02/11/2021
Xaalada magaalada Debre Birhan iyo wararkii u dambeeyay
Xog dheeraad ah ayaa kasoo baxday sababta dowladu u xidhay wadada isku xidha Debre Birhan iyo Addis Ababa khadka telefoonadana looga jaray.
Xogtu waxay sheegaysaa in boqolaal kamid ah ciidamadii lagu jabiyay dagaalkii Dessie iyo Kombolcha ay gadoodeen kadibna ay amar la’aan isku shubeen magaalada Debre Birhan. Taliskii ciidanka ayaa ku amray inay dib ugu laabtaan Wollo si ay u dagaalamaan balse way diideen waxayna hubkoodii ku wareejiyeen maleeshiyaadka Magaalada Debre Birhan. Arintan ayaa sababtay in la damiyo guud ahaan isgaadhsiintii kililka Amxaarada isla mar ahaantaana la xidho wadooyinka ka baxa magaalada.
Ciidanka gadooday ee hubka wareejiyay waa ciidankii qaranka kuwa lagu wareejiyayna waa maleeshiyaadkii Amxaarada ee magaalada. Shalay waxaa la gooyay khadkii internet-ka ee guud ahaan kililka Amxaarada.Halkaas ayuu xaal marayaa.
