Dedebit Infotainment

25/08/2026

ፕረዝደንት ነበር ኦሊሶጎን ኦባሳንጆ ናብ ትግራይ ምምፅኦም ኣመልኪቱ ዝተውሃበ መግለፂ

ፕረዝደንት ነበር ናይጀሪያ ኦሊሶጎን ኦባሳንጆ ትማሊ 18 ነሓሰ 2018 ዓ/ም ናብ መቐለ መፂኦም ምንባሮም ይፍለጥ እዩ።

ይኹን እምበር እቲ ዝተገበረ ምብፃሕ ኣቐዲሙ ብስሩዕ ብዝተትሓዘ ቆፆሮን ፕሮግራምን ዘይኮነስ ሃንደበት ዝተገበረ ምብፃሕ እዩ ኔሩ።

ይኹን እምበር ፕረሲደንት መንግስቲ ትግራይ ቀዲሙ ተታሒዙ ዝነበረ ፕሮግራም ዓፂፎም ረኺቦም ኣዘራሪቦምዎም ኣለዉ።

ኣብቲ ዝተገበረ ዝርርብ መሪሕነት ትግራይ ኣብ ዝሓለፈ ሰነ 2018 ዓ/ም ብዝተገበረ ምርድዳእን ዝርርብን መሰረት ትርጉም ዘለዎ ክትትልን ቁፅፅርን እናተገበረ ብዘይምምፅኡ ሕጉሳት ከምዘይኮኑን እቲ ኩነታት ናብ ዝኸፍአ ወጥሪ ከምዝዓረገን ነቶም ፕረሲደንት ኣብሪሆምሎም እዮም።

ካብዙይ ብምብጋስ ድማ ምስ መንግስቲ ፌደራል ዝርርብ ክጅመር እንተኾይኑ እዞም ዝስዕቡ ነገራት ምምላስ መሰረታዊን ቁልፊን ከምዝኾነ ኣስሚሮምሉ ኣለዉ።

ንሳቶም ድማ:-

• ናይ ኢኮኖሚ ማዕቐብን ዕፅዋን ምልዓል

• ምቁራፅ ወታደራዊ ክባን ተፈጢሩ ዘሎ ወጥሪ ምርጋብን

• ሉኣላዊ ግዝኣት ትግራይ ናብ ንቡር ምምላስ

• ምምላስ ተመዛበልቲ ድሕንነቶምን ክብሮምን ብዝሓለወ መንገዲ

• ምምላስ ፖለቲካዊን ሕጋውን መንነት ህዝባዊ ወያነ ሓርነት ትግራይ/ህወሓት/ ዝብሉ እዮም።

ካብዙይ ብምብጋስ ዋላኳ ብወገን መንግስቲ ትግራይ ነቲ ዝንሆ ወጥሪን ምክራርን ኢሉውን ግዜ ዘይህብ ኩነታት ክፈትሕ ዝኽእል ክትትልን ዝርርብን ኣይግበርን ዘሎ ዝብል እምነት እንተሃለወ እቶም ናይ ቀደም ፕረሲደንት ኦሊሶጎን ኦባሳንጆ ግን “ምስ ፌደራል መንግስቲ ተዘራሪበ ኣብ ዝቕፅሉ ሓደን ክልተን ሰሙናት ክምለስ እየ” ኢሎም ኣለዉ።

ይኹን እምበር ካብቲ ናይ ትማሊ ዝርርብ ምርዳእ ከምዝከኣል ብዘሕዝን መልክዑ ስርዓት ብልፅግና ኣብቶም ዝተነፀሩ መሰረታዊ ጉዳያት ዝጭበጥን ሓቃውን ምምሕያሻት ከምዘይብሉ እዩ ተራእዩ ዘሎ።

ስለዝኾነውን መንግስቲ ትግራይ ነቲ ኣብ ዝሓለፈ ኣርባዕተ ዓመታት ዝነበረ ፍሹልን ዘይጭበጥን ከይዲ ተደጋጋሚ ምይይጣት፣ ዘይትግበር መፅብዓታትን ኣብ ባይታ ድማ ካብ ዝሓመቐ ናብ ዝኸፍአ ዝቕየር ኩነታትን ኣካይዳን ንምድጋም ዝኾነ ዓይነት ሸውሃት ይኹን ፖለቲካዊ ባሕጊ ከምዘይብሉ ግልፂ ጉዳይ እዩ።

መንግስቲ ትግራይ ንህዝቢ ትግራይን ማሕበረሰብ ዓለምን ኣብ ትርጉም ዘለዎን ተኣማኒን፣ ንፁርን ጭቡጥን፣ ናይ ግዜ ገደብ ዝተቐመጠሉ ኢሉውን በቶም ቀንዲን ፅዕንቶ ፈጠርትን ዓለምለኸ መዳርግቲ ዝሕገዝ ሰላማዊ ዝርርብ ንምግባር ደጋጊሙ ድሉውነቱ እናረጋገፀ መፂኡ እዩ።

ስለዝኾነውን ቅንዕና ዘለዎን መፍትሒ ዘምፅእን ከይዲ ዝርርብ ሰላም ንምክያድ ድሌት እንድሕር ሃልዩ ኾይኑ ተኸታተልቲ ትንኮያታት ስርዓት ብልፅግና ዝገትእን ዘትርፍን ከምኡውን ኮነ ተባሂሉ ኣብ ልዕሊ ህዝቢ ትግራይ ዝተነበረ ናይ ኢኮኖሚ ይኹን ካሊእ ዕፅዋን ክባን ንኽለዓል ዝገብር ክኸውን ከምዝግባእ መንግስቲ ትግራይ ደጋጊሙ ገሊፁ እዩ።

በዙይ መሰረት ሰላምን ምርግጋዕን ብዘይጭበጡ መፅብዓታትን ናይ ቅደም ሰዓብ መስርሓትን ክረጋገፅ ኣይኽእልን።

ቅኑዕ፣ ሓቃዊን ቀፃሊ ርክባትን ዝርርባትን ናይ ኩሎም መዳርግቲ ኣካላት ዝሓትት እዩ። ካብዙይ ብምብጋስ መንግስቲ ትግራይ ትርጉም ዘለዎ፣ ሃናፃይን ለውጢ ዘምፅእን ናይ ሰላም ዝርርባትን ርክባትን ንምግባር ኣብ ዝኾነ ይኹን እዋንን ኩነታትን ድልዊ ምዃኑ ደጊሙ ከረጋግፅ ይፎቱ።

ቢሮ ጉዳያት ኮሙዩኒኬሽን ትግራይ

19 ነሓሰ 2018

መቐለ

25/08/2026

መራሒ ተቐቲሉ ምሕዳሩ? ደብዳብ ድሮንን መልሲ ህወሓትን? ናይ ኣብይ ሰላሊ ኮይኑ ዝተረኸበ መራሒ? ጃህራ ኣብይን ዕ...

ደደቢት ሚድያ ንምሕጋዝ / To support Dedebit Media*************************...

24/08/2026

ሰሙናዊ መልእኽቲ ህወሓት

ፍትሓዊ ቃልስና ብግፍዕታት ጀኖሳይደር ኣይኽበስን!
================================
ጀኖሳይደር ስርዓት ብልፅግና ኣብ ከተማታትናን ቁሸታትናን ብዓይኒ የብለይ ስኒ የብለይ ተኸታታሊ ደብዳባት የካይድ ኣሎ። እዚ ስርዓት ቅድሚ ዓመታት፤ ህዝቢ ትግራይ ከም ህዝቢ ካብ ገፀምድሪ ምጥፋእን ካብ ሕልና ደቂ ሰባት ምሕኻኽን ዝብል ግልፂ ትልሚ ኣውፂኡ ኣብ ዝኸፈቶ ጀኖሳይዳዊ ኵናት ብዘይኣፈላላይ ብኣዝዩ ዘስካሐኽሕ ጭካነ ህዝብና ጨፍጪፉ እዩ። ድሕሪ ስምምዕ ፕሪቶርያ እውን እንተኾነ ህዝብና ብጥይት፣ ጥሜትን ሕማምን ነቲ ስምምዕ ከም መሳርሒ ህልቂት እዩ ተጠቒምሉ። ኣብዚ ሕዚ እዋን ድማ ንስምምዕ ፕሪቶርያ ብዕሊ ብምፍራስ ብከቢድ ብረት፣ ነፈርቲ ኵናትን ድሮናትን ሰላማዊ ህዝብና ኣብ ምድብዳብን ኣብ ልዕሊ ኣሃዱታት ሰራዊት ትግራይ ውግእ ኣብ ምኽፋትን ይርከብ።

እዚ ንዓለም ለኻዊ ሕግን ስምምዓትን ዘይግዛእ ኣረምየናዊ ስርዓት ንነብሲ ወከፍ ትግራዋይ ታርጌት ብምግባር እዩ ደብዳባት ኣብ ምክያድ ዝርከብ። ካብዚ ብምብጋስ እውን እቲ ኣብ ኣዴታትን ህፃናትን ዝፍፅሞ ዘሎ ደብዳብ ታርጌቱ ከምዝወቕዐ ብዝወደቦም ናይ ሚድያ ሰራዊቱ ኣቢሉ ብትዕቢት ኣብ ምግላፅ ይርከብ። እዚ ድማ እቲ ኣብ ከተማታትናን ቁሸታትናን ዝፍፀም ዘሎ ደብዳብ ብትሉም መንገዲ ኮነ ተባሂሉ ህዝቢ ትግራይ ንምርዓድን ንምስኳንን ዝፍፀም ዘሎ ግልፂ መረዳእታ እዩ። ማሕበረሰብ ዓለም ነዚ ኣብ ልዕሊ ሰለማውያን ህዝብና ዝፍፀም ዘሎ ደብዳብ ክኹንኖን እዚ ኣብ ልዕሊ ህዝቢ ትግራይ ዝፍፀም ዘሎ ጀኖሳይድ ብሽሙ ክፅውዖን ይግባእ።

ጀኖሳይደር ስርዓት ብልፅግና እቲ ንዓመታት ህዝቢ ትግራይን መሪሕ ውድቡ ህወሓትን ዝገበርዎ ፃዕሪ ዘተ ሰላማዊ መፍትሒ ብምንፃግ ንስምምዕ ፕሪቶርያ ብዕሊ ኣፍሪሱ ናብ ቅሉዕ ካሊእ ዙር ደማዊ ኩናት ንምእታው ኣለኒ ዝብሎ ሰራዊትን ጋዕገልጠምን ናብ ትግራይ ኣኽቲቱ ብምድርን ሰማይን ተደጋጋሚ መጥቃዕቲ ኣብ ምፍፃም ይርከብ። እዚ ድማ እቲ ስርዓት ንሰላማዊ ፍታሕ ዘይቕበል ምዃኑ ዘረጋግፅ ተግባር እዩ። ጀኖሳይደር ስርዓት ብልፅግና ብተግባር ካሊእ ዙር ደማዊ ኩናት እናሳወረ በቲ ካሊእ ገፅ ድማ ኣብ ባይታ ዘየለ ዘተን ድርድርን ከምዘሎ ኣምሲሉ ናይ ሓሶት ሓበሬታ ኣብ ምንዛሕ ይርከብ። እዚ ሓሶት ድማ ኣካል እቲ ዝልለየሉ ስልቲ ምድንጋርን ምትላልን እዩ።

መላእ ህዝብና ባህሪን ትልምን እዚ ጀኖሳይዳዊ ሰርዓት ህዝቢ ከም ህዝቢ ምጥፋእ ምዃኑ ዛጊድ ኣብ ልዕሌኻ ብዝፈፀሞም ግፍዕታት እትግንዘቦ ሓቂ እዩ። መቐፀልታ እቲ ክፍፅሞ ዝፀንሐ ጀኖሳይድ ድማ ኣብዚ ሕዚ እዋን ብዓይኒ የብለይ ስኒ የብለይ ኣብ መንበሪ ኣባይቲ ገጠርን ከተማን ይድብድብ ኣሎ። ከምቲ ኣብቶም ክተካይዶም ዝፀናሕኻ መድረኻት ንባህሪ እዚ ስርዓት ብምርዳእ ዝዘተኻሉ መፍትሒ ኣንፈታት ኣድላዪ ጥንቃቐ ክትገብርን ሲቪላዊ ከለላ ክትጥቀምን ክነዘኻክር ንፈቱ። ቃልስና ፍትሓዊ እዩ።ቃልስና ሕቶ ምንባር እዩ። እዚ ፍትሓዊ ቃልስና ድማ ብዝኾነ ይኹን መንገዲ ምጭፍላቕ ኣይከኣልን ጥራሕ ዘይኮነስ ህልውናና ኣብ መቓብር ፀላእትና ክነውሕስ ኢና።

ዘበት ንብሄራዊ ብርሰት

ዘለኣለማዊ ዝኽርን ክብርን ንስውኣትና!

18 ነሓሰ 2018 ዓ/ም

24/08/2026

ናይ መወዳእታ ውሳነ ዘድልዮ ደብዳብ ድሮን እንዳባጉናን ራያ ዓዘቦን!

ደደቢት ሚድያ ንምሕጋዝ / To support Dedebit Media*************************...

24/08/2026

ዕላዊ ኣዋጅ ኲናት ብርሃኑ ጁላ? ካብ ኣዲስ ኣበባ ባህርዳር ክኣቱ? ጃዋር ንኢትዮጵያ ክኣቱ? ቃልስና ስርዓት ንምቕ...

ደደቢት ሚድያ ንምሕጋዝ / To support Dedebit Media*************************...

24/08/2026

ሰበር ዜና፦ ናይ ኢትዮጵያ ድሮን ምሕምሻሻ? ሽርሒ ኦባሳንጆን ኣብይን ንትግራይ? ጃዋር መሓመድ ዘቃልዖ ምሽጥር? ብ...

ደደቢት ሚድያ ንምሕጋዝ / To support Dedebit Media*************************...

23/08/2026

ነበርቲ ወረዳ ጉለመኸዳን ከተማ ዛላንበሳን ምስ ካብ ንኡስ ዞባ ሰንዓፈ ዝመፁ ኤርትራውያን በዓል ማርያ ብሓባር ኣኽቢሮም።

ኣብቲ ኣብ ከተማ ዛላንበሳ ዝተሳለጠ ጽምብል፥ ካብ ሃገረ ኤርትራ ከባቢታት ኣምበሰተ ገለባ፣ ሰርሓ፣ እምባብ ድሓን፣ኰኾባይ እንዳሹምን ሽመዛናን ብሓፈሻ ድማ ካብ ንኡስ ዞባ ሰንዓፈ ዝመፁ ኤርትራውያንን ከምዝተረኸቡ ድ.ወ.ት ፀብፂቡ።

ምክትል ዋና ኣመሓዳሪ ዞባ ምብራቕ ኣይተ ሃይላይ ገብረማርያም ኣብ ዘስምዕዎ መልእኽቲ፥ ቀንዲ ዕላማ’ቲ ኣብ መንጎ ትግራይን ኤርትራን ይግበር ዘሎ ርክብ ናይ ክልቲኦም ህዝብታት ሰላም፣ ልምዓትን ድሕነትን ንምርግጋፅ ምዃኑ ገሊፆም።

ህዝቢ ትግራይን ኤርትራን ሓባራዊ ታሪኽ ፣ባህልን ኣመፃፅኣን ከምዘለዎን መፃኢ ዕድሉ እውን ሓደ ምዃኑን ኣብሪሆም።

ብፍቕርን ስኒትን ክልቲኡ ህዝቢ ዝጕሂ ኣካል እንተሃልዩ ኣብ ህውከትን ዕግርግርን ዝነብር እምበር ደላዪ ሰላም ሓይሊ ከምዘይኰነ ኣይተ ሃይላይ ኣገንዚቦም።

ክልቲኡ ህዝቢ ብሰንኪ ፖለቲካዊ ፍሕፍሕ ክኸፍሎ ዘይግባእ ዋጋ እናኸፈለ ምምፅኡ ዝገለፁ ኣብቲ መድረኽ ዝተረኸቡ ተጋሩን ኤርትራውያንን ብወገኖም፥ ተጀሚሩ ዘሎ ሰላም ብምዕሟቕ መፃኢ ጊዜ ኣብ ዘለምልሙ ዛዕባታት ሓቢርካ ምስራሕ ከምዝግባእ ገሊፆም ከም ፀብፃብ ቴሌቪዥን ትግራይ።

23/08/2026

"ፍቕሪ ወላድ ፤ ፅልኢ ግን መኻን እያ።"

ኣብ መንጎ ህዝቢታት ትግራይን ኤሪትራን ዘሎ ርክብ ብምጥንኻር እቶም ህዝብታት ዝብህግዎ ልምዓትን ሰላምን ንምርግጋፅ ብዕቱብ ክንሰርሕ ኢና ኢሉ ምምሕዳር ዞባ ምብራቕ ትግራይ ።

እቲ ምምሕዳር ነዚ ዝገለፀ በዓል ማርያ ኣብ ከተማ ዛላምበሳ ብዝተፈላለዩ ምድላዋት እንትበዓል እዩ።

በዚ ዕለት ካብ ሃገረ ኤሪትራ ከባቢታት ኣምበሰተ ገለባ፣ሰርሓእምባብ ድሓን፣ኰኾባይ እንዳሹም፣ሽመጃናን ብሓፈሻ ድማ ካብ ንኡስ ዞባ ሰንዓፈ ዝመፁ ኤሪትራውያንን ካብ ወረዳ ጉለምኸዳን ከተማ ዛላምበሳን ዝተውፃእፅኡ ነበርትን ብሓባር በዓል ማርያ ኣብ ከተማ ዛላምበሳ እንተብዕልዎ ምክትል ዋና ኣመሓዳሪ ዞባ ምብራቕ ኣይተ ሃይላይ ገብረማርያም ኣብ ዘስምዕዎ ዘረባ፣ኣብ መንጎ ትግራይን ኤሪትራን ተፈጢሩ ዘሎ ፅምዶ፣ ቀንዲ ዕላምኡ ኣብ መንጎ ክልቲኦም ህዝብታት ሰላምን ልምዓትን ንምርግጋፅ አዩ ምስ በሉ ፣ሓበራዊ ሓደጋን ፀላእን እንተጓንፍ ድማ ሓቢሮም ክምክቱ ግድን ይኸውን ኢሎም።

ህዝቢ ትግራይን ኤሪትራን ናይ ሓባር ታሪኽ ፣ባህልን ኣመፃፅኣን ዘለዎ ህዝቢ እዩ፤ እዚ ጥራይ ኣይኮነን መፃኢ ዕድላቱ እውን ሓደ እዩ ዝበሉ ኣይተ ሃይላይ ፣ ነገር ግን ብፍቕርን ሰነያን ክልቲኦም ህዝብታት ጓሂ ዝስመዖ ኣካል እንተሃልዩ ደላይ ሰላም ዘይኮነስ ኣብ ህውከትን ዕግርግርን ዝነብር ሓይሊ ጥራይ እዩ ዝኸውን ኢሎም።

ኣብቲ መድረኽ ዝተረኸቡ ተጋሩን ኤሪትራውያንን ኣብ ዘመሓላለፍዎ መልእኽቲ ድማ ፣ክልቲኡ ህዝቢ ሓቢሩ ብሰላም ከይነብር ብሰንኪ ፖለቲካዊ ፍሕፍሕ ክኸፍሎ ዘይግባእ ዋጋ እናኸፈለ መፂኡ እዩ ድሕሪ ምባል ፣ሕዚ ግና ተጀሚሩ ዘሎ ሰላም ብምዕሟቕ መፃኢኡ ኣብ ዘለምልሙ ዛዕባታት ሓቢሩ ክሰርሕ ኣተሓሳሲቦም።

"ፅልኢ መኻን እያ ፍቕሪ ግና ወላድ እያ " ዝበሉ እቶም ወሃብቲ ርኢቶ ፣ካብ ሰላም እምበር ካብ ኵናት ዝርከብ ረብሓ ስለ ዘየለ ፣ኩሉ ንሰላም ክዝምር ድማ ፀዊዖም ከምፀብፃብ ድምፂ ወያነ ቴሌቪዥን።

23/08/2026

LIVE

ደደቢት ሚድያ ንምሕጋዝ / To support Dedebit Media*************************...

23/08/2026

ቅንያት በዓል ኣሸንዳ