Qebena Special Woreda Government Communication Affairs Office

24/09/2026

የቀቤና ብሔረሰብ ባህላዊ የዳኝነት ስርዓት በሃገር አቀፍ ደረጃ ይበልጥ ውጤታማ፣ አካታች እና ወቅቱን የዋጀ እንዲሆን የመመሪያ ማሻሻያ ማድረጉ ፋይዳው የጎላ መሆኑ ተገለጸ።

(ወልቂጤ) መስከረም 14/2019 ዓ.ም
የቀቤና ልዩ ወረዳ አስተዳደር የብሄረሰቡን ባህላዊ የዳኝነት ስርዓት (Ooggati) መመሪያ ለማሻሻል የተጀመረውን ሂደት ቀልጣፋ ለማድረግ ከባለድርሻ አካላት የግብአት ማሰባሰቢያ መድረክ በወልቂጤ ከተማ ተካሄዷል።

የቀቤና ልዩ ወረዳ ዋና አስተዳዳሪ አቶ መሐመድአሚን በደዊ ኦገት ከዚህ በፊት የነበሩ ማነቆዎችን ተቋቁሞ የመጣበት ሂደት አበረታች ነው ያሉ ሲሆን በልዩ ወረዳው ደረጃ ለማህበረሰቡ ፍትህ መስፈን እያደረገ ያለው አስተዋጽኦ ከፍተኛ ነው ሲሉ ገልጸዋል።

በቀጣይም በሀገር አቀፍ ደረጃ ካለው ህገ መንግስት ጋር በማጣጣም ለዜጎች ቀልጣፋና ዘመናዊ የፍትህ አገልግሎት እንዲሰጥ ለማስቻል ምክር ቤቱ አቅም በመፍጠር የራሱን ቢሮ እና የኢኮኖሚ ምንጭ የሚሆኑ አማራጮችን በማመቻቸት የማቋቋም ሥራ መስራት እንደሚገባ ተነስቷል።

የቀቤና ልዩ ወረዳ ብልጽግና ፓርቲ ቅርንጫፍ ጽ/ቤት ኃላፊ እና ዋና የመንግስት ተጠሪ አቶ ካፉ አረቦ ከስር መሰረት ይዘን የመጣነውን ቅርስ ለማስቀጠል አሁን ላይ ያለውን ምቹ ሁኔታ በመጠቀም መስራት እንደሚገባ አመላክተው ኦገትን በኢኮኖሚ የበለጸገ በማድረግ ለህዝቡ ፍትሓዊ ልማት በአረኣያነት መቆም እንደሚገባው ገልጸዋል።

በሀገር አቀፍ ደረጃ እውቅናው ለማሳደግ ብሎም የሚሰጠው አገልግሎት እንዲጠናከር ህግና መመሪያን በመከተል ማስፈጸም እንደሚጠበቅ አሳስበዋል።

የቀቤና ልዩ ወረዳ ፍትህ ጽ/ቤት ኃላፊ አቶ አብድልሀሚድ አስፋው የመመሪያ ማሻሻያው ተግባራዊ ለማድረግ ህገ ደንቡን መነሻ ያደረገ ከኦገት ምክርቤት አባላት ውይይት በማድረግ ለግብአት የሚሆን ሃሳብ መሰብሰቡን ገልጸዋል።

በመድረኩ እንደ ፍትህ ጽህፈት ቤት የተዘጋጀው የስራ አፈጻጸም እና የኦገት የመቅጫ ስርዓት መመሪያ ሰነድ ቀርቦ ውይይት የተደረገበት ሲሆን ከውይይቱ የተገኘው ሃሳብ በግብአትነት በመውሰድ ቀጣይ ለኦገት ምክርቤት ቀርቦ በማጽደቅ ስራ ለይ የሚውል ይሆናል ብለዋል።

በመድረኩ ከትንሽ እስከ ትልቅ የሰው እና የንብረት ያሉ የወንጀል ድርጊቶች ተነስተው ሊወሰድ የሚገባ የእርምጃ አይነቶች ተብራርተዋል።

የኦገት አባላት በሰጡት አስተያየት መመሪያው ላይ የሚደረገው ማሻሻያ ወቅቱን የዋጀ እና የተሻለ አገልግሎት ለመስጠት የሚያስችል በመሆኑ እንደ አጠቃላይ የነበሩ ክፍተቶችን በማረም በቀጣይ ከምሁራኑ ጋር በመናበብ ሊሰራ እንደሚገባ አመላክተዋል።

ይህ የምክክር መድረክ የቀቤና ብሄረሰብን የፍትህ ስርዓት ይበልጥ አጠናክሮ ለማስቀጠል እና ማህበራዊ ሰላምን ለማስፈን ትልቅ ምዕራፍ በመሆኑ ምክር ቤቱ በሚያደረጋቸው እንቅስቃሴዎች በሙሉ ባለድርሻ አካላት የበኩላቸውን ሊወጡ እንደሚገባ ተመላክቷል።

****
በጃፋር ሁሴን
****
#ውጤታማ የመረጃ ልውውጥ ለልማት !
ፈጣንና ትኩስ መረጃዎችን በሌሎች የሚዲያ አማራጮች ይጠቀሙ‼️
👉Facebook https://www.facebook.com/profile.php?id=100072292788562&mibextid=ZbWKwL
👉ቀቤንሲና ቋንቋ ገፅ https://www.facebook.com/share/1K88DQfp6y/
👉Instagram https://www.instagram.com/qebena_sp_woreda_gov_com_affai?igsh=NHRiZjFybHk4dmRn
👉Twitter https://x.com/qebena39136?s=09
👉Telegram channel
https://t.me/Qebena1
👉youtube
htt

23/09/2026

የትምህርት ግብዓት እጥረትን በመቅረፍ የትምህርት ጥራት ለማሻሻል ህብረተሰቡን ያሳተፈ ሥራ እየተሰራ መሆኑን የቀቤና ልዩ ወረዳ ትምህርት ጽህፈት ቤት ገለጸ።

(ወልቂጤ) መስከረም 13/2019 ዓ/ም

የቀቤና ልዩ ወረዳ ትምህርት ጽሕፈት ቤት የትምህርት ጥራትን ለማረጋገጥና ​የትምህርት ግብዓት እጥረትን ለመቅረፍ በህብረተሰቡ ተሳትፎ በርካታ መጻሕፍት ታትመው ለትምህርት ቤቶች እየተሰራጨ እንደሚገኝ ተገልጿል።

የቀቤና ልዩ ወረዳ ትምህርት ጽሕፈት ቤት ኃላፊ አቶ አህመድ ሐሰን እንደገለጹት ክልሉ አዲስ በመሆኑ የተነሳ በተለይ የመጀመሪያ ደረጃ ትምህርት ግብዓት ለማሟላት ከፍተኛ ትኩረት ተሰጥቶ እየተሰራ እንደሚገኝ አስታውቀዋል።

በዚህም 3ኛ አመቱን የያዘው "አንድ መጽሐፍ ለአንድ ተማሪ" በሚል መሪ ቃል የተጀመረው የንቅናቄ ስራ በአጠቃላይ 75% መድረሱን ጠቁመው በ2018 ዓመት ማጠናቀቂያ 11 ሺ 6 መቶ የሚጠጉ መጻሕፍት ታትመው ለስርጭት መብቃታቸውን ነው የገለጹት።

አክለውም ተማሪዎችም መጻሕፍቱ ለታለመው ዓላማና ለተፈለገው ጊዜ አገልግሎት እንዲሰጥ በጥንቃቄ መያዝ እንደሚገባቸው በጥብቅ አሳስበው የትምህርት ጥራትን ለማረጋገጥ በሚደረገው ጥረት ሁሉም የበኩሉን አስተዋጽኦ እንዲያበረክት መልእክት አስተላልፈዋል።

​የልዩ ወረዳው ትምህርት ጽሕፈት ቤት የስርዓተ ትምህርት ቡድን መሪ አቶ ሪባቶ ናሲር በበኩላቸው ማህበረሰቡ ለትምህርት ልማት የሚያደርገው ተሳትፎና ድጋፍ ከጊዜ ወደ ጊዜ እየተሻሻለ እንደሚገኝ ጠቁመዋል።

በተጨማሪም እነዚህ መጻሕፍት ለልዩ ወረዳው 24ቱም የ1ኛና መካከለኛ ደረጃ ትምህርት ቤቶች በሰበሰቡት ሃብት መጠን በፍትሃዊነት እየተሰራጨ ይገኛል ብለዋል።

​በዚህም ወቅት ያገኘናቸው የትምህርት ቤት ርዕሳነ መምህራን ባነሱት አስተያየት ከዚህ በፊት የነበረውን የሃብት አሰባሰብ ስልትና የማህበረሰቡን ግንዛቤ በመቀየርና በሰፊው በማሳተፍ የተሻለ ውጤት መመዝገቡን ገልጸዋል።

በተጨማሪም አሁን ላይ ለክልል ፈተና የሚዘጋጁ ተማሪዎችን ያማከለ የመጽሐፍ አቅርቦት ላይ መሻሻሎች መኖራቸውን አንስተው በተለይም ትምህርት በሚጀመርበት ወቅት ለስርጭት መብቃቱ ለተማሪው የትምህርት ትኩረት መጨመር አስተዋጸኦው የጎላ ነው ብለዋል።

**
በጃፋር ሁሴን
**
*
#ውጤታማ የመረጃ ልውውጥ ለልማት !
ፈጣንና ትኩስ መረጃዎችን በሌሎች የሚዲያ አማራጮች ይጠቀሙ‼️
👉Facebook https://www.facebook.com/profile.php?id=100072292788562&mibextid=ZbWKwL
👉ቀቤንሲና ቋንቋ ገፅ https://www.facebook.com/share/1K88DQfp6y/
👉Instagram https://www.instagram.com/qebena_sp_woreda_gov_com_affai?igsh=NHRiZjFybHk4dmRn
👉Twitter https://x.com/qebena39136?s=09
👉Telegram channel
https://t.me/Qebena1
👉youtube
https://youtube.com/?si=HUMdFvdkFetYmY78
👉tiktok
tiktok.com/
👉website:- https://kebenacommunication.gov.et/

22/09/2026

‎የቀቤና ልዩ ወረዳ የልዑካን ቡድን የሀዲያ ብሔረሰብ የዘመን መለወጫ 'ያሆዴ"' በዓልን ምክንያት በማድረግ በሆሳዕና ከተማ "በሀድይ ነፈራ" በመገኘት በዓሉን በመታደም ላይ ይገኛል።
‎
‎መስከረም 12/2019(ወልቂጤ)
‎የቀቤና ልዩ ወረዳ የልዑካን ቡድን የ2019 የሀዲያ ብሔረሰብ የዘመን መለወጫ 'ያሆዴ"' በዓልን ምክንያት በማድረግ በሆሳዕና ከተማ "በሀድይ ነፈራ" በመገኘት በዓሉን በመታደም ላይ ይገኛል።

ያሆዴ ረጅም ዘመናትን ያስቆጠረ የሀድያ ህዝብ እና የመላው ኢትዮጵያውያን እሴት ነው።
ያሆዴ የአዲስ ዘመን ብስራት፣ የመተባበር፣ የፍቅር እና የአብሮነት በዓል ነው።

በዚህ የአብሮነት በዓል ላይ ወንድም የሆነው የቀቤና ብሄረሰብ ልዑካን ቡድን በበዓሉ ላይ በመታደም እና አብሮነቱን በመግለፅ የእንኳን አደረሳችሁ መልዕቱን አስተላልፏል።

22/09/2026

‎የቀቤና ልዩ ወረዳ የልዑካን ቡድን የከምባታ ብሔር የዘመን መለወጫ 'መሳላ' በዓልን ምክንያት በማድረግ በዱራሜ ሁለገብ ስታዲየም በመገኘት በዓሉን በመታደም ላይ ይገኛሉ።
‎
‎መስከረም 12/2019(ወልቂጤ)
‎
‎በስፍራው የቀቤና ልዩ ወረዳ የሕዝብ ተወካዮች ምክር ቤት ዋና አፈ ጉባኤ የተከበሩ አቶ ፈቱዲን ሙዘሚል፣የልዩ ወረዳው ብልጽግና ፓርቲ ቅርንጫፍ ጽ/ቤት አደረጃጀት ዘርፍ ኃላፊ አቶ አብድረሂም ሙዴና የልዩ ወረዳው የባሕል አምባሳደሮች በስፍራው በመገኘት ታድመዋል።

22/09/2026

21/09/2026

የትምህርት ጥራትን ለማሻሻል እየተደረገ ባለው ርብርብ የቀቤና ልማት ማህበር የበኩሉን አስተዋፅኦ እያበረከተ እንደሚገኝ አስታወቀ።
ልማት ማህበሩ በዛሬው እለት ለሶስት ትምህርትቤት ተማሪዎች የትምህርት ቁሳቁስ ድጋፍ አድርጓል።

(ወልቂጤ) መስከረም 11/2019 ዓ.ም
የቀቤና ልማት ማህበር ሥራ አስኪያጅ አቶ መሐመድ ሀሰን በዛሬው እለት በገርባጃ፣ በጣጤሳ ወሸርቤ እና በሀሰን ኡንጀሞ 1ኛ ደረጃ ትምህርት ቤቶች የአቅም ችግር ላለባቸው ተማሪዎች የትምህርት ቁሳቁስ ድጋፍ መደረጉን ገልፀው፣
ድጋፍ የተደረገላቸው ትምህርት ቤቶችን የልዩ ወረዳ ትምህርት ጽ/ቤት ለይቶ እንደሰጣቸው አስታውቀዋል።

ሥራ አስኪያጁ የትምህርት ጥራትን ለማሻሻል እየተደረገ ባለው ርብርብ የቀቤና ልማት ማህበር የበኩሉን አስተዋፅኦ እያበረከተ መሆኑን ተናግረዋል።

የቀቤንሲና ቋንቋ ትምህርትን ለማሳደግ በተከናወኑ ተግባራት ልማት ማህበሩ ከትምህርት ጽ/ቤት ጋር በመሆን የተለያዩ ድጋፎች ማድረጉን ገልፀዋል።

አቶ መሐመድ ሀሰን ጥራት ያለው ትምህርት በመስጠት በአእምሮ የበለፀገ እና ሀገር ተረካቢ ትውልድ ለማፍራት ከልዩ ወረዳው አስተዳደር ጋር በመሆን ህብረተሰቡን በማስተባበር አዳሪ ትምህርት ቤት ለማስገንባት የመሰረተ ድንጋይ መጣሉን አስታውቀዋል።

አክለውም አዳሪ ትምህርት ቤቱ ተገንብቶ አገልግሎት መስጠት እስኪጀምር ከወንድም ህዝቦች ልማት ማህበራት ጋር በተደረገ የትብብር ስምምነት ፣
በ8ኛ ክፍል የተሻለ ውጤት ያስመዘገቡ ተማሪዎችን በተቀመጠው መስፈርት መሠረት በማወዳደር ከ2018 ጀምሮ በስልጤ ልማት ማህበር ሀይረንዚ እና በሀላባ ልማት ማህበር ቡራቲቾ ልዩ ሁለተኛ ደረጃ አዳሪ ትምህርትቤቶች በስኮላር ሺፕ 4 ተማሪዎችን ማስገባት መቻሉን አስታውቀዋል።

የቀቤና ልማት ማህበር የአስተዳደርና ፋይናንስ ክፍል ኃላፊ አቶ መሐመድ ከድር በበኩላቸው የትምህርት ቁሳቁስ ድጋፍ ባደረጉበት ወቅት፣ የድጋፉ ዋና ዓላማ አንድም ተማሪ በትምህርት ቁሳቁስ እጦት ወይም እጥረት ምክንያት ከትምህርት ገበታ እንዳይቀር ታሳቢ በማድረግ መሆኑን ገልፀዋል።

አክለውም በዛሬው እለት ከቀቤና ልዩ ወረዳ ትምህርት ጽ/ቤት በቀረበ የድጋፍ ጥያቄ መሠረት በገርባጃ፣ በጣጤሳ ወሸርቤ እና በሀሰን ኡንጀሞ አንደኛ ደረጃ ትምህርትቤቶች በመገኘት ለ1መቶ 25 ተማሪዎች የትምህርት ቁሳቁስ ድጋፍ መደረጉን አስታውቀዋል።

ሥራ አስኪያጁ የልማት ማህበሩ ዋንኛ መሠረት ህብረተሰቡ መሆኑን ገልፀው የተጀመሩ የተለያዩ ልማቶች ከግብ እንዲደርሱ የተጀመረው ድጋፍ ተጠናክሮ እንዲቀጥል ጥሪ አስተላልፈዋል።

***********************
በመሐመድኑር ሸሪፍ
****************************
#ውጤታማ የመረጃ ልውውጥ ለልማት !

ፈጣንና ትኩስ መረጃዎችን በሌሎች የሚዲያ አማራጮች ይጠቀሙ‼️

👉Facebook https://www.facebook.com/profile.php?id=100072292788562&mibextid=ZbWKwL
👉ቀቤንሲና ቋንቋ ገፅ https://www.facebook.com/share/1K88DQfp6y/
👉Instagram https://www.instagram.com/qebena_sp_woreda_gov_com_affai?igsh=NHRiZjFybHk4dmRn
👉Twitter https://x.com/qebena39136?s=09
👉Telegram channel
https://t.me/Qebena1
👉youtube
https://youtube.com/?si=HUMdFvdkFetYmY78
👉tiktok
tiktok.com/
👉website:- https://kebenacommunication.gov.et/

21/09/2026

የቀቤና ልዩ ወረዳ ከፍተኛ ፍርድ ቤት የ2019 ጠቋሚ እቅድ ላይ ከባለድርሻ አካላት ጋር ውይይት በማድረግ የግብ ስምምነት ተፈራርሟል።

ወልቂጤ መስከረም 11/2018 ዓ/ም
የቀቤና ልዩ ወረዳ ከፍተኛ ፍርድ ቤት የ2019 ጠቋሚ እቅድ ለባለድርሻ አካላት ቀርቦ ውይይት በማድረግ በወልቂጤ ከተማ የግብ ስምምነት ተፈራርመዋል።

የቀቤና ልዩ ወረዳ ከፍተኛ ፍርድ ቤት ፕሬዝዳንት የተከበሩ አቶ ሙከረም ኑረዲን ዝርዝር ሪፖርቱን ባቀረቡበት ወቅት እንዳሉት የመድረኩ አላማ በ2019 በጀት ዓመት ሊከናወኑ የሚገቡ ዋና ዋና ጉዳዮች በጋራ መገምገም እና አቅጣጫ ማስቀመጥ ነው ብለዋል።

​የ2019 በጀት ዓመት እቅድ ዝግጅት ሂደት ከዚህ ቀደም ከነበሩ ጉዳዮች መጠንና የአፈፃፃም ልምዶችን መነሻ በማድረግ የተዘጋጀ ሲሆን መሻሻልና መጠናከር ያለባቸው ጉዳዮች በዝርዝር በመዳሰስ የህብረተሰቡን ተሳትፎ ማሳደግ እና የባለድርሻ አካላትን አስተያየት ማካተት ላይ ትኩረት ተሰጥቷል።

በውይይት መድረኩ ​​የፍርድ ቤት አገልግሎቶችና ቅሬታዎች አቀራረባቸው ፣ ​የፍርድ ቤት ውሳኔዎች ጥራት፣ቅልጥፍናና ተደራሽነት ከባለጉዳዮች እይታ አንጻር በየጊዜው በመገምገምና በማረም የህብረተሰቡን የፍትህና የዳኝነት አገልግሎት ተጠቃሚነት ማረጋገጥና በቀጣይም የተሻለ ስራ መስራት እንደሚገባ አፅንኦት ተሰጥቷል።

​የህብረተሰቡን ፍላጎት መሰረት ያደረጉ አገልግሎቶችን ማሻሻል፣ የፀረ-ሙስናና ብልሹ አሰራሮችን ትግል ስራዎችን አጠናክሮ በመቀጠል የፍርድ ቤቶቻችን ተዓማኒነትና ተቀባይነትን የበለጠ ማሰደግ እንሚገባ ተመልክቷል።

​በሂደቱ ውስጥ የሰው ሃይል አቅምን ማሟላትና ማጎልበት ፣ ክፍተቶችን መለየት ፣ ​በጀትና ግብዓቶችን በሚገባ በቁጠባ በመጠቀም ተቋማዊ አቅምን በማሳደግ ህብረተሰቡን የበለጠ ተጠቃሚ ማድረግ እንደሚገባ ተገልጿል።

​ከፖሊስ፣ ከፍትህ፣ከሰለምና ፀጥታ እና ከሌሎችም ባለድርሻ አካላት ጋር በጋራ በመስራት የጸጥታና የፍትህ አገልግሎትን ለማሻሻልና የህግ የበላይነትን ለማረጋገጥ አበርክቶው ከፍተኛ በመሆኑ ተጠናክሮ እንደሚቀጥል ተገልጿል።

ከተሳታፊ የተቋሙ አሰራርን ከማዘመን አንጻር ያሉ ጉዳዮች ቢስተካከሉ ፣ አጫጭር ስልጠናዎች ቢሰጡ ፣ የሚቀርቡ ጉዳዮች በየዘርፉ ቢለዩ የሚል አስተያየት ቀርቦ ማብራሪያና ምላሽ ተሰጣቷል።

በመጨረሻም አፈፃፀሞችን በየወሩና በየሩብ ዓመቱ በመገምገም ክፍተቶችን ማረም እንደሚገባ ፣ ​የሴክተሩን ስራዎች ይበልጥ ውጤታማ ለማድረግ የተቀናጀ አሰራር በመዘርጋት እንደሚሰራ አቅጣጫ በማስቀመጥና ፍ/ቤቱን ባለፈው በጀት ዓመት ውጤታማ ስራ እንዲያከናውን በቀጥታም ሆነ በተዘዋዋሪ ድጋፍ ላደረጉ አካላት ምስጋና ቀርቦ፣
በከፍተኛ ፍርድ ቤት ዳኝነት አቶ አብድልሃሚድ ሙሂዲን ፣ ከከ/ፍ/ቤት ሲቪል ሰርቪስ ሰራተኞች ከ1ኛ - 3ኛ ደረጃ ለወጡ
1. አቶ ጅላሉ ሸምሱ
2. ካሚል መሀመድ
3. ገናነሽ አጃኢብ
ከመጀመሪያ ደረጃ ፍ/ቤት ወይኒቱ ደመላሽ
እንዲሁም በስራ ምክንያት ወደ ሌላ ቦታ የተዘዋወሩ (2 ሁለት) የቀድሞ ሰራተኞች አቶ አብድልመናን ነስሩ እና አቶ አሚር ታጁ የአይነትና የእውቅና የምስክር ወረቀት ተበርክቶላቸዋል።

**
በጃፋር ሁሴን
**
*
#ውጤታማ የመረጃ ልውውጥ ለልማት !
ፈጣንና ትኩስ መረጃዎችን በሌሎች የሚዲያ አማራጮች ይጠቀሙ‼️
👉Facebook https://www.facebook.com/profile.php?id=100072292788562&mibextid=ZbWKwL
👉ቀቤንሲና ቋንቋ ገፅ https://www.facebook.com/share/1K88DQfp6y/
👉Instagram https://www.instagram.com/qebe

21/09/2026

የማዕከላዊ ኢትዮጵያ ክልል ርዕሰ መስተዳደር ቢሮ በቀቤና ልዩ ወረዳ ርሙጋ ቀበሌ በክረምት የበጎ ፈቃድ አገልግሎት ለአንዲት አቅመ ደካማ እናት የመኖሪያ ቤት ገንብቶ የቁልፍ ርክክብ አካሂዷል።

መስከረም 11/2019 ዓ.ም
የማዕከላዊ ኢትዮጵያ ክልል ርዕሰ መስተዳደር ቢሮ
" በጎነት ለኢትዮጵያ ከፍታ "በሚል መሪ ቃል በቀቤና ልዩ ወረዳ ርሙጋ ቀበሌ በክረምት የበጎ ፈቃድ አገልግሎት ለአንዲት አቅመ ደካማ እናት የመኖሪያ ቤት ገንብቶ የውስጥ ቁሳቁስ በማሟላት የቁልፍ ርክክብ አካሂዷል።

የማዕከላዊ ኢትዮጵያ ክልል የርዕሰ መስተዳደሩ መሠረተ ልማት ዘርፍ ልዩ አማካሪ አቶ መዘረዲን ሁሴን በቁልፍ ርክክቡ ወቅት ባስተላለፉት መልዕክት በጎነት የሰብዓዊነት መገለጫ ነው ያሉ ሲሆን የክረምት በጎ ፈቃድ ከመደመር መንግስት የመነጨ ሰው ተኮር ተግባራት አንዱ ነው ብለዋል።

በተጨማሪም ከስር መሰረት ይዘን የመጣነውን የመረዳዳት ባህል በተለያዩ አስተሳሰቦችና በፖለቲካ ቁርሾዎች ምክንያት እየተሸረሸረ ለየብቻ እንድንቆም አድርጎ የነበረውን ሂደት በመቀየር ሰው ለሰው የሚረዳዳበት ስርዓት ሊኖር ይገባል የሚል እሳቤ ያለው በመሆኑ አጠናክሮ ማስቀጠል ይገባል ሲሉ ገልጸዋል።

አቶ መዘረዲን ሁሴን እንደ ማእከላዊ ኢትዮጵያ ክልል ባለፉት ተከታታይ ዓመታት ታች ካሉ መወቅሮች ጋር በመነጋገር እና የቤት ችግር ያለባቸው ዜጎችን በመለየት የቤት ባለቤት ማድረግ መቻሉን ገልፀዋል።

በዘንድሮ የክረምት የበጎ ፈቃድ አገልግሎት የማዕከላዊ ኢትዮጵያ ክልል የርዕሰ መስተዳደር ቢሮ በክልሉ ውስጥ በሚገኙ አስሩም መዋቅሮች አስር ቤቶችን ገንብቶ አስመርቆ ቁልፍ እያስረከበ መሆኑን ገልፀዋል።

የቀቤና ልዩ ወረዳ ዋና አስተዳዳሪ የተከበሩ አቶ መሐመድ አሚን በደዊ የማዕከላዊ ኢትዮጵያ ክልል ርዕሰ መስተዳደር ቢሮ ላደረገው የበጎ አድራጎት ተግባር አመስግነው ፣
የበጎ ሥራ ለሀገራዊ ልማት እና እድገት ያለው አስተዋጽኦ ከፍተኛ በመሆኑ ይህንን አጠናክሮ ማስቀጠል ይገባል ብለዋል።

በተጨማሪም የመረዳዳት ባህሉ እየጎለበተ እንዲሄድ ክልሉ እየሰራ የሚገኘው ስራ ከምንጊዜውም የተሻለ ነው ያሉ ሲሆን በልዩ ወረዳው ላደረገው ድጋፍም በህዝቡ ስም አመስግነዋል።

አክለውም የአከባቢው ማህበረሰብ ከአመራሩ ጋር በመቀናጀት የተለያዩ አደረጃጀቶችን በማጠናከርና በህብረት በመስራት የአከባቢውን ሰላምና ልማት ለማረጋገጥ የበኩሉን ሚና ሊወጣ እንደሚገባ አሳስበዋል።
**
በጃፋር ሁሴን
**
*
#ውጤታማ የመረጃ ልውውጥ ለልማት !
ፈጣንና ትኩስ መረጃዎችን በሌሎች የሚዲያ አማራጮች ይጠቀሙ‼️
👉Facebook https://www.facebook.com/profile.php?id=100072292788562&mibextid=ZbWKwL
👉ቀቤንሲና ቋንቋ ገፅ https://www.facebook.com/share/1K88DQfp6y/
👉Instagram https://www.instagram.com/qebena_sp_woreda_gov_com_affai?igsh=NHRiZjFybHk4dmRn
👉Twitter https://x.com/qebena39136?s=09
👉Telegram channel
https://t.me/Qebena1
👉youtube
https://youtube.com/?si=HUMdFvdkFetYmY78
👉tiktok
tiktok.com/
👉website:- https://kebenacommunication.gov.et/

21/09/2026

"በጎነት ለኢትዮጵያ ከፍታ"
የማእከላዊ ኢትዮጵያ ክልል ርዕሰ መስተዳደር ቢሮ
በቀቤና ልዩ ወረዳ ርሙጋ ቀበሌ በክረምት የበጎ ፈቃድ አገልግሎት ለአንዲት አቅመ ደካማ እናት ያስገነባው የመኖሪያ ቤት የቁልፍ ርክክብ እያደረገ ይገኛል።

መስከረም 11/2019 ዓ.ም
" በጎነት ለኢትዮጵያ ከፍታ " በሚል መሪ ቃል እንደ ሀገር፣ ክልል ብሎ በልዩ ወረዳ ደረጃ በከረምት የበጎ ፈቃድ አገልግሎት የተለያዩ የህብረተሰብ ክፍሎችን በንቅናቄ በማሳተፍ በ16 ዘርፎች በርካታ ተግባራት እየተከናወኑ መሆኑ ይታወቃል።

የማእከላዊ ኢትዮጵያ ክልል ርዕሰ መስተዳደር ቢሮም በቀቤና ልዩ ወረዳ ርሙጋ ቀበሌ በክረምት የበጎ ፈቃድ አገልግሎት ለአንዲት አቅመ ደካማ እናት የመኖሪያ ቤት ገንብቶ የውስጥ ቁሳቁስ በማሟላት በዛሬው እለት
የቁልፍ ርክክብ እያደረገ ይገኛል።

የቤት ግንባታው በተጀመረበት እለት ግንባታው ባጠረ ጊዜ ተጠናቆ ቁልፍ እናስረክባለን በማለት ቃል በተገባው መሠረት እነሆ ቃል ተግባር ሆኖ በዛሬው እለት የማእከላዊ ኢትዮጵያ ክልል የርዕሰ መስተዳደሩ መሠረተ ልማት ዘርፍ ልዩ አማካሪ አቶ መዘረዲን ሁሴን
ተገኝተው የቁልፍ ርክክብ እያደረጉ ይገኛል።

ዝርዝር መረጃውን ተከታትለን የምናደርሳችሁ ይሆናል።

20/09/2026

በቀቤና ልዩ ወረዳ ወልቂጤ ከተማ ውስጥ የተገነባው ሀናን የሙስሊም ሬስቶራንት ተመርቆ ለአገልግሎት ክፍት ሆኗል።

(ወልቂጤ) መስከረም 10/2019 ዓ.ም
በቀቤና ልዩ ወረዳ ወልቂጤ ከተማ ውስጥ የተገነባው ሀናን የሙስሊም ሬስቶራንት ተመርቆ ለአገልግሎት ክፍት ሆኗል።

ሬስቶራንቱን መርቀው የከፈቱት የቀቤና ልዩ ወረዳ ዋና አስተዳዳሪ አቶ መሐመድአሚን በደዊ በልዩ ወረዳው የግል ባለሃብቶች በተለያየ የኢንቨስትመንት ዘርፍ መሰመራት አካባቢን ከማነቃቃትና ለኑሮ ምቹ ከማድረግ አንፃር ሚናው የላቀ መሆኑን ገልፀው የልዩ ወረዳው መንግስትም በቀጣይ ትላልቅ ኢንቨስትመንቶች ወደ አካባቢው እንዲመጡ በትኩረት እንደሚሰራ ገልፀዋል።

ዋና አስተዳዳሪው አክለውም እንዲህ ዒይነት አገልግልት ሰጪ ተቋማት ለተገልጋዮች ከሚሰጡት አገልግሎት ባሻገር በልዩ ወረዳው ለሚካሄዱ የልማት ሥራዎች የሚያበረክቱት አስተዋፅኦ ከፍተኛ መሆኑን ገልፀው፣ ለዜጎች የሥራ እድል ከመፍጠር አንፃርም ያላቸው ሚና ከፍተኛ መሆኑን አስገንዝበዋል።

በግል ዘርፍ ተሰማርተው የሚያለሙ ግለሰቦች እና ባለሀብቶች ለአካባቢው ማህበረሰብ የሚሰጡት አገልግሎት ከፍተኛ መሆኑን ገልፀው የልዩ ወረዳው አስተዳደር አስፈላጊውን እገዛ የሚያደርግ መሆኑን አስታውቀዋል።

የሬስቶራንቱ ባለቤት ወጣት ሳላሀዲን ነጂቡ ለተገልጋዮች ጥራቱን የጠበቀ አገልግሎት ለመስጠት መዘጋጀታቸውን ገልፀው በቀጣይ የተገልጋዮችን አስተያየት በመቀበል ቀሪውን ለማሟላት ዝግጁ መሆናቸውን ገልፀዋል።

***********************
በመሐመድኑር ሸሪፍ
****************************
#ውጤታማ የመረጃ ልውውጥ ለልማት !

ፈጣንና ትኩስ መረጃዎችን በሌሎች የሚዲያ አማራጮች ይጠቀሙ‼️

👉Facebook https://www.facebook.com/profile.php?id=100072292788562&mibextid=ZbWKwL
👉ቀቤንሲና ቋንቋ ገፅ https://www.facebook.com/share/1K88DQfp6y/
👉Instagram https://www.instagram.com/qebena_sp_woreda_gov_com_affai?igsh=NHRiZjFybHk4dmRn
👉Twitter https://x.com/qebena39136?s=09
👉Telegram channel
https://t.me/Qebena1
👉youtube
https://youtube.com/?si=HUMdFvdkFetYmY78
👉tiktok
tiktok.com/
👉website:- https://kebenacommunication.gov.et/