01/07/2025
Matar faxxam tan;
Amcari afaak Qafar afat korsaanah yanin, ( taama), Qafar af cabaarissu wayta!
Dubuh tablem yoo kinnik maaxigaay, Qafar afat gersi afat korsan taama afal uma raat daabisak geytimta.
Afti tu taaxago elle warissannal, afti gacsi-taama (tarjamat) yaanam, qangor maqnisiyya hinnay, qangooruk maqna (taceeh tan) maqna maqnisaanama.
Inki ceelalloy biri uble:
afat "በዚህ ነፃ ስልክ ይደውሉ" inta qangara, Qafar afat "takkel yan silkil neh hayisa" axcuk maqnisaanam uble!
Amcari afat tan qangara ittam, "ta silkiy 'meklak foyyah' yanil neh hayisa" yaanama uxuxuuk!
Qafar afat maqnise mari iyyam, lakqok foyyah yan silki yaanam hinnay, yan silki axcuk maqniseenim tambulle.
Tamah elle iyyan video kaaduk mihrat caddol xayyowte vidiyok ten.
Tahak nablu dudnam, tarjamat elle yakkenna aaxige waanam dubuh hinnay, namma af inkih digga hee waanama.
Tohuk kalah qangara akkel kah uguttah tan caalat? (context), afhime waanama.
Tannah tan hoxitte, mihrat kee ixxiga kak le marih gabat akke wayteeh, doolataak xabba haanam media kee xisoosa tannal qunxxa-qunxxa hoxitte abak gexxek raagal afal taqabi nek katayselem yot celta!
