Woldia Times

26/09/2025

መስቀል ደመራ በዓል በወልድያ ከተማ እየተከበረ ነው

በበዓሉ የሰሜን ወሎ ሀገረ ስብከት ሊቀ ጳጳስ እና የቅዱስ ሲኖዶስ አባል አቡነ ኤርሚያስ፣ የወልድያ ከተማ አስተዳደር ተቀዳሚ ምክትል ከንቲባ አቶ ዱባለ አብራሬ እና ወጣት የሰንበት ተማሪዎች እና ምዕምናን በክብረ በዓሉ ላይ ታድመዋል።

ወልድያ: መስከረም 16/2018 ዓ.ም (ወልድያ ኮሚኒኬሽን)

17/09/2025

ለወልድያ አምባሳደሮች!

ከተለያየ የኢትዮጵያ ክፍል መጥተው ወልድያ ተምረው ወይ ሰርተው ላሳለፉ፣ ወልድያን ለሚወዱ፣ የወልድያ ትዝታ በውስጣቸው ላለ፣ ወልድያን በበጎ ለሚያስቡ፣ ለወልድያ እድገት የበኩላቸውን ላበረከቱ፣ በአጠቃላይ ለወልድያ ልጆች ሁሉ፣ የጀመርነው አዲሱ ዓመት የናንተ ይሁን!

ዛሬ የት ናችሁ? ወልድያን ስታስቡ ትዝታችሁ ምንድን ነው? ፃፉልን። ትዝታን እነጋራ!

11/09/2025

መልካም አዲስ ዓመት ቤተሰብ ...
አዲሱ ዓመት ከሁሉም በላይ የሰላም ይሁንልን! በዓሉን የት እያከበራችሁ ነው? እንዴት ነው? በፎቶ ኮሜንት ላይ ብታስቀምጡልን እንፖስተዋለን።

መልካም በዓል!

30/08/2025

ልዩ ቦታው የት ነው? ዓመተ ምህረቱስ መቼ ይመስላችዃል?

28/08/2025

ጥቆማ ...
ለወልድያ አስቀያሚ ገፅታ የፈጠሩ ህንፃዎች !

በመንገድ ስራው ምክንያት ከፊል የህንፃው ክፍል የፈረሰባቸው ፣ ካሳ ተከፍሏቸው አሁንም ለከተማው አስቀያሚ መልክ ያለውን የገጠጠ ፍራሽ ህንፃቸውን አቁመው የሚገኙ ባለሀብቶች ሀዬ ሊባሉ ግድ ነው።

እነዚህ የህንፃ ባለቤቶች ካሳ የተቀበሉበትን እና በመንገድ ስራው የፈረሰውን ህንፃቸውን አፍርሰው ከተማችንን የሚመጥን ህንፃ መገንባት ግዴታቸው እንደሆነ ይታወቃል። ሁሉም ለመገንባት የአቅም ችግር እንደሌለባቸው የከተማው ኗሪ ጠንቅቆ የሚያውቀው ጉዳይ ሆኖ ሳለ አሁን እየተዘጋጁ ያሉት ግን የፈረሰውን ህንፃቸውን ጠጋግነው የኮንቴነር በር በመግጠም የማስቀጠል ፍላጎት ነው እያየን ያለነው።

እነዚህ ለከተማችን የተሻለ ኢንቨስትመንት ሰርተው እንዲያሳዩ የምንጠብቃቸው ባለሀብቶች፣ ለከተማችን አስቀያሚ ገፅታ የሚፈጥር ኮተት ደርድረው ማየት አንሻም። ይሄ እድገቷን ቀን ከሌት የምንከታተልላትን ከተማችንን ወደ ዃላ የሚጎትት ተግባር ነው።

ከተማችን ለ 2035 ዓ.ም አስቦ የሚገነባ እንጂ ወደ 1995 የሚመልሳት ባለ ሀብት አትፈልግም!

ይሄ ካሳ የተከፈለበት የፈራረሰ ህንፃ ከነ አስቀያሚ ገፅታው ሙሉ በሙሉ መነሳት ያለበት ሲሆን በምትኩም ከተማቸንን የሚመጥን ግንባታ እንዲሰራ እንጠይቃለን።

ይሄን ጉዳይ ወደፊት ሂደቱን እየተከታተልን በሰፊው እንመለስበታለን!

27/08/2025

የ8ኛ ክፍል ሚኒስትሪ የወሰዱት የት ትምህርት ቤት ነው? መቼ?

ካስታወሱ ሴክሽኑን ወይ ከክፍልዎ የነበረ የማይረሱት ተማሪ ስም ይፃፉ። የቀድሞ የት/ቤት ወይ የክፍል ጓደኛችሁ ጋር ተገናኙ።

ፎቶ፣ ቆየት ያለ የወልድያ ፎቶ ነው። በፎቶው ላይ የፈጠነ ፀጉር ከጣራው ላይ እይታ (Birds Eye View) እና እቴጌ ጣይቱ ብጡል ትምህርት ቤት በከፊል ይታያሉ።

26/08/2025

ከየትኛው የወልድያ ቀደምት ት/ቤት ተምረዋል? መቼ?

ምን የተለየ ትዝታ አለዎት?
በጊዜው የማይረሱት ዝነኛ የነበረው ተማሪ ማነው?
በት/ቤቱ ተፅእኖ የፈጠረባችሁ የማትረሱት መምህር ነበር?

24/08/2025

23/08/2025

አርሰናል ሊድስን አስተናግዶ 5 ለ 0 ለጠለጠው። የአርሰናሉ አዲሱ አጥቂ ቪክቶር ጆኬሬስ 2 ጎል በማግባት የጨዋታው ኮከብ ተብሏል።

ባይዘዌያችን ላይ ጆኬሬስ በእግር ኳስ ጠንካራ ተጫዋች ይሁን እንጂ፣ ፍቅረኛ አያያዝ ላይ ግን ልፍፍፍፍሰ ነው ተብሎ ይታማል። እንዴ እንዲያውም ፍቅረኛውን ይዞ ግሮሰሪ መጣና፣ ለካስ የፍቅረኛይቱ ኤክስ ባንኮኒ ላይ እየጠጣ ነው። በዚህ የተነሳ የኔ ነች የኔ ነች በሚል አምባጓሮ ተነሳና፣ አንደኛው ከጓሮ መጥረቢያ ይዞ ሲመጣ፣ ሌላኛው ደሞ ከጎረቤት ስጋ ቤት ቢላ ይዞ መጣ።

በኋላ ከmigaደሉ አሉና የቤቱ ሽማግሌ ጠጪዎች አንድ መላ ዘየዱ፤ በዚህም ካርታ ተጫወቱና ያሸነፈ ይጠቅልላት ተባለና ኮንከር ተጀመረ። አጅሬው ካርታውን ሲያየው የሚያምር ካርታ ከጆከር ጋ ነው ነው የተሰጠው፣ አንድ ፈላጊ ብቻ ነው። ደስ ብሎት ዘና ብሎ ለመጫወት እንዳውም ጆከሩን ገልብጦ ጠረጴዛ ላይ አስቀመጠ።

ሳያስበው ግን ያኛው አሸነፈና ልጅቷን ጓዳ ይዟት ገባ። ምስኪኑ ደንግጦ ምን እንደተፈጠረ ሲያጣራ፣ ጠረጴዛ ላይ ባስቀመጠው ጆከር ፋንታ ሌላ ካርታ ነው ያለው። ለካስ ያኛው ሳያየው ጆከሩን ሰርቆት ነው የዘጋው። እናም:-

''የታለ ጆከሬስ?..ኧረ ጆከሬስ..?'' እያለ ጮኸ።

በዚህ የተነሳ ስሙም 'ጆከሬስ' ተባለ ቀረ ቀረ ቀረ።

ጳውሎስ ዘ ፒያሳ

22/08/2025

ይድረስ:-
ለወልድያ አጠቃላይ ስፔሻላይዝድ ሆስፒታል

ሆስፒታሉ ለበርካታ ዜጎች ታላቅ ግልጋሎት እየሰጠ ያለ በመሆኑ ምስጋና የሚገባው ሆኖ ሳለ፣ በሆስፒታሉ የተከፈተው የፌስቡክ ገፅ ግን ሆስፒታሉንም ሆነ ተገልጋዩን ማህበረሰብ የማይመጥን ሆኖ አግኝተነዋል።

ከስሙ ጀምሮ የሆስፒታሉን ስም በትክክል መፃፍ በማይችል ሰው ገፁ መከፈቱ በጣም አሳፋሪ እና ሆስፒታሉንም ዝቅ ያለ ግምት የሚያሰጥ ነው። የሆስፒታሉን ደረጃ የሚገልፀው ትክክለኛ ስሙ 'ወልድያ አጠቃላይ ስፔሻላይዝድ ሆስፒታል' ሆኖ እያለ ገፁ የተከፈተው Woldia Genral Hospital/ወልዲያ አጠቃላይ ሆስፒታል በሚል ነው። በጣም የሚያሳዝነው በትክክል General ብሎ የማይፅፍ ሰው የዚህን ትልቅ ሆስፒታል የሶሻል ሚዲያ ገፅ እያስተዳደረ መሆኑ ነው።

የከተማችንን ስምስ በገፁ ላይ ወልዲያ፣ በፖስቶቹ ላይ ወልደያ ብሎ መፃፍ ምን የሚሉት ነው?

በየፖስቱ የምናየው ይሄ ሁሉ የቃላት ግድፈትስ ምንድን ነው?

የህዝብ ግንኙነት ስራን ቀለል አድርጎ አይቶ፣ ከሚሰጠው መረጃ ይልቅ በበዛ የቃላት ግድፈቱ አንባቢን የሚያበሳጨው ፖስቶቹ ማህበራዊ ሚዲያ ላይ መልቀቃቸው ሆስፒታሉንም ሆነ ተገልጋዩን ህዝብ አይመጥንም!

የማህበራዊ ሚዲያ ገፅ ማስተዳደር ራሱን የቻለ የቋንቋ፣ የተግባቦት፣ አካባቢን እና ባህልን ማወቅ እንዲሁም የምናስተዳድረውን ገፅ አላማ እና ታሪካዊ ዳራ ጠንቅቆ መረዳትን የሚጠይቅ ትልቅ ሀላፊነት ነው። ትልቅ ተቋምን የሚወክል የማህበራዊ ሚዲያ ገፅ ደስ ያለው ሁሉ የሚያስተዳድረው ተራ ጉዳይ አይደለም!

ይሄን አስተያየታችንን የፌስቡክ ገፃቸው ላይ በኮሜንት በተደጋጋሚ ብንሰጥም ሊስተካከል ባለመቻሉ ወደዚህ አምጥተነዋል።

በአስቸኳይ እንዲስተካከል እንጠይቃለን!
የከተማችን ትልቅ ተቋም በመሆኑ በንቃት እንከታተለዋለን!