ALT MEDIA, Mekelle (2025)

24/09/2025

ሽግራት ብሔራዊ ሓድነት ትግራይ

23/09/2025

"ግዝያዊ ምምሕዳር ትግራይ ሰላም ንምድልዳልን ደበና ኩናት ንምቕንጣጥን ብዕቱብ እናሰርሐ እዩ"
ፕረዚደንት ታደሰ ወረደ

"ድሕሪ ምኽታም ውዕሊ ፕሪቶርያ እውን እንተኾነ መሰረታዊ ሕቶታት ትግራይ እኳ እንተዘይተመለሱ፣ ግዝያዊ ምምሕዳር ትግራይ ግን ሐዚ እውን ሰላም ንምድልዳልን ደበና ኩናት ንምቕንጣጥን ብዕቱብ እናሰርሐ እዩ ክብሉ ፕረዚደንት ጀነራል ታደሰ ወረደ ገሊፆም ።

ቤት ፅሕፈት ፕረዝደንት ከምዝሓበሮ ፕረዚደንት ግዝያዊ ምምሕዳር ትግራይ ሌ/ጀነራል ታደሰ ወረደ ሎሚ 13 መስከረም 2018 ዓ/ም ምስ ሓላፊት ትካል ስደተኛታት ዓለም ኣብ ኢትዮጵያ ኣቢባትዩ ዌን ኣብ ቤት ፅሕፈቶም ተራኺቦም ዘትዮም።

ትግራይ ዋላ እውን ድሕሪ ምኽታም ውዕሊ ፕሪቶሪያ ብዙሕ ፀገማት ይገጥምዋ ምህላው ዝገለፁ ፕረዝደንት ታደሰ፣ ከም ግዝያዊ ምምሕዳር ትግራይ ግን ሰላም ንምድልዳልን ደበና ኩናት ንምቕንጣጥን ብዕቱብ እናሰርሐ እዩ ኢሎም።

መንግስቲ ፌደራል ትግራይ ናብ ኲናት ንምእታው ምድላዋት ትገብር ኣላ ዝብል ስግኣት ከምዘለዎ ዝገለፁ ፕረዚደንት ጀነራል ታደሰ፤ እኳደኣስ ግዝያዊ ምምሕዳር ትግራይ ብዝኾነ ይኹን ምኽንያት ናብ ኲናት ንዘይምእታው ብትኹረት ይሰርሕ ምህላውን ብወገን ትግራይ ዝጅመር ኲናት ከምዘየለን ገሊፆም።

ዝተጀመረ ሰላም ብዝበለፀ ኣጠናኺርካ ብምቅፃል ዝተማለአ ሰላም ንኽህሉ ምስ መንግስቲ ፌደራል ከምኡ ድማ ኣብ ኢትዮጵያ ምስ ዘለው ዓለም ለኸ ትካላትን ዲፕሎማት ዝተፈላለያ ሃገራትንን ርክብ ብምፍጣር ትግራይ ንሰላም ዘለዋ ቅረብነት ክገልፁ ምፅነሖም እውን ፕረዚደንት ጀነራል ታደሰ ኣዘኻኺሮም።

ምስ ምምላስ ተመዛበልቲ ሰብኣዊ ሓገዝን ፓለቲካዊ ጉዳይን ዝብሉ ዛዕባታት ኸምዘለው ዝገለፁ ፕረዝደንት ታደሰ ሰብኣዊ ሓገዝ እንትበሃል ተመዛበልቲ ድሕንነቶም ብዝሓለወ መንገዲ ምምላስ፣ሰብኣዊ ሓገዛት ኽረኽቡን እግሪ ኽተኽሉን ምስራሐ እንትኸውን ፓለቲከዊ ኩነታትን ብዝምልኸት ድማ ኣብ ሉኣላው ግዝኣት ትግራይ ዘለው ወረርትን ዕጡቃትን ብሰላማውን ፖለቲካውን ልዝብ ኽወፁ ብምግባር ተመዛበልቲ ንፖለቲኻዊ ኸስቢ ብዘይውዕሉሉን ግልፅነት ብዘለዎን መንገዲ ክምለሱ ኸምዝግባእ ኣብሪሆም።

ሓላፊት ትካል ስደተኛታት ዓለም ኣብ ኢትዮጵያ ባትዩ ዌን ብወገነን ተመዛበልትን ስደተኛታትን ተጋሩ ድሕንነቶም ተሓልዪ ብሰላማዊ መንገዲ ናብ መረበቶም ንኽምለሱ ስራሕቲ ምትካል እግሪ ኽስርሑን ምስ መዳርግቲ ኣካላት ብምኳን ኸምዝሰርሓ ገሊፀን ክብል ቤት ፅሕፈት ፕረዝደንት ሓቢሩ።

13 መስከረም 2018 ዓ.ም

23/09/2025

ውዕሎ መጋባእያ ላዕለዋይ ቤት ፍርዲ ክልል ትግራይ‼️

ናይ መምህራን ትግራይ ውዝፍ መሃያ ዝምልከት ኣፈፃፀም ኽሲ ሎሚ ዕለት 13/01/2018 ዓ/ም ኣብ ላዕለዋይ ቤት ፍርዲ ኽልል ትግራይ ፍታብሄር መጋባእያ ኣብ ዝውዓለ ላዕለዋይ ቤት ፍርዲ ክልል ትግራይ ፍታብሔር መጋባእያ
ድሕሪ ተሪር የማነ ፀጋም ኽትዕ ቤት ፍርዲ ኽልል ትግራይ ፍታብሄር መጋባእያ እዞም ዝስዕቡ ትእዛዛት ኣመሓላልፉ ኣሎ።
1) ናይ 3ይ ኣፈፃፀም ተኸሳሲ ፌዴራል ሚንስተር ገንዘብን ፍይናንስን ኽልተ ሒሳብ ቑፅሪ ተጠቒሱ እቲ ዘሎ መጠን ገንዘብ በቲ ዝተወሰነሉ ዝኣክል ተኣጊዱ ኽፀንሕ ፤ ኽንደይ መጠን ገንዘብ ኸምዘለዎ እውን ተገሊፁ ኽላኣኽ ን ባንኪ ተኣዚዙ ።

2) ናብ 3ይ ኣፈፃፀም ተኸሳሲ ፌዴራል ሚንስተር ገንዘብን ፍይናንስን ብቐጥታ ፈፂሙ ንኽቐርብ ተኣዚዙ ።
3) ኤጄንሲ ልምዓት ኣብያቲ ኽልል ትግራይ ኣብ ኽፍለ ኸተማ ዓይደር ን ሓድነትን ዝርከቡ ኣብይቲ ዋንነቱ ፤ በዝሒ ፤ስፍሓቱ፤ መዋሰኒኡ ዘርዚሩ ኽልእኽ ተኣዚዙ ።

4) 1ይ ኣፈፃፀም ተኸሳሲ ቢሮ ትልምን ፍይናንስን ትግራይ ኣብ ባንኪ ንግዲ ኢ/ያ ዝተጠቐሰ ሒሳቡ ብጀካ ናይ ወርሒ መስከረም 2018 ዓ/ም መሃያ ፤ስራሒ መካየድን ጥራሕ ኸልዕሉ እንምበር ኻሊእ ገንዘብ ኸየልዕሉ ተኣጊዱ ኽፀንሕ ተኣዚዙ ።

5) ኣፈፃፀም ተኸሰስቲ ( 1ይ ን2ይን) ናይ ሓደ ወርሒ መሃያ መምሃራን ክንኸፍል ኢና ስለዝበሉ ኣብ ወርሒ መስከረም 2018 ዓ/ም መሃያ መኽፈሊ ግዜ ሰሌዳ ኸፊሎም ዝኸፈሉ ምኻኖም እውን መረጋገፂ ሒዞም ክቐርቡ ተኣዚዙ ።
ላዕለዋይ ቤት ፍርዲ ክልል ትግራይ ኣፈፃፀም ክትትል ንምግባር ተወሳኺ ቐፀሮ ንመስከረም 30 ,2018 ዓ/ም ሰዓት 9 ድሕሪ ቐትሪ ቆፀሮ ሂቡ።

ፍትሒ ንኣቦ ኩሉ ሞያታት መምህር ትግራይ!!!
ማመት 13 መሰከረም 2018ዓ/ም
መቐለ

23/09/2025

ወዲ 2 ዓመት ህፃን ብዝብኢ ተበሊዑ!😭

ካብ ምዕራብ ትግራይ ተፈናቒሎም ኣብ መዕቆቢ 70 ካሬ ካብ ዘለው ተመዛበልቲ ወዲ ክልተ ዓመት ህፃን ናኦድ ሃይለሥላሴ ብዝብኢ ተበሊዑ ህይወቱ ሓሊፉ።

ካብ ወረዳ ቃፍታ ሑሞራ ጣብያ ራውያን ተመዛቢሎም ንሓምሻይ ክረምቲ ኣብ መዕቖቢ ተመዛበልቲ ሰብዓ ካሬ ዝነብሩ ኣይተ ሃይለሥላሴ ፍትዊን ርግኣት ገ/ህይወትን ሎሚ 13 መስከረም 2018 ዓ.ም ንጉሆ 12:30 ዝብኢ ናብቲ መዕቖቢ ኣትዩ ህይወት ውላዶም ኣሕሊፉ ኣሎ።

ኣብቲ ስነ ሥርዓት ቀብሪ ዝተረኸበት ምክትል ስራሕ መካየዲት ፅላል ማሕበረሰብ ምዕራብ ትግራይ ወ/ሮ ሙና በሽር ተመዛበልቲ ንመበል ሓምሻይ ክረምቲ ዘሕልፍዎ ዘለው ሰቓይ ከይኣክል ፥ ሎሚዶ ጽባሕ ናብ መረበተይ ክኸይድ ኢሉ ተስፋ ኣብ ዝገብረሉ ዘሎ እዋን ቆልዓ ክልተ ዓመት ብኸምዚ መንገዲ ህይወቱ ምሕላፉ ዝተሰምዓ መሪር ሓዘን ገሊፃ።

ኣብ መወዳእታ ሕቶ ተመዛበልቲ ንክምለስ ኣብ ውሽጢ ዓድን ወፃኢ ዘሎ ትግራዋይ ፃዕሩ ኣጠናኺሩ ክቕጽል ድማ ፃውዒት ኣቕሪባ።

ኣብቲ ሓዘን ዝተረኸቡ ተመዛበልቲ ዘዘራረብናዮም እንትንኸውን ናይ ህፃን ናኦድ ሃንደበታዊ ሞት ከም ዘሕዘኖም ድሕሪ ምግላፅ ሐዚ እውን ኣብቲ ኸባቢ ብርክት ዝበሉ ኣዛብእ ስለ ዘለው ናይ ድሕንነት ስግኣት ከም ዘለዎም ገሊፆም።

ኣቦ ህፃን ናኦድ ዝኾነ ኣይተ ሃይለሥላሴ ፍትዊ ኣባል ሰራዊት ትግራይ ኣርሚ 35 ኮይኑ ሐዚ እውን ኣብ ሰራዊት ከም ዘሎ ንምፍላጥ ተኻኢሉ።

ንመላእ ቤተሰብ ጽንዓት እናተመነየ ተመዛበልቲ ናብ መረበቶም ንክምለሱ ዝምልከቶም ኣካላት ትኹረት ሂቦም ንክሰርሑ ንፅውዕ።

© ላዛ ትግርኛ

22/09/2025

ሓበሬታ‼️
ካብ ሰራዊት ተሰናቢትኩም ናብ ስራሕ ፖሊስ ከይተመለስኩም ንዝፀናሕኩም ነባራት ኣባላት ፍሉይ ሓይሊ ፖሊስ ትግራይ

በብእዋኑ ካብ ሰራዊት ዝተሰናበትኩም ነባራት ኣባላት ፍሉይ ሓይሊ ፖሊስ ትግራይ ን 15 መስረም 2018 ዓ.ም ክትኣትዉ ተዋሂቡኩም ዝነበረ ሓበሬታ ን 18 መስከረም 2018 ዓ.ም ዝተናውሐ ምዃኑ ፈሊጥኩም ምድላው ክትገብሩን 18 መስከረም ድማ ኣብ ኮሌጅ ፖሊስ ቀፅሪ ፈለግ ዳዕሮ ኣቲኹም ክትሓድሩን ኮሚሽን ፖሊስ ትግራይ የዘኻኽር።
¶ ሒዝኩምዎ ክትመፁ ዝግባእ
_ ቁፅሪ ሒሳብ ባንኪ
_ ወረቐት ስንብት
_ ካርዲ መለለዪ መንነት

© ኮሚሽን ፖሊስ ትግራይ

21/09/2025

''ሰላም ሕርያ እቶም ተባዓት እዩ!"
- ዶክተር ቴድሮስ ኣድሓኖም

ዋና ዳይረክተር ውድብ ጥዕና ዓለም ዶር. ቴድሮስ ኣድሓኖም ብምኽንያት ዓለም ለኸ መዓልቲ ሰላም ኣብ ዘሕለፍዎ መልእኽቲ፡ ሰላም ናይ ኩሎም ፀገማት ዝበለፀ ፈውሲ ምዃኑ ገሊፆም።

ጎነፅን ዘይውሑስነትን ኣብ ዝርኣየለን ሃገራት፡ 70 ምኢታዊ ሕማማት ከምዝኽሰቱ፣ ሞት ህፃናት ብፍርቂ ከምዝዛይድን ካብ ሓሙሽተ ሰባት እቲ ሓደ ንሕማም ኣእምሮ ከምዝቃላዕን እውን ዶር. ቴድሮስ ጠቒሶም።

ሰላም፡ ሰረት ህላወን ሕውየትን እዩ ዝበሉ ዶር. ቴድሮስ፣ እቶም ተባዓት ሰባት ንሰላም ሕርይኦም ከምዝገብሩ ኣረጋጊፆም።

ኣብ ዕላዊ ገፅ ፌስቡክ እቶም ዳይረክተር ኣብ ዝሰፈረ ፅሑፍ፡ ኣድላይነት ሰላም ኣብ ጭብጢ ዝተመርኰሰ እምበር ንስለ ጭርሖ ዝበሃል ከምዘይኮነ የረድእ።

ዓለም ለኸ መዓልቲ ሰላም እዚ ዓመት ''ንሰላማዊት ዓለም ሕዚ ንስራሕ'' ብዝብል ቴማ ብብርኪ ዓለም እናተፀምበለ እዩ።

© ትግቲቪ

21/09/2025

ኣብ ዘየለሉ ተፈሪዱዎ ኣብ ክትትል ዝፀንሐ ተኸሳሲ ኣብ ቁፅፅር ውዒሉ‼️
---------------------
ኣብ ዞባ ሰሜናዊ ምዕራብ ትግራይ ወረዳ ፅንብላ ኣብ 2015 ዓ/ም ብዕጥቂ ዝተደገፈ ገበን ክትራን ፈፂሙ ንሱዕዲ ዓረብ ከይዱ፤ ኣብ ዘየለሉ ተፈሪዱዎ ኣብ ክትትል ዝፀንሐ ተኸሳሲ ኣብ ቁፅፅር ከም ዘውዓለ ፖሊስ እቲ ወረዳ ገሊፁ።

ነባርነቱ ወረዳ ፅምብላ ጣብያ ደብረ ኣባይ ቁሸት ጉትማን ዝኾነ ኣሰፋ መብራህቱ ደመቀ ዝተብሃለ ተኸሳሲ ሎሚ መስከረም 11/ 2018 ዓ.ም ኣብ ከተማ ሸረ እንዳስላሰ ኣብ ቀይዲ ውዒሉ ዘሎ ኣብ ወረዳ ፅንብላ ኣብ 2015 ዓ.ም ብዕጥቂ ዝተደገፈ ገበን ክትራን ማሽን ወርቂ ፈፂሙ ናብ ሃገረ ስዑድ ዓረብ ተሰዊሩ ፀኒሑ ኣብ ወርሒ ሰነ 2017 ዓ/ም ብዘየለሉ 15 ዓመት ተፈሪዱ ብሕጊ ክድለ ዝፀንሐ ተኸሳሲ ብክትትል ፓሊስ ወረዳ ፅምብላ ኣብ ከተማ ሽረ ተታሒዙ ኣብ ቁፅፅር ሕጊ ውዒሉ ከም ዘሎ ፖሊስ እቲ ወረዳ ኣፍሊጡ።

ኮሚሽን ፖሊስ ትግራይ

21/09/2025

ዝኽሪ ኣቡነ ጳውሎስ ኣብ መቐለ ይሳለጥ ኣሎ‼️🙏
--------------------------------------------------------------
ዝኽሪ ብፁእ ወቅዱስ ኣቡነ ጳውሎስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ፕረዚደንት ቤት ምኽሪ ኣብያተ ክርስቲያናት ዓለም ኣብ ከተማ መቐለ ይሳለጥ ኣሎ።

18/09/2025

ወኪል ኤርትራ ኣብ ኢትዮጵያ ምስ ወከልቲ ሕቡራት ሃገራትን ሕብረት ኣውሮጳን ተዘራሪቡ

ፈጻሚ ጉዳያት ኤምባሲ ኤርትራ ኣብ ኢትዮጵያን ቢንያም በርሀ ምስ ፍሉይ ወኪል ዋና ጸሓፊ ሕቡራት ሃገራት ኣብ ቀርኒ ኣፍሪቃ ተዘራሪቡ።

ቻይናዊ ጓንግ ኮንግ፡ ኣብ መንጎ ኢትዮጵያን ኤርትራ ተወሳኺ ግጭት ከይፍጠር ኣብ ዝስግኣሉ ዘሎ እዋን’ዩ ብዋና ጸሓፊ ኣንቶንዮ ጉተረዝ ናብቲ ዞባ ተላኢኹ ዘሎ። ምስቲ ኤርትራዊ ዲፕሎማሰኛ ብዛዕባ እንታይ ከምዝተዛረበ ግን ዝተገልጸ የለን።

እቲ ወኪል ኤርትራ ኣብ ሕብረት ኣውሮጳ ዝኾነ ኣቶ ቢንያም፡ ምስ ወኪል ሕብረት ኣውሮጳ ኣብ ሕብረት ኣፍሪቃ ሃቬር ኒኖ ፐረዝ’ውን ተራኺቡ ብዛዕ’ቲ ብክልቲኡ ሕብረታት ዝካየድ ዋዕላ ከምዝዘተዩ እቲ ኣውሮጳዊ ዲፕሎማሰኛ ገሊጹ።

ግዝያዊት ኣደመንበር ኮሚቲ ዓለምለኻዊ ምትሕብባር ዝኾነት ኤርትራ ኣብ ምድላው 7ይ ዋዕላ ሕብረት ኣውሮጳን ሕብረትን ኣፍሪቃን ግደ ከምዘለዋ ኤምባሲ እታ ሃገር ኣብ ኣዲስ ኣበባ የመልክት።
https://bbc.in/4ps9jbQ

ስእሊ፡ ሃቬር ኒኖ ፐረዝ ምስ ቢንያም በርሀ፡ EU Delegation to AU

11/09/2025

ርሑስ ሓዱሽ ዓመት‼️
🌼🌼🌼🌼🌼🌼🌼

ALT MEDIA

24/09/2025

23/09/2025

23/09/2025

23/09/2025

22/09/2025

21/09/2025

21/09/2025

21/09/2025

18/09/2025

11/09/2025

Address

Website

Alerts

Shortcuts

Share

Category