10/07/2026
ኣብ ዘበነ ትምህርቲ 2018 ዓ.ም. ብሄራዊ ፈተና 8ይ ክፍሊ ካብ ዝወሰዱ ተምሃሮ ልዕሊ 94 ሚኢታዊ ከምዝሓለፉ ኤጀንሲ ምርግጋፅ ፅሬት ትምህርትን ምዘናን ትግራይ ኣፍሊጡ።
እቲ ኤጀንሲ ውፅኢት ብሄራዊ ፈተና 8ይ ክፍሊ ዕላዊ ገይሩ።
ኣብ ዳይሬክቶሬት ምዘና ትምህርትን ብሄራዊ ፈተናታትን መራሒ ጉጅለ ብሄራዊ ፈተናታት ኣይተ ተኽለሃይማኖት ገረዝጊሄር ኣብ ዘበነ ትምህርቲ 2018 ዓ.ም. ብሄራዊ ፈተና 8ይ ክፍሊ ካብ ዝወሰዱ ልዕሊ 63 ሽሕ ተምሃሮ ልዕሊ 60 ሽሕ ከምዝሓለፉ ገሊፆም።
በዙይ መሰረት ንተዛረብቲ ቋንቋ ትግርኛ ፦ንደቂ ተባዕትዮ ተምሃሮ 45 ሚኢታውን ልዕሊኡን ንደቂ ኣንስትዮ ተምሃሮ ድማ 44 ሚኢታውን ልዕሊኡን ክኸውን ተወሲኑ።
ንተዛረብቲ ቋንቋ ሳሆን ኩናማን፦ ንደቂ ኣንስትዮ ተምሃሮ ማእኸላይ ውፅኢተን 43 ሚኢታውን ልዕሊኡን፣ ንደቂ ተባዕትዮ ተምሃሮ ድማ 44 ሚኢታውን ልዕሊኡን ኮይኑ።
ንኣካል ጉድኣት ተፈተንቲ ተምሃሮ ንደቂ ተባዕትዮ 43 ሚኢታውን ልዕሊኡን ንደቂ ኣንስትዮ ተምሃሮ 42 ሚኢታዊን ልዕሊኡን ክኸውን ተወሲኑ ኢሎም።
ብሓፈሻ 3459 ተፈተንቲ ብሄራዊ ፈተና 8ይ ክፍሊ ድማ ከይሓለፉ ተሪፎም።
ዳይሬክተር ዳይሬክቶሬት ኣይስቲ ኣይተ ተስፋይ ኣረጋዊ እቲ ፈተና ካብ ሰብ ንኽክእ ወፃኢ ብቴክኖሎጂ ዝተኣረመ ምዃኑ ገሊፆም።
ካብ ሓምለ ሽዱሽተ 2018 ዓ.ም ጀሚሩ ውፅኢት ኣብ Tigrayeducation.edu.et ዕላዊ ስለዝግበር ተምሃሮ ውፅኢቶም ብኦንላይን ኣቢሎም ምርኣይ ይኽእሉ እዮም ኢሎም።
