም በግልጽ እየመሰከረው ነው።

ፍረጃዎቹ እንደ መስታወት
🎈🎈🎈🎈🎈🎈🎈🎈

ከላይ ያየናቸው ሁሉ ተደማምረው አንድ ግልጽ እውነት ያሳየናል፤ ትናንት በኔም ሆነ በመብት ጠያቂው ሙስሊም ወገን ላይ የተለጠፉት ሰባቱም መርዘኛ ታርጋዎች፣ የፍትሕና የእኩልነት ድምፃችንን ለማፈን የታለሙ የፈጠራ ሴራዎች እንጂ ቅንጣት ታህል እውነት አልነበራቸውም።

የሥልጣን ጥማት ደግሞ መርህና ኅሊና ሲጎድልበት ሰውን እንዴት እርቃኑን እንደሚያስቀረው ዛሬ በገሃድ እያየነው ነው።

ትናንት ሌላውን ለማጥቆር የተመዘዙት «ባንዳ»፣ «ተላላኪ»፣ «ዘረኛ»፣ «ገዳይ»፣ «ፀረ-ኢትዮጵያ»፣ «ኦነግ» እና «ወሃቢያ» የሚሉት ፍረጃዎች፣ ዛሬ ዞረው የከሳሾቹን እውነተኛ ገጽታ የሚያሳዩ መስተዋቶች ሆነዋል።

የኢትዮጵያ ሕዝብ ዛሬ ማን ማን እንደሆነ በደንብ ለይቶ አውቋል። ማን ለሀገር ሰላም፣ ለፍትሕና ለሕዝብ እኩልነት እንደሚቆም፤ ማን ደግሞ ለወንበርና ለጠባብ ቡድን የበላይነት ሲል ከሀገር ባላንጣ ጭምር ተሻርኮ ሀገር እንደሚያፈርስ አደባባይ ላይ የወጣው እውነት እየመሰከረ ነው። ፍረጃና የስም ማጥፋት የጊዜ ጉዳይ እንጂ የትም አያደርስም፤ እውነት ግን ምንም ብትዘገይ የገዛ ቃላቸው እያሳደደ አደባባይ ላይ ፍርዱን መስጠቱ አይቀርም።
ለዛሬ አበቃሁ።ቸር እንሰንብት።

ሰላም ለኢትዮጵያ፣ሰላም ለሀገሬ!

📶📶📶📶📶📶📶📶📶📶📶📶📶

💥 የአሕመዲን ጀበል የዩቲዩብ ቻናልን ሰብስክራይብ በማድረግ ይቀላቀሉ! ሊንኩ ከሥር በአስተያየት መስጫው ስር ተጠቅሷል።👇

27/09/2026

''ሀገርን እያፈረሱ ሀገርን ማዳን ይቻላልን?''
⭕⭕📶📶⭕⭕📶📶⭕⭕📶📶
በአሕመዲን ጀበል
🔴🔴🔴🔴🔴

የአንድ መንግሥት ዋነኛ ኃላፊነት የሀገርን ሰላምና ደህንነት፣ የዜጎችን ሕይወትና ንብረት መጠበቅ፣ ሕግና ሥርዓትን ማስከበር ነው። በመሆኑም መንግሥት ኀላፊነቱን መወጣት በተሳነው ጊዜ “መንግሥት ዜጎችን መጠበቅ አልቻለም” ማለት አግባብነት ያለው ሊሆን ይችላል። መንግሥት አላግባብ በሠራውም ሆነ መሥራት ሲገባው ባልሠራውም መጠየቅ አለበት። በተመሳሳይ መልኩ የመንግሥት መጠየቅ ተቃዋሚዎችንም ከተጠያቂነት ነጻ አያደርጋቸውም።

እንዴት ካለንበት ሁኔታ እንዴት ደረስን?
📶📶📶📶📶📶📶📶📶📶

ከ2010 ዓ.ል. በኋላ የፖለቲካ ምህዳሩ ሲከፈት፣ እስረኞች ሲፈቱ፣ በውጭ የነበሩ ተቃዋሚዎችና የታጠቁ ኃይሎች ወደ ሀገር እንዲመለሱና ወደ ሰላማዊ ፖለቲካ እንዲገቡ ዕድል ተፈጠረ።ሁሉም በለውጡ አየር በእጅጉ ተደሰተ። ታዲያ ያ ዕድል ወደ ዘላቂ ሰላማዊ ፖለቲካ ለምን አልተሸጋገረም? የት ላይ ተበላሸ? መንግሥት፣ ተቃዋሚዎች፣ የታጠቁ ኃይሎችና ሌሎች የፖለቲካ ተዋናዮች እያንዳንዳቸው ምን ድርሻ ነበራቸው?

መንግስትም ሆነ ተቃዋሚዎች፥ ተጽዕኖ ፈጣሪዎችም ሆኑ የሚዲያ ተቋማት፥ የሃይማኖት ተቋማትም ሆነ ሰፊው ሕዝብ እንዲሁም ሌሎች ባለድርሻ አካላት በሆነውንና ሊሆን ሲገባ ባልሆነው ምን ድርሻ ነበራቸው? ሁሉም ቆም ብሎ ያለፍንበትን ሊፈትሽ ይገባል። እነዚህን ሳንጠይቅ የዛሬውን ሁኔታ ብቻ ይዘን ፍርድ መስጠት ታሪኩን ከመሀል ጀምሮ እንደማንበብ ነው።

''አዳክሜሃለሁ፤ ደካማ ስለሆንክ ግን ካንተ ይልቅ የተሻለው አማራጭ እኔ ነኝ!'
✅✅✅✅✅✅✅✅✅✅✅✅✅

የመንግሥትን የፀጥታና የአስተዳደር አቅም ለማዳከም በትጥቅ እየተዋጋህ ወይም ይህንን ትግል ሚዛናዊ ባልሆነ መንገድ በሚዲያ እየደገፍክ፣ የመንግሥት አቅም ሲዳከም “ተመልከቱ፣ መንግሥት አቅም የለውም፤ ሕዝብን መጠበቅ አልቻለም” ብለህ ጣትህን ወደ መንግሥት ብቻ ቀስረህ አንተው ራስህ አድራጊም ከሳሽም ሆኖ መቅረብ ምጸት ነው። ያንተን ድርሻና ተጠያቂነት በዜሮ አባዝተህ መጓዝ ከፈለግክ መሰል ፍርደ ገምድል ምን ዓይነት ፍትህ ሊያሰፍን ይችላል?

የመንግሥትን ስህተት መተቸትና ሰላማዊ ተቃውሞ አግባብ ቢሆንም ከዚያ ተሻግረህ እሳት አቀጣጥለህ፣ ሲያቀጣጥሉ ኃላፊነትህን ሳትወጣ በዝምታ አይተህ፥ወይም ያቀጣጠሉትን “አይዟችሁ ጀግኖቼ” በማለት በማበረታት አልያም የማቀጣጠል አቅማቸው እንዲጎለብት አግዘህ፣አልያም እውነቱን በኋላፊነት ከመዘገብ ተሻግረህ ሚዛናዊ ያልሆነ አንዱን የሚያጎላ የሚዲያ ሽፋን ሰጥተህ የማቀጣጠል አቅማቸውና ተሰሚነታቸው እንዲጎለብት ሠርተህ፣ የእሳት አደጋ ክፍሉን “ለምን በፍጥነት አላጠፋኸውም?” ብለህ መክሰስ አትችልም።

የእሳት አደጋ ክፍሉ ለአፈጻጸም ጉድለቱ ይጠየቅ፤ እሳቱን ያቀጣጠለውም ያባባሰውም አካል ለነበረው ቁልፍ ሚና የየድርሻውን ይጠየቅ።

የዛሬውን የኢትዮጵያ ሁኔታም እንዲሁ ከመጨረሻው ገጽ ጀምሮ ማንበብ አይገባም። “ዛሬ የት ላይ ነን?” የሚለውን ያህል “እንዴት በዚህ ሁኔታ ላይ ደረስን?” የሚለውም ሊመረመር ይገባል። ከገባንበት አዘቅት ለመውጣት በመጀመሪያ ወደዚህ ገደል የገባንበትንና ጠልቀን የሰመጥንበት ሁኔታ በጥሞና መመርመር ተገቢ ነው።

ሕዝብ፣ ዓላማ እና የተመረጠው ስትራቴጂ
💥💥💥💥💥💥💥💥💥💥💥💥

በፖለቲካዊ ትግል ውስጥ ትልቁ የታሪክ ስህተት የሚጀምረው ሕዝብን፣ ፓርቲን፣ ዓላማንና ስትራቴጂን ለይቶ ካለማወቅ ነው። ፓርቲ ማለት ሕዝብ አይደለም፤ ፓርቲ ወይም የትጥቅ ቡድን ጊዜያዊ ተዋናይ ሲሆን፣ ሕዝብ ግን የትግሉ መነሻና መዳረሻ የሆነው ቋሚ ባለቤት ነው። አንድ ድርጅት የሕዝብን ጥያቄ ሊያነሳ ወይም የተወሰነ ማህበረሰብ ክፍል ድጋፍ ሊኖረው ይችላል። ይህ ግን ድርጅቱን ከሕዝቡ ጋር አንድ አያደርገውም፤ሕዝቡንም ለድርጅቱ ድርጊት በጅምላ ተጠያቂ አያደርገውም።

በሌላ በኩል፣ የዓላማ ትክክለኛነት (right cause) የተመረጠው ስትራቴጂ ትክክል ለመሆኑ ማረጋገጫ አይሆንም። ፍትሕን፣ እኩልነትንና ነፃነትን የመሰሉ ቅዱስ ዓላማዎች በተሳሳተና አውዳሚ መንገድ ሊመከኑ ይችላሉ።

የጦርነትን አውዳሚነትና የሰውን ልጅ ክብር የተረዳ የአካል፥ የትጥቅ ትግልን እንደ መጀመሪያ አማራጭ አይመርጥም። ሰላማዊና ሕጋዊ መንገዶች ሁሉ በእርግጥ እንደተዘጉ ሳያረጋግጥ “ሌላ አማራጭ የለም” ብሎ ሕዝብን ወደ ጦርነት አይመራም።እዚህም ላይ ቢሆን ራስን ለመከላከል አልሞት ባይ ተጋዳይነት እና የፖለቲካ ትርፍ ለማግኘት ብሎ ከሰላማዊ ትግል መውጣት እጅግ የተለያዩ ነገሮች ናቸው። አሁን ባለንበት ነባራዊ ሁኔታም ጭምር በሀገራችን ሰላማዊ የትግል መንገዶች በሙሉ እንደተዘጉ አልያም እንደማያስኬዱ አድርጎ መደምደም፣ ወይም “ከትጥቅ ትግል ውጭ ሌላ አማራጭ የለንም” ብሎ ለጦርነት ቅስቀሳ ማድረግ አደገኛና የተሳሳተ ነው ብዬ አስባለሁ።

ፓርቲን ከሕዝብ፣ ዓላማን ደግሞ ከጠመንጃ ስትራቴጂ ጋር አዳብሎ ማየት፣ ቡድኑ በወደቀ ቁጥር ሕዝብን ለከፍተኛ መከራ የሚዳርግና ትክክለኛውን ዓላማ ጭምር ዋጋ የሚያሳጣ አዙሪት ይፈጥራል።ስለሆነም በሀገራችን ያሉ ፓርቲዎችም ሆኑ ቡድኖች የሆነን የህብረተሰብ ክፍል እንወክላለን ስላሉ ወይም በስያሜያቸው ላይ የሆነን ሕዝብ ስላካተቱ እነርሱ ማለት ያ ህዝብ ነው ማለት አይቻልም።

በግልጽ አነጋገር ኦነግ ከኦሮሞ ሕዝብ፥ህወሃትም ከትግራይ ህዝብ፥ፋኖም ከአማራ ህዝብ፥ ብልጽግና ፓርቲም ከመላው የኢትዮጵያ ሕዝብ ጋር አንድ አይደሉም።እያንዳንዱ ድርጅት የተወሰነ ድጋፍ፥አባልነትና የፖለቲካ አቋም ያለው ተዋናይ ነው፤ ሕዝብ ግን ከየትኛውም ድርጅት የሰፋና ዘላቂ ነው።

ይህ መርህ ለሃይማኖት ተቋማትም ይሠራል።መጅሰስ ሙስሊሞችን፥ ኦርቶዶክስ ቤተክርስቲያን ምእመኗን፥ የአብያተ ክርስቲኣን ካውንስልም በሥሩ ያሉትን ተቋማትና ምእመን ሊወክሉ ይችላሉ።ሆኖም ማህበረሰቡ ከየትኛውም ወካይ ተቋም የሰፋ ነው።ተቋም መሣሪያ እንጂ ማህበረሰቡ ራሱ አይደለም።

''የመንግሥት መጠየቅ፥ ሌሎችን ነጻ ማውጣት አይችልም!''
⭕⭕⭕⭕⭕⭕⭕⭕⭕⭕⭕⭕⭕

መንግሥት የዜጎችን ሕይወትና ደህንነት የመጠበቅ ግዴታ አለበት፤ይህ ግዴታ ታጣቂዎች ስላሉ አይጠፋም። በተመሳሳይም፥ በኢትዮጵያና በአብዛኞቹ የሀገራት ሕግ የሕግ ሥርዓቶች፥ በመሣሪያ ኃይል ሕጋዊውን መንግሥት ለመጣል መሞከር ከባድ የወንጀል ተጠያቂነት ሊያስከትል ይችላል።ስለዚህ “መንግሥት ብቻ ተጠያቂ ነው” በማለት ታጣቂዎችን ከራሳቸው ዉሳኔና ድርጊት ነጻ ማድረግ አይገባም።

''መንግስት ሀገር መምራት አልቻለም-ግን ማን አዳከመው?''
❌❌❌❌❌❌❌❌❌❌❌❌❌

የታጠቁ ኃይሎች፥ የመንግሥት ኃይል ከአንድ አከባቢ በጦር ግፊት ወይም በሌላ የጸጥታ ምክንያት ሲወጣ፥ “ድል አደረግን፤የመንግሥትን ኃይል አስወጣን” ብለው ሊያዉጁ ይችላሉ።ከዚያም በዚያው አከበቢ የጸጥታ ክፍተት ሲፈጠር፥ “መንግሥት ሕዝብን መጠበቅ አልቻለም” ብለው ተጠያቂነቱን በሙሉ በመንግሥት ላይ መጫናቸው ተቃርኖ ነው።

ለዚህ ነው “መንግሥት ሕዝብን መጠበቅ አልቻለም። መንግስት ሀገር መምራት አልቻለም!” የሚሉት ክሶችን እንደወረደ ከመቀበል፥ እንዲህ የሚለው አካል መንግሥትን በማዳከም ወይም ድክመቱን በማባባስ ዉስጥ ሚና ከነበረው ራሱን እንደ ጻዲቅ ገለልተኛ ሆኖ ማውራቱ ምጸት ነው።መንግሥት ለድክመቱ ይጠየቅ፤ ክፍተቱን የፈጠረው ወይም ያሰፋው ኃይልም ለድርሻው ይጠየቅ።

ይህ አካሄድ አንድ የህወሃትን ጸረ ደርግ ፕሮፓጋንዳን ያስታውሰኛል።ህወሃት ስልጣን ላይ በወጣ የመጀመሪያ ሰሞን ራሱን የተሻለ አድርጎ ለማቅረብ ሁሉ ነገሩ “ሰው በላ መንግሥት” እያለ የደርግ መንግሥትን በፕሮፓጋንዳ ማጥላላት ቁልፍ ሥራው አድርጎ ነበር።ከማስታውሳቸው መካከል “የደርግ መንግስት ወጣቶችን በግዳጅ እያፈሰ ለጦርነት ማገዳቸው፤ አስፈጃቸው።'' በማለት ይከስ ነበር።

ይህንን ፕሮፓጋንዳዊ ዘመቻን በጥሞና ካየን የደርግ መንግሥት ወጣቶችን ለጦርነት በግዳጅ ማፈሱ እውነት ቢሆንም “ወደ ጦር ሜዳ ከተሰማሩ በኋላ ግን ከማን ጋር ተዋጉ? ማንስ በጥይት ፈጃቸው?” ብለን ስንጠይቅ “በዋናነት ሕወሃትና አጋሮቹ ናቸው” የሚል ምላሽ እናገኛለን።

ደርግ ወጣቶችን በግዳጅ በመመልመንና ወደ ጦርነት በማሰማራቱ ተጠያቂ ነው። ከእነዚያ ወጣቶች ጋር በተካሄደው ዉጊያ ላይ በተቃራኒ የተሰለፈው ህወሃትም ወጣቶችን በመፍጀት በቀጥታ ተሳታፊ ነው።ሆኖም ህወሃት ራሱን ንጹህ አስመስሎ '''ወጣቶችን ደርግ አስፈጃቸው'' በማለት ራሱን ከደሙ ንጹህ አስመስሎ ማቅረቡ ተቃርኖ ነው።

''ጦርነቱ ይቀጥል፤የኑሮ ዉድነቱ ግን ከበደን!'''
💢💢💢💢💢💢💢💢💢💢💢💢

በተግባር ጦርነትን የሚጀምር፥ የሚያራዝም፥ በገንዘብ የሚደግፍ ወይም ጥቃትን በግልጽ የሚያበረታታ አካል፥ ጦርነቱ በሕዝብ ኑሮና በኢኮኖሚው ላይ ለሚያስከትለው ጉዳት የድርሻውን ተጠያቂነት ይሸከማል።

ጦርነት በቀጥታ የሚሳተፉት ህይወትን ይቀጥፋል።አካል ያጎድላል።ሰላማዊ ወገኖችን ለሙትና መቆሰል ይዳርጋል። ጦርነት በጦር ሜዳና አከባቢው ብቻ ተወስኖ አይቀርም። ጦርነት የኑሮ ዉድነት ሊያባብስ ይችላል።ተማሪዎችን ከትምህርት ያቅባል፤ ገበሬ እንዳያመርት፣ ነጋዴም ምርትን እንዳያጓጉዝ፣ሰዎች ከቄያቸው እንዲፈናቀሉና የህዝብ ሀብት ለጦርነት እንዲውል ያደርጋል። መሠረተ ልማትን ያወድማል።

ጦርነት ምርታማነትንና የምርት መጓጓዝ ላይ እንቅፋት በመፍጠር በሀገር ዉስጥ የምርት ስርጭትን ለውጭ ገበያ ኤክስፓርትን ያስተጓጓላል።ጦርነትና የጸጥታ ስጋት ባለበት ቱሪስት ስለማይመጣ የውጭ ምንዛሪ ገቢ ያሽቆለቁላል። እነዚህ ሁሉ ለኑሮ መናርንና የገቢ መቀነስ ተጨማሪ ምክንያት ይሆናል።

ጦርነት የመንግሥትን ወጪ ያሳድጋል።ይህም ተጨማሪ ብድር፥ የግብር ጫና፥ የልማት በጀት ቅነሳ ወይም የገንዘብ አቅርቦት መስፋፋትን ሊያስከትል ይችላል።እነዚህም ሌሎች ሁኔታዎች በዋጋ ግሽበትና በሕዝብ ኑሮ ላይ ጫና ሊፈጥሩ ይችላሉ።

ጦርነቱ ቢቆም እንኳ የወደሙትን መሠረተ ልማቶችንና ተቋማትን ዳግም ለማሰራት፥ የተጎዳውን ወገን ለማሳከምና ሰላሙን ዘላቂ ለማድረግ ሲባል ወጪው ከፍ ስለሚል ያንን ለመሸከም የመንግሥት ገቢ ማደግን ይጠይቃል። ከዚህ የተነሳ ከሕዝቡ የሚጠበቀው ግብር ሊጨምር፥ መንግሥት ወደ ብድር ሊገባ አልያም አንዳንድ ሀገራት እንደሚያደርጉት የአንድ ሀገር መንግሥት ኢኮኖሚው ከሚሸከመው የላቀ ገንዘብ በማተም ሊያሰራጭ ይችላል።ይህም ግሽበትን በማባባስ የኑሮ ጫና ሊያባብስ ይችላል።

ኑሮ ሲከብድ ሕዝብ ይማረራል። የህዝብ መማረር እየጨመረ ሲሄድ ተቃዋሚዎች ሕዝብን በመንግስት ላይ በማነሳሳት መንግስትን ለመጣል ለሚያደርጉት ትግል ደጋፊ ማግኛ መንገድ አድርገው ይጠቀማሉ።ይህም ነገሮችን እያባባሰ ተጨማሪ ችግሮችን በመውለድ አዙሪቱን ያባብሳል።የአዙሪቱ ሰለባ የሆነው ህዝብም መፍትሄው የመንግስት ለውጥ እየመሰለው ለውጥን መናፈቅ ይቀጥላል።

የሚመጣው መንግስትም በተራው መሰል ሁኔታ ዉስጥ ሲገባ አዙሪቱ ይቀጥላል።ለዚህ ነው የትጥቅ ትግልን እንደ ህጋዊ የትግል መንገድ እያዩ፣እየደገፉና እያራገቡ ለጦርነቱ መዘዝና ለሚከፈለው ዋጋ በሙሉ ከጦርነቱ ለይቶ ተጠያቂነትን ለመንግሥት ብቻ መስጠት ትክክል የማይሆነው።

'ኢትዮጵያ እየፈረሰች ነው! የቀረበው መፍትሔስ?''
🔴🔴🔴🔴🔴🔴🔴🔴🔴🔴🔴🔴🔴

“ኢትዮጵያ እየፈረሰች ነው” በሚል የሚያራግብ አካል “ልትፈርስ እንደሆነች ማራገብ አልያም አንተና ደጋፊዎችህ የምታቀርቡት የመፍትሔ አቅጣጫ የመፍረሱን አደጋ ይቀንሳል ወይስ ያባብሰዋል?” ተብሎ መጠየቅ አለበት።

ዲሞክራሲያዊ ሥርዓት ለመገንባት በሚል መንግሥትን ለማፍረስ ጦርነትን፥ትርምስንና አለመረጋጋትን የሚያበረታቱ አካላት፥ በሌላ በኩል “ኢትዮጵያ ልትፈርስ ነው፤ ሀገርን እናድን” ሲሉ ትመለከታለህ። እነዚህ አካላት የመፍትሄ መንገዳቸው ከማስጠንቀቂያቸው ጋር ይጋጫል።የመፍረስ አደጋን እየገለጹ፥ ያንኑ አደጋ የሚያባብስ መንገድ መምረጥ በራሱ ተቃርኖ ነው። መንግሥትም በድርጊቶቹ የሀገሪቱን መከፋፈል፥የተቋማት መዳከምና የሕዝብ ቅሬታ ካባባሰ፥ ከተመሳሳይ ተጠያቂነት ነጻ አይሆንም።
“ሀገር እየፈረሰች ነው” እያልን፣ በሌላ በኩል ተጨማሪ ጦርነትን የሚያራዝም፣ ተቋማትን የሚያዳክምና የፀጥታ ክፍተቱን የሚያሰፋ፣ብሎም ለሀገር መፍረስ ተጨማሪ ምክንያት የሚሆን መንገድ ከመረጥን፣ ስለ ችግሩ መጮኻችን ብቻ መፍትሔ አያመጣም።በዚህ ዘመን መሰል ተቃርኖ ማየት የተለመደ ሆኗል።

ይህን የምለው መንግሥትን ከተጠያቂነት ነጻ ለማድረግ አይደለም። መንግሥት የዜጎችን ሕይወትና ደህንነት የመጠበቅ ግዴታ አለበት፤ በዚህም ረገድ ላለበት ክፍተት ይጠየቃል። ነገር ግን የትጥቅ ትግልን የሚደግፉ ሰዎች ''መንግሥትና ታጣቂ አንድ ስላልሆኑ ተጠያቂው መንግስት ነው'' በማለት ታጣቂዎችን ከተጠያቂነት ነጻ የማውጣት አካሄድ አደገኛ ነው። የታጠቁ ኃይሎችም በሚናቸው ልክ በሀገሪቱ በሠሩትና ባስከተሉት ጉዳትና አደጋ ሊጠየቁ ይገባል። አንዱን መጠየቅ ሌላውን ነፃ አያደርገውምና።

''ሀገር አደጋ ላይ ናት'' የሚል ሁሉ የራሱን የመፍትሔ መንገድም መፈተሽ አለበት። የምንመርጠው መንገድ ጦርነቱን ያሳጥራል ወይስ ያራዝመዋል? የዜጎችን ደህንነት ያሻሽላል ወይስ አደጋውን ያሰፋል? የተዳከሙ ተቋማትን ያጠናክራል ወይስ የበለጠ ያዳክማል?

“የትጥቅ ትግል ዉሳኔና የሚያስከትለው ዋጋ”
🔥🔥🔥🔥🔥🔥🔥🔥🔥🔥🔥🔥🔥

በሕግ የተደራጀ የግዳጅ ኃይልን በሕግ ገደብ ዉስጥ የመጠቀም ቀዳሚ ሥልጣን የመንግሥት ነው።ይህንን ስልጣን በመቃወም መሣሪያ አንስቶ ወደ ዉጊያ የገባ ኃይል፥ መንግሥት ሕጋዊ ምላሽ እንደሚሰጥ ሊገምት ይገባል።

የመንግሥትን ሕጋዊነት መቀበል፥ ሕግ ሀገርንና ዜጎችን እንዲጠብቅ የሰጠውን ሥልጣን መቀበልንም ይጠይቃል።ይህ ግን የመንግሥትን እያንዳንዱን እርምጃ ያለጥያቄ ማጽደቅ አይደለም።የመንግሥት ኃይል ሕጋዊ፥አስፈላጊ፥ ተመጣጣኝና ሲቪሎችን የሚጠብቅ መሆን አለበት።

የትጥቅ ትግልን የመረጠ ኃይል፥ ለዚያ ዉሳኔ የሚከለተውን ፖለቲካዊ፥ ሕጋዊና ሰብዓዊ ዋጋ ከሒሳብ ዉጭ ማድረግ አይችልም። ሆኖም ይህ ማንኛውንም ሕገወጥ ግድያ፥ ማሰቃየት፥የጅምላ ቅጣት ወይም በሲቪሎች ላይ የሚፈጸም ጥቃትን አያጸድቅም።

ከኃይል አዙሪት ወደ ተቋማዊ መፍትሔ
🔴🔴🔴🔴🔴🔴🔴🔴🔴🔴🔴

ይህን የሕዝብን ሕይወትና ኑሮ የሚበላ የጥፋት አዙሪት በጠመንጃ አሙዝ ብቻ ለማስቆም መሞከር ራስን ማታለል ነው።ተፋላሚ ወገኖች በኃይል ብቻ ከመተማመን ወጥተው፥ የጦርነቱ ዋነኛ ሰለባዎች ሲቪሎችና ሀገሪቱ መሆናቸውን ተረድተው፥ ወደ እውነተኛ ድርድር መግባት አለባቸው።

ለኢትዮጵያና ለኢትዮጵያውያን ቆሜያለሁ የሚል ማንኛውም ኃይል፥የፖለቲካ ትርፉን ሳይሆን የዜጎችን ሕይወት፥ ደህንነትና የሀገሪቱን ዘላቂነት ማስቀደም አለበት።ሰላም የሚገኘው ወገኖች ከግትርነት ወጥተው፥ ለሀገርና ለሕዝብ ሲሉ ለማይመቻቸውም ስምምነት ዝግጁ ሲሆኑ ነው።ለሰላም ሲሉ ዝቅ የሚሉ በታሪክ ከፍ ብለው ይታያሉ።

በሀገር ጉዳይ ምን አገባኝም፣የሚያሸንፈው ስለማይታወቅ ቆይ እስኪ መጨረሻውን ልመልከትም አይሰራም። ሰላም ለኢትዮጵያ ሰላም ለሀገሬ!

25/09/2026

ሞቷል አልተነሱም❗️

አልገደሉትም፣ አልሰቀሉትም❗️ ሞቶ አለመነሳት ነብይነት አይነፍግም። ነብዩ ኖህ፣ አብረሃም፣ ይስሃቅ፣ ያዕቆብ፣ ዮሴፍ ... ሞቷል አልተነሱም። ነብዩ ሙሀመድም እንደዚሁ። በባይብል መሠረት ደግሞ ቪዲዮውን እዩና መልካም አስተያየት ስጡኝ። እኛ የሚሞት አምላክን አናመልክም። ነብዩ ሙሀመድም ሆኑ ነብዩላህ ኢሳ የአላህ መልዕክተኛ እና ባሪያ ናቸው።

18/09/2026

🇾🇪 Yemen: Guyyaa har'aa hiriira Sana'aa keessatti geggeeffameen, Huutiin "Makkah irratti xiyyeeffachuun yaalii haleellaa raawwateera" jechuun himachuu hiriitonni "soba uumame" jechuun mormaniiru.

Hiriirtoonni himannaan Saudi soba fi xiyyeffannoo argachuuf kan itti yaadamee uumame ta’uu himuun, Makkah, Madinah fi Al-Aqsaa dabalatee iddoowwan qulqulluu Islaamaa eegsisuuf dhaabbachuu isaanii ibsaniiru jedhe Maddi Yaman SABAn gabaasa isaan.

Dhaabbannoo hiriiricha irratti dhageessifaman keessatti, ''Yemenonni himannaa kana akka arrabsoo eenyummaa Islaamaa isaanii haaluufi yakka guddaa ta’etti ilaalu'' jedhufaan barajaalee irratti kan mul'atan yoo ta'u, Yemen akka dii*na Islaamaatti dhiyeeffamuun isaan mufachiisuu ibsaniiru.

Himannaa fi maqa balleessi kun akka dhiibamuutti kan isaanitti dhaga'ame, lammiileen biyyattii gariin dhimma kanaaf deebii kennuuf Huutii deeggaruu isaanii ibsaniiru jechuun Yemen News Agency 'n gabaseera.

18/09/2026

በሃይማኖት ማስገደድ የለም!
Amantii keessa dirqisiisuun hin jiru!
🔴🔴🔴🔴🔴🔴🔴🔴🔴🔴🔴🔴🔴
لَآ إِكۡرَاهَ فِي ٱلدِّينِۖ قَد تَّبَيَّنَ ٱلرُّشۡدُ مِنَ ٱلۡغَيِّۚ فَمَن يَكۡفُرۡ بِٱلطَّـٰغُوتِ وَيُؤۡمِنۢ بِٱللَّهِ فَقَدِ ٱسۡتَمۡسَكَ بِٱلۡعُرۡوَةِ ٱلۡوُثۡقَىٰ لَا ٱنفِصَامَ لَهَاۗ وَٱللَّهُ سَمِيعٌ عَلِيمٌ
سورة البقرة (2:256)
"በሃይማኖት ማስገደድ የለም:: ቅኑ መንገድ ከጠማማው መንገድ በእርግጥ ተገለጠ:: በጣኦት (ባዕድ አምልኮ) የሚክድና በአላህ የሚያምን ሰው ሁሉ የማትበጠስ ጠንካራ ገመድን ጨብጧል:: አላህ ሁሉን ሰሚ ሁሉንም አዋቂ ነውና።"(አል-በቀራህ 2:256)
⭕⭕⭕⭕⭕⭕⭕⭕⭕⭕⭕⭕⭕

"Amantii keessa dirqisiisuun hin jiru.
Dhugumatti, qajeelumni jallina irraa ifa ta'eera. Namni xaaghuutatti kafaree, Rabbitti amane, dhugumatti haada jabaa citiinsi isiif hintahin qabateera. Rabbiin dhagayaa, beekaadha." (Albaqaraa 2:256)
💥💥💥💥💥💥💥💥💥💥💥💥💥
Af Soomaali የሱማልኛ ቋንቋ
Afaan Somaalee
♦♦♦♦♦
"Ma jirto wax isku khasbid ah (aqbalaadda) diinta. Hanuunka wuxuu noqday mid si cad uga muuqda habowga. Ee qofkii ku gaalooba Daaquudka (shaydaanka) oo rumeeya Alle, wuxuu ku dhagey guntin adag oo aan go’ayn. Allena waa wax kasta Maqle, wax kasta Ogsoon." (Al-Baqarah 2:256)
✅✅✅✅✅✅✅✅✅✅✅✅✅

"There shall be no compulsion in [acceptance of] the religion. The right course has become distinct from the wrong. So whoever disbelieves in ṭāghūt and believes in Allāh has grasped the most trustworthy handhold with no break in it. And Allāh is Hearing and Knowing."
(Al-Baqarah 2:256)
📶📶📶📶📶📶📶📶📶📶📶📶📶

💥 የአሕመዲን ጀበል የዩቲዩብ ቻናልን ሰብስክራይብ በማድረግ ይቀላቀሉ! ሊንኩ ከሥር በአስተያየት መስጫው ስር ተጠቅሷል።👇

10/09/2026

👉👂👂As wr wb 🇪🇹🇵🇸☪️🕌