GADAA NEWS.

10/02/2023

GADAA NEWS N Guraandhala 03,2015-Haala Yeroorratti Ibsa Ejjennoo Mootummaa Naannoo Oromiyaa.

Ibsa Ejjennoo Mootummaa Naannoo Oromiyaarraa kenname.

Amantaa dayeeffachuun dantaa siyaasaa galmaan gahachuuf socho'uun fudhatama hin qabu!

Mootummaan naannoo Oromiyaa labsiiwwan mirga, aadaa, safuufi amantaa ummataa hacuucan diiguun sirna gama hundaan ummataaf mijaa’u, kan jaalala labsee jibba balfu, tokkummaa cimsee diigumsa hambisu sirna jabaa uummataan uummataaf ijaaraa jira. Sirni jabaan uummataaf tolu ijaaramuun mirga namoomaafi diimokiraasii jabeessee uummanni mirgaafi dirqama isaa hubatee jaalalaafi tokkummaan garaa garummaa isaa waliif kabajuun wal danda’ee akka jiraatuuf utubaa cimaadha.

Wayita kana humnoonni olaantummaa baranii wal qixxummaa balfan, kootii malee keenyaa hin beekne ijaarsa sirnaa jabaafi utubaa dimokiraasii lafa dhaabuuf hojii hojjetamaa jiru danquuf ajandaa biyyaaf hin tolle facaasuu hojii isaanii taasifachaa jiraachuun irra gahameera.

Qaamoleen biyya olaantummaan seeraa keessatti kabajameefi sabdaneessummaan keessatti mirkanaa’e arguu hin barbaadne yeroo hunda qormaataawwaniif balbala banu. Fedhiin isaanii imala jijjiiramaa eegalle dhiisuun gadi buunee isaan waliin dirree jeequmsaa keessa akka turru barbaadu. Kanaafis gama tokkoon amantaa gama biraan ammoo sabummaa da’oo taasifachuudhaan fedhii siyaasaafi dantaa dhuunfaa isaanii guuttachuuf halkaniifi guyyaa hojjechaa jiru. Haa ta’u malee, ajandaa daldaaltonni siyaasaa gaaddidduu kaleessaa golgaa godhatanii har’a hojjechuu barbaadan gonkumaa milkaa’uu akka hin dandeenye lammiileen Itoophiyaa imala jijjiiramaa tokkummaa sabdaneessummaan utubame deeggaruun mirkaneessanii jiru.

More info.https://t.me/gadaaones/59

08/02/2023

Qaamoleen hokkoraa fi Jeequmsa uumuuf hiriira yaaman gochaa seeraan alaarraa of qusachuu qabu.-Humna Waloo Nageenyaa.

OBN Guraandhala 01, 2015- Humni Waloo Nageenyaa haala yeroo ilaalchisee ibsa baaseera.

Humni Waloo Nageenyaa taatee tibbana adeemsaa mana Amantaa Ortodoksii Tawaahidoo gidduutti mudate gamaaggameera.

Rakkoon uumame marii qofaan akka furamu amantaa qabaachuu ibseera.

Garaagarteen uumame karaa nagaa qofaan akka furamu hawaasni bal’aan qaamolee nageenyaa waliin qindoominaan akka hojjetan gaafateera.

Hiriirri nagaa heeyyamame waan hin jirreef, qaamoleen walitti bu’iinsii fi hokkora uumuuf hiriira yaaman gochaa seeraan alaa kanarraa akka of qusatan humni Waloo Nageenyaa hubachiiseera.

Qaamoleen amantaa daheeffachuun ergama dhokataa isaanii milkeessuuf, socho’an gochicharraa akka of qusatan hubachiiseera.

Ummaanni Itiyoophiyaa marti, hordoftoonni amantichaa nageenyaa fi tasgabbii biyyattiif waardiyyaa ta’uu akka qaban humni waloo kun waamicha dhiyeesseera.

Qaamolee karaa seeraan alaa hiriira gaggeessuuf socho'an, hiriiricha gurmeessuu fi qindeessuuf yaalan kamiiyyuurratti miidhaa qaqqabuu danda’uuf Humni Waloo Nageenyaa kan itti hin gaafatamne ta’uu ibseera.

Nageenyaa fi tasgabbii lammiilee fi biyyaa tiksuuf jecha humni walichaa tarkaanfii barbaachisaa ta’e hunda kan fudhatu ta’uu akeekkachiiseera.

Humni walichaa abbootii amantaa fi hordoftoota mana amantichaaf eegumsa taasiisu cimsee kan itti fufu ta’uu himeera.

https://t.me/gadaaones
https://www.facebook.com/GADAANEWS1

08/02/2023

Lakkoofsi namoota kirkira lafaa Turkii fi Siiriyaa mudateen du’anii 11.2 gaheera

Lakkoofsi namoota kirkira lafaa Turkii fi Siiriyaa mudateen du’anii 11.2 gaheera
Sooriyaa keessatti ragaan argamuun rakkisaa ta’us, hanga ammaatti namoonni 2,662 du’uun isaanii mirkanaa’eera. Preezdaantiin Turkiyaa Recep Tayyip Erdogaan naannolee kirkirri lafaa kun miidhaman daawwataniiru.
Haa ta'u malee, Wiixata darbe kirkirri lafaa gurguddaan lama Turkiyaan mudateen namoota kumaatamaan lakkaa'aman galaafatee booda, mootummaan kun qophii dhabuu isaatiin qeeqa isa mudachaa jira.
Turkiyaatti lakkoofsi namoota du'anii 8.5 caaleera
Guyyoota itti aanan keessatti lakkoofsi namoota du'anii akka dabalu eegama.
Preezdaantiin Turkiyaa Recep Tayyip Erdogaan lakkoofsi namoota du’anii kan beeksisan daawwannaa naannoolee balaa hamaan irra gahetti taasisaniin.
Haa ta'u malee, bulchiinsi Erdogaan kirkira lafaa hordofee deebii fi qophiin isaa ummataa fi paartilee siyaasaa irraa qeeqa cimaa argachaa jira.
Naannoleen balaa kanaan miidhaman hedduun isaanii deebii Ejensii Bulchiinsa Balaa Tasaa Turkii (AFAD) irraa kenname suuta jedhee komatu.
Odeeffannoo dabalataa.
https://t.me/gadaaones
https://www.facebook.com/GADAANEWS1

08/02/2023

https://t.me/gadaaones https://www.facebook.com/GADAANEWS1

08/02/2023

Turkii fi Siiriyaa keessatti lakkoofsi namoota du'anii kuma 11 gaheera.

Al Jazeeraan akka gabaasetti kirkira lafaa guyyaa wiixataa Turkii fi Siiriyaatti mudateen lakkoofsi namoota du’anii kuma 11 gaheera.

Namoota 11,000 du’an keessaa yoo xiqqaate namoonni 8,574 Turkii irraa, 2,530 ammoo Siiriyaa irraa ta'uun beekkameera.

Hojiin sakatta'iinsaa fi baraarsaa ammallee itti fufee jiraachuu fi lakkoofsi namoota du'anii dabaluu akka danda'u himameera.

https://t.me/gadaaones
https://www.facebook.com/GADAANEWS1

31/01/2023

Jaarmiyaalee Sirna Gadaa Keessatti Kallachaafi Caaccuun Maalii?

GN:- Amajjii 23,2015- Sirna Gadaa keessatti Kallachaafi Caaccuun jaarmiyaalee korniyaawwan lamaaniin addaan bahee tajaajiludha.

Kallachi meeshaa aadaa dhiirotaa yoo ta’u, Caaccuun immoo meeshaa safuu dubartoonni qoma irratti qabatanidha.

Kallachaa fi Caaccuun Oromoota tokko tokko biratti meeshaa 'hoodaa' ykn 'ulfoo' jedhamuun waamamu.

Kanarraa ka’uun Oromoo biratti kabaja guddaa qabu.

Oromoonni Kallachaaf iddoo guddaa waan kennaniif kabaja ayyaanotaafi iddoo maratti qabataniiti adeemu.Walitti bu’insaafi waldiddaa jiru hiikuufis tooftaa itti fayyadamanidha.

Fakkeenyaaf, walitti bu'iinsi yoo uumame rakkoo jiru furuuf, hangafoonni Kallachaa fi Caaccuu qabatan bakkichatti argamuun Waaqayyo Kallacha kana nuuf laateef jedhaatii lola kana dhiisaa jechuun maqaa Waaqaatiin ni kadhatu.

Hawaasni aadichaafi naannoo ollaaa keessatti guddatanis kabajaafi gahee Kallachi Oromoo qabu waan beekaniif, dafanii lola isaanii dhaabuun araaraaf dursitoonni gosaa akka taa’an ni gaafatu.

Dhimmichas haala tasgabbiitiin ilaaluun waliigaltee uumuun furmaata kennu.

Kallachi meeshaa 'hoodaa' yookiin 'ulfoo' jedhama. Iddoo baayyeetti Kallachi addatti godhatama. Yeroo tokko tokko 'addoo' jedhanii kan waamanis jiru.

Kallachi kabaja qaburraa ka'anii 'Ulfaa' jechuunis kan yaaman jiru.

Kallachi sadarkaa lama qaba.
Innis Kallacha Kormaafi Kallacha Lafaa jedhama.

Iddoo Kallachi jirutti Caaccuun argamuun dirqama tahuu himan hayyoonni seenaafi aadaa Oromoo qoratan.

Abbaan warraa Yoo Kallacha isaa qabatu, haati Warraa isaa ammoo Caaccuu qabatte baati.

Araarri Kallachaafi Caaccuun godhamu hin diigamu. Kallachi ulfina dhirri qabu kan bakka bu'u yoo tahu,Caaccuun immoo kan dubartiin qabduun iftoomuudha jedhan hayyoonni.

Guutuu dubisuuf.
https://t.me/gadaaones/5

31/01/2023

Ambaasaaddar Mizgaanuun Ityoophiyaatti Ambaasaaddara Chaayinaa waliin mari’atan

Ministir Deetaan Ministeera Dhimma Alaa Ambaasaaddar Mizgaanuu Argaan Ityoophiyaatti Ambaasaaddarri Chaayinaa Zyii’oo Zyiiyuu’aan waliin mari’ataniirtu.

Dhimmoota hariiroo biyyoota lamanii cimsanirratti mari’achuu isaanii ibsameera.

Ministirri Alaa Chaayinaa haaraan aangotti dhufanii jalqabaaf Ityoophiyaatti daawwannaa taasiisuun isaanii hariiroon biyyoota lamaanii cimaa ta’uu mul’iftuu ta’uu marii isaaniin kaasaniiru.

Abbootiin qabeenyaa Chaayinaa hojiilee misoomaa Ityoophiyaarratti akka hirmaatan Ambaasaaddar Mizgaanuun ibsaniiru.

Ityoophiyaatti Ambaasaaddarri Chaayinaa Zyii’oo Zyiiyuu’aan Chaayinaan hariiroo waloo fi dhimmoota naannawaarratti tumsa Ityoophiyaa waliin qabdu cimsitee kan itti fuftu ta’uu mirkaneessuu ragaan Ministeera Dhimmaa Alaarraa argame ni mul’isa.

https://t.me/gadaaones
https://www.facebook.com/GADAANEWS1

30/01/2023

https://www.facebook.com/GADAANEWS1?mibextid=ZbWKwL

YEROO HUNDAA HAQAAF!!

30/01/2023

Ilma Abbaa Gadaa with his cultural style...

07/01/2023

Hordoftoota Amantii Kiristaanaa maraan baga ayyaana yaadannoo guyyaa dhaloota gooftaa keenyaa Iyyesuus Kiristoosiin isin gahe.

https://www.facebook.com/GADAANEWS1?mibextid=ZbWKwL

14/12/2022

Oromia's short video with ♬ Originalton

07/12/2022

Watch, follow, and discover more trending content.