Oromo News Network (2025)

28/05/2025

Shout out to my newest followers! Excited to have you onboard! Jande Hhr, Fuad Shemsedin, Minalu Mihon

31/01/2025

Murtoon Preezdaant Donaald Traamp Ameerikaa Dhaabbata Fayyaa Addunyaa (WHO) keessaa baasuuf mallatteessan damee fayyaa Afrikaa addatti immoo damee fayyaa Itoophiyaa irratti dhiibbaa akkamii qabaataa? Qaawwa sababa kanaan uumamu akkamiin cufuuf falli jiraa?

Galgala kana akka lakkoofsa biyyaatti sa'aatii 03:00tti ogeeyyii fayyaa waliin marii tamsaasa kallattii qopheessineerra.

1. Dr. Ibraahim Ammee Elemoo Waldaa Ogeeyyii Fayyaa Oromoo Idil-Addunyaa irraa
2. Dr. Balaaynah Waldaa Hakiimota Oromiyaa irraa marii kanarratti affeerreerra.

Yaadaa fi gaaffii qabdaniin hirmaachaa nu daawwadhaa.

OMN Ijaa fi Gurraa Uummataa!

31/01/2025

Godina Wallagga Lixaa magaalaa Mandiitti lubboota fi daaqonoonni mana amantaa humnoota mootummaan hidhaman jedhame.

Abbootiin Amantaa kunneen sinodoosii Oromiyaa dhiisaatii sinodoosii Itoophiyaa waliin tokko ta'aa jedhamanii isaan nuti sinodoosii Oromiyaa malee kan Itoophiya kan isin jettan kana hin beeknu waan jedhaniif hidhamuu maatiin hidhamtoota OMNtti himan.

Amajjii 10 bara 2017 A.L.I tti abbootiin amantaa Godina Wallagga Lixaa waajjira poolisa magaalaa Mandiitti sababa taabbonni iddoo tokkotti haa bobbahu jedhanii fi sanaan dura waldaa Yohaannisii hundeessaniif hidhamuu maatii hidhamtoota irraa dhageenye.

Kanamalees dirqiin akka isaan sinodoosii Oromiyaa dhiisanii sinodoosii Itoophiyaa deeggaran ajajanii isaan didanii jennaan hidhuu himamee jira.

Luboonnii fi Daaqonoonni mana amantaa Ortodoksii godina Wallagga Lixaa Aanaa Mana Sibuu ji'a 3 dura waldaa Yohaannisii jedhamu hundeessuun koree mataa isaanii filatan nama 5 ta'an hidhamuutu dhagahame.

Abbootiin amantaa kun ammaan duras si'a hedduu qaamota mootummaatiin waamamanii qoratamuu maatii namoota hidhamanii keessa namni OMN bilbilaan dubbise himeera.

Koree mataa isaanii filatanii Waldaa Yohaannisii hundeessanii taabonni gara tokkotti akka bobbahu gochuun ala badii wohiitu akka hin qabne eeramee jira.

Osomaa akkasitti qorannoodhaaf deddeebisaa turanii gaafa taabonni bobbahu jalqaba irratti luba Inistaalema Abdataa kan jedhamu yoo hidhan, walumaa galatti namoota 5tu hidhame jedhan.

Maqaan abbootii amantaa hidhamanii Inistaalam Abadataa, Luba Faqqadaa, Luba Badhaasaa, Luba Getaahun, Daaqon Almaadi kanneen jedhamaniidha.

Abbootiin amantaa kun erga gaafa hadhamaniitii kaasee hanga ammaatti akka mana murtiittis hin dhiyaatin maatiin isaanii OMNtti himaniiru.

Haata'u malee mana hidhaa kana keessatti haalli isaan keessa jiran gaarii akka hin taaneefi gariin isaanii dhukkubsatas kan jiran ta'uun eeramee jira.

31/01/2025

Obbo Birhaanuu Adeelloo komishinara Komishinii Mirgoota Namoomaa Itoophiyaa ta'anii muudaman.

Obbo Birhaanuun mana marii bakka bu'oota uummataatti dhihaachuunis waadaa galaniiru.

Obbo Birhaanuu Adeelloo bara hooggansa ministira muummee duraanii obbo Mallas Zeenaawii ministira dhimmoota kaabinee turan.

31/01/2025

አቶ ብርሀኑ አዴሎ የኢትዮጵያ ሰብዓዊ መብት ኮሚሽነር ሆነው ተሾሙ።

አቶ ብርሃኑ በሕዝብ ተወካዮች ምክር ቤት ቀርበው ቃለ-መሐላ ፈፅመዋል።

አቶ ብርሀኑ በጠቅላይ ሚኒስትር መለስ ዜናዊ የሥልጣን ዘመን የካቢኔ ጉዳዮች ሚኒስትር ነበሩ።

31/01/2025

Fandiin Maallaqaa Idil-addunyaa marii marsaa 2ffaa taasifameen booda deeggarsa Imaammata Haaroomsa Diinagdee Itoophiyaatiif kan oolu liqii yeroo dheeraa dolaara miliyoonaa 248 gad dhiise.

Dhaabbatichi Itoophiyaaf doolara Biliyoona 3.4 kan raggaasiseef yoo ta'u hanga kaleessatti doolaara Biliyoona 1.6 gad dhiiseefi jira.

Mootummaan deeggarsa seeftineetiif taasisee kan eeggamee gadi kan jedhe dhaabbatichi, kutaalee hawaasaa miidhaaf saaxilamoo ta'aniif xiyyeefannaa kennuun barbaachiisaadha jedhee jira.

Dhaabbatichi gatiin boba’aa sadarkaa baasii mootummaa guutumaatti uwwisutti akka sirreeffamus yaada dhiyeessee jira.

31/01/2025

የዓለማቀፉ ገንዘብ ድርጅት (አይ ኤም ኤፍ)፣ ሁለተኛውን የኢትዮጵያ የተራዘመ ብድር ግምገማ በማጠናቀቅ ለአገር በቀል የኢኮኖሚ ማሻሻያ መርሃግብሩ ትናንት ተጨማሪ 248 ሚሊዮን ዶላር ብድር ማፅደቁ ተሰማ።

ድርጅቱ ለኢትዮጵያ 3 ነጥብ 4 ቢሊዮን ዶላር ብድር ባለፈው ሐምሌ ካጸደቀ ወዲህ፣ እስከ ትናንት የለቀቀው ብድር 1 ነጥብ 6 ቢሊዮን ዶላር ደርሷል።

መንግሥት ለማኅበራዊ ሴፍቲኔት መርሃግብሮች የሚሠጠው ድጎማ ከተጠበቀው በታች መሆኑን በግምገማ ሪፖርቱ የገለፀው ድርጅቱ፣ ለጉዳት ተጋላጭ ለሆኑ የኅብረተሰብ ክፍሎች የሴፍቲኔት ድጋፎችን ማጎልበት ያስፈልጋል በማለት መክሯል።

ድርጅቱ፣ የነዳጅ ዋጋ የመንግሥትን ወጪ ሙሉ በሙሉ ሊመልስ በሚችል ደረጃ መስተካከል እንዳለበትም ምክረ ሃሳቡን ለግሷል ነው የተባለው።

31/01/2025

Qabsoon Oromoo tarsiimoo fi dhugaarratti ijaaramuu qabdi jedhu qorataan sirna heeraa, mirgoota namoomaa, federaalizimii fi barsiisaan seeraa Yunivarsiitii Melbarn Tsaggaayee Araarsaa/PhD/.

Tsaggaayee Araarsaa/PhD/ qabsoon Oromoo dhimmoota murteessoo horachuu qaba jedhan shan ibsanii jiru.

Qorataa sirna heeraa, mirgoota namoomaa, federaalizimii fi barsiisaa seeraa Yunivarsiitii Melbarn kan ta’an Tsaggaayee Araarsaa/PhD/ haala yeroo fi fuulduree qabsoo Oromoo irratti hawaasa Oromoo biyya Kaanaadaa waliin mariyatanii turan.

Yeroo qabsoon tun lafaa kaatee kaasee uummanni Oromoo adeemsa sirna ijaaruu (Nation building) irra jira kan jedhan Tsaggaayee Araarsaa/PhD/ kun immoo adeemsa yeroo dheeraa fudhatuudha jedhan.

Sabni Oromoo abbaa biyyummaa (lammummaa) dha kan mulqame jedhu hayyuun kun. Waan kana ta’eefidha yeroo hiree Itoophiyaa bulchuu argatettillee ukkaamsaa fi duguuggaa jalaa kan of oolchuu hin dandeenye jedhan. Sabichis, aangawoonni sabicha keessaa bahanii Itoophiyaa bulchanis walumatti diina Itoophiyaa jedhamanii kan lakkaawamaniif sabni Oromoo waliigalatti balaa Itoophiyaa jedhamee waan farrajameefi jedhu Tsaggaayee Araarsaa/PhD/.

Yaadni kun Oromoon abbaa biyyummaa mulqamee akka jiru kan agarsiisu fi qabsoon isaas abbaa biyyummaa isaa mirkaneeffachuurratti fuulleffachuu akka qabdu akeeka jedhan.

Qabsoon teenya tarsiimoon taliigamuu qabdi. Dhugaadhaanis oofamuu qabdi jedhan. Saba Oromootiif hiree ofii ofiin murteeffachuuf wabiin kan biraa humna jabaa ijaarrachuu dha jedhu Tsaggaayee Araarsaa/PhD/.

Itoophiyaan biyya duguuggaa sanyii fi shororkeessummaan ijaaramte kan jedhan hayyuun kun yeroo biyyattii keessatti hidhannoon akka malee babal’ate kana keessatti humna jabaa horachuun Oromoof daran murteessaa dha jedhan.

Qabsoo hiree ofii ofiin murteeffachuu godhu kanaaf Oromoo waa shan nu barbaachisaa jedhan. Kunneenis walabummaa siyaasaa, diinagdeen of ga’uu, hirpha (fedhii gargaarsa namoomaa dhugoomfachuu), beekumsa maddisiifachuu fi seenessa ofii himachuuf meeshaa jabaa kan ta’e miidiyaa jechuun eeran.

Qabsoon Oromoo kijibaa fi olola irraa fagaattee dhugaa fi wal amantaa irratti ijaaramuu akka qabdu jabeessanii dubbatan. Fira horachuurratti xiyyeeffatamuu qaba jedhan hayyuun sirna seeraa fi federaalizmii Tsaggaayee Araarsaa/PhD/.

31/01/2025

Lammiileen Itiyoophiyaa 1,713 Ameerikaa irraa gara biyyaatti deebifamuuf jedhame.

Murtee bulchiinsa Doonaald Tiraampiin lammiileen Itoophiyaa 1,713 lammiilee waraqaa ragaa hin qabne ta’uun gara biyya isaaniitti deebi’uun adda baafamuun gabaafameera.

Godaantota waraqaa ragaa hin qabne miiliyoona 1.4 bulchiinsi Traamp marsaa ammaa kanaan gara biyya isaaniitti deebisuuf karoorfate keessaa 1,713 lammiilee Itoophiyaati.

31/01/2025

Mootummaan Amerikaa deggersa maallaqaa hatattamaa dhaabuu hordofee Dhaabbanni Fayyaa Addunyaa yaaddoo qabu ibse.

Deggersi lubbuu miiliyoonotaa baraaraa jiruu fi abdii uumu kun gargaarsa maallaqaa dhaabuun saaxilamtoota kallattiin miidha jedhe ibsa kaleessa baaseen.

Dhaabbanni Fayyaa Addunyaa biyyoota galii gadi aanaa fi giddu galeessaa qaban keessatti sagantaalee ittisaa fi to'annoo HIV'f deggersa maallaqaa hatattamaa dhaabuun dhiibbaa fiduu danda'a jechuun yaadda'uu ibse.

Sagantaawwan kunneen addunyaa guutuutti namoota miiliyoona 30 ol ta'aniif yaala HIV lubbuu baraaruu akka argatan ni taasisa kan jedhe Dhaabbanni Fayyaa Addunyaa, akka addunyaatti dhuma bara 2023 tti namoonni miiliyoona 39.9 ta'an vaayirasiin HIV dhiiga isaanii keessa jedhe.

Sagantaa HIV'f deggersi maallaqaa taasifamu dhaabbachuun namoota vaayirasiin HIV dhiiga isaanii keessa jiru balaa dhukkubaa fi du'a battalaa akka dabalu gochuu fi tatamsa'ina ittisuuf tattaaffii taasifamu gufachiisuu akka danda'u ibseera.

Guddina waggoota kurnan lamaan darbaniif ture kan duubatti deebisuu fi addunyaa kana gara bara 1980 fi 1990 tti deebisuu ni danda'a jechuun yaaddoo qabu ibsee jira.

Dhaabbanni Fayyaa Addunyaa ibsa kaleessa baaseen yaaddoo jabaa qabaachuusaa ibseera.

Waggaa waggaan namoonni miliyoonaan sababa dhibee Eedsiin du'u kan jedhe, kanneen keessaa heedduun lammiilee Amerikaati jedhe.

Tarkaanfiin kun immoo kallattii addaa addaan duubatti deebi'umsa akka fidu ibseera.

Dhaabbanni Fayyaa Addunyaa kununsaa fi wal'aansi lubbuu baraaruu akka kennamu mirkaneessuuf bilisa ta'uu akka dandeessisu mootumma Amerikaa gaafateera.

Deggersi namoomaa erga hundeeffamee waggoota 20 olii kaasee jalqabbii ijoo deebii HIV addunyaa ta'ee ture jedheera.

Deggersi taasifamaa ture kun dhaabbachuun miidhaa kallattii qabaachuu Dhaabbatichi ibseera.

Karoorri mootummaa Amerikaa deggersa namoomaa kennu(PEPFAR) biyyoota addunyaa 50 ol keessatti akka hojjetu yaadachiise.

Waggoota kurnan darban keessattis deggersi maallaqaa karaa kanaan taasifamu lubbuu namoota miiliyoona 26 baraaruu ibsee jira.

Yeroo ammaa kana daa'imman waggaa 15 gadii gara kuma 600 tti siqan dabalatee namoota gara miliyoona 20 ta'an vaayirasiin HIV dhiiga isaanii keessa jiruuf yaalaa kennaa jiraachuu ibse.

31/01/2025

Godina Arsii Aanaa Sirkaa gandoota Adda Addaa keessatti maqaa gurmaa'insa gandaatiin saamicha ummata irratti raawwataa jiraachuu maddeen himan.

Aanaa Sirkaa gandoota akka Heellaa Gallabee Gooroo, Heellaa Gallabee Amajaa fi Elellee Waalanaa dabalatee kanneen biroo keessatti saamichi caaseeffama gurmaa'insa gandaa fi loltoota mootummaatiin raawwatamaa jiraachuu maddeen himan.

Bulchaa ganda Heellaa Gallabee Gooroo obbo Mallasaa Dassitaa namuma nagayaa maqaa WBO jedhuun qabee birrii kuma 50 hanga kuma 150 kafalchiisaa jiraachuu jiraataan gandicha OMNtti hime.

Namni kun Aanaa Sirkaa keessatti Waajjira Buusaa Gonofaa Aanichaa keessaa kan hojjataa ture yoo ta'u, gurmaa'insa gandaa mootummaan diriirse hordofee ganda Heellaa Gallabee Gooroo jedhamutti Bulchaa Gandaa ta'ee ramadamee jedha maddi OMN.

Erga ramadamee kaasee hidhannoo guutuu hidhatuun loltoota mootummaa wajjiin hawaasa waggoota lamaaf waraanaa gaaga'amaa jiru saamaa jira jedha.

Loltoota mootummaa wajjiin ta'un gandoota ollaa kanneen akka ganda Heellaa Gallabee Amajaa fi Elellee waalanaattis bobba'un saamicha raawwataa jiraachuu hima.

Komii hawaasni gandootaa Aanaa Sirkaa bulchaa ganda Heellaa Gallabee Gooroo irratti kaasan kana qulqulleefachuuf bulchaa gandichaa obbo Mallasaa Dassitaa irra deddeebiin itti bilbiluus bilbilli isaanii hin seenu.

31/01/2025

Manni Murtii Aanaa Aksum daarektarota manneen barnoota magaalattii afur barattoota muslimaa irratti dhorkaa uffannaa hijaaba dabarsuun himataman akkaataa ajaja mana murtiitti dhaddacha hin dhiyaanne jechuun hidhamanii akka dhiyaatan ajaja dabarse.

Manni Murtichi dhaddacha Amajjii 06, 2017 ALI ooleen dhorkaa hijaaba manneen barnootaa dabarsan ugguramee akka turuu fi manneen barnootaa kunneen mana murtiitti dhiyaatanii jecha isaanii akka laatan ajaja dabarse ture.

Haa ta’u malee Biiroo Barnoota Magaalaa Aksum himatamaa tokkoffaan ala himatamtoota 2ffaa hanga 5ffaarra kan jiran manneen barnootaa afur “ajaja mana murtichaa kabajuu diduun” guyyaa beellamaatti dhaddacha akka hin dhiyaanne manni murtichaaf ibsee jira.

Kun ammoo “gocha walabummaa dhaabbattummaa fi hojimaata mana murtichaa cabsu” waan ta’eef, poolisiin magaalaa Aksum daarektaroota manneen barnootaa afur hidhee Guraandhala 07, 2017 ALI mana murtiitti akka dhiyeessu xalayaa ajajaan ibseera.

Barattoonni muslimaa 160 sababa uffannaa isaaniin barnoota ala ta’an, uggura hijaabaa kun “mirga barnootaa fi bilisummaa amantaa heera mootummaatiin kenname cabsa” jedhanii mormaa turaniiru.

Barattoonni kutaa 12ffaa magaalittii keessatti argaman bulchiinsi manneen barnoota hijaaba akka ofirraa baasan isaan ajajuu hordofee qormaata biyyoolessaatiif guyyaan galmee onlaayinii isa dhumaa Amajjii 02, 2017 ALI jalaa darbuu himaniiru.

Haaluma walfakkaatuun, yuunivarsiitii Diillaatti barattoonni dubartoota muslimaa 44 ta’an sababa uffannaa amantiisaanii ta’e niqaaba uffataniin mooraa yuunivarsiitichaa akka seenne dhorkamuun gariin isaanii guyyootaaf masjiida keessa bulaa akka jiran OMN gabaasuun isaa ni yaadatama.

Oromo News Network

28/05/2025

31/01/2025

31/01/2025

31/01/2025

31/01/2025

31/01/2025

31/01/2025

31/01/2025

31/01/2025

31/01/2025

31/01/2025

31/01/2025

Address

Telephone

Website

Alerts

Contact The Business

Shortcuts

Share